#جُرحً_اَْلّمٌاَْضيِ,,,,,
#الجزء_الثالت_عشر
قيس :هبة لا تضلي ساكتة هيك ريحيلي ئلبي
حست هبة دئات ئلبا وصلو لل200 وحرارتها لل50 ...وحتئ تنفسئ معد مستقر وهية عم تطلع بعيونو 😍
هبة :اي ....قيس لسا بحبك ❤
وبس سمع فيس كلمة هبة انبسط واخدها بحضنو من فرحتو 😍
هبة :لك لك قيس بعد عني شو جنيت انتة 😓
بعد قيس عنها :اسف اسف بس جد وانا كمان بحبك ❤
انبسطت هبة كتير ...لأنو صرلها زمان كتير ماحست بهالشعور ❤❤
هبة :ايي يالله نكفي طريئنا
قيس :اي خلينا نمشي ...
ومسك ايدها وبلشو يتمشو مع بعض متل العشاق 😍
اخيرا وصلو عالطريق العام وطلعو بسيارة
==========================\
ووصلت هبة عالبيت لئت ريان ئاعد عالكنبة وحامل موبايلها وناطرها....
هبة :ريان !؟ انتة من ايمتا هون ؟ 😥
ريان :من تلات ساعات ،هبة وين كنتي ؟
هبة :...
وئف ريان وراح باتجاه هبة ورجع سألها :وين كنتي ؟وليش موبايلك كان مرمي ومو معك ؟
هبة :اه...اي بعد دوام المدرسة عزمتني رفيئتي علئ الغدا ورحت معها...
ريان :وليش هيك تيابك مغبرة ؟
هبة :لأنو رفيئتي عزمتنا علئ مزرعة ابوها وئعدنا برة 😥
ريان :ئاعدتكون برة بهالبرد ؟
هبة :وانتة كيفك وكيف فرح انشالله مبسوطين مع بعض
ابتسم ريان :اي كتير
هبة :انشالله الف مبروك لكن وجوازة الدهر
ريان :الله يبارك فيكي ،عئبالك
مر فترة وقيس وهبة يتئابلو وهبة اتعلئت زيادة بقيس ،اما ئصة عماد ما انثبتت وماكان في دليل علئ صحة كلام قيس ،وضل يراقب الأماكن اللي ممكن يكون موجود فيها....وريان ضل مخبي فرح من الطير الطاير ❤
==========================\
وببيت ريان كانت فرح عم تستفرغ وبلشت تحس بدوخة واعراض غريبة تصيبا ...
طلعت من الحمام وكانت حاطا ايدها علئ بطنا والايد التانية عراسها...
فات ريان عالبيت وشافها بهالحالة ،رما كلشي من ايدو وركد عليها ومسكها...
ريان :شبكي حبيبتي ليش هيك وشك اصفر 😥
فرح :مافي شي حبيبي بس هيئتي اخدت برد مبارح بالليل
ريان :تعالي ائعدي ...
وئاعدها ولفها بحرام وعملا كاسة زهورات وئعد جنبا ولفها بإيديه...❤
فرح :لك ريان والله مافي داعي لكل هالشي
ريان :شلون مافي داعي لك فرح انا بخاف عليكي من نسمة الهوا والله بموت ازا بشوفك عم تتوجعي ...
فرح :بس انا ماعم اتوجع ئلتلك بجوز اخدة شوية برد...
ريان :يعني مدايئة انك نايمة عصدري 😒
لفت فرح ريان زيادة
فرح :بالعكس حبيبي ،ماعندي مانع ضل مريضة عطول لحتئ ضل ئاعدة هيك 😍
ريان :سلامة ئلبك ياعمري ❤
==========================\
اتصل عدي بقيس ....
قيس :اي عدي
عدي :قيس الزيبئ صار بمنطقتكون
قيس :بعرف ،اتطمن كلو تحت السيطرة بس انا برأيي تجي كرمال نلقي القبض عليه سوا
عدي :ياريت والله بس مابئدر لازم ضل لحتئ وئع بائي العصابة ....
قيس :انتة بتعرف حئيئة الزيبئ عدي ؟
عدي :نفسي شوف وجه اللي الو 5سنين مكعينا وراه
قيس :اي رح تتفاجأ لما تعرف
عدي :ليش انتة شفتو ؟
قيس :اي ئابلتو وش لوش
عدي :وحد الله وهلئ جاي تحكي ،انا بعرفو شي صاحب سوابئ شي ؟
قيس :عدي ...عماد هوة نفسو الزيبئ
عدي :مين عماد !!؟
قيس :ولو شو نسيتو
عدي :لا قيس عماد مات ... بجوز مستشبه
قيس :ئلتلك ئابلتو وش لوش ،وهوة حكالي حئيئتو وعكل حال هبة بخطر وهاد جد متل الشيطان ما بتعرف منين بيطلع
عدي :هبة !؟ ليش حاططا براسو ؟
قيس :اي عدي .....
==========================\
تاني يوم كانت فرح عم تتفرج عالتلفزيون وطلع برنامج طبي عن فترة الحمل والوحام...
ضلت فرح تتابع وشدتا الاعراض ...لأنو نفس اللي عم تصيبا ...
حطت فرح ايدا علئ بطنا
فرح :معئول !! اي ليش لأ وريان كتير رح ينبسط ازا خبر....
وحملت التلفون واتصلت علئ هبة لحتئ تجي وبالفعل هبة بس خلص الدوام طلعت من المدرسة ...
وركبت بسيارتها ومشيت وكان قيس جاي وبس شافها غيرت مسارها لحئها بسيارتو...
وصلت هبة اخيرا ونزلت علئ البيت لعند فرح وقيس بيرائب فيها واول ما شاف فرح فتحتلا الباب وضمتا انصدم ...
قيس :ئلتيلي ما بتعرفي وينا ...❗
فاتت هبة عالبيت ...
هبة :لك فرح عنجد اللي عم تحسي اعراض حمل 😍
فرح :اي هبة ...رح يجيني ولد ❤
انبسطت هبة بهالخبرية ...
هبة :اي وايمتا ناوية تخبري ريان
فرح :حابة معدلو ئبل ماخبرو 😉
هبة :اه فهمت عليكي ،متل الأجانب لكن 😉
فرح :اي هيك شي 😍
رن تلفون هبة وكان قيس...
راحت هبة عجنب وردت..
هبة :اي حبيبي
قيس :وينك انتي
هبة :بالبيت انا ،
قيس :متأكدة ؟
هبة :شو في قيس
قيس :لا ولا شي حبيبتي بس مشتئلك كتير
هبة :وانا كمان ،وينك ماعم ائدر شوفك
قيس :هبة ...في شي حابب ئلك اياه
هبة :شو هوة
قيس :تتزوجيني ❤
اتفاجأة هبة واحمر وشا :عالتلفون عم تطلب ايدي 😅
قيس :ازا اتئدمتلك بتوافئي عليي ؟
هبة :ليش لحتئ ما وافئ ،اي قيس بوافئ عليك ❤
قيس :الله يخليلي اياكي ياعمري ❤
سكر قيس الخط ومارضي يتصرف ئبل ما يتأكد من برائة فرح...
==========================\
تاني يوم طلعت هبة من الدوام مع كنان شافت قيس وائف راكن حالو عالسيارة وناطرها...
هبة :لك شو عم تعمل هون ؟
قيس :ناطرك ...حبيبتي ❤
كنان :شو ئلتلا بابا !!؟
هبة :ابوك عم يمزح حبيبي
قيس :لا ماعم امزح ،عادي بابا انا ئلت لأمك حبيبتي❤
هبة :لك قيس 😳
قيس :لك يسلملي الخجلان 😍 يالله تعالو عازمكون عالغدا برة 😉
طلعو مع قيس وكانو مبسوطين لوئت سمعو كنان عم يصرخ :عمتو ليناااا
ضرب قيس بريك وصرخ :وينا 😡
هبة :قيس شو صرلك ؟😥
شاف قيس ماهر ولينا ئاعدين بسيارة وكانو ماسكين بإيدين بعضون وهنن مبسوطين ...
كان قيس بدو ينزل بس فتحت الاشارة ومشيو
ومشي وراهون والنار شاعلة بئلبو🔥 والشرر بيطلع من عيونو...🔥
هبة :قيس هدي شو صرلك والله الأمور مابتنحل هيك
قيس :انا بورجيك ياكلب انتة واياها 😡
ضل قيس لاحئ ماهر بسيارتو لحتئ شافون وئفو ئدام عمارة ونزلو من السيارة وفاتو عليها...
وئف السيارة بسرعة وطلع مسدسو من تابلو السيارة ...
هبة :قيس شو بدك تعمل 😱
مارد قيس علئ هبة ونزل بسرعة عالعمارة ...
هبة :ولي علييي .. كنان انتة خليك بالسيارة ما بتتحرك
ونزلت هبة من السيارة عم تركد ورا قيس...
اما قيس ضل لاحئهون وشاف ماهر فتح باب الشئة وفاتو ....ولحئهون و ئبل ما يتسكر الباب كان دافشو برجلو وفايت...
انصدمت لينا :قيس ...!!!
قيس :اي ضراب السخن ،لكن انا تعملي فيني هيك يافاجرة ...
وصلت هبة ولحئت صوت قيس اللي كان عالي وفاتت وراه..
ماهر :قيس اهدئ وئعود خلينا نتفاهم
قيس :علئ شو ،علئ انك اخدت اختسي غصب عني والله لخليك تندم عالساعة يلي امك خلفتك فيها 😡
هبة :قيس نزل مسدسك ،لك هي بتضل اختك😰
قيس :ورح تصير من الماضي
لينا :ببوس ايدك اخي ،مشان الله اسمعني 😭
قيس :اسمعك ،ليش شوفي كلام لسا بدك تحكي
هبة :لك قيس لا تتهور سدئني بنئدر نتفاهم بطريئة اهدئ
ماهر :قيس ،اختك صارت مرتي عسنة الله ورسولو ،واليوم بتعرف وين كنا ؟
قيس :مابهمني 😡
ماهر :لا بهمك ،قيس اختك حبلة
اتطلع قيس بلينا لئاها حاطا ايدها علئ بطنا وعم تبكي ...
قيس :الله لا يهنيني ازا رح هنيكون فيو 😠
ورفع المسدس علئ لينا وصرخت هبة :قيييييس لااا 😱
ركد ماهر وضما للينا لحتئ يحميها ويحمي ابنو من رصاصة قيس 😢💔
#يتبع.....
#جُرحً_اَْلّمٌاَْضيِ,,,,,
#الجزء_الرابع_عشر
اتطلع قيس بلينا لئاها حاطا ايدها علئ بطنا وعم تبكي ...
قيس :الله لا يهنيني ازا رح هنيكون فيو 😠
ورفع المسدس علئ لينا ...
صرخت هبة :قيييييس لااا 😱
ركد ماهر وضم لينا لحتئ يحميها ويحمي ابنو من رصاصة قيس 😢💔
اما هبة بعدت ايد قيس بآخر لحظة عجنب واجت الرصاصة بفازة ورد....
اتطلع قيس بهبة بعصبية وئبل ما يحكي كانت لاسختو كف متل فراء الوالدين ..
طغا الهدوء فجأة بالمكان وقيس لسا فاتل راسو ومو مستوعب اللي عملتو هبة....
هبة :انتة شو....عم يئلك اختك حامل بدك تئتلا وتئتل يلي جواتا .... انا عنجد انصدمت فيك 😢
ماهر :قيس ...خلينا نفتح صفحة جديدة. ..
وئرب ماهر علئ قيس
ماهر :وحياتك عندي اختك مارح تنضام ...
لينا :اخي ...انا...
قيس :لينا لبئئ تئولي اخي ،انا رايح بس حسك عينك تفكري تجي تشوفي امك او رجلك تعتب البيت ... لوئت تموتي
لينا :...😰
قيس :انا متبري منك ليوم الدين ..
لينا :لا لا مشان الله اخي
وطلع قيس من البيت ..اتطلعت هبة بماهر
هبة :دير بالك عليها ماهر 😢
ماهر :بحياتي مارح انسالك معروفك
هبة :اه صحيح ...فرح..اختك فرح صارت مرت اخي ازا حابب تعرف وينا يعني
ماهر :عنجد ريان اتجوزها ؟
هبة :اي ماهر ...وهية كمان حامل ادعيلها
ماهر :اي...الله يكون معها
طلعت هبة من البيت ونزلت من العمارة شافت قيس لسا ئاعد بالسيارة ومطلع كوع ايدو من السيرة وعم يعض عقببضة ايدو ...بلعت هبة ريئها
هبة :الله يستر...😥
طلعت هبة بالسيارة واتطلعت بقيس اللي كان وشو ما بيتفسر
هبة :قيس انا اسفة ...
قيس :ليش منعتيني ،ليش ماخليتيني اغسل عاري
هبة :اي عار ؟ قيس لينا تجوزت عسنة الله ورسولو وغير هيك عايشة مع جوزها ورح تخلف منو ،اختك عايشة حياة عادية متلا متل اي مرة بالدنيا ...😢
قيس :خلص ....بس معد اعترف فيها...
وشغل السيارة ومشي...
==========================\
رجعت عالبيت فتحت الباب وفاتت وهية متدايئة ...ئعدت عالكنبة وبلشت تنفخ..وفجأه حست بحركة مو طبيعية بالبيت...
وئفت وصارت تتلفت حوليها
هبة :ممين في هون !؟ 😰
فتحت باب غرفتا وفجأة سمعت صوت حدا عم يحاكيها من ورا.:كيفك هبوش ...😏
فتلت لئت عماد ئاعد عالكنبة وحاطط رجل عرجل وفاتح البوم صورها وعم يئلب فيه...
هبة :عماد...كيف فتت لهون ؟
عماد :مو عماد اللي بينسئل هيك سؤال 😏
هبة: ششو ببدك 😰
عماد :جاي استفسر عن شغلة
هبة :شو هية ؟
سكر عماد الالبوم ورما عالطاولة وشبك ايديه ببعض واتطلع بهبة
عماد «بهدوء »:اخوكي ريان متجوز فرح ؟
هبة :اي ...
عض عماد عشفايفو : طيب ..
ووئف ،حست هبة ئلبا وئف لما شافتو بلش يمشي لعندا ..وضلت تمشي خطوات لورا وهوة يئرب لحد ما تفركشت وكانت رح توئع عضهرا بس مسكها بآخر لحظة من خصرا ولزئها فيو
ارتعبت هبة وحاولت تفلت من ايدو اللي كانت لافة عضهرا مائدرت لأنو كان ائئوئ منها...
رفع عماد ايدو التانية ورفعلا خصلة شعرا اللي كانت وائعة عوشا وبلش يتأملا وعيونو عم تلمع
عماد :بتعرفي اكتر شي بعشئو فيكي شو هوة
هبة :شو ..!
عماد :كزبك عليي .. هبة كزبي كمان هالمرة وئليلي انك بتحبيني ❤
ضل عماد صافن بعيون هبة وضايع فيون وهية نفسها عم تاخدو بصعوبة من رعبتها ،وئرب عليها بدو يبوسها ودفشتو هبة عنها وفاتت عغرفتا وئفلت الباب وراها وسمعت صوت عماد عم يضحك بصوت عالي ....وسمعت صوت الباب انفتح واتسكر ...ضلت فترة ئاعدة بغرفتا لحتئ سمعت صوت الباب انفتح وسمعت صوت ريان ...
فتحت الباب وركدت لعند ريان وضمتو وهية عم تبكي...
ريان :شبكي هبة؟
هبة :ريان انا خايفة كتير 😭
ريان :ئعدي احكيلي ...
هبة :عماد كان هون 😭
انصدم ريان وئال :كيف ؟هون هون متأكدة 😳
هبة :اي وسأل علئ فرح ،ريان هوة عرفان انكون متجوزين 😢
ريان :عملك شي ازاكي يعني...!
هبة :لا ...
وئف ريان علئ حيلو وهوة مزعوج
هبة :لوين رايح ؟
ريان :لعند فرح انا لازم احميها....
هبة :خدني معك لكن ..
وطلعو ريان وهبة من البيت ....
==========================\
اما قيس كان عم يرائب بيت ريان من بعيد وفجأة شاف عماد من بعيد ...حمل موبايلو ودء بسرعة بـ عدي ...
قيس :عدي رح اعطيك عنوان بتجي عليه انتة والدعم بسرعة...
عدي :خير ..
قيس :عماد الزيبئ ....وئع..😏
عدي :بسرعة عطيني العنوان...
عطا قيس العنوان لـ عدي ...
........./
اما فرح كانت طالعة لتطول حطب للدفاية ...وفجأة لمح قيس عماد من بعيد مصوب عليها المسدس....
وفجأة ركد قيس علئ فرح ودفشها عن مرمئ الرصاص ووئعت بالأرض...حمل قيس مسدسو وسلطو لمكان عماد وئوص ،
عماد :قيس انتة طالعلي بالسحبة 😠؟
وركد لبعيد ،بس فرح لما شافت قيس خافت ...
قيس :فرح ماتخافي انا ...
فرح :والله انا مائتلتا ،مشان الله لا تحبسني تركوني بحالي ...
وصارت تركد بعيد عنو...
قيس :لك وئفي يامجنونة ،لك ...يخربيتا هلئ بيئتلها عماد .
بس عماد شاف فرح عم تركد وبلش يئوص عليها ...اما قيس صار يركد وراها لحتئ يحميها...
........./
وصلو ريان وهبة عالمنطقه وسمعو صوت الرصاص اللي جاي من جنب البيت...نزل يمان بسرعة وركد عالبيت لحتئ يتطمن علئ فرح ،وهبة فتلت وطلعت من طريق تاني
اما فرح كانت هربانة وكل فكرا انو قيس يلي عم يلاحئها وعم يحاول يئتلها وفجأة زلت رجلا ووئعت عن جرف وبلشت تتئلب لحتئ ضربت ضهرا بصخرة وغيبت....😢
و قيس نزل لعندا ولما شافها مغمية حاول يصحيها ماصحيت معو ...😢
طلع قيس وشاف عماد صار مواجيهو ...
عماد :انا مابدي اخلص منك قيس....
وحمل مسدسو وسلطو علئ قيس...😱
قيس :ازا كنت معتبر حالك رجال بتنزل مسدسك وبتواجهني زلمة لزلمة 😠
ابتسم عماد ابتسامة خبيثة
عماد :اي ليش لأ...«ورما مسدسو لبعيد»:تعا تعا والله لمرغ الاراضي فيك 😏
شلح قيس جاكيتو ورماها عجنب
قيس :والله لخليك تترجاني لأرحمك 😠
وعلئو مع بعض وبلشت بيناتون معركة بحركات كاراتيه...فتل قيس وضرب عماد برجلو وش عماد وئعو. وئعد فوئو وبلش يضربو بوكسات ،بس عماد استحكمو ورجع رما وئعد فوئو وضربو بوكس عوشو وصار بدو يطول المسدس ، بس قيس كان اسرع منو ورما عماد عالطرف التاني ...بس عماد وئف عرجليه وطال سكينو الكبس
عماد «بعصبية » :كان لازم ائئتلك لما اجتني الفرصة 😠
وئف قيس :هههه اي كان لازم بس انتة غبي 😏
اما عدي وصل عالمنطقة مع الدعم ونزلو....
وهبة ضلت تركد بين الشجر لحئ شافت عماد وقيس مدمين بعضون وعم يحكو....
وفرح المسكينة كانت مغمية وعم تنزف 😢💔
#يتبع....