"Sid, tara na. Kailangan ko nang umalis."
Nag-angat si Sid nang paningin mula sa binabasang magazine. Muntik na siyang masamid sa laway na bigla niyang nalunok nang makita si Gabby.
Suot ni Gabby ang isang halter type at kulay pulang mini-dress. Mababa ang neckline niyon at konting yuko lang nito ay makikita na ang hindi dapat makita. Maikli rin ang damit subalit hindi naman mahalay tingnan. Aninag na ang magandang kurba ng katawan ni Gabby na malimit ay natatakpan ng slacks at blusa. Nakaayos din ang buhok nito na malimit nakalugay sa opisina. Kagagaling din lang nila sa salon kaya maganda ang make-up ni Gabby. Add Gabby's confidence, and she sure looked like the most gorgeous woman inside the room.
Lahat ng mga tao sa loob ng boutique ay napatingin dito. Ang mga lalaking may mga kasama ring mga babae ay napasipol dito. Kahit siya ay pinagpapawisan nang makita ito ng mga sandaling iyon. Something stirred inside his pants.
Shit! Don't ever think of going there, saway niya sa isip.
Nameywang pa si Gabby sa harap niya.
"Bakit ka napapatulala diyan? Kung ayaw mong kumilos, iiwan na kita," mataray na sabi nito.
Doon siya napakurap. "Iyan ang isusuot mo sa date mo?"
Kunot-noong tiningnan siya nito. Mukhang kahit ito ay nagtataka na rin sa kanya. "Pwede ba, Sid? Wala akong panahong makipaghuntahan sa'yo."
Akmang tatalikuran siya nito kaya mahigpit niyang hinawakan ang braso nito bago pa niya napigilan ang sarili. Tinitigan ni Gabby ang kamay niyang nakakapit sa braso nito, pero hindi pa rin niya inalis iyon.
"Will you take your hands off me?"
"Hindi," mariin niyang sabi. "Magpapalit ka ng damit."
"Ha?"
"You heard me. Magpapalit ka ng damit." Sumenyas siya sa isang saleslady na agad na tumalima. "Miss, ihanap mo nga ng damit itong boss ko. Yung mas disenteng tingnan."
Nanlaki ang mata ni Gabby. Kulang na lang ay ipakulam siya nito sa tindi nang panlalaki ng butas ng ilong nito.
"Anong mas disente? Sinasabi mo bang mukha akong kaladkarin sa suot ko? Excuse me! Killer dress 'to!"
At para ipakita nito ang punto nito ay iniliyad nito ang dibdib sa kanya. Her lithe, curvaceous figure showed how powerfully beautiful she was – how she could dominate men in a blink of an eye. Napamura siya sa ginawa nito, lalo pa at may ibang imahe na ang tumatakbo sa isip niya.
Self-control, Lord, self-control.
"Wala akong sinasabing mukha kang kaladkarin. Ang sa akin lang, magbabayad ka na rin ng mahal, 'yung marami-rami ng tela ang bilhin mo para hindi ka malugi," pagdadahilan niya.
"What's wrong with my dress?" tanong pa nito.
"Oo nga naman, sir. Bagay nga kay ma'am eh," sabat naman ng saleslady. Parang gusto niyang ipagtanggal sa pwesto ito.
Natutop ni Sid ang noo. Bagay naman talaga kay Gabby. Mas higit pa sa salitang bagay. But he couldn't risk men ogling her breasts.
"Hindi ba at Chinese sila Stan? Conservative ang pamilya nila," labag sa loob na pagdadahilan niya.
Pero hindi ito natinag. Hinarap nito ang saleslady. "Masyado bang revealing?"
Umiling-iling naman ang babaeng parang gusto na talagang mawalan ng trabaho.
"Hindi naman po, Ma'am. Chinese designer pa nga ang nagdesign na'n. eh."
Hinarap na naman siya ni Gabby. This time, alam niyang inis na inis na talaga sa kanya ito.
"Hindi kita binabayaran para pulain ang suot ko," asik nito sa kanya.
Uminit na rin talaga ang ulo niya. He could only take so much of Gabby's bossiness. Hindi niya papayagan na lumuwa ang mata ng Intsik na ka-date nito kesyohadong matanggal siya sa trabaho niya.
Hinakawan niya ang siko ni Gabby sa pagkagulat nito. Ni hindi niya hinayaan na makapagprotesta ito. Walang sabi-sabing hinila niya ito papasok sa loob ng dressing room at itinulak niya pasara ang pinto gamit ang isang paa.
"Would you care to explain this?" mataray pa ring bulyaw nito.
He pinned her not-so-gently to the wall. Tinawid niya ang kakarampot na distansya ng kanilang katawan. Ang isang kamay niya ay pumalupot sa likuran nito na kalahati na lang ang natatakpan. Narinig niyang suminghap si Gabby at mukhang hindi inaasahan ang ginawa niya. Pero sa oras na idinikat niya ang katawan niya sa katawan ni Gabby, napagtanto niyang maling desisyon ang ginawa niya.
Ang nakaliliyong bango ni Gabby ay agad na pumuno sa maliit na silid na iyon. Nagkagulo-gulo na ang lahat ng brain cells niya at nawindang na habang tinititigan ito.
"You don't know how much you can make a man lose control with that dress, sweetheart," pabulong niyang sabi dito.
Ibinuka nito ang bibig para siguro magprotesta, pero walang salitang namutawi sa bibig nito. She just looked at him with hooded eyes. Passion, or longing, or whatever it was the he could see in her eyes triggered all his repressed emotions in a blink of an eye. Hindi na siya nakapagisip ng matino. Walang pag-aalinlangang yumuko siya at siniil ito ng halik sa mga labi.
Narinig pa niya ang malakas na pagsinghap nito na nalunod sa halik niya. Sa una ay nagpupumiglas ito. Sinubukan nitong itulak siya palayo dito. But he just couldn't get enough of the taste of her lips. Lalo lamang niyang idinikit ang katawan niya sa katawan nito. Sa ginawa niya ay naramdaman niyang nanlambot si Gabby sa ilalim ng yakap niya. Seconds later, she was tentatively responding to his kisses. She was frantically clutching at his polo in a desperate manner. Napaungol siya sa ginawa nito.
Hindi niya alam kung gaano na niya katagal hinahalikan si Gabby nang itaas niya ang mga kamay sa ilalim ng buhok nito. Nang mahawakan niya ang spray net sa buhok ni Gabby ay saka pa lang niya naalala ang dahilan kung bakit nasa loob sila ng dressing room.
"Gabby, magpalit ka na ng damit, okay?" bulong niya sa pagitan ng paghalik dito.
Doon naman tila nagising si Gabby. Naitulak siya nito palayo. Bumalik ang mabalasik na anyo nito. Sa hitsura nito ay mukhang kaya siya nitong patayin ano mang sandali.
"Bakit mo ako hinalikan? Who gave you permission to kiss me?!" asik nito sa kanya.
Sinisikap niyang ibalik sa dati ang nagsisikip na paghinga. Idamay na ang pantalon niya sa mga bagay na nagsisikip ng mga sandaling iyon. Damn it!
"Hinalikan mo rin ako," he pointed out lazily.
"I didn't! Pinilit mo ako! Y-you.. you took advantage!" paninisi pa nito.
Nagbilang siya ng lima para hindi maiwala ang composure. Nainis naman agad siya kahit na pinipigilan niya lang ang sarili na hapitin ulit nito at halikan itong muli. Kung magalit ito ay parang hindi ito nasiyahan sa paghalik niya dito. Muntik na niyang itirik ang mata sa katigasan ng ulo ng babaeng ito.
"Fine! I was trying to make you see the point. Kung hindi ako ay ibang tao ang gagawa niyan sa'yo hangga't hindi ka nagpapalit ng damit. You don't know what you are capable of doing, do you?" sa inis niya ay nasabi niya dito.
Agad na dumako ang mga mata nito sa pagitan ng mga pantalon niya. Nakita pa niya nang mamula ang pisngi nito. Nakita mo na ang ginagawa mo!
Pero saglit lang iyon dahil humalukipkip pa rin si Gabby at tinitigan siya nang masama. He wondered how she could afford to look so beautiful even when she was pissed.
"Ipapasesante kita," sabi pa nito.
Sumusukong itinaas niya ang kamay. "Whatever. Just change your clothes. Huwag mo akong hamunin ngayon dahil sa inis ko ay hindi ka mananalo."
Pagkatapos ay mabilis siyang lumabas ng dressing room bago pa siya may magawang mas hindi kanais-nais dito. Naiisip pa lang niya kung ano pa ang mga gusto niyang gawin sa boss niyang may matigas na ulo ay nag-iinit na ang pakiramdam niya. Kailangan na niyang tumalilis habang gumagana pa ang mga matitino niyang kaisipan.
Sinalubong naman siya ng mga tingin mula sa mga saleslady.
"Ang sabi ng boss ko, ipapabalot na lang daw niya ulit ang damit at maghahanap pa ulit siya ng iba. She wants your assistance," wika niya bago tuloy-tuloy na lumabas ng shop.
Sa kotse na lang niya papakalmahin ang pakiramdam.