روح ملاكي ( جاري تعديل السرد )

اقتباس ٢

#روح_ملاكي
#قرييا
#اقباااس_2

نفخ بضيق أثناء نومه من هذا الطقس المزعج وايضا هذه الذبابة المزعجة بشده التي يبدو أنها تنتظر لحظه نومه حتي تأتي لتعزف بجانب اذنه سيمفونيه من أعذب ازيرها
نهض وهو ينفخ بضيق وينظر بجانبه للمروحة ليجد ان الكهرباء انقطعت عن منزله نهض وخرج من غرفته ليجدها تجلس امام التلفاز بكل برود وكأن هذا المنزل هو منزلها
تحدث ادهم ببسمه باردة / ام فتحي!
لم تجب عليه وكانت تنظر للتلفاز بانتباه شديد فتحدث بصراخ / ام فتحيييييييي
نظرت له بانزعاج وهي تقول / ايه عايز ايه بعدين ايه ام فتحي دي يا اعمي البصر والبصيرة انتي ياض كحلوك ببصل وانت صغير
ادهم بصدمه مصطنعه / ايه ده انتي عرفتي منين اكيد عشان رموشي طويله وعيني واسعه وقمر
ام فتحي وهي تعود لمشاهدة التلفاز ببسمه مستفزة / لا عشان أعمى يا كبدي
ادهم بتحذير / ام فتحي...
تحدثت بغيظ / أنا مش اسمي ام فتحي
ادهم بصدمة / والله؟؟؟ .... بنت احنا مش اتفقنا اسميكي ام فتحي لغاية منعرف اسمك ايه وجاية من اي هبابة وانتي عفريتة ولا جن ولا إيه حكايتك
نهضت ام فتحي وهي تضع يدها علي خصرها وتتحدث بتذمر / بس انا موافقتش يا ضنايا
ادهم وهو يتحدث بسخريه / وانا مش مستني توافقي يا ضنايا،،،،،، ام فتحي لايق عليكي
زفرت بضيق وجلست علي الاريكة وهي تشير بعدم اهتمام / طب غور غور عايزه اسمع المسلسل
نظر لها بغباء / بت ده بيتي انا
نظرت له ببرود / بيتنا
كاد يعترض علي حديثها لولا انه أدرك شئ فنظر للتلفاز بهدوء مخيف وهو يهمس / هو التلفزيون ده شغال إزاي
ابعدت نظرها عن شاشة للتلفاز وهي تتحدث وكأنها تشرح لتلميذ ما / آه بص ده سهل جدا فيه حاجه  كده اسمها فيشه في التلفزيون دي بقي عامله زي العصايا السحرية اول ما تحطها في الكهربا بووووم يشتغل التلفزيون
هز ادهم رأسه بانبهار مصطنع / لا تخرج قبل أن تقول سبحان الله
هزت ام فتحي رأسها /  ويخلق ما لا تعلمون فعلا
ادهم باقتراح / مفكرتنيش تفتحي قناة يوتيوب هتكسبي كتير اوي بمعلوماتك دي
ام فتحي برفض / لا ياعم واقطع علي الدحيح والناس دي لا مش بحب اقطع الأرزاق
هز رأسه وهو ينظر لكتلة الاستفزاز تلك فصرخ بها وهو يكاد ينفجر / انتي هبلة يابت انتي اقولك التلفزيون شغال إزاي والنور قاطع تقومي تقولي عشان حطيت الفيشه
ام فتحي بتعجب / سلامه النظر نور ايه اللي قاطع
ادهم وهو ينظر بشك وقد أوشك علي الانفجار  / أمال المروحة جوا وقفت لوحدها إزاي
ام فتحي وهي تنظر للتلفاز / لا ده انا اللي قفلتها عشان عاملة صوت وانا مش عارفه اتفرج علي المسلسل أصل انهارده فرح سنية في مسلسل لن اعيش في جلباب ابي
ضحك ادهم بشده وهو يمسح وجهه ولا يصدق ما يحدث له بسبب هذه الفتاه العفريت التي ظهرت له من العدم
نظرت له بتعجب / إيه مش بتحب عبغفور البرعي ولا إيه
كاد ادهم يجيب لولا صوت طرق البيت فنظر لها بشر واتجه للباب فوجد تلك الفتاه المزعجه التي تدعي لوجي وهي تتحدث بخوف / مالك يا دكتور ادهم انت كويس أصل صوتك واصل للشقه عندنا انت بتكلم نفسك ولا إيه
نظر ادهم خلفه لتلك الفتاه ورفع حاجبه فتحدثت
ام فتحي بتعجب / الاه مش دي البت الخلبوصايه الملفوفة في العباية مكسوفه يا مشمشايه متفكي وخليكي معايا اللي جتلك العيادة اسألها بتفصل عبايات عند مين
ادهم بصراخ / ام فتحي اتمسي عشان انا ماسك نفسي عنك  بالعافيه
عادت لوجي للخلف بخوف وهي تجذب طرف عبائتها وتنفخ فيها وتهمس / أعوذ بالله من الشيطان الرجيم انت بتكلم مين يا دكتور هو العفاريت لسه بطلع ليك
نظر لها ادهم ببسمه فسمع صوت ام فتحي وهي تقول / بقولك ايه متروح تجيب مَزه وخمرة وهات البت دي ونسهر سهرة ونس حلوه كده
نظر ادهم لها وكاد يصرخ بها غير مهتم بأنه يظهر كمجنون امام لوجي  لولا صوت فتاة اخري تحدثت وهي تنظر للوجي بتعجب / ادهم مين دي
صفقت ام فتحي بفرحة / الله اكبر اهم بقوا اتنين ده انت طلعت خلبوص ياض يا أدهم بس برضو انا بيج فان للعبايه مش البت ام فستان دي روح دخلهم بقي بسرعه
نظر ادهم لام فتحي وتحدث وهو يترك الباب وللفتاتان تقفان امامه ثم ركض تجاه ام فتحي وهو يصرخ / والله لاكون طحنك يا ام فتحي الكلب........