يوم جعل حياتي جحيم

♡الحلقه السابعه

# يوم جعل حياتي جحيم

« بقلم حنين الموسوي»

     

مهاا :  لزمت ايده وكتله لا تعوفني اني  حيل خايفه ولالم كتلني رجليه يملخني تمليخ تحركني حيل  ......
شويه بعد ماحسيت بشي فقدت

حيدر : من شفتهة نغمه عليهة صحتلهم اخذوهة للمستوصف مال المركز يعالجوهة لان جنت مصمم لازم اسمع منهة صحت للضابط محمد

الضابط محمد : نعم سيدي ردتني

حيدر : اي محمد تعال فوت اريد احجي وياك اسمعني هاي البنيه الجانت هنا تضل بالمستوصف تعالجوهة لمين اتصير زينه .....  و وقسمآ بالله اذا سمعت واحد لامس شعرايه منهة احرك الدنيا عله راسه وراس الخلفو 

الضابط محمد : حاظر سيدي اوامرك ماشيه

حيدر :  يله راح انزل هسه للبيت اجي وره عشره ايام الگاهة واكفه عله رجليهة وصايره زينه ماشي ..... اني اريد احقق وياهة بعد لحد يحقق وياهة

الضابط محمد :  حاظر سيدي

مهاا :  فزيت شفت حاطيني بغرفه بيهة سديات هواي ومعلكيلي المغذي ورجليه ملفوفات بشاش وراسي ملفوف باوعت لكيت ممرضه يمي سٸلتهة اني وين

اللممرضه : لا تخافين حبيبتي انتي هسه بالمستوصف عالجناج هسه وضعج احسن بس لازم تاكلين عندج فقر دم حاد

مهاا : اذكرت اني جنت يم العقيد بليل وفقدت وعي وهسه الصبح اكيد هوه كاللهم هيج ايسوون لان جنت لو اموت ما ياخذني ويعالجوني

حيدر :  وره ما اخذوهة وصيت الضباط طبعن كلهم حذرتهم محد يدنالهة لمين اجي ..... طلعت بليل متأخر  للبيت گبل وصلت الفجر حيل ضايج عليهة اذكر من كالتلي ليش عفتني انته مو كتلي ما اعوفج نمت كعدت الصبح الوالده تفاجأة بيه

ام حيدر ::: ياااا يمه يا هله بهاذه الصباح اشوكت اجيت يايبعد امك  صباح الخير

حيدر : صباح النور يابعد عافيتي شلونج

ام حيدر :  هسه صرت زينه ييمه بس شبيك حبيبي وضعك ماعجبني

حيدر ::: طبعا والحجيه  مو امي لا صديقتي وبير اسراي كولشي اسولفلهة كوتلهة خل نتريك وبعدين نسولف تريكنه وحجيتلهة شويه عله البنيه الحجية حيل كلبهة طيب بسرعه تبجي عله اقل شي هيه كامت تبجي عفتهة وطلعت رحت سبحت وطلعت يم جماعتي وخلصن العشر ايام هيج بس يوميه اخابر عله المركز واسئلهم عنهة وانو محد ادنالهة كالوو لا صارت زينه احسن وضعهة صار زين

مهاا :: ضليت سبوع بالمستوصف يمي الممرضه تطيني علاج ويجيبولي اكل أكل بس الحراس واكفين باب الغرفه بس عله اقل كتل ماكوو محد يضربني ولا يعذبوني ولا اشوف عسل وجماعتهة شويه ارتاحيت بس بالي كله يم اهلي شصار بيهم ياربي ......... ! 

زهراء : مر عله غياب مهاا اكثر من شهر واحنه وضعنه للاسوء أمي صار عدهة سكر ابويه نايم بالفراش من الجلطه بعد مايگدر يتحرك ضربته جلطه قويه أمير يركض منا ويرد منا بس يجيبنه اللگمه لان من يطلع الوادم تاكل وجهة
ام قصي جانت تجينه رجلهة گام يمنعهة عنه من كد مايسمع حجي الناس علينه المره هم مو بيده بعد ماتطبلنه ابويه من نام بالفراش كامت أمي اداري بس حيل تعب كسره نكسر عله مهاوي وبعد ماعدنه احد يروح يسئل عله مهاوي عود ابو جعفر الرجال كل فتره هم يروح ويرجع نفس الشي محد يخلي يشوفهة ومهاوي الي مانعرف عنهة شي اكبر همنه هاي
والله حياطين البيت تشهد عله الحزن والدموع الصارت بهاذه البيت اني المدرسه عفتهة صرنه بوضع ينبچه عله حالنه عمامي ولا مهتمين كاموو يصيحونه بيت العار المنطقه كلهة تعيرنه با اختي بس اختي شنووو ذنبهة ياربي ............. طبعا صار عله غياب مهاوي شهر ونص

مهاا :  تحسنت وضعيتي بالمستوصف ورجعوني للسجن اول مادخلت اتلكتني غزل

غزل : هااا عيني ولله صايره احوال مدام وبعد محد يدنالج وين هاي الغيبه صارلج عشر ايام

عسل : شنطيتي للعقيد وهيج صرتي مدلله هههههه

سوزان : اي عيني احجي سر المهنه مالتج طلعتي مو خيره ولله عبالنه فقيره طلعتي محد يكدرلج هههههه

مهاا : اسمع حجيهن ودموعي تجري يتهمني بشرفي بس ما اكدر ارد عليهن بعد مابيه حيل انكتل ضليت ساكته وابجي

حيدر : وره ماخلصت اجازتي رحت للدوام ......  دخلت للمكتب عندي كم شغله خلصتنهن وكلت للشرطي يجيبلي المتهمه  مهاااا

مهاا : عفتهن ورحت جعدت ب  فراشي اجن يمي سحلن شالي حيل وتقربن يمي ضليت ارجف

عسل : حبي عوفي البجي كومي خل نتونس سوه هههههه

مهاا : وخري عني عوفيني اريد انام

غزل : تعالي نامي يمنه ليش هيج خايفه عيني لو بس ويانه استشرفتي لعد بس وي العقيد هههههههه 

مها : بصياح كافي عوفني الخاطر الله روحي طالعه شتردن مني ولله مليت وجزعت .....  ركضت وراي سوزان سحلت ثوبي شكت الصدر ماله وخرمشتني بصدري مو لان جرتهة قويه بس الثوب بايد تعبان صارلي شهر ونص لابسته انوبه اجت عسل وي ماتقربت رادت تتقرب عليه
واني اصيح وادفع بيهن ....  احس عله ساعه كلبي راح يوكف من الخوف فجاءة نفتح باب السجن هنه وخرن عني

الشرطيه : شنوو هاذه الصوت (بصياح) ...... يله كلمن ترجع المكانهة مهاا قيس يله انتي وياي تعاي

مهاا : ردت اموت من الخوف يعني راح يرجعون يضربوني ويعذبون بيه سٸلتهة صاحت بية
بس هاي المره اخذوني النفس المكتب الشفت بي العقيد حيدر فرحت كلت بلكت اجه يساعدني ...

حيدر :  جنت كاعد انتضر يجيبوهة دخلوو الشرطه وهيه بيدهم صح متحسنه شويه بس بعدهة اثار الضرب والورم والزراك البوجهة بعده بس عيونهة حمر مبين جانت تبجي وتلهث من الخوف

مها : من دخلت وشفت العقيد حيدر امنت واحس كلبي ارتاح ما اعرف ليش حسيت براحه شويه

حيدر :  باوعتلهة و اشرتلهة تكعد عله الكرسي المقابيلي والشرطه كتلهم اطلعوو

مهاا : جعدت واني كلبي يدك سريع يريد يوكف من الخوف ......  واذكر شلون لازماتني .....

حيدر : بشري شلون صرتي هسه

...  الحمد لله زينه سيدي

....  اسمج مهاا موو ؟

....  اي سيدي مهاا

..... اي مهاا سولفيلي عن كلشي باعي بابه اريدج تثقين بيه وتسولفيلي الحقيقه ماشي لان اذا حجيتي الصدوك راح اساعدج.......... ماشي باباتي !

.....  سيدي ولله مامسويه شي ولله ما اعرف شجاب المخدرات الجنطتي قسمآ بالله وداعت امي و ابوي مامسويه شي وداعت الحسين اني بريئه وكلشي ما اعرف،،

.... شوفي مهاا تذكرين من كتلج اهناا بالسجن عدنه الحلف ماينمشه بي الباب المركز .... بس من تحجين الصدوك راح اساعدج سولفيلي كولشي من البدايه

..... سيدي راح اسولفلك كلشي. بس خاف هم ماتصدك بيه مثلهم
وكمت ابچي

..... باعي مهاا عوفي البچي ...    ثقي بالله البچي مايفيدج سوالفيلي وذا حاولتي تقنعيني اصدكج واوكف وياج ... !

.....  سيدي اني واختي عمرنه وحياتنه ماطلعين المكان غير بس لامام علي وكل سنتين اكثر حته للسوك أمي تروح تشترينه ثوب أبويه حالته حيل تعبانه يادوب مطلعين لكمت العيشه بس رغم هاذه....  ربانه احسن تربيه وعلمنه مانمد ايدنه عله الحرام والشغلات الموزينه ابد بس قبل فتره جارتنه سجلت بحمله اخوهة لم  النسوان المنطقه
وأمي حاجت أبويه وسجلنه وياهم حته كروه ماعدنه أمي لامتهن بالدخل واجينه البغداد....  اني اول مره بحياتي اجي البغداد جنت اسمع بيهة بس ماشايفتهة ومن وصلت الغرفه التفتيش طلعن باكيت الكلنس اني شفته تفاجاءت بي بس كلت خاف أمي لو اختي حاطته بعدين فتحنه ولكن بي هاي الماده الي انتم تسمونهة كرستال ولله ياسيدي من كالت كرستال عبالي تحجي عله عقد مال كرستال اني كلت حته اني ماعندي عقد كرستال .....  بعدين اني خفت گلت خاف يكللي بايكته ونوبه جرني وكامن يصيحن وصار الباقي گدامك

حيدر : زين باعي بابه فرضن صدكتج يعني معقوله انتي لهدرجه يعني غبيه ماتدرين منو فاتح جنطتج وخال الباكيت الكلنس بيه

.....  سيدي ولله ما اعرف  وحك الحسين  ما اعرف منين اجاني .... كمت احجي والدموع تجري والخوف كاتلني واتنخه بالائمه كون يصدكني لان هوه حلي الوحيد الي يكدر يساعدني

....  زين متأكده كل هاذه الي صار بعد ماصار شي ما لتقيتي با احد كعدتي يم احد قبل ماتدخلين التفتيش

.... لا سيدي ولله ما اذكر شي سيدي ابوس ايدك طلعني مناا راح اموت ولله راح اموت هاااا  ساعدني حباااااااب

....  ماشي كافي هسه اهدي يصير خير ..... نقهرت عليهة كامت تبجي وتضرب عله راسهة واتصيح ولله راح اموت هناا ماكدرت اعوفهة   وهيه امبينه بريٸه من حجيهة ومستحيل كل هاذه الدك والتعذيب لو مسويه شي چا عترفت لان هيه مره احنه عدنه المره بالسجن من اول راجدي تعترف
گتلهة

.... مهاا اسمعيني دا احجي وياج ارفعي راسج

.....  جنت مدنكه راسي وابجي حاجاني رفعت راسي نعم سيدي

....  شوفي اني راح اساعدج وصدكج بس قسمآ بالله اذا عرفت حجايه وحده ماكايلتهة الي واعرفه اعتبريني لا اعرفج ولا شايفج واسحب ايدي وارجعج الهم بين اديهم ايعذبون بيج لمين تعترفين

مهاا :: اي سيدي ولله مامچذبه عليك بشي

(((( الكاتبه ؛: طبعا اهناا مهاا  نست المره الي التقت وياهة ونطتهة كل معلوماتهة وماكالت للعقيد )))))

حيدر : ماشي هسه مو كولنه كافي بواجي يله اشربي ماي .....كمت من مكاني وسحلت الكرسي وقربته عليهة لزمت ايدهة هيه كامت ترجف گتلهة .....  بعد محتاجه شي لا تخافين اني راح اساعدج ماشي

مهاا : جنت جاعده وابجي تقرب عليه ولزم ايدي كمت ارجف كالي محتاجه شي گتله
.....   اي سيدي حبااااااب
خلصني من هاذه السجن الجاعده بي ابوس ايدك طلعني من يم هذني البنات 

..... ليش شبيهن وياج يأذنج ايضربنج
...... سيدي ما يضربني بس

..... بس شنوو ؟

..... ما اعرف اشلون اجتني الجرئه وكتله هاي الحجايه بس جنت بوقتهة حيل خايفه منهن لان توعدلي بس ارجع يسولي شي مو زين گتله
..... سيدي حباب طلعني من يمهن لان يسون شغلات مو زينه واني اخاف

حيدر : اني اعرفهن هنه شيسون السجينات بالسجن ادري بيهن ساقط ٠٠ كلهن مارات علية بس تعمدت سٸلتهة كتلهة شنوو ضارباتج صدوك ضحكتني ذبت هاي الحجايه وغمضت عيونهة وترجف ادكول يسون شغلات مو زينه

مهاا :  كوه حجيتهة ميته من الخوف والمستحه بس انجبرت احجي حته بلكت يحطني بمكان مو يمهن بس هوه بعده لازم ايدي واني ارجف

حيدر : يعني يسون شغلات مو زينه موو « وغمزتله»

مهاا :: حجاهة وغمز وابتسم اني معت سحت من المستحه گتله واني ارجف .....  اي سيدي

حيدر :  شرطي

شرطي :: نعم سيدي

حيدر :: اخذ السجينه مهاا وخلوهة بسجن نفرادي  ٠٠٠٠٠٠٠٠٠ نهااااايه باااااارت

متابعه ممتعه ♡

💔 هـلي الضـيم العـلي مو كـد مـواليدي 🥀💔