« អ្ហឹម... » បបូរមាត់ទាំងពីរផ្អឹបជាប់គ្នាយ៉ាងស្និទ្ធ ស្នាលខណៈដៃស្រឡូនស្អាតក្ដោបខ្ញាំអាវរបស់អ្នកជា ស្វាមីជាប់ គេមិនធ្លាប់ថើបអ្នកណាហើយក៏មិនដែល មានអ្នកធ្វើទង្វើនេះដាក់គេដែរមានតែ Jungkook ប៉ុណ្ណោះដែលធ្លាប់អោបនិងថើបជាច្រើនដងរាប់មិនអស់តែវេលានៃការថើបពេលនេះបានផ្ដល់ឲ្យគេនូវអារម្មណ៍ថ្មីផ្សេងមួយទៀតដូចជាភាពឈឺចាប់ត្រូវបានរសាយ ជំនួសមកវិញនូវភាពកក់ក្ដៅតាមរយៈ បបូរមាត់ក្រាសមួយនោះទៅវិញ ។ មិនចាំឲ្យយូរ បាតដៃធំៗរបស់ Jungkook ក៏លូកក្រសោបទ្រក្បាលខាងក្រោយរបស់ Tae ហាក់បីដូចជាមិនចង់បញ្ចប់ការថើបមួយនេះសោះឡើយ ។
« អ្ហឹស... » សម្លេងតូចថ្ងូររហ៊ឹសឡើងក្នុងបំពង់ក ពេលរាងក្រាសទម្លាក់ខ្លួនចុះបន្តិចអាចឲ្យគេដឹងពីអ្វី មួយដែលមិនប្រក្រតីកំពុងប៉ះគល់ភ្លៅក្នុងខោរឹបរបស់គេ ច្បាស់ណាស់ថា Jungkook កំពុងកើតអារម្មណ៍ ពិសេសទើប Tae បើកភ្នែកភ្ញាក់ពីស្នាមថើបហើយដកមាត់បែរមុខចេញគេចពីនាយភ្លាមៗ ដែលចម្លែកនោះភ្នែកក៏ក្រឡេបក្រឡាប់ ដកដង្ហើមមិនស្មើចង្វាក់ ជើងទាំងគូក៏ខ្ជឹបចូលគ្នាហើយបង្ខិតខ្លួនឡើងទៅលើ បន្តិចដើម្បីកុំឲ្យអ្វីនោះរបស់រាងក្រាសប៉ះគេបានទៀត ។
« លោ...លោកចង់...ចង់ធ្វើស្អីហ្នឹង? » Tae សួរដោយមិនហ៊ានសម្លឹងមុខនាយចំខុសប្លែកពី Jungkook ដែលប្រើខ្សែភ្នែកឆក់បេះដូងសម្លឹងមើលប្រពន្ធស្រស់ស្អាតនៅពីក្រោមទ្រូង មុននេះគេដូចជាទប់អារម្មណ៍ខ្លួនឯងមិនបានវិះតែធ្វើឲ្យខុសកិច្ចសន្យាមួយចំណុចទៅហើយតែអ្នកណាទៅទ្រាំបាន បើបបូរមាត់ប្រពន្ធក្មេងម្នាក់នេះផ្អែមជក់មាត់យ៉ាងហ្នឹងនោះ?
« ចុះអូនគិតថាបងចង់ធ្វើអី? » នាយសួរបកវិញទាំងមិនព្រមក្រោកចេញ ។
« មិនដឹងទេ » Tae
« បើចឹងសាកល្បងម្ដងទៀតទៅក្រែងលោដឹងថា បងចង់ធ្វើអីអូនឬមួយក៏...យកជាការតែម្ដងក៏បាន » ស្របសម្ដី គេងើយតាមរាងតូចមុននឹងអោនមុខចង់ថើបទៅហើយតែ Tae ក៏ប្រញាប់ក្រោកអង្គុយផ្អែកខ្នងនឹងក្បាលគ្រែហើយខ្នើយឱបមកកាន់នឹងដៃទាំងមុខភ័យៗកាន់តែធ្វើឲ្យ Jungkook ចង់ញ៉ោះគេកាន់តែខ្លាំងហើយ តែថាក៏ចម្លែកដែរណា៎ មុននេះម្នាក់ខឹងម្នាក់យំសោះតែមួយភ្លែតក៏ប្ដូរស្ថានការណ៍ទៅហើយ ពិតជាប្ដីប្រពន្ធខុសគេមែន ។
« កុំធ្វើអីខ្ញុំឲ្យសោះមិនចឹងខ្ញុំនឹងវាយលោកឲ្យស្លាប់ ចង់សាកមើលទេ? » រាងតូចគម្រាមមុខមាំត្រៀមរួចជាស្រេចជាមួយខ្នើយអោបក្នុងដៃទើបនាយសង្ហារ បានត្រឹមតែញញឹមរំកិលខ្លួនចុះពីលើគ្រែវិញ ។
« យប់ណាស់ហើយ អូនឆាប់ងូតទឹកចូលគេងទៅ » និយាយរួចគេក៏ទាញភួយនិងខ្នើយលើពូកទៅគេង នៅលើសាឡុងដូចយប់ម្សិល ព្រោះមិនចង់ឲ្យរាងតូចខឹងគេជាងនេះឡើយ ។
< ឌុកដាក់...ឌុកដាក់... >
« ម៉េចក៏លោតញាប់បែបនេះ? កើតអី? » Tae ចោទជាសំណួរ បាតដៃក៏លើកស្ទាបប្រអប់ទ្រូងដែល បេះដូងនៅខាងក្នុងលោតញាប់ខុសពីធម្មតាគ្រាន់តែ Jungkook ថើបបន្តិចសោះតែថាការថើបលើកនេះវាពុះកញ្ច្រោលសម្រាប់ក្មេងដូចគេពេកហើយ ។
ព្រឹកថ្ងៃថ្មី៚
« ថ្ងៃនេះលោកទៅសាលាដែរទេ? » រាងល្អិតសួរទៅកាន់អ្នកជាប្ដីស្របពេលគេកំពុងសិតសក់នៅមុខកញ្ចក់ឯ Jungkook ក៏ពាក់ក្រវ៉ាត់ករបស់គេប៉ុន្តែមើលទៅថ្ងៃនេះដូចជាតែងខ្លួនចាស់ទុំជាងសព្វដងឆ្ងាយណាស់ ។
« អត់ទេ » នាយងាកឆ្លើយទាំងញញឹមធ្វើឲ្យ Tae លឺហើយចងចិញ្ចើមភ្លាម ។
« ហេតុអី? នេះលោកគិតប្រុងឈប់បង្រៀនពិតមែនហ្អេ៎? » Tae
« ប្រហែលហើយ » Jungkook ឆ្លើយហីៗ ភ្លាមនោះរាងតូចក៏ស្ទុះមកឈរនៅចំពោះមុខគេភ្លាម ។
« មិនឲ្យលាឈប់ទេ!! បើលោកហ៊ានតែឈប់បង្រៀនណា៎ ខ្ញុំនេះហើយជាអ្នកអូសកលោកទៅសាលាដោយខ្លួនឯង » Tae គម្រាមម៉ាត់ៗធ្វើជាឯងខ្លាំងតែមើលចុះ កម្ពស់មិនបានត្រឹមចង្ការរាងក្រាស់ផង ។ Jungkook ការបើឃើញរាងតូចធ្វើខ្លួនបែបនេះស្រាប់តែញញឹមបន្ទន់ជង្គង់ឲ្យស្មើនឹង Tae ។
« ចង់ឲ្យទៅសាលាថ្នាក់នេះមិនមែនព្រោះនឹកមុខប្ដីពេកទេដឹងអូនសម្លាញ់? » នាយចម្អន់ដោយក្ដីសុខធ្វើឲ្យ Tae ប្រិចភ្នែកញាប់ស្អេកក៏នឹកឆ្ងល់ដែរ ហេតុអ្វីខ្លួនឯងចង់ឲ្យគេទៅសាលាវិញទាំងដែលធ្លាប់ស្អប់មុខសឹងស្លាប់ ឬមួយព្រោះតែគេកំពុងដូចដែលរាងក្រាស់និយាយពិតមែន?
« ឡប់...ឡប់សតិ អ្នកណាទៅនឹកមុខអាក្រក់ដូចលោកនោះ? ខ្ញុំគ្រាន់តែខ្លាចបើប៉ាដឹងថាលោកឈប់បង្រៀនដោយសារតែខ្ញុំ គាត់នឹងស្ដីឲ្យខ្ញុំប៉ុណ្ណោះ » រាងតូចឆ្លើយធ្វើដូចគ្រាន់បើណាស់ តែវាជាទម្លាប់គេទៅហើយ Jungkook ក៏មិនដេញដោលអីនោះដែរ។
« មែន? » Jungkook
« មែនហើយ » Tae ងក់ក្បាលនៅខ្មាសមិនបាត់ ព្រោះរាងក្រាសប្រើភ្នែកស្រទន់សម្លឹងមុខគេរហូត ។
« ចៀសផ្លូវ!! ខ្ញុំត្រូវទៅសាលាហើយ » ដៃតូចៗលើករុញទ្រូង Jungkook ឲ្យចៀសមុននឹងទាញ កាតាបចេញពីបន្ទប់ដើម្បីគេចពីនាយសង្ហារតែមិនដឹងជាគេចពីនាយឬគេចពីអារម្មណ៍ខ្លួនឯងដែលជាប់ជំពាក់មន្តស្នេហ៍របស់គេឲ្យប្រាកដនោះឡើយ ។
_ នៅក្នុងវិទ្យាល័យថ្ងៃនេះក៏មិនខុសពីម្សិលមិញ គ្រប់គ្នាកាន់ទូរស័ព្ទហើយនិយាយខ្សឹបខ្សៀវគ្នាយ៉ាងអ៊ូអរពេញបរិវេណសាលាហាក់បីដូចជាមានរឿងគួរឲ្យពិភាក្សាទៀតហើយ ។
_ ស្រីស្អាតរូបស្រស់ Karen ដើរចូលសាលាជាមួយដំណើរកាច់រឹកកាច់រាងមិនប្រែប្រួលតែអ្វីដែលប្រែ ប្រួលនោះគឺទឹកមុខនាងមិនសូវជាល្អប៉ុន្មានទេព្រោះតាំងតែពីនាងដើរចូលមកទីនេះ គ្រប់គ្នាចោលភ្នែក មើលមកនាងរហូតធ្វើមើលតែនាងជាប្រធានបទ សម្រាប់ពួកគេយ៉ាងចឹងដែរ ។
« Karen!! Karen!! » សម្លេងស្រែកហៅរបស់គ្នីគ្នានាងកំពុងរត់ចូលមកទាំងត្រហេបត្រហបធ្វើឲ្យនាងក្រមុំជ្រួញចិញ្ចើមភ្លាម ។
« កើតស្អីពួកនាងហ្នឹង? ធ្វើមើលតែឃើញខ្មោច » Karen
« តែវាក៏គួរឲ្យខ្លាចជាងខ្មោចទៅទៀតណា៎ឯង »
« ស្អីគេ? » Karen
« មើលនេះទៅ » Karen សម្លឹងមុខពួកនាងទាំងងឿងឆ្ងល់មុននឹងទទួលយកទូរស័ព្ទពីមិត្តមកមើល ស្រាប់តែភ្នែកនាងបើកធំក្រឡោតតែម្ដងពេលឃើញសុទ្ធតែជាវីដេអូដែលនាងធ្វើរឿងផ្ដេសផ្ដាលកាលពី យប់មិញត្រូវបានគេបង្ហោះចែកចាយពេញវែបសាយ អ៊ីចឹងតើសបានជាគ្រប់គ្នាខ្សឹបខ្សៀវនាងពេញទីនេះ ។
« Karen! ស្រីក្នុងវីដេអូនោះជាឯងមែនទេ? »
« មើលចុះ មានទាំងចូលក្លឹបផឹកស្រាហើយនៅថើបគ្នាជាមួយ... »
« អាយ៎!!! » ដោយក្ដីខឹងដែលគ្នីគ្នាដៀលមកលើរូបខ្លួន Karen ក៏បោកទូរស័ព្ទនោះទៅលើដីឲ្យបែកខ្ចាយអស់គ្មានសល់ថែមទាំងសម្លក់ពួកនាងទៀតផង ។
« ឈប់ភ្លាម!! ពួកនាងឯងគ្មានសិទ្ធិមកដៀលក្បាល យើងចឹងទេ!! » Karen
« ចុះឯងមានសិទ្ធិអីបោកទូរស័ព្ទយើងនោះមីស្រី ខូច!! » ម្ចាស់ទូរស័ព្ទដែលធ្លាប់តែអែបអប Karen ក៏ប្រែជាតបតដោយមិនខ្លាចធ្វើឲ្យស្រីស្រស់ខឹងឡើងក្រហមមុខ ។
« ឯង... » Karen ស្ទុះចូលទៅចាប់បោចសក់នាងទើបនាងលើកដៃបោចសក់ Karen ដូចគ្នាឯមិត្តដទៃក៏ជួយឃាត់តែត្រូវ Karen ទះកំផ្លៀងម្នាក់មួយធ្វើឲ្យកើតចិត្តខឹងហើយព្រួតដៃវាយនាងតែម្នាក់ឯងស្ទើរ ស្លាប់ទៅហើយ ភ្លាមនោះនាយកនិងគ្រូៗក៏នាំគ្នាឃាត់សកម្មភាពទះតប់របស់ពួកនាងដើម្បីហៅប៉ាម៉ាក់មកអប់រំជាមួយគ្នាតែម្ដង ។
_ ជាលទ្ធផល ព្រោះតែទង្វើមិនសមគួររបស់ Karen ជាច្រើននៅក្នុងវីដេអូ នាយកសាលាក៏បានដកសិទ្ធិប្រឡងនិងបណ្ដេញនាងចេញពីសាលានេះហើយ មិនទទួលឲ្យចូលរៀនវិញនោះឡើយ ដោយឡែកឈ្មោះនិងរូបថតរបស់នាងក៏ត្រូវបានសាលាធ្វើការផុសប្រកាសពីការបណ្ដេញចេញតាម social media និងបិទជាក្រដាសនៅក្នុងសាលាផងដែរដើម្បីឲ្យរឿងស្ងប់ស្ងាត់ទៅវិញ ។
« សមចិត្តឯងហើយហ្អេ៎? » Jimin សួរឡើងខណៈ ដើរមកតាម Tae ដែលកំពុងឈរមើលរូប Karen ត្រូវបានបណ្ដេញចេញទាំងទឹកមុខញញឹមសប្បាយចិត្តតែម្ដង ។
« ប្រាកដហើយ យើងពេលនេះមានអារម្មណ៍ថា ស្រាលខ្លួនល្អណាស់ព្រោះចាប់ពីពេលនេះទៅយើងមិនបាច់ជួបមុខនាង toxic ម្នាក់ហ្នឹងទៀតទេ » Tae ឆ្លើយជាមួយស្នាមញញឹម គេខានធូរទ្រូងបែបនេះយូរណាស់ហើយ ។
« បើអ៊ីចឹងយើងថាឯងគួរតែងាកមកចាប់អារម្មណ៍អ្នកនៅក្បែរខ្លួនខ្លះហើយណា៎ Tae » Jimin និយាយបែបនេះធ្វើឲ្យរាងតូចងាកមើលគេម៉ក់ៗបែប មិនយល់ន័យ ។
« ចង់និយាយពីអ្នកណាគេ? » Tae
« មានអ្នកណាទៀតក្រៅតែពីប្ដីឯង លោកគ្រូនោះអី » Jimin
« យើងមិនទាន់ដឹងថាគួរចាប់អារម្មណ៍លើគេឬអត់ ទេ Jimin យើងវិលវល់អស់ហើយ » Tae
« យើងមើលដឹងថាលោកគ្រូស្រឡាញ់ឯងណាស់ ឯងវិញក៏ដូចគ្នា ល្មមបើកឱកាសឲ្យខ្លួនឯងទទួលយក មនុស្សល្អដូចគាត់ហើយ » Jimin ណែនាំតែរាងតូច បែរជាស៊កឲ្យគេទៅវិញ ។
« ឆើស!! ថាឲ្យតែយើងរួចចុះឯងវិញហ្អ៎? » Tae
« យើងយ៉ាងម៉េច? » Jimin
« អា៎វ!!! ក្រែងលោកពូYoon មិត្តប្ដីយើងទំនងចាប់អារម្មណ៍ឯងដូចគ្នា ម៉េចៗឯងញ៉ែគាត់មកធ្វើជារបស់ខ្លួនឯងឲ្យហើយក៏បាន យើងគាំទ្រណាមិត្ត » Tae គោះស្មា Jimin វាយចិញ្ចើមទ្រឺតៗធ្វើឲ្យរាងល្អិតចាប់ផ្ដើមឡើងកម្ដៅមុខទៀតហើយ ។
« ឆ្កួត!! និយាយស្អីស្ដាប់មិនយល់ទេ » Jimin
« មុខក្រហម អៀនហ្អេ៎? » Tae
« មិនបានអៀនអួយស្អីទេ » Jimin
« កុហក!! » Tae
« តាប៉ែណាស់ ទៅរៀនវិញ » Jimin ថាហើយដើរទៅឯរាងតូចក៏តាមញ៉ោះគេទៀត ។
« អេ៎ Crush ពូ Yoon!! » Tae
« ប្រពន្ធលោកគ្រូឆ្កួតហើយ!! » Jimin
« ឯងថាអ្នកណាឆ្កួតហ្អាស? ឈប់ភ្លាម!!! » រាងតូចទាំងពីរដេញវាយប្រឡែងគ្នាយ៉ាងសប្បាយបន្ទាប់ពី បញ្ហាបានកន្លងផុតទៅតែមិនដឹងឡើយថា Karen បានលួចស្ដាប់អ្វីដែលពួកគេនិយាយគ្នាទាំងអារម្មណ៍ខឹងយ៉ាងខ្លាំង ព្រោះតែ Tae ទើបនាងត្រូវគេដេញពីសាលាហើយខ្មាសមនុស្សទូទាំងប្រទេសថែម ទៀត ជីវិតនាងត្រូវ Kim Taehyung បំផ្លាញអស់ហើយ... ។
« ថ្ងៃណាមួយឯងត្រូវតែសងយើងវិញ Kim Taehyung... »
To be continued.....🍭🍿