قيود

البارت السابع والخمسين

هلو حبايبي
.
.
لا أحتاجُ شيئًا خارقًا فقط قهوة معكَ وبعض الراحة
لأقول لكَ الرماد الذي في داخلي والشموس التي لا تحتاج إلا ليد ناعمة تُزيح عنها غيمة الخوف
.
.

مرحبا اليوم راح احجيلكم عني شنو احب شنو اكثر  اهتماماتي صفاتي مااعرف شنو حجة عني الكم ماما ملك بس اني حابه اخذكم جولة لي عالمي الخاص
مااعرف اذا راح تحبوني او راح تضوجون

مني بعد هل يوم المهم تتعرفون عليه يلا اسمعو اني لما مواليدي اثمانية وتسعين   طولي مئة وسبعين حاليا وزني اربعة وستين ناصعة البياض صديقاتي بالجامعه يصيحون الي بياض الثلج  احد اميرات ديزني ههه شعري طويل اسود لامع عيوني نسخه من عيون بابا احمد واسعات ملونه حواجبي مرسومات سود مثل شعري شفايفي صغار ممتلئه

لبسي كله بالبيت دشاديش قصيرة واحيانا البس برمودة و تانك  الواني الي احبها بالبس كلش محددة
الاسود الابيض الاحمر لنمور احب النمور لذالك البس جلد نمر كل شيئ البسه نختارة اني واخوي ميار بالجامعه كل لبسي فساتين قصيرة واحيانا بالندوات البس قوط تنورة قصيرة وسترة وتشيرت دائما البس كعب احسه يزيد من انوثتي اصدقائي اقل من صوابع
ايدي الوحدة وطبعا صداقه سطحيه

لانو اني احب العزله واغلب وقتي اقرا ودائما ميار حوالي هاذي سنه رابعة طب النا اختاريت اختصاص
جراحه عامه حتئ اكون قريبه من محمد بدون رغبه كنت اتمنئ اصير طبيبة عيون

بس علئ مود  حبي لمحمد حبيت جراحه واخذت
هل اختصاص ثلاث سنوات اني المميزة ومن الثلاث الاوائل بالجامعه علاقتي بااساتذتي كلش حلوة احيانا الدكتور يكعد بالستاند ويخليني اني اشرح المادة بدل منو ودائما اناقش الدكاترة بكثير مواضيع كوني اعشق
المناورات واحب اسرق العلم

هسه خلوني احجي الكم  عن حياتي العائلية اني الصغيرة المدللة حسب متعرفون وكوني مريضه قلب احضئ بااهتمام خاص من الجميع لكن ابدا مااستغليت هل شيئ بالعكس لطالما قدرت حب واهتمام عائلتي الي قبل لا ينخطف بابا اكتشفت اعجابي بمحمد
كان من نوعي المفضل كونه هادئ جدا صامت دائما ومنعزل انيق جدا تقريبا الاكثر اناقه بالعائله جماله موضوع ثاني صرت اراقبه دائما احيانا  اصفن عليه

من يكعد يساعدني بالقرأ من كنت  بصف سادس
صرت احفظ اصغر تفاصيله مثلا صوابعه الشفافه الطوال من ينقر بيهم علئ الابتوب گانو عازف بيانو
يحركهم بكل رشاقه من يضوج يمسح علئ انفه بااصبعه الابهم او من يشوف شيئ يعجبه يعض علئ شفته ومن يكون فرحان او من يدخل الحمام يغسل
يغني صوته يجنن اناقته شيئ مميز يبرز رجولته

ضليت اراقبه من ينزل مجاز لحد متحول هل اعجاب الئ حب صرت ابد  مااشوف غير محمد رغم انو  احيانا صديقاتي يكولون نص شباب اجامعه معجبين بيج بس اني من اذكر محمد انسئ كلامهم  بس هوة اريد  ينعجب بيه مرة ماما ودتني اصيحله علئ العشاء كنت

متحمسه زيادة دخلت غرفته بلا ماادق علئ الباب وكان انصدم كان محمد لسه طالع من الحمام شعرة ينقط ماء ينزل علئ صدرة نزلت نظراتي ويه قطرات  الماء الي تنزل من شعرة بدلال تنزلق برشاقه لحد  صدره باوعت شفت لوحه فنيه جسدة المنحوت بطريقه رجولية جذابه بس بعدها كلش خجلة كان ملابس شيئ بس المنشفه وهوة دائما يفشلني واكيد هل مرة زاد العيار

محمد ،،  عجبج الي تشوفيه

- لما اي يجنن بس من حسيت علئ نفسي واستوعبت الي كاله متت خجل كتله بصورة متقطعه صوت هامس

لما ،، ماما تريدك

محمد ،، ممم روحي شوي وانزل وراج

- لما من يومها زاد حب محمد بداخلي صار عشق
لحد مايوم كنت طالعه من غرفتي ركض لانو ميار كان يريد يضربني بسبب دخلت علئ محادثاته ونصبت عليه وتخبل طلعت اركض بلا ماانتبه انضربة بي محمد اباوع هاذا محمد اني ارتبكت من قربه وهوة تفاجأء. لانو كنت اركض وضربة وقتها نظراته كانت غريبه
كان لازمني من خصري بحركه شلت حالي سحبني الو بتملك وكال

محمد ،، ليش تركضين

لما ،، ها

- لما ضحك وكال 

محمد ،، طفله شبيج تركضين متخافين لتوكعين

- لما من كال طفله نقهرت  عبست وجهي وكتله

لما ،، عمري ثمانية عشر سنه مو طفله ماشي ويلا وخر
من حجية هل كلام ضحك بصوت رجولي خلاني اذوب بين ايدة ضليت اباوع علئ اسنانه من يضحك غمزلي بطرف عينه بمعمئ شكو ليش تباعين اني خجلت دفعته وكملت طريقي

وكثير مواقف حلوة جمعتني بي كانت اجمل لحضاة حياتي لحد اليوم الي نخطف بي بابا احمد حزنا وقهرنا قطع علينا الطريق بعد ماقطعنا شوط بتقرب من بعض
بوقت اختفاء بابا عشنا ايام صعبه كان الحزن مخيم علئ بيتنا لانو شمعت هل بيت انطفت مرة كنت كنت

بالمطبخ حسيت اكو شخص وراي التفتت كان محمد كان شكله كلش يقهر شكد اني مقهورة علئ بابا بس محمد اضعاف كان شبه منهار وحالته كسرت روحي
تقربت منو حضنته مااعرف من وين اجتني الجرأة واضاهر هوة كان ينتظر هاكذا فرصه اخذني بحضنه حسسني انو اني نصفه الثاني اليوم تكتشفت

محمد يحبني من باسني حسيتو عطشان لقربي مو بس يحبني لكن بااخر لحضه خرب كل شيئ من ضربني ليش ضربني مااعرف يمكن لانو سلمت نفسي الو مثل مكال او  يمكن لانو ضهر حبه الي وكتشفة انو يحبني واصبح حبه مكشوف الي بذاك اليوم تقربنا في من بعض خرب كل شيئ وصناله بعلاقتنا

رجعنا نقطة الصفر محمد بسبب وضع ماما وحزنها وفاة جدتي ابتعد عني كلش بحيث حتئ من سافر ماودعني  نساني شوي شوي تركني هنا اني متت قهر كنت اراسله يقرا وميرد اتصل ميجاوب كرهني نفسي  اني بهل وقت تااكدة حبي كان غلط يمكن هل حب كان
من طرف واحد وعلاقتنا فاشله لانو  تصرفاته وياي تثبت هل احتمال لكن ربما كان مجرد  اعجاب وزال

او رغبة بجمالي متت قهر صرت اخلي  كل تفكيري
بالقرأة نسيت محمد او بالاصح حاولت اخليه بااخر نقطه بدماغي وقفلت عليه كملت حياتي لحد اليوم الي رجع في بعد رجوع بابا لكن رجع انسان ثاني مو محمد الي حبيتو شخص ثاني تماما سنتين غياب حيل غيرته من رجع كان بارد مثل سقيع بذات وياي

احيانا يخوفني من اشوف عيونه الحمر تجدح نار دائما عصبي صرت اخاف منو لذالك بتعدت اكثر  طمرت حبي للابد لحد مايوم كنت بالمطبخ اغسل المواعين دخل محمد وفاجاني بنظراته الي ماتتفسر لو بس اعرف شنو الي غيره  عليه طيب  اذا مايحبني
گ انثئ لازم يحترم علاقتي في گ ابنت عم واخته ليش هيج يتعامله وياي مهتميت الو عفته وصعدت الغرفتي بس قلبي نار حمدت ربي الف مرة من تناسيت حبي الو وكدرت اسيطر علئ هل حب

واخفي من حياتي ومااخليه يااثر علئ حالتي
النفسية كنت واقفه ومااحس الئ محمد دفع الباب وهجم عليه مثل الوحش مانطاني مجال احجي شيئ ولا اتنفس حاول قتلي بلا مااعرف سبب ماتركني الئ لمن شاف روحي رادت تزهق بين ايدو ومن هل يوم كرهت محمد كرة العمئ وحتئ قربه كرهته ابتعد عني واني هم ابتعدت الف خطوة لحد اليوم الي تفاجاة بي يخطبني

دقيقه هاذا صاحي لو مجنون حاول قتلي وبعدها
اكتشفة انو كان يتهمني بعلاقه بااخوي  وهسه جاي بكل ثقه يخطبني بصراحه عجبتني ثقته بنفسه والي عجبني اكثر احطم الو هل ثقه صح كنت غبيه ومراهقه وحبيتو بس اليوم اني امرأة كبرت ونظجت دارسه وتقريبا دكتورة مثله علئ شنو شايف نفسه بجذب ماكلف نفسه وبرر الي الي سواه او حتئ  اعتذر

يوم عن يوم سقط محمد من عيني گ رجل  لذالك واجهته بالرفض بس صدمني من طلب من ماما تخطبله اي وحدة علئ مرامها يعني معقوله لهل درجه جاي يستهزء بيه ومشاعرنا  ابد ممتندمه لانو رفضته لانو مكلف نفسه حتئ يتقرب مني او يشرح وجهة
نظرة الي لو جاي الي ومفهمني وطالب مني نرتبط وقانعني كل الي صار سوء تفاهم كان ممكن انسئ الي صار وارجع افتح وياه صفحه جديدة

بس لا هاذا محمد مجرد ماقلت مااريد اتزوج كال طبج مرض الف مرأة  تتمناني (  گ تعبير) وراح اكسر انفج و ازوج غصب عليج اني نصدمت من تصرفه كان ممكن يسكت وينتظر فرصه ثانيه مني او يسالني ليش اني رفضة وليش بطلة حبو او يمكن كان مجرد زعل كان يكدر ينسني الصار بااسلوبه ويبرر ليش اعتدئ عليه
بس مصار من سمعت ماما خطبت الو نقهرة يبقئ هاذا حبي قلبي الحقير انكسر من سمع الشخص الي نبضله بيوم تنازل عنه بلا اي عناء لذالك تركتو وبتعدت لحد اليوم الي دخل  عليه غرفتي وفاجاني بتصرفاته الي للحضة حسيتها حقيقيه تقرب مني وكان شكله مضلوم وانا الي ضلمته للحضه صدقت محمد حبيبي رجع الي وكان ممكن احارب الدنيا كلها الخاطر عيونه

الي بيوم من الايام  ذبت فيهم بس مثل مارفعني للسماء رجع اسقطني بعنف لدرجة تكسرة كل امالي
الي من لحضات ولدة  وماتت قبل لا تعيش الحضه من كال باعي بعيني وكولي مااريدك عرفته جاي حتئ يسخر مني ومن رفضي الو لكن بصراحه كنت ضعيفه كدامه يبقئ حبي من باوعت بعيونه الناعسه وسمعت
صوته الناعس مكدرت ارفضه لانو صدقت هاذا محمد حبيبي بس من دفعني وهددني عرفت كان يريد يلعب بااعصابي ويهيني انتقام لكرامته

طلع من غرفتي بعد عدة تهديدات مسمعتها ولا فهمتها لانو حالتي كانت متسمح استوعب الي صار كعت ابجي ليش هيج يسوي وياي وهوة خطب بعد شيريد مني يجي يلعب بااعصابي اليوم كرهته بعد اضعاف  واحد مغرور وشايف نفسه ومتناق

ثاني يوم ماما اعلنت عن خطوبة محمد من رنا هنا اني مااعرف ليش اختنكت معقوله راح محمد تنازل عني بهل بساطه وراح يروح يحضن ويبوس امرأة ثانيا مثل ما بيوم كان وياي مجرد الفكرة تحرك روحي عفتهم  وردت اروح لغرفتي او بالاصح اهرب من عيون محمد الي كانت تقيس مدئ اهتمامي للموضوع واني كنت احاول كون طبيعيه بس من حجة ميار بخصوص تدريبنا وقفت استمع الهم من محمد عرض خدماته
حتئ يخلينا تحت ايدو گ متدربين عرفت محمد يخطط لشيئ واكيد راح ينفذ تهديدة ماهتميت تركتهم و صعدت الغرفتي رتبت جنطتي وگ العادة

خليت  كم فستان الي واحذيتي وجنطي ومكياجي وعطوري گ اي بنت بس يمكن اني شوي اوفر المهم ثاني يوم تريكنا سلمت علئ ماما وطلعت اني وميار
لانو نحن ندرس سوئ  نروح ونرجع سرئ هاذي سنه تسمئ الاكينيكية من دراسة الطب وهيه سنه رابعه والخامسه من دراسة وخلال هل مرحله راح تشرع بالاختصصات. علئ شكل دورة الجراحه العامه

وباقئ التخصصات هل سنه راح نبدا الحياة العلية
گ اطباء بحيث يسمح. لنا بمتابعة  بعض المرضئ لتطبيق ما تم دراسته وحضور بعض العمليات الجراحيه مع الاطباء الاستشاريين للاستفادة من خبراتهم وكوني انا من الثلاث المتميزين اكيد راح كون صاحبة الحظ لاوفر في الممارسه العملية اذا كان مع المرضئ او بحضور العمليات وبذات  انا كنت محطة انظار الكثير من الزملاء ولاساتذة كوني بنت تمتلك الكثير من المميزات الي تجذب لي الاهتمام  كان عندي  فرصه جيدة بااستغلال هل شيئ لاطور  نفسي علميا

اليوم داومت بااحد المستشفيات كان الوضع كلش  ممتاز استقبلونا الاطباء ورحبو بينا وشرحو النا اتكيت التعامل بهل مستشفى كيفيت التاقلم. بذات نحن قسم

الجراحات كنا محط اهتمام كلش كنت فرحانه اني وميار  نضحك نسولف اليوم كان عادي بس تعارف ثاني يوم ملاخضات ثالث يوم بلش شغل صرنا ندرس الحالات

ميار ،، دكتورة  لما متت جوع تعالي نروح ناكل

لما ،، دكتور ميار  اطلع برة خليني ادرس هل حاله
بالمناسبه انت تعرف اذا كدرت تشخص الحاله راح يسمحون الك تحضر العملية لذالك افضل تجي تدرس لانو هنا اني ماافيدك لازم تعتمد علئ نفسك حبيبي  ماشي اطلع و سد الباب وراك

ميار ،،  فهمت فهمت دوختيني ومنو كذب عليج وكلج اني مهتم بي دخول العمليات انتي تكفين بس مكتلج حبيبتي اكو بالنادي شوكلا تجنن اليوم شفتها عبالي اشتري منها الج بس من كثرت الانواع الطيبه حرت شنو اشتري لذالك بطلت كلت وقت الغدا من تجين
انتي تختارين علئ ذوقك النكها الي تحبيها

لما ،، ها صدك

ميار ،، كيفج لا صدكين يلا اني رايح اني و سام نتغدا نص ساعه وارجع اقرأ وياج 

- لما من صبح لسه ادرس دخت واليوم ماتريكت اعلان ميار  للشوكلا  يحفز  لذالك كتله

لما ،، نص ساعه ونرجع لازم اكمل دراسة هل حاله

ميار ،، اي والله ومن نرجع ندرس سوئ

لما ،، اوك دكتور ميار الحلو اتفضل

ميار ،،  اجمل دكتورة بلا مجامله والاكثر جاذبيه
لوليتي  يلا خليني اكشخ بيج كدام هذني المايعات
شايفات نفسهن شوفه

لما ،، هههههه شنو اني سترة تكشخ بيه عابت الك
شكلك مضروب بوري خخخ

ميار ،، ههههه اي يلا يلا

لما ،، طلعنا اني وميار اتصل بصديقه سام اجه ويانا

سام ،، هاي شنو  افروديت مشرفتنا بجلالة قدرها

لما ،، اهلا سام شلونك

سام  ،، هسه صرت تمام جلالتج

ميار ،، سااااااام  بلا لغوة. زايدة وبلا ما ترفع عينك الزايغه علئ شيئ يخصني رغم انك صديقي وخويي بس لكل شيئ حدود صار معلوم 

سام ،، هاي شبيك اشاقه  بس تفاجأة كون دكتورة لما ضمن كادرنه

لما ،، ههههه تستاهل يلا خلصوني

سام ،، متوحشين  بربرية انا بريئ صدقوني

ميار و لما ،،  ههههه يلا امشي بلا درامه

- لما سام صديق ميار وهوة من عائلة واصله وحترمه
والدة سام برفسوره بعلم النفس والده قاضي وهوة الولد الثاني بالعائله مدلل يحب يشاقه من اول مدخلنا جامعه هوة صديق ميار دائما كان يحاول التقرب مني بس يخاف من ميار يعرف نحن شيوخ وناس واصله لذالك كان دائما يلمح عن اعجابة من بعيد دخلنا للنادي تغدينا ورجعنه مطولنه نص ساعه

من رجعنا اسمع باقي اعضاء كادرنا يحجون عن الدكتور الاستشاري المسؤل عن تدريبنا الي راح يختار
المتدرب الي راح يدخل العملية معو كنت كاعدة ومنطية ضهري اباوع البنات فاتحات حلوكهن علئ الدكتور الي شكله شرف لحتئ يختبر معلوماتنا حول الحاله

البنت ،، لك شنو هاذا دكتور لو عاوض ازياء عالمي
البنت 2  لك ياازياء دباعي الجمال هاذا الهة الجمال
شكلي راح انسئ كل شيئ حفضته من اسمع صوته وحتمال يغمئ عليه

- لما شكد سخيفات باوعت عليهن من فوك ليجوة
وحدة اسمها لينا لابسه بنطرون مااعرف شلون دخلت في وبدي قصير كل ماتتحرك تطلع بطنها تقززت منها
شكلها من طبقه المتوسطه من طريقة كلامها ولبسها بس تحاول تكون علئ مستوئ والثانيا اسمها سجئ   تنورة طايرة الفتحه لنص الفخذ وقميص شكلها يوحي باانها ومدلله لكن بلا اخلاق لانها كانت تباوع علئ الدكتور الي جاي وتعض علئ شفتها ويعع علئ  اساس دكاتره بلا ذوق شوي وسمعت صوت اكثر شخص اتمنئ مااشوفه وابد مو  وقته حاليا كان لازم كوم لو امكن مااندار واشوف وجها كمت لكن مطره رفعة راسي صارت عيني بعينه باوعلي بنظرة خاطفه وكال

محمد ،،  السلام عليكم طلابي الاعزاء

- لما صار يحجي شلون راح نكون وياه واوقات العمليات ومن يستحق يشارك وكل فترة يقيم كفائة الطالب المتميز وهل شيئ يرفع من مستوئ الطالب اخر شيئ كال

محمد ،، والان  تفضلو بالتسلسل اشرحو الي الموضوع والي يشخص الحالة بشكل صح راح يرافقني في العملية

- لما واحد بعد واحد  شرح الي يعرفه كانو لا بأس فيهم  بس انا كنت فاهمه الحاله  بصم بحيث شخصتها باادق تفاصيل لانو ساعات واني ادرسها وصل السره الي تقدمت منو. وصرت اشرح الو حتئ حسيتو تفاجاة من طريقة شرحي وتشخيصي للحاله بشكل ممتاز حتئ الدكتور الثاني الي كان مع محمد عبر عن اعجابه بطريقة تقديمي وتشخيصي لكن محمد صدمني من كال

محمد ،، دكتورة لما انتي غير مؤهله لهاكذا عملية

- لما بعد كل هل شرح وتعب واني اتامل ادخل العمليه بجدارتي يجي يكول غير مؤهلة اخذت نفس قوي رفعة راسي وستقمت بوقفتي و باوعت بعيونه مباشرتا وكتلة

لما ،، عفوا منك دكتور  اني كنت الاكثر دقه بالتشخيص شنو السبب الي يخليني غير مؤهله لهل العملية

محمد ،، اعتقد ني الي اقيم اذا تشخيصك جيد ام لا دكتورة ولان عن ازنكم تكدرون تشاهدون العمليه من خلال الملاحضه دكتورة لينا دكتور جود راح ترافقوني
جهزو حالكم

- لما ضليت مصدومه صدك كذب ليش هيج سوئ اني كنت جيدة بتشخيص ليش هيج سوئ وياي تركتهم ورحت للغرفه لحكني ميار احس نفسي ختنكت اعرف يسوي قصد بيه صرت ارجف من القهر

ميار ،، لما شبيج حبي صدك جذب هاي اول عمليه وانتي ادهشتي الجميع بشطارتج الجايات كثير لتنقهرين يلا كومي خلينا نحضر العمليه من خلال ستيج

لما ،، والله قصد بيه هيج سوئ مشفته شلون يحجي وياي برود وابتسامه مستفزة علئ وجهه

ميار ،، اعذري حبيبي قلبة محروك منج يلا امشي

- لما من اليوم بدأت رحلة معاناتي ويا محمد وبذات بعد مصار مكان شغلنا سوئ وهوة الطبيب الاستشاري المسؤل عن تدريبنا اسبوع تم اجراء اكثر من 20 عملية واني كنت الاكثر كفائة بس مدخلت ولا عملية حتئ ميار دخل اكثر من عمليه بس اني لا كرهته من كل قلبي لمحمد ليش هيج يسوي وياي معقولة ينتقم مني ويحاربني بي مجال عملي كلها الئ مستقبلي خلص الاسبوع ورجعنا للبيت اني ميته قهر حتئ اكلي قل بهل اسبوع كلش تعبت كل ما يمنعني من عملية ازيد تعمقي بالبحث والقرأءة حتئ اخذ اكثر خبرة ومع ذالك
ماكو فائدة دخلت للببيت سلمت اني وميار علئ ماما وبابا

ملاك ،، هلا والله شلونكم حبايبي

ميار ،، هلا يمه الحمد الله وانتو

ملاك ،، الحمد الله لماوي شلونج

لما ،، تمام ماما وانتو

ملاك ،، تمام حبي روحو ارتاحو لحد مااحضر العشاء

لما ،، ابدل ملابسي واجي اساعدج

ملاك ،، لا حبي شكلج تعبان ارتاحي

- لما مناقشة مالي خلك رحت غسلت وبدلت ملابسي. لبست دشداشه لحد تحت ركب ربع ردن  لون  اسود وبيها وردة حمرة كبيرة شوي دلعتها واسعه لفيت شعري كعكه فوضويه خليت مرطبات وشويه مرطب شفه لون وردي اخفي اثار تعب من وجهي نزلت اساعد ماما بتجهيز العشاء مااعرف يمتئ محمد رجع للبيت بس شفته كاعد بصاله سلمت بلا نفس ودخلت للمطبخ

كملنه العشاء جهزنه السفرة اني سويت الي سلطة فواكه مالي نفس كعدنا ناكل احمد ومحمد يسولفون بي مواضيع عامه

ملاك ،، لما حبي ليش متاكلين شكلج كلش تعبانه وحتئ ضعفانه وجهج اصفر ليش ماماتي مريضه

لما ،، لا بس  مسويه دايت هل فترة ماكو شيئ

احمد ،،  انتبهي علئ صحتج بابا ليش دايت

لما ،، ان شاء الله

- لما خلصنا اكل وشلت السفرة اني وميار ماما راحت تنيم الملائكه خلصت واخذت الشاي ورحت للصاله

احمد ،، شكرا بنيتي شلون جان اول سبوع بتدريب

لما ،، جيد

احمد ،، عفيه عليج

- لما كعدة شوي واجتي ماما

ملاك ،، محمد باجر الخطبه لو نسيت لازم اصبح جهز نفسك اني جهزت كل شيئ نحتاجه بس انت صبح جهز نفسك

محمد ،، ماعندي شيئ جاهز

ملاك ،، لما صبح نروح للمركز اني وياج حجزت النا

- لما حبيت احرك قلبة كلت لماما

لما ،، اي والله محتاجه عنايه واريد اغير من شكلي
شوي اجتي هل مناسبه بوقتها اباوع محمد باوعلي  وعيونه صارت دم

ملاك ،، اي حبابه انتي كبرتي وصرتي دكتورة يرادلج تغير كامل الي يشوفج يكول طالبة اعدادي مو دكتوره

لما ،، اي هم فكرت بهل موضوع

- لما يلا تصبحون علئ خير راح ارتاح تعبانه من سفر

ميار ،، لماوي حبي جهزيلي شيئ البسه باجر

لما ،،حبيبي  اصبح اجهزلك ملابسك ليش مستعجل

ميار ،، ماشي براحتج

- لما رحنا كل واحد علئ غرفته من القهر والتعب
نمت ماحسيت غير علئ صوت ماما

ملاك ،، لما يلا تااخرنا كومي ورانه كوم شغل يلا

لما ،،  ماشي ماشي

ملاك ،، بالمناسبه فستانج جاهز من نرجع نلبس يلا بسرعه اغسلي وانزلي حتئ نرجع من وقت

لما ،، ماشي دقايق واكون جاهزة ماما

ملاك ،، اي حبي لانو خطبة ومهر لازم هواي تجهيزات

لما ،، يعني اليوم رنا تصير زوجة محمد

ملاك ،، اي راح تكون زوجته من اليوم

.
.
يتبع قراءَة ممتعه احبتي