بما اني لقيت الكل اتلغبط في آخر جزء في الفصل فأنا هوضحه
مؤنس ( ابن عم ام فتحي الكبير) كان ماشي في الزمن محشي طاقة وعنده امل بس فجأه لقي عربية واقفه ليه في نص الطريق وبتقطع طريقه
قام بقى قلب الاسد مؤنس نزل من العربية ووقف وسند على العربيه في حالة روشنه كده اللي هو احنا جامدين آوي يا ماما
المهم بقى قدامه كان واقف راجل تآني بيبصله بصه باردة شويه فقام قلب الاسد مؤنس قعد يقول انه عارف ان الشاب ده هيظهر اول ما يعرف انه قرب من براءة (ده معناه ان الشاب ده يعرف براءه كويس اوي وكذلك مؤنس يعرف براءة) وانه بيشكر براءة لانه بسببها قدر يطلع الراجل ده من مخبأه بسهوله وبعدين عرفنا ان الراجل الغامض بسلامته ده اسمه ( زين الدين الهلالي) وشغلته ظابط برتبه مقدم
يعني المشهد كالتاتي عزيزي القارئ لا بص صحصح معايا للكلام واتخيل المشهد كده
الضلمة بدأت تملى الطريق والعربيتين واقفين قصاد بعض مؤنس قلب الاسد واقف قدام عربيته ومقابل ليه واقف زين الرجل الغامض بسلامته
وإللي ممكن نفهمه من كلام ونظرات الاتنين ان فيه بينهم عداوة كبيرة هنعرف مع الوقت أسبابها وهنعرف مين الكويس ومين الشرير وايه علاقتهم ببعض وايه علاقة الاتنين دول ( مؤنس / زين) ببراءة وايه حكاية براءة أساسا
وابن عم ام فتحي ( الراعي الرسمي لتقدير شباب الوطن العربي) ايه علاقته ببراءة وايه علاقته بزين
وكمان هل براءة تعرف ان مؤنس ده ابن عم هالي ولا لا؟؟؟؟
هوضح الأمور دي في بارت بكره والبارتات الجاية باذن الله
مسائكم لذيذ اتمنى اكون وضحت اى حاجه صعبه في الموضوع ده ❤️❤️❤️