تميم: نهارك اسود دخلت هنا ازاي؟
عدي: في ايه يا عم انت عايز يارا في كلمتين!!
تميم بسخريه: اه طبعا تعالي يا حبيبي.....انت بتستعبط يالا انت
عدي: يرضيكي كدا يا يارا
يارا نايمه اصلا
تميم بص عليها بكل رقه و قال بصوت واطي: برا يا كلب و حسابك معايا بكرا علي الحركه دي كبير
عدي: والله ما هخرج قبل ما اعرف الي عايز اعرفه
تميم بغضب: استغفر الله يا بني اطلع قبل ما اطلعك علي نقاله
عدي: يارا اصحي يا بنتي ايه النوم التقيل دا؟
تميم: حد يصحب حد كدا يا حيوان انت؟
عدي بلا مبالاة: قومي يا يارا احسنلك
تميم: والله يا عدي انا لو قمتلك هضربك ضرب غباء
عدي: طب صحيها انت عايزها ضروري والله
تميم: انت اصلا عايز منها ايه؟
عدي حب يضايقه: اصلي معجب!!
تميم فهم انه بيضايقه: مش موضوع يعني يا عدي لما اقوم ارنك علقه قدام اخواتك الصغيرين و انت شحط كدا عادي يا عم
عدي بمرح: يا ساتر محدش يقدر يزعلك ابدا انت يا تميم
يارا بنوم: باااااس يا جميله والله اقوملك
تميم و عدي ماتوا من الضحك و تميم قال برقه: قومي يا يارا عايزنك هنا في مسأله حياه او موت
يارا بنوم: تميم انت معندكش دم اصلا
تميم بغضب: ليه بقي ان شاء الله؟
يارا بتتكلم و هي نايمه اصلا: عشان انا معجبه بيك و انت معجب بيها
عدي غمز لتميم المندهش و تميم قال: معجب بمين انا؟
يارا بنوم شديد: مش عارفه بس انت بتحبها اوي و انا مش بتحبني
تميم رش عليها مايا لانها بتخوف فعلا و هي قالت: ااااااااه.....ايه يا حيوانه دا؟
تميم: حيوانه؟
يارا بصت لعدي و قالت: نهار اسود انت بتعمل ايه هنا؟
عدي بهدوء: اهدي انا كنت عايز اسئلك علي حاجه
يارا: و احنا اصلا من امتي بنتكلم؟
عدي: يا ستي اخوكي الكبير و عايز منك خدمه بسيطه
يارا: المقابل؟
عدي بصدمه: ايه مقابل مين انت فهمتي غلط انا عايز اعرف موضوع كدا بس
يارا: المقابل؟
عدي: اوووووف عايزه ايه؟
يارا: هقولك بكرا
عدي: انا مش هستني لبكرا اخلصي عايزه ايه؟
يارا: اووووووف طب نعمل ديل
عدي: يا تميم الحقني دي هتخلص عليا
تميم بسرحان في الي هي كانت بتقوله: ها؟
عدي: سيبك منه دا عبيط ديل ايه؟
يارا: انا هاخد منك كلمه راجل انك تنفذ الي انا هقوله بكرا و انا هقولك الي انت عايز تعرفه..
عدي: ماشي اسمعي بقي
يارا غمزتله و قالت: ساره صح؟
عدي بصدمه: عرفتي منين؟
يارا: عشان قفشتك لما قلت عمها تحت و انت بتبصلها
عدي: طيب احكيلي بقي ايه الموضوع؟
يارا: ساره كانت عايشه مع باباها و مامتها في الاسكندرية و هما مش اغنيه اوي بس معاهم فلوس يعني و باباها و مامتها ماتوا و باباها كان داخل شراكه مع عمها و لما المحامي قال انها لازم تستلم ورثها بعد الوفاه عمها قال انها لسه صغيره و عندها١٦ سنه بس مش هتعرف تعمل حاجه و اخدها معاه القاهره ما باع بيتهم هناك و اخد فلوسه لنفسه و فضل يسايس فيها هو و مراته لحد ما بعتلهم الشراكه بتاعتها في الشركه و بعدين بقوا يعملوها وحش اوي لولا ان الجامعه منحه كانوا خرجوها و اخر حاجه عايزين يجوزوها واحد قد جدها....
عدي بصدمه: و هي عايشه فين؟
يارا: معاهم في الفيله هما مش بيسيبوها ابدا عشان خايفين انها ترفع قضيه ضدهم
عدي: طيب هي ليه مترفعش قضيه؟
يارا: عشان وحيده و عمها غني و يقدر يرشي الناس و يبهدلها بعد كدا و بعدين ساره تبان من بره قويه بس من جواها طفله والله
عدي: طب و العربيه و اللبس الي بتلبسه منين؟
يارا: هي كانت بتشتغل في مكتب اجانب فكان المرتب كويس و كدا و بعدين العربيه دي هديه جدو ليها في عيد ميلادها
عدي: طب هاتي عنوان الفيلا
تميم: مش عايزين مشاكل
عدي: متقلقش
يارا: اخاف ساره تزعل!!
عدي: والله ما هعمل حاجه.....
يارا: اهو **************^*
عدي: تصبحوا علي خير
تميم: يا ريت بقي منشفش خلقه امك دي تاني بقي
عدي: تشكر.....شكرا يا يويو
تميم: ايه يويو دي ياض انت؟
عدي: بدلعها....
يارا: ماشي مقبوله
عدي: سلام
تميم و يارا: سلام
خرج عدي و تميم قعد جمبها و قال برقه: معجبه بيا؟
يارا بخجل و باحراج: ايه مناسبه السؤال دا؟
تميم: ردي و انا احكيلك
يارا: لا طبعا معجب بايه فيك يعني؟
تميم بضحك: ماشي تصبحي علي خير
يارا: ايه بقي مناسبه السؤال؟
تميم: اصلك قلتي انك معجبه بيا و انا بحبها هي
يارا بغضب طفولي: نهارك اسود انت سمعتني و انا نايمه!!
تميم: انتي الي اتكلمتي الله
يارا: طب اتخمد بقي
تميم بضحك: تصبحي علي خير
يارا مردتش و فضلت قاعده علي السرير بتفكر قالت ايه و قالت بصوت واطي: يخربيتك يا يارا كل شويه تحرجي نفسك قدامه و تقولي معجب بيها و كلام غبي زيك انا هنام و بكرا هنتعامل عادي و الموضوع يموت و خلصنا
تميم ابتسم و هو نايم فهو ليس بنائم بل بضحك علي ملاكه الصغير
______________________________
تاني يوم في قصر الجارحي
_____________
احمد: صباح الخير يا امي
سلمي: صباح النور يا عين امك اقعد افطر
زين: بقولك ايه ياض انت عايزك تشوف المشكله الي في السيستم انهردا
احمد: بس مش تميم قال هيشوف الموضوع دا ولا ايه؟
زين:تميم عريس و من حقه يعيش كام يوم حلوين
تميم دخل و هو ماسك ايد يارا و قال: لا يا بابا انا هنزل الشغل عادي
سلمي: نعم!!!!!!!!!!!!!!!
زين: ليه يا ابني؟
تميم: معرفش اقعد في البيت فاضي كدا
زين بخبث: هي في احلي من كدا قاعده؟
يارا بخجل شديد: معلش يا عمي انا كمان عايزه انزل انهردا
تميم بصلها و قال: تروحي فين ان شاء الله؟
يارا: عند جدو
تميم: لا مفيش خروج
يارا: لا في
تميم بصوت حاد: قولت لا
يارا: و انا قولت هخرج
سلمي: اهدوا يا ولاد مش كدا
يارا: معلش يا ماما بس انا مش عايزه اتحبس هنا
زين: يا بنتي البيت بيتك مفيش حبسه ولا حاجه
يارا: يا عمي والله انا عارفه بس كنت عايزه اخرج مع ساره و جميله انهردا
عدي : كح كح كح كح....مايا يا تيا مايا
سلمي: اسم الله عليك يا حبيبي مالك؟
عدي: مفيش يا امي....احم انا بقول اوصلك يا يارا
تميم: نعم....انت مش عندك شغل
عدي: اطلع من دماغي انت من ساعه ما خرجت من الجهاز و انت مركز معايا اوي
تميم بخبث: علي قلبك ولا بلاش قلبك شكل في حد تاني عليه
اسر: اقول مين الي علي قلبك!!!!!
عدي: بس ياض انت و هو دا انتو عيال رخمه اوي
تميم: انا هوصلك يا حبيبيتى عند جدك
يارا لعند: لا انا عايزه اروح بعربيتي
تميم: يارا بلاش عند....
يارا: مليش دعوه
زين: خلصوا اكل و اتصرفوا مع بعض بعيد مش قادر لوجع الدماغ دا
يارا همست لعدي: انت مش امبارح كان ليا عندك طلب
عدي: استر يا رب
________________________________
في منزل سليمان كان يجلس سليمان في مكتبه و معه احد المدراء في الشركه يتناقشون في امور مهمه و في الخارج فدوي و يوسف قاعدين
فدوي: حبيبي
يوسف: نعم يا حبيبيتى؟
فدوي: انا كنت عايزه اقولك حاجه
يوسف: ايه؟
فدوي: تعالي نروح نزور يارا انهردا يا حبيبي
جميله نزلت من علي السلم علي الجمله دي و قالت: مفيش داعي هي جايا لحد هنا
فدوي بلهفه: و تميم معاها؟
جميله: و انت بتسألي ليه؟
فدوي: عشان كنت عايزه اعرف البس محتشم ولا اقعد براحتي
جميله: انت لازم تلبسي محتشم عشان ربنا مش عشان الهبل دا علي العموم انا نازله
فدوي: رايحه فين يا ست الشيخه؟
جميله : رايحه اجيب عبد الرحمن من المطار..
فدوي: ايه الي جايه دا كمان احنا ناقصين؟
جميله: وانت مالك يا بارده انت استغفر الله
فدوي: جميله اعدلي نفسك معايا ماشي؟
جميله: لا مش ماشي وريني بقي هتعملي ايه؟
يوسف: بس في ايه انت و هي اتجننتوا؟
جميله: لم البتاعه دي يا يوسف احسن ما امسكها اموتها في ايدي
فدوي: بلدي اوي
جميله بتتريق عليها: بلدي اوي
_________________________________
في فيله ايمن الدالي (عم ساره)
________________
ياسمين: انت يا بت يا مقصوفه الرقبه يا ساره
ساره: نعم يا مرات عمي
ياسمين: قولت ميت مره اسمي ياسمين هانم
ساره: استغفر الله طيب نعم؟
ياسمين: اطلعي صحي ستك ميار
ساره: مين دي الي ستي؟
ياسمين: بنتي و نور عيني ميار هانم
ساره: طيب ميار الصبح نزلت اصلا
ياسمين: راحت فين يا بت؟
ساره: معرفش نزلت الفجر هعرف انا يعني؟
ياسمين: نور عيني بتروح جامعتها اكيد
ساره بسخريه : الله يكون في عونها والله
ياسمين: ازاي تتكلمي كدا علي بنت عمك يا بت انت؟
ايمن: بت روحي اجهزي يلا
ياسمين: ليه يا ايمن؟
ايمن: الشيخ اسامه جاي من كفر الشيخ بليل عايز يخطبها
ساره بصدمه: الي عنده ٦٠ سنه؟
ايمن: يا بت يا عبيطه عنده ٦٠ سنه بس عنده ملايين و شاريكي
ساره: مستحيل الرحمه بقي
ايمن صافعها: انا قلت اخلصي
ساره ببكاء من الصفعه: حاضر
_________________________________
يارا: فهمت هتعمل ايه؟
عدي: انت مجنونه؟
يارا: في ايه يا خبيتها؟
عدي: عايزاني اروح اقول لتميم سوري معلش هاخد مراتك و اهربها من فوق سور القصر
يارا: طيب و فيها ايه؟
عدي: فيها ان تميم لو سمع حاجه عن الموضوع دا ممكن يضربنا بالنار
يارا: متبقاش جبان بس انت
عدي: لا يا ستي انا جبان معلش
يارا: طيب ماشي انت الخسران
عدي: انت بتهدديني؟
يارا: ابدا
عدي: اوووووف خلاص هساعدك بس لو اتمسكتي متعرفنيش
يارا: اشطا عليك
عدي: يلا يا ظريف
يارا: انا هروح بقي انط تكون جبت عربيتي قدام الفيلا
عدي: و دي هجبها ازاي ان شاء الله؟
يارا: اخرج بيها من البوابه
عدي: عشان تميم يشوف صح؟
يارا: طب اعمل ايه دلوقتي؟
عدي: انا هسيبلك عربيه مرسيدس زرقاء اودان الشور بظبط
يارا: طيب يلا روح بقي عقبال ما اطلع البس الكوتشي
عدي: طيب ياختي
_________________________________
في المطار
______
جميله واقفه مستني ابن عمتها ينزل من الطايره و فجاه سمعت صوت بيقول
: القمر واقف لوحده ليه؟
جميله بغضب و هي بتلف: قمر مين يا حق......هو انت؟
احمد: يا بنتي اهدي شويه بقي والله لسانك مش لايق مع شكلك خالص
جميله: و انت مالك يا بارد؟
احمد: اتونها بتعملي ايه؟
جميله : و انت مالك؟
احمد باحراج: خلاص يا ستي انا همشي سلام
جميله حست انها غلطت فقالت: استني هقولك....مستني ابن عمي و انت؟
احمد: جاي استقبل عميله رخمه اوي بدل الواد عدي
جميله: ههههههه....ليه رخمه؟
احمد: بتقفش فيا دايما
جميله: علي حلاوتك؟
احمد بخبث: اه
هدي: احمد ازيك
احمد بهمس لجميله: هي دي الرخمه
جميله بضحك:بس احسن تسمع....
احمد: ازيك مدام هدي
هدي بقرف لجميله: بخير يا حبيبي و انت عامل ايه؟
احمد شد جميله نحيته و قال: نسيت اعرفك جميله خطيبتي
جميله اتصدمت و مش عارفه تقول ايه مستحيل الي هو قاله دا هي بتحب ابن عمها عبدالرحمن ازاي يقول كدا
هدي: بجد مش لايقين علي بعض بصراحه
جميله: ليه يا حبيبتي ان شاء الله؟
هدي: اصل مستحيل ان احمد كان يفكر في الجواز اصلا
جميله مسكت ايده: و اهو فكر اهدي بقي ماشي؟
هدي: سوري فين العربيه يا احمد؟
احمد: انا جهزت لحضرتك لموزين علي الفندق اتفضلي
مشيت هدي و احمد قال: بجد مش عارف اقولك ايه؟
جميله: والله كنت ههزقك بس هي فعلا رخمه
احمد: يا بنتي اهدي و امسكي لسانك دا شويه
: جميله واقفه بتعملي ايه هنا
جميله بلهفه: عبدالرحمن؟
عبدالرحمن: اه يا ستي عبدالرحمن...بس بقيتي قمر معرفتكيش والله
جميله بخجل: شكرا يا عبدالرحمن
عبدالرحمن: عايز افجر مفاجاه و لحسن حظك انت اول واحده هتعرف.....
جميله: ايه هي؟
عبدالرحمن: هخطب...
جميله بصدمه: ايييييييه؟
عبدالرحمن: مالك يا بنتي في ايه؟
جميله: لا مفيش...مين هي؟
عبدالرحمن: دكتوره زملتي في امريكا جايه هنا بعد اسبوع عشان اخطبها هنا و بالمره تزور مصر
عبدالرحمن بص لاحمد و قال: مش تعرفينا؟
جميله بهدو: احمد الجارحي خطيبي
احمد اتوتر و اتصدم منها و قال: اهلا يا عبدالرحمن
عبدالرحمن: اهلا يا احمد والله احسنت الاختيار ربنا يهنيكوا
احمد: متشكر
جميله: طيب يلا نمشي
احمد: اسيبكوا انا و الحق بقي عشان لازم اروح الشركه
جميله: لا يا حبيبي ممكن تخليك معايا؟
احمد بصدمه: نعم؟
جميله ضغطت علي ايده و قالت : اتفضل يا عبدالرحمن العربيه مستنيه انا هروح مع احمد....
عبدالرحمن: اوك
_______________________________
خرجت يارا و لقت السلم محطوط عند السور و فعلا طلعت و نطيت الناحيه التانيه و نزلت و اول ما نزلت حست ان حد بيكتم نفسها
: مش عايز اسمع صوتك احسن ما اخلص عليكي خالص