@New day
_ ថ្ងៃនេះក៏មិនខុសពីម្សិលមិញ Jungkook នៅតែ ភ្ញាក់ពីគេងបានមុនរាងតូចជាប្រពន្ធដដែលតែថាដែល ភ្ញាក់លឿនបែបនេះក៏ព្រោះតែនាយត្រូវរៀបចំខ្លួនទៅសាលាព្រោះតែមានការប្រជុំបូកសរុបពិន្ទុឆមាស ប្រចាំឆ្នាំរបស់សិស្សហើយក៏ត្រូវវិនិច្ឆ័យវិញ្ញាសារ ប្រឡងដែលនៅសល់តែប៉ុន្មានថ្ងៃទៀតប៉ុណ្ណោះ ។
« សឺត...ឆាប់ភ្ញាក់ឡើងប្រពន្ធសម្លាញ់ » រាងសង្ហារអោនថើបថ្ងាសរាងតូចមួយខ្សឺតដោយមិនភ្លេចដាក់ ម៉ោងរោទិ៍លើនាឡិកាលើតុឲ្យគេ ដឹងច្បាស់ណាស់ថាបើគ្មានគេដាស់ទេប្រហែលនៅគេងទាល់តែ សាលាបិទទ្វារចោលមិនខាន ។
< រ៉ឺងៗ >
_ ក្រោយពេលគេចេញទៅបាត់១០នាទីក្រោយមក នាឡិកាក៏រោទិ៍សម្លេងដាស់ឲ្យ Tae រមួលខ្លួនភ្ញាក់ឡើងដោយសារសម្លេងរំខានរបស់វាទើបគេរហ័សក្រោកតែក៏ជ្រួញចិញ្ចើមព្រោះមិនឃើញប្ដីនៅទីនេះដែរ ។
« ទៅណាហើយអញ្ចេះ? » រាងតូចបន្លឺប្រយោគមុន នឹងហារមាត់ចង្គ្រោងស្ងាបទាំងមិនទាន់អស់ងងុយ ភ្លាមនោះទូរស័ព្ទក៏បញ្ចេញសម្លេងទឺង!! បញ្ជាក់ថា មានអ្នកផ្ញើរសារមកទើប Tae ទាញមកកាន់ភ្លាម ។
" សុំទោសណា៎ដែលត្រូវដាក់ម៉ោងរោទិ៍រំខានអូនគេងតែបងត្រូវប្រញាប់មកសាលាមុនទើបមិនបាន នៅដាស់ផ្ទាល់ អ៊ីចឹងអូនឆាប់ទៅងូតទឹកស្លៀកពាក់ហើយចុះមកញ៊ាំអាហារពេលព្រឹកឲ្យឆ្អែតចាំមក សាលា ចាំជួបគ្នាណា៎ប្រពន្ធសម្លាញ់ ♡ "
« ដូចឆ្កួត!! » ក្រោយអានសារចប់ ស្នាមញញឹមរំភើបក៏លេចឡើងលើផ្ទៃមុខតូចស្រស់ស្អាត គេមិនធ្លាប់ត្រូវអ្នកណានិយាយផ្អែមល្ហែមហើយយកចិត្តទុក ដាក់ដល់ថ្នាក់នេះទេគឺ Jungkook នេះហើយជា មនុស្សដំបូងបំផុត ។
Skip៚
_ Tae ដើរចុះមកខាងក្រោមជាមួយទឹកមុខស្រស់ស្រាយខុសធម្មតាធ្វើឲ្យគ្រប់គ្នាជាពិសេសអ្នកស្រី Mori នឹកឆ្ងល់មិនស្ទើរទេ ។
« អរុណសួស្ដីលោកប៉ា » រាងតូចចូលមកថើបថ្ពាល់ រាងចំណាស់មួយខ្សឺតជាការរាក់ទាក់សម្រាប់ថ្ងៃថ្មីទើបអង្គុយចុះ ។
« ថ្ងៃនេះ Tae ដូចជាសប្បាយចិត្តណាស់ មានរឿងអីល្អឬអត់កូន? » លោកKim សួរទាំងរីករាយពេលឃើញកូនគាត់បែបនេះ ។
« គ្មានទេ កូនគ្រាន់តែចង់ញញឹមឲ្យប៉ាឃើញនឹង អាលប៉ាមានកម្លាំងចិត្តឆាប់វះកាត់នោះអី » Tae និយាយហើយស្ញេញដាក់គាត់ កុំថាឡើយលោក ម្ចាស់សូម្បីតែមីងYung ជាមេផ្ទះនិង Donghae ក៏ អត់នឹងមិនញញឹមជាមួយភាពគួរឲ្យក្នាញ់របស់គេដែរ ។
« អា៎...បើចឹងប៉ាវះកាត់ស្អែកនេះតែម្ដងល្អទេ? » Mr Kim
« ល្អណាស់!! » Tae រហ័សងក់ក្បាល បើបានបែប នោះពិតមែនប្រាកដជាប្រសើរ ។
« ឆាប់ញ៊ាំបបរទៅកូននឹងអាលទៅរៀន » Mr Kim
« បាទប៉ា » Tae
« Donghae ញ៊ាំបបរទៅ » Mr Kim
« បាទ » Donghae
< ង៉ឺត > ឡានទំនើបបើកមកឈប់នៅពីមុខសាលា មុននឹង Tae និង Donghae ដើរចូលទៅតែបែរជា មានអារម្មណ៍ថាចម្លែកព្រោះសិស្សក្នុងសាលានាំគ្នាសម្លឹងមើលមករាងតូចថែមទាំងនិយាយខ្សឹបខ្សៀវដោយក្នុងដៃមានទូរស័ព្ទម្នាក់មួយហាក់បីដូចជា Tae កំពុងក្លាយជាប្រធានបទដែលពួកគេកំពុងជជែកគ្នាយ៉ាងចឹង ។
« បងប្រុស!! ហេតុអីក៏គ្រប់គ្នាមើលមកបងចឹង? » Donghae ងាកសួរទាំងមិនដឹងអ្វីរីឯរាងតូចដែលកំពុងឆ្ងល់នោះក៏ប្រឹងធ្វើដូចធម្មតាហើយញញឹមបន្លប់ប្អូនវិញ ។
« បងក៏មិនដឹងដែរតែប្រហែលជាគ្មានអីទេ Donghae ទៅថ្នាក់ទៅ » Tae
« អ៊ីចឹងខ្ញុំទៅហើយបងប្រុស » Donghae
« ចាំជួបគ្នាណា៎ Bye Bye » Tae គ្រវីដៃលា ពេលអាល្អិតទៅបាត់ទើបគេងាកមើលគ្រប់គ្នាដែលកំពុងខ្សឹបខ្សៀវគ្នាមិនសំចៃមាត់ ស្របពេលនោះ Jimin ស្រាប់តែរត់ត្រហេបត្រហបមករកគេទាំងក្នុងដៃមានទូរស័ព្ទផងដែរ ។
« Tae!! Tae!! មានរឿង...មានរឿងធំហើយ » Jimin ដកដង្ហើមសឹងមិនដល់គ្នាធ្វើឲ្យរាងតូចជ្រួញចិញ្ចើមមិនយល់ ។
« មានរឿងស្អីនិយាយឲ្យច្បាស់ទៅមើល » Tae
« គឺ... » Jimin លើកទូរស័ព្ទឲ្យទើបរាងតូចកញ្ឆក់ វាទៅមើលក៏បានឃើញវីដេអូដែលជនអនាមិកម្នាក់ផុសវាលើបណ្ដាញសង្គម ជាវីដេអូដែលមានស្ទើរតែគ្រប់សកម្មភាពដែល Jungkook ស្និទ្ធស្នាលជាមួយ Tae ទាំងអោបទាំងថើបនៅក្នុងថ្នាក់រៀន ក្នុងបណ្ណាល័យក្រោយអគារសាលានិងជាច្រើនទៀតដែល ល្មមឲ្យមនុស្សយកទៅនិយាយដើមបំផើមឲ្យកេរ្តិ៍ឈ្មោះអ្នកទាំងពីរត្រូវខូចខាតបានយ៉ាងសប្បាយ ។
« នេះឯងទៅមានរឿងជាមួយអ្នកណាបានជាគេមាន វីដេអូអស់ហ្នឹងហាស Tae? » Jimin សួរតែរាងល្អិតពេលនេះគេមិនអាចនិយាយអ្វីបានត្រឹមក្ដាប់ទូរស័ព្ទជាប់ហើយសម្លក់ទៅគ្រប់គ្នាដែលនិយាយដើមគេធ្វើឲ្យពួកគេអោនមុខចុះបំបែកផ្លូវគ្នាភ្លាម ។
« ឯងចង់ទៅណា Tae? Tae?! » Jimin រហ័សសួរពេល Tae ហុចទូរស័ព្ទឲ្យគេរួចក៏ដើរទៅណាក៏ មិនដឹងយ៉ាងលឿន អ្វីដែលគេបារម្ភគឺខ្លាចតែរាងតូច បង្ករឿងផ្ដេសផ្ដាសប៉ុណ្ណោះ ។
_ នៅក្នុងបន្ទប់ប្រជុំដែលមានសុទ្ធតែគ្រូៗនិងនាយក សាលា ដំបូងឡើយគិតថាប្រជុំពីរឿងពិន្ទុសិស្ស
ប៉ុណ្ណោះតែដោយសារវីដេអូស្និទ្ធស្នាលមួយនោះទើប Jungkook ត្រូវពួកគេស្ដីបន្ទោសនិងបង្ហាញពី ភាពអាម៉ាសដែលក្នុងសាលាមានរឿងបែបនេះ បើលេចលឺដល់ខាងក្រៅច្បាស់ជាខូចឈ្មោះសាលា ប្រាកដណាស់ ។
« លោកគ្រូJeon!! ខ្ញុំមិននឹកស្មានទេថាលោកជាគ្រូម្នាក់ដែលមានតួនាទីបង្រៀនសិស្សឲ្យធ្វើអំពើល្អតែ លោកខ្លួនឯងបែរជាជាន់ឈ្លីលើការអប់រំបែបជាគ្រូទៅវិញ ខ្ញុំខកចិត្តនឹងលោកខ្លាំងណាស់ » លោកនាយកនិយាយជាមួយទឹកមុខខកចិត្តធ្វើឲ្យរាងក្រាសក្រោកឈរទាំងដឹងខុស ។
« ឲ្យខ្ញុំសុំទោសផងលោកនាយក » នាយអោនក្បាលជាការសុំទោសមិនដឹងជាលើកទីប៉ុន្មានហើយទេធ្វើឲ្យរាងតូចដែលឈរមើលពីខាងក្រៅក្ដាប់ដៃ ទាំងខឹងនិងអាណិត Jungkook នេះគេត្រូវមកសុំទោសលើរឿងដែលមិនសមជារឿងចឹងមែនទេ?
« ហ៊ើយ...មានរឿងដល់ថ្នាក់នេះហើយលោកគិត ចង់ធ្វើយ៉ាងម៉េចតទៀតលោកគ្រូJeon? » លោក នាយកដកដង្ហើមធំសួរឯរាងក្រាសក៏ទម្លាក់ទឹកមុខ គេដឹងថាធ្វើបែបនោះពិតជាខុសពីវិន័យរបស់ក្រមសីលធម៌និងវិជ្ជាជីវៈរបស់គ្រូពិតមែន គេខ្លួនឯងសម តែទទួលកំហុសហើយ ។
« មុនដំបូងខ្ញុំអរគុណដែលលោកនាយកយល់ព្រមឲ្យខ្ញុំបានបង្រៀននៅទីនេះ ខ្ញុំសប្បាយចិត្តណាស់ដែលបានចែករំលែកចំណេះដឹងឲ្យទៅក្មេងៗតែខ្ញុំដឹងថាកំហុសរបស់ខ្ញុំម្ដងនេះវាមិនសមឲ្យខ្ញុំធ្វើជាគ្រូបន្តទៀតទេបើអ៊ីចឹងខ្ញុំសុំលាឈប់ទៅចុះ សង្ឃឹមថារឿងទាំងអស់នឹងបានចប់ត្រឹមនេះ » Jungkook
< ក្រាក >
« អ្នកណាប្រាប់ឲ្យលោកឈប់??! » សម្លេងតូចស្រែកគំហកឲ្យនាយធ្វើឲ្យគ្រប់គ្នាភ្ញាក់ផ្អើលនឹង
វត្តមានរបស់គេជាពិសេសគឺ Jungkook តែម្ដង ។
« Kim Taehyung!! ប្អូនមិនគួរសម្រុកចូលបន្ទប់ នេះដោយគ្មានការអនុញ្ញាតទេ » អ្នកគ្រូម្នាក់ថាឲ្យគេភ្លាម ។
« ហេតុអីក៏ថាគ្មានសិទ្ធិបើរឿងដែលគ្រប់គ្នាកំពុងនិយាយក៏ទាក់ទងនឹងខ្ញុំដែរនោះ? » Tae
« Tae...ចេញសិនទៅ » រាងក្រាសប្រាប់ឲ្យចាក ចេញពីបន្ទប់តែរាងល្អិតបែរជារឹងទទឹងដដែល ។
« ខ្ញុំមិនចេញដាច់ខាតបើលោកគ្រូលាឈប់ » Tae
« Tae... » Jungkook
« ល្អ រឿងនេះក៏ទាក់ទងនឹងប្អូនដែរបើអ៊ីចឹងប្អូនថា ទៅមើល តើពួកយើងគួរចាត់ការយ៉ាងម៉េចជាមួយគ្រូដែលមិនគោរពតួនាទីខ្លួនឯងនិងសិស្សដែលលួចធ្វើរឿងមិនសមរម្យបែបនេះ? » លោកនាយកចោទជា សំណួរឡើងធ្វើឲ្យ Tae ហាក់បីដូចជាភាំងរកនឹកអ្វីឆ្លើយលែងចេញបើអ្វីដែលគាត់សួរមកសុទ្ធតែចាក់ ដោត ។
« ខ្ញុំ... » Tae ឈរស្ងៀមរកចម្លើយមិនបានមិនរអិលមាត់ដូចមុននេះសោះ ។
« សុំទោសផងអ្នកទាំងអស់គ្នា » ឃើញគេក្នុងសភាពបែបនោះ Jungkook ក៏អោនខ្នងជាការសុំ មុននឹងដើរមកទាញដៃរាងតូចចេញពីបន្ទប់ប្រជុំដើម្បីនិយាយគ្នាឲ្យដឹងរឿងនៅខាងក្រៅ ។
« ចូលទៅក្នុងនោះធ្វើអី? អូនជាសិស្សកំពុងតែជិត ប្រឡងចុះបើលោកនាយកខឹងមិនឲ្យប្រឡងនោះអូនគិតយ៉ាងម៉េចហាស Tae? » រាងក្រាសស្ដីឲ្យខ្លាំងៗធ្វើឲ្យរាងល្អិតអោនមុខចុះ ស្មារចាប់ផ្ដើមញ័រទទ្រើកអាចឲ្យ Jungkook ដឹងបានថាគេកំពុងយំ នេះគេ ប្រើសម្ដីជ្រុលខ្លាំងពេកទេដឹង?
« នេះអូនយំមែនទេ? សុំទោសណា៎ដែលបង និយាយខ្លាំងៗដាក់អូន សុំទោស... » នាយបន្ទន់ជង្គង់អោនមើលភ្នែកដែលកំពុងយំឡើងក្រហមព្រមទាំងលើកដៃជូតទឹកភ្នែកឲ្យ Tae ថ្នមៗផងដែរ ។
« ហុឹក...ខ្ញុំគ្រាន់តែមិនចង់ឲ្យលោកលាឈប់ដោយ សារតែខ្ញុំមិនចង់ឲ្យលោកចេញពីទីនេះប៉ុណ្ណោះ ហ៊ឹកៗ...ហេតុអីចាំបាច់ស្ដីឲ្យខ្ញុំ? អាមនុស្សអាក្រក់!! ហ៊ឹកៗ... » រាងតូចជេរវិញទាំងយំសសឹក ដឹងទេថា មុននេះគេខ្លាចប៉ុណ្ណាពេលលឺ Jungkook សុំឈប់ពីការងារដែលគេស្រឡាញ់ព្រោះតែស្និទ្ធស្នាលជាមួយគេ ថែមទាំងគិតថាគ្រប់យ៉ាងជាកំហុសរបស់គេថែមទៀត ។
« តែបងគ្មានជម្រើសពិតមែន បើបងមិនសុំឈប់រឿងពិតជាមិនចប់ហើយអាចប៉ះពាល់ដល់ការប្រឡង របស់អូនថែមទៀត Tae កុំខឹងអីណា៎ » Jungkook ចាប់ដៃទាំងគូរបស់រាងតូចមកកាន់ពន្យល់គេតាមសម្រួល មិនមែនគេចង់ឈប់ទេ គេស្រឡាញ់ការ បង្រៀនខ្លាំងណាស់ តែបើនៅបន្តទៀតមុខជារឿងមិនអាចស្ងាត់ គ្រប់គ្នានៅតែបន្តនិយាយដើម Tae ហើយអាចលឺដល់គ្រូៗនិងនាយកសាលា ការប្រឡង នៅសល់មិនប៉ុន្មានថ្ងៃទៀតប៉ុណ្ណោះ មិនអាចឲ្យរឿងតូចមួយបំផ្លាញអនាគតរបស់ Tae នោះឡើយទើបគេត្រូវតែសម្រេចចិត្តដាច់ខាតបែបនេះ ។
« ពិតជាគ្មានជម្រើសផ្សេងមែនហ្អេ៎? លោកមិនលាឈប់បានទេ? » រាងតូចពេបមាត់ទាំងទឹកភ្នែកធ្វើឲ្យរាងក្រាសលោរទៅថើបថ្ងាសគេមួយខ្សឺតឯ Tae ក៏បិទភ្នែកទទួលស្នាមថើបដ៏ទន់ភ្លន់មួយនោះដែរ ។
« បងធ្វើវាក៏ដើម្បីឲ្យអូនល្អដែរណា៎ » នាយនិយាយក្រោយដកបបូរមាត់ចេញ ។
« តែខ្ញុំ... » Tae
« ត្រូវខំរៀនប្រឡងឲ្យជាប់ទៅ ដល់ពេលនោះបងច្បាស់ជាត្រេកអរជាមួយអូនមិនខានលឺទេ? » Jungkook ញញឹមសួរដោយទន់ភ្លន់ជាហេតុធ្វើឲ្យរាងតូចស្របតាមគេឲ្យទាល់តែបាន ។
« អ្ហឹម!! » Tae គ្រហឹមងក់ក្បាលតបទើបរាងក្រាសញញឹមលូកយកកូនកន្សែងពីក្នុងហោប៉ៅមកជូតវាស ទឹកភ្នែកចេញពីមុខតូចស្អាតថ្នមៗខណៈពេលដែលរាងតូចនៅតែអណ្ដឺតអណ្ដក់ដូចកូនក្មេងដដែល ។
« ស្អាតហើយ!! ទៅថ្នាក់មុនបងចុះចាំបងទៅតាម ក្រោយ ស្ដាប់សម្ដីណា៎ក្មេងឆ្លាត » Jungkook អង្អែលក្បាលរាងតូចបន្តិចទើបដើរចូលទៅបញ្ចប់បញ្ហានៅក្នុងបន្ទប់វិញតែស្មានឬថា Tae នឹងទៅថ្នាក់ វិញដោយងាយនោះ? ច្បាស់ណាស់ថាគេនឹងវែកមុខ រកអ្នកដែលផុសវីដេអូមួយនោះហើយមិនធ្វើឲ្យវា រៀននៅក្នុងសាលានេះបានទៀតឡើយ ។
To be continued.....💜⭐️🌈