سها بصدمه : مازن انت بتعمل ايه هنا؟
مازن بهدوء: لا ابدا كنت بوصل الاموره
تميم بغضب مكتوم: و انت تعرف الاموره منين بقي؟
مازن لسه هيرد بس تيا منعته و قالت بتوتر: لا منعرفش بعض دا كان في شباب هيعكسوني بس هو اتصرف يعني و كدا
تميم بغضب منها: و انت فين عربيتك يا تيا هانم؟
تيا بتوتر: اصلها عطلت...ابوه بظبط عطلت
مازن بيحاول يكتم ضحكه و عدي قال: طب لو عطلت عرفتي مازن منين.؟
تيا باندفاع: اقسمبالله ما اعرفه كل الي حصل ان عربيتي عطلت نزلت اوقف تاكسي شويه شباب عكسوني و هو كان ماشي بعربيته نزل ضربهم و عرض عليا يوصلني بس انا موافقتش والله بس الحته الي كنت فيها مقطوعه و يا عالم بقي كان ممكن بجرالي ايه...
يارا: خلاص يا تميم...خلاص يا تميم هي عملت ايه اكل دا يعني؟
تميم بغضب مكتوم: طب شكرا يا استاذ مازن تقدر تمشي
مازن باحراج: العفو
مازن بص لسها و قال: مبسوط اني شفتك يا سها...
اسر بسماجه: و انا كمان مبسوط اني شفتك
سها: احم...انا كمان مبسوطه اني شفتك يا مازن
اسر: مش ندخل الجو برد اوي هنا
سها: ادخلوا انتو انا عايزه مازن في كلمتين هنا......
اسر بغضب مكتوم: عايزه ايه بقي ان شاء الله؟
سها: معلش يا اسر عايزه اقولوا حاجه
دخل الكل جوا و اسر كان متنرفز جدا
سها: مازن انا عايزه اقولك حاجه
مازن بهدوء: اتفضلي
سها: انا و اسر اتصالحنا خلاص
مازن بهدوء عكس الغضب الي جواه: انا مبسوط عشان شايفك مبسوطه يا سها اتمنالك حياه سعيده
سها بفرحه: شكرا يا مازن انت احسن اخ في الدنيا دي بجد والله
مازن بابتسامه: و انتي احسن اخت يا حبيبه قلبي
مازن كام هيمشي بس افتكر تيا و رجع لسها. قال: صحيح كنت عايزه اسئلك علي حاجه كدا؟
سها بمرح: اسئل احنا عندنا كام مازن يعني
مازن بضحك: بكاشة....المهم تيا تبقي مين؟
سها: مش فاهمه السؤال؟
مازن بجديه: يعني ايه الي مخليها كدا...عصبيه ، و بتخاف من اخواتها اوي
سها بتنهيدة: تيا بنسبه ليها حياتها صعبه اوي
مازن باستغراب: حياه مين الي صعبه.....دي ركبه عربيه بملايين
سها: يبان كدا يا مازن بس هي بتعاني هنا
مازن بغضب: هو في حد بيمد ايده عليها؟
سها: مش لازم المعاناه ابقي جسديه ممكن تبقي نفسيه..
مازن بعدم فهم: ازاي؟
سها: يعني اهلها بيعملوها اكنها طفله عندها ٥ سنين مش بنوته كبيره عندها ٢٠ سنه.....الخروج بحساب و الدخول بحساب كل حاجه متاحه في البيت خارج البيت كل حاجه بحساب انها تتاخر بعد الساعه ٩ دا مش مسموح بيه اصلا جامعتها دي الحاجه الوحيدة الي بتفرحها عشان بتحس فيها بالحريه و النادي مش اوي لان بتروحه بالحراسه.....عادتا مش بتسوق عندها سواق خاص بس عكسه كانت بايته عند صاحبتها امبارح فراحت بعربيتها و بس يا سيدي دي حياه تيا
مازن بدهشه: غريبه والله
سها: ليه بقي غريبه؟
مازن: انهم ناس اغنيه و بيتعاملوا بالتقاليد كدا...غريبه
اسر قاطعهم: احم....سها حبيتي عايزين نتمشي شويه
مازن حب يضايقه: لا مش هينفع تتمشوا ابدا...
اسر بغيظ: ليه بقي يا حمايا
مازن: انت بتقول فيها..انا اعتبر المسؤل عن سها و تعاملني كدا فعلا
اسر: سها بنت خالتي و خطبتي و كلها شهر و تبقي مراتي
سها بتوتر: خلاص يا مازن خلاص يا اسر اهدوا
مازن همس ليها: دا خارج الخطه جدعنه مني....سلام
ابتسمت سها و مازن ركب عربيته و ماشي علي شقته
اسر بغضب: هو قالك ايه عشان البسمه من الودن دي للودن ديه؟
سها: بتغير يا اسوره يا حبيبي
اسر: متغيريش الزفت الموضوع
سها: طب بتغير؟!
اسر: يووووه...ايوه يا سها بتزفت مبسوطه؟!
سها بفرحه و لمعه في عنيها: الله يا اسر كان نفسي تسمعها من زمان اوي
اسر بحزن: هو انا كنت وحش اوي كدا
سها: بصراحه كنت منشف ريقي
اسر: سها حبيبتي انا عايز اقولك علي حاجه
سها بمرح : استر يا رب
اسر بتنهيدة: سها...انا كنت اعرف قبلك واحده...كان زملتي في الكليه و انت كنت مشدود ليها و كنت ناوي اخطبها بس اتصدمت لما عرفت انها بتقول مني عشان الفلوس و اسم عيلتي و انا اجبرت اخطبك كنت حاسس اني زي العيل الصغير الي بوظ حاجه فابوه بيعاقبه بحاجه تانيه
سها بابتسامة حطيت اديها علي قلبه: ما دام دا بينبض عشاني اعرف ان مفيش حاجه تفرق معايا غيره
اسر ابتسم : هو انا كنت مغفل للدرجه دي عشان تبقي بتحبيني كدا و انا مش حاسس
سها بمرح: انت لسه قايل ايه مغفلللللل..
اسر بابتسامة: طب بتحبيني من امتي؟
سها: ياااااااه من زمان اوي
اسر: من امتي
سها: من ايام الورده الحمرا الي دفناها هنا تحت الشجره الي في الجنينه
فلاش بالاااااااك
***********
اخت سلمي جت تزورهم و كان معاها سها
سهير اخت سلمي: اخرجي يا سها العبي في الجنينه
سلمي: اه يا سمسم يا حبيب خالتو روحي العبي مع العيال في الجنينه
سها: طيب
______________
خرجت سها كان عندها ١٠ سنين و اسر بس الي كان في الجنينه اسر كان عنده ١٣ سنه
سها : اسر انت قاعد لوحدك ليه؟
اسر بتكبر: و انا لما احكي هحكي لطفله زيك؟
سها بغضب طفولي: لا مش طفله انا عندي ١٠ سنين يعني كبيره
اسر بسخريه: ياااااه عشر سنين بحالهم...
سها بتفكير: طب اقولك
اسر غضب: سها انا مش فاضي نتكلم بعدين
سها: طيب انت الي طفل علي العموم
اسر بغضب اكبر: مين دا الي طفل يا بت انت؟
سها: انت...لان الاطفال بينسوا بسرعه و انا ارهنك انك ممكن تنسي اي حاجه اقولهالك
اسر بسخريه: طب قولي سرك الخطير عشان بكرا اقولهلك كأنك قايله من ثانيه بس
سها بخبث: لا ماهو مش سر حاجه اكبر
اسر: سها اخلصي انا مش فاضي
سها طلعت ورده حمرا من جيب الجيب بتاعتها: دي السر
اسر بسخريه و تكبر: والله طفله
سها: طب اسمع....احنا نندفن الورده دي و نستني شهر و الي يفتكر الاول هو الي كبير
اسر بضحك: ما هو تفكيرك دا تفكير اطفال يا حبيبتي
سها بغضب سابت الورده: خلاص احسن انا طفله يا سيدي
اسر: خلاص متزعليش تعالي نحفر اخت الشجره دي
سها بفرحه: يلا
بعد وقت كتير دخل الكل و اسر و سها دخلوا في الاخر
سلمي: يا نهاركم اسود ايه الي حصل في الهدوم دا؟
اسر: مفيش يا ماما
سها: مفيش حاجه يا خالتى كنا بنلعب
سلمي بغضب: اتفضلوا اطلعوا اغسلوا اديكوا و وشكوا و نتكلم بعد الغدا
بااااااااااك
______
سها بضحك:ههههههههههههههههههههه
اسر: ياااااااااه من زمان كدا
سها: اه يا سي اسر شفت
اسر بخبث: طب ما تيجي نحفر و نشوف فين الورده دي
سها: طب تعالي يلا
_______________________________________
في اوضه عدي و ساره
________________
عدي: اووووووووووووف ايه يا ساره الفرك دا في السرير زهقت
ساره بطفوله: مش عارفه انام الله
عدي بسخريه: طب الاميره ديانا تحب اقوم احكلها حدوته قبل النوم عشان تنام و تسيب امي في حالها..
ساره بغضب: خلاص يا عدي نام
عدي: اهدي بقي عشان ورايا بكرا شغل كتير.....ربنا يهدك يا تميم
ساره قامت فتحت التليفزيون
عدي: نعم يا روح امك...انا قولت عايز انام مش عايز اقل ادبي
ساره: احترم نفسك يا قليل الادب انت
عدي بمكر: والله انا محترم نفسي علي الاخر بس انتي الي ممكن تخليني اتهور عليكي
ساره بتوترو تفكير: طب اقولك علي فكرا
عدي: نعم؟؟
ساره: ايه رئيك نتعرف علي بعض اكتر
عدي: ساره حبيبتي انتي مصممه تعصبيني يعني...مش قولت ورايا بكرا شغل بدري و دعيت علي تميم قدام عينك ولا انتي عميه
ساره باصرار: عشان خطري يا ديدو
عدي: ديدو...مين ديدو دا يا بت؟
ساره بضحك: انت يا ديدو
عدي: استغفر الله العظيم تعالي يا ساره ننام دلوقتي او والله العظيم هتهور
ساره بتوتر: خلاص ننام يلا انا اصلا عايزه انام
عدي بابتسامة انتصار: ناس متجيش غير بالعين الحمرا
____________________________________________
يارا: ههههههههههههههههه والله هموت من الضحك
تميم بضحك: بس يا ستي تحبي اقولك نكته تانيه؟
يارا: لا احكيلي عنك انت و مراتك..
تميم بحزن: اقولك ايه يعني ما انا حكتلك ازاي عرفنا بعض...
يارا: لا مش قصدي يعني كنت بتعمل ايه عشان تسعدها.....كان ايه اكتر حاجه تضايقها....عمرك زعلتها...كدا يعني
تميم: يااااااااه فتحتي جرح بحاول اقفله بقالي سنين يا يارا
يارا قربت منه: ليه انا قولت ايه؟
تميم استغرب من قربها منه و قرب هو كمان و هي جت تبعد بس هو مسكها
تميم: بتبعدي ليه؟
يارا بتوتر: لا مفيش...اصلي هقوم انام...
تميم بضحك: انت مش لسه قايله مش هنام دلوقتي
يارا بصدمه: انا؟
تميم: اه امال انا؟
يارا: يووووه...خلاص هنام
تميم: عايزه تسمعي ايه؟
يارا بحزن بتحاول تداريه : يعني كنت بتحبها اوي كدا؟
تميم فرح انها حسه بغيره عشان كدا بتسأل كتير بس هو مش هيقدر يفتح قلبه تاني خايف يجرحها و حاسس ان دي خيانه لمراته الاولي
تميم بجمود خفيف: و بتسألي ليه؟
يارا: عشان نتعرف علي بعض اكتر
تميم لقي ان دي الفرصه انه يمحي حبه من قلبها و قال: دي كانت حياتي كلها عمري ما الاقي واحده زيها ابدا في جنانها....في ضحكتها....في شقاوتها.....انا مش ناسيها ابدا كل يوم بروح ازورها و بكلمها كتير و عارف انها حاسه بيا انا عمري ما حبيت قبلها و لا هحب بعدها
يارا بدموع بتحاول تخفيها: يعني عمر ما واحده خطفتك بعدها ابدا؟
تميم بحزن عليا و بتصنع الجمود: عمر ما واحده تقدر تشيل حبها من قلبي وتحط مكانه حبها هي دا فوق المستحيل
يارا بحزن: ربنا يرحمها
تميم: عايزه تعرفي ايه تاني؟
يارا: الي عرفته يكفيني
تميم بحزن عليها: في حاجه مزعلاكي
يارا: يلا ننام
يارا كانت رايحه السرير بس رجعت و قعدت جنبه علي الكنبه و قالت: فاكر لما قولتلك قلبك لا هيبقي ملكي في يوم
تميم بهدوء: فاكر
يارا بدموع: انا برجع في كلامي....قلبك دا ملكها هي و عمره ما هيبقي ملك حد تاني
تميم قرب منها و قال: قصدك ايه؟
يارا: تصبح علي خير يا تميم
يارا و تميم نامو بس هي كانت بتفكر في ان يوسف محبهاش و حب فدوي و انه لما قرب منها مبقتش حاسه ان دا الحب دا كان مجرد احتياج خايفه يكون دا بردو احساسها تجاه تميم بس بعد الي سمعته منه حست بغيره مش طبيعيه بوجع في قلبها تحديدا فعرفت الفرق بين الحب و الاحتياج
انا عند تميم فمكنش عارف ينام سكوتها مجننه تحملها للحزن عصبه من نفسه بس كان بيصبر نفسه انه مش عايزها تتأدي او تكون نقطه ضعفه كان حاسس بحاجه مش طبيعي نحيتها كان مش عارف يحدد دا حب ولا اعجاب ولا ايه بس كان متاكد انه بيحب يقضي وقته معاها و يشوفها بس فضل مصمم علي انه كدا بيعمل الصح
______________________________________
اودام قصر سليمان
———————-
احمد: اهو وصلنا اخيرا
جميله بمرح: مالك يا ابو حميد مزعل نفسك ليه؟
احمد: بتهزري صح؟
جميله بجديه: لا والله ما بهزر
احمد: يعني بقالنا ساعه بنلف عشان نجيب نوع شوكلاته معين لسمو البرنسيسة و تقولي مش عارفه
جميله: طب اهدي علي نفسك يا شبح ماشي
احمد: انزلي يا بت انزلي
جميله برقه: قبل ما انزل عايزه اسئلك علي حاجه؟
احمد: استر يالي بتستر
جميله: رخم مش هسئلك...
احمد: انجزي او مروحتش تميم هيدمر حياتي دا مبيتفهمش
جميله بكسوف : طب ايه رائيك في الاغنيه؟
أحمد باستعباط: انهي اغنيه؟
جميله بدموع: لدرجه دي انا مش فارقه معاك...لدرجه انك مش عارف انهي اغنيه
احمد: بس بس اهدي بهزر...عجبتني جدا بس اشمعني الاغنيه دي يعني
جميله بابتسامة و بكسوف: مش عارفه
احمد بكمر: تحبي اقولك انا..
جميله بضحكه غصب عنها: مش عايزه شكرا انا هنزل بقي و كلمني لما ترجع
احمد بفرحه: و اكلمك ليه؟
جميله بتوتر: اصل..اصل..اصلي عايزه اغيظ عبدالرحمن
احمد بضحكه غصب عنه: حاضر يا ستي
جميله بغضب: بتتضحك علي ايه؟
احمد بيحاول يوقف ضحك: ولا حاجه تصبحي علي خير
جميله رزعت باب العربيه و قالت من الشباك: منغير وانت من اهله سلام
مشيت جميله و احمد اتنهد و قال: عملتي فيا ايه يا جميله الجميلات من يوم ما شوفتك وانا مش علي بعضي عمري ما قبلت حد عمل فيا كدا...عمري ما قبلت واحده حركت قلبي كدا
وبعدين ضحك بشده و قال وسط ضحكه: قال عبدالرحمن قال عبيط انا!!
و مشي بالعربيه وسط فرحته طول الطريق
___________________________________
طلعت جميله علي السلم بتندندن اغنيه "حبه جنه"
سليمان قابلها علي السلم: الجميل مبسوط في ايه اوي كدا؟
جميله بفرحه: بعدين يا جدو هقولك
سليمان: طيب سلميلي علي الي مفرحك كدا
و قال بمكر: ليكون الواد عبدالرحمن
جميله باندفاع: لا عبدالرحمن مين و الناس نايمين دا ابو حميد
سليمان بضحك: مين بقي ابو حميد دا
جميله بمرح: خطشيبي
سليمان بضحك: ربنا يسعدك يا حبيبه جدك
جميله باستغراب: صحيح يا جدو في عبدالرحمن
سليمان: سافر امريكا من كام ساعه كدا...بتسألي ليه؟
جميله بلا مبالاة: ابدا قال انه هيظهر معانا و انا اتفجئت لما مالقتوش بس
سليمان: سافر...سافر يلا تصبحي علي خير انا هطلع انام
جميله: و انت من اهله
جميله طلعت اوضتها كانت في منتها السعاده : ليه لما جدو قال ابو حميد حسيت ان قلبي هيرقص من الفرحه و ايه لمًا قال عبدالرحمن الي كنت بتمني اسمع عنه كلمه محستش بحاجه معقوله اكون بحبك يا احمد....استحاله لا استحالة ليه اكيد هو كمان بيحبني....يوووووه مش مهم المهم بكرا او هننزل هنتكلم في ايه بعد ما بقيت بحبه.....لا مش هفكر انا هنام
_______________________________________
في هذا الوقت في امريكا كان اشرف و عبدالرحمن قاعدين في ملهي ليلي
عبدالرحمن: اهو حكتلك اعمل ايه؟
اشرف يلا مبالاة: ولا حاجه كبر دماغك و قول انك فسخت
عبدالرحمن بغضب: بطل برودك دا يا بارد انت
اشرف: يعني اقوم انقيلك واحده تروح تكتب عليها دلوقتي و تقول لجدك اهو انجوزت عشان يعجب ولا ايه؟
عبدالرحمن: انت بتقول فيها يا بارد انت انا اه هاخد واحده و ارجع بيها مصر بس لازم تبقي مستوي، لازم تبقي جميله، لازم تقبل انها تمثل دور خطيبتي مش مراتي يا متخلف عقليا انت
اشرف: طب يا سي رشدي اباظه انا قايم الحمام و راجع
عبدالرحمن : يا عم غور
و فجاه الموسيقي اختفت و الفرقه الي كانت علي المسرح نزلت و طلعت بنت شعرها بني قصير عشان تغني دا مخلاش عبدالرحمن يركز اوي بس انصدم لمًا سمعها
غنت البنت (حلوه يا بلدي)
كلمة حلوة وكلمتين
حلوة يا بلدي
غنوة حلوة وغنوتين
حلوة يا بلدي املي
دايما كان يا بلدي
اني ارجعلك يا بلدي
و افضل دايما جنبك على طول
وذكريات كل اللى فات
فاكرة يا بلدي
قلبي مليان بحكايات
فاكرة يا بلدي
اول حب كان فى بلدي
مش ممكن انساه يا بلدي
فين ايام زمان قبل الوداع
كنا بنقول اني الفراق ده مستحيل
وكل دمعة على الخدين كانت بتسيل
مليانة بأمل أن احنا نبقى موجودين
فى بحر الحب على الشطين
كلمة حلوة وكلمتين حلوة يا بلدي
غنوة حلوة وغنوتين حلوة يا بلدي
فين حبيب القلب يا بلدي
كان بعيد عني يا بلدي و كل ما بغني بفكر فيه
قول يا حبيبي انت سايبني ورايح فين
أجمل لحن ده هنغني احنا الاتنين
يا ما احلى كلمة بلدي فى غنوة بين سطرين
يا ليل يا عين يا عين يا ليل
يا ليلي يا ليلي ليلي
كلمة حلوة وكلمتين حلوة يا بلدي
غنوة حلوة وغنوتين قمر يا بلدي
املي دايما كان يا بلدي
اني ارجعلك يا بلدي
و افضل دايما جنبك على طول
قمر يا بلدي حلوة يا بلدي
****************
انصدم عبدالرحمن انها عربيه و بعد ما هي خلصت غنا نزلت و قعدت علي البار تدمع و عبدالرحمن كانت عيونه عليها لحد ما اشرف رجع
اشرف: يا عبدالرحمن بكلمك
عبدالرحمن: ايه يا زفت
اشرف بخبث: غنيم علي مين يا شقي
عبدالرحمن شاور علي البنت: تعرفها
أشرف: و مين ميعرفش نانسي
عبدالرحمن بهمس: نانسي!
اشرف: نانسي دي كل يوم تيجي هنا تغني حلوه يا بلدي و تقعد تعيط و تمشي
عبدالرحمن : و بتعيط ليه؟
اشرف: عشان هي هربانه من مصر و مستحيل ترجعها
عبدالرحمن بدهشه: هربانه ليه؟
اشرف: ابدا هي كانت عايشه هي و امها بعد ما ابوها اتكل في القاهره و بعدين واحد من الرجاله الكبيره الي بتخرف دي عايز يتجوزها بالعافيه شافها في الجامعه اعجب بيها مصمم يتجوزها رفضت قتلوا امها و مصمم يتجوزها فهربت علي هنا و هو لحد انهردا قالب عليها الدنيا في القاهره
عبدالرحمن: و انت عرفت دا كله منين؟
اشرف: ابدا جينا انا و مراتي كام هنا كل مره نلاقيها ف في مره مراتي راحت سألتها و هي حكتلها بس
عبدالرحمن: طب هقوم انا
اشرف: بلاش دي مش زي غيرها....و بعدين في الغربه و احنا ولاد بلد..
عبدالرحمن بغضب: انت مجنون يا بني انت وسع ايدك
عبدالرحمن راح لنانسي الي قاعده بتدمع في سكات و هو قرب هي مسحت دموعها و قالت: ابتدينا رخامه
:ماذا تريد ايها الاحمق!!
أبتسم عبدالرحمن: يعني جزاتي اني جاي اشوف القمر بيعيط ليه؟
نانسي بهدوء: انت مصري؟
أبتسم عبدالرحمن: ايوه ممكن اقعد
نانسي: طبعا اتفضل
عبدالرحمن: الجميل بيعيط ليه
نانسي: لا ابدا
عبدالرحمن: احكيلي و لو في مقدرتي هساعدك
نانسي: مشكلتي مفيش ليها حل غير من عند ربنا
عبدالرحمن: طب احكيلي بس
نانسي حكت كل حاجه
عبدالرحمن: انا عندي حل
نانسي: ايه هو بقي...بقولك او رجعت البلد هتقتل
عبدالرحمن: بس لو مخطوبه محدش يقدر يقرب منك
نانسي: مش فاهمه..
عبدالرحمن بابتسامة: انا ممكن اخطبك و ارجعك مصر و كمان اديكي المبلغ المطلوب
نانسي بصدمه: نعم؟
عبدالرحمن : مالك مستغربه ليه؟
نانسي بغضب: انت مجنون يا بني اخد منك فلوس ايه انا و بعدين انا مش منهم يا استاذ يا متربي انا فعلا الي غلطانه اني اصلا حكتلك حاجه
عبدالرحمن: بااااااااااس بكبورت فتحريف وشي خلاص نتجوز او تحبي
نانسي بغضب: يا اوي بقي عرفي
عبدالرحمن: يا ستي هو انتي دماغك شمال ليه كدا لا رسمي و في اي مسجد هنا
نانسي بصدمه: ليه بتعمل كدا؟
عبدالرحمن باستغراب: بعمل ايه؟
نانسي: انا مش غبيه بتعمل كدا ليه شكلك محترم و بعدين اشمعني انا في هنا احلي مني كتير يبقي ايه عايز تتجوزني
عبدالرحمن: بتتنكي علي ايه ياما فوقي....دا انتي المفروض متصدقيش نفسك من الفرحه
نانسي بكبرياء: طلبك مرفوض
عبدالرحمن بيحاول يكتم غضبه: خلاص يا ستي انا اسف
نانسي: مش عقول ايه ردي غير لما اعرف ليه؟
عبدالرحمن بتفكير: عشان.......