بنات حجي جباك

البارت الرابع وعشرون

گلـوولهم كلشي خـلص
ماي وتبده بصحره

لا لمته ﭼـفوف البدو
ولا للفلح سد الثغره

گلولـهم مر الوكت
وانـه اعله جرحي اتلوه
الجربته بالشده وفشل

لا يوصل بوكت الضحك
ويصير صاحب نخوه !!

الكاتبabbas haji

الحجيه ،،، ها يمه شرايدين

جاسب،،، حجيه اني الولد الي كتلج انتضريني

حجيه،،، شو صرت شيخ يمه

جاسب،،، يمه هسه انتي شلج شغل ابنج خل يضل يداوم وخل يشد حيله ومصرفه اني اتكفله

حجيه،،، ييمه الله بيض وجهك ويخليلك اهلك  يمه بردت كلبي الله يبرد كلبك

علاء،،، حجيه وين بيتكم  

جاسب،،، وصلناها للبيت لكيتها هيه ورجال شايب  وعدها بنات صغار اعمارهن بل 15 سنه انطيتها افلوس مليون ونص وكتلها كل شهرين انطيكم هلكد بس خلي ابنج يدرس  طلع حته البيت اجار كاعدين بيها  طلعنه من بيتهم كلت العلاء ولك شنو هل هويه كال مكتوب بي جاسب كتله شنو متعرف تقره  كلي ليش كتله هاذ اني بيها لواء مو  شيخ خرب بليسك كال ما باوعت اجيت بساع كتله هاك انته هم مليون  مال هاي شغله

علاء،،، جاسب حيرتنه انت كمت توزع افلوس شكو سامع شي بس لا راح تموت

جاسب،،، علاء راح اعوف شغله الكراج  واريدك انته وصباح هم تعوفونه

علاء،،، لعد شنشتغل

جاسب،،، راح  احول الكراج من تفصيخ السيارات الى كماليات ومواد سيارات باجمع

علاء،،، والبوك مالك

جاسب،،، اس احترم خلي نعوف هاي شغله

علاء،،، والحجي اذا اجه ولكه كراج هيج مسوي بيه

جاسب،،، عادي يا ابني حتى إذا الكراج ماله هوه خاله بس للاجتماعات

علاء،،، بكيفك انته بعد اعرف

صباح،،، يعني احنه نكوم شنسوي نبيع مواد احتياطيه

جاسب،،، مو كافي ولكم جهالكم الى متا ياكلون حرام مفكرتو بيهم

علاء،،، ما شاء الله جاسب  شنو هل تغيير

جاسب،،، علاء لا تضل تمضرط اني جاي استفسركم

صباح،،، بربك شنشتغل بله انته ما عدا هاذ الشغله عندك غيرها

جاسب،،، اي افتحلي محل يا ولد شغله صاير خطره رجل اخو مرتي يكول اكو هواي عصابات يمكم فاتحين   كراجات وديبوكون بلعالم  وكال دننتضر ادنه زله نلزمهم والحجي خابرني كال ديرو بالكم  زين احنه اذا ماكو شغل قابل نفتح مخضر بلكراج وننطي اجار

علاء،،، براحتكم انتو

جاسب،،، بيعو الغراض كلها وقسموها بينك وبين صباح

صباح،،،، هيه شكد تجيب

جاسب اقل شي غراض سيارات وكل الامور تجيبلكم 12 مليون كل واحد ياخذ 6 ملايين وفتحو محلات وشتغلو عليها

علاء،،، ما اعرف شكلك جاسب انته حر

جاسب،،، كتلهم بلشو بلبيع بعد واني رجعت للبيت كلت ها رقيه شلون مر يومج

رقيه،،، والله جاسب ملتهيه بلشغل البيت وسويت اكل 

جاسب،،، اي زين هاي سناء ما شفتيها

رقيه،،، بلي اجت بلباب حجت وياي وراحت طبعا ملاحضه للمتابعين القصه ما اشتكيت على سناء يم جاسب وما كتله محبيت اوصله الحجي حتى لا ياخذ غير نضره عليها بس غلط جان لازم اكله

جاسب،،، زين حبيبتي  عبالي هم اجت يمج وكامت تمضرط  صبت الغده اتغديت وطلعت رحت يم حجي جباك بس معقوله ماطول ما حجت شي معناتها  سناء كلامها صحيح ما اعرف شبيج رقيه وياها هسه اذا شاكه واحد يكول ميخالف رحت يم الحجي

حجي جباك،،،  هلا جاسب شلونك

جاسب،،،والله حجي اريد اترك شغل هناك وبلش بشغل جديد

حجي جباك،،، ليش ابني هوه مو سلمك المحل ليش تعوف شغل

جاسب،،، خابرني حجي جليل  كال عوف شغله هناك بعد انتو بكيفكم تشتغلون لو لا انتو احرار

حجي جباك،،، ليش ما تجي تشتغل ويايه شعندي اني همينه تساندني ورزق خير من الله

جاسب،،، لا حجي  يمكن افتح اسواق احسن لي

حجي جباك،،، بكيفك ابني بس اسواق يحتاجله فلوس

جاسب،،، الحجي انطاني دفترين كال افتح اسواق ونطي البيتي همين عينك عليهم بل مصروف

حجي جباك،،، شكد انسان محترم والله اول ما شفته حبيته وحسيت بي انسان محترم هل مره من يخابرك  سلملي عليه

جاسب،،، يوصل ان شاء الله مرت ايام انباعت غراض الكراج والولد اتقاسمو الفلوس وكل واحد  راح بدربه واني سناء ماكله كلبي ورقيه منى مورمه كلبي رقيه تكول ماطول بعت الكراج خلص رجعلهم البيت وخل نروح بيت ابويه وست سناء تكول ليش بعتها تريد تعوفني المهم اني مهتميت حجيهم اثنينهم اختهم ريم اتزوجت من ضابط وابوهم ضل وحده  بلبيت  وكامن البنات يروحن ويردن يساعدو بتنضيف البيت

نسرع الاحداث شهركامل سناءما بقالها غير اربع اشهر وتجيب  واني فتحت اسواق صغيره قريب عن محل عمي يم سوك ورزق جان خير من الله  حته شغلت  شباب اثنين ويايه حته ما اتعب بلشغل المهم رقيه خليتها تقتنع انو الحجي شريكي بل اسواق وهاذا سرمد  كل فتره يجي لاسواق مالي  يعكر مزاجي هوه لان ضابط مزاجي معكر  خابرتني رقيه،،، كالت  يله نروح لبيت ابويه اليوم حته رعد وسرمد يباتون هناك احنه هم  نروح نبات
كتلها بكيفج حبيبتي بس اني ما احب ابقى

رقيه،،، تعال انته خل نتفاهم

جاسب،،، مسافت طريق يمج اني  وصلت للبيت

سناء،،، جاسب تره عيب مرتك من تشوفني تتفل عليه

رقيه،،، فتحت الباب لان عرفت جاسب رجع واسمعها تكولى مرتك تتفل عليه اتخبلت وضليت سافنه

جاسب،،، باوعت على رقيه  كتلها ليش رقيه

رقيه،،، يابه والله  تجذب

سناء،،، رقيه عيب عليج اني اعتبرج اختي مو عيب عليج تفلين وليش اجذب انتي متحترمين

رقيه،،، حبيبتي مو صوجج صوج جاسب  ميت مره كتله خلي نطلع من البيت  بس ميسمع كلامي
جاسب،،، اختي العزيزه اخذي راحتج اني راح احجي ويه رقيه دخلت رقيه للبيت كتلها ليش هيج رقيه

رقيه،،، جاسب احرك البيت اذا تكول نعيش بيها بعد والله العظيم بعد مالي كعده بهالبيت

جاسب،،، حبيبتي البيت بيتي شلون اعوفه اني عمرته وبنيت بي   شلون اعوفه بس عندي حل راح اسوي باب خارجي احسنلي اترجاج رقيه كافي بعد

رقيه،،، جاسب اني تحملتها هواي ما ارجع للبيت اذا متسوي الباب خارجي ونته ليش مجلب بهالبيت المشؤوم

جاسب،،، رقيه  عيب هيج تكولين ما ارجعج حد متكمل الباب

رقيه،،، لا مو عيب لان هاي بربوك عينك عينك تجذب الله اعلم باجر شتحجي 

جاسب،،، ماشي انطيتج وعد اسوي باب خارجي وسد باب الي بحوشهم كافي بعد عيب لا تفضحينه بين العالم

رقيه،،، الخاطر عيونك اتحمل هاذ 3 ايام لاكن تجهز الباب الخارجي ها

جاسب،،، وعد يجهز هسه تحضري خلي اخذج البيت اهلج اني هم ابات بليل وياج يله تحضري اتحضرت ورحنه اهناك من وكت  اني من وصلتها كلت اروح لاسواق  طلعت مناك رحت يم سناء

سناء،،، تره صدك هاي العوبه ما تستحي

جاسب،،، ما اعتقد رقيه تتفل عليج سناء

سناء،،، يعني شنو اني اجذب عليك  جاسب كافي انته هاملني وهاي زوجتك طالعه عينها كافي ما اتحمل  مبين عليها تريد تموت ابني

جاسب،،، ليش تموت ابنج هيه تساعدج بكلشي بعد شتريدين

سناء،،، هيه شاكه بطفل  لان هذاك اليوم كلتلي جاسب حاجيلي انو الحجي ميصير عنده طفل هطفل منين اجه بطنج  اني مره مثلها اغار وهيه من الغور مالها كلشي تسوي مستعده حته تكتلني

جاسب،،، اني كايللها هيج

سناء،،، اي انت كايللها

جاسب،،، لا والعباس ابو فاضل اني ما حاجي هيج حجي يمها تجذب

سناء،،، انت تريد طفلك

جاسب،،،، شنو هل حجي طبعا اريده

سناء،،، ما ضل شي تعال اتزوجني بعد

جاسب،،، مو وكته سناء شتزوجج باجر تظهر قضيه الحجي  وننفضح اني وياج خلي شويه القضيه  تصير عتيكه

سناء،،، شنو عتيكه جاسب من حقه ابني يعيش ويه ابو شنو تريده يجي لدنيه وما عنده اب

جاسب،،، منو كلج اني  ما اريد طفل فكري بعقل لو جنت ما اريده جنت اخلي الحجي يكتلكم او اصلا اني اكتلكم هناك ويه الحجي وذبكم بلشط لا منشاف ولا مندره

سناء،،، لعد اذا تريدني ليش ما اتزوجني

جاسب،،، كتلج حبيبي اعقد عليج يم سيد وشوكت ما كدرت اتزوجج من المحكمه  يا عمري طلعت مناك رحت بيت حجي جباك لكيتهم كلهم ملتمين هناك  كعدنه اتعشينه

زهراء،،، سرمد صدك تعرف مكدرت اسئالك على شايب الذابي بشط

سرمد،،، شبي

جاسب،،، يا شايب

سرمد ،،، ما تعرف انته اكو رجال شايب  كاتلينه وشاديله بلوكات حته ميطوف وكاتلينه برصاصتين

جاسب،،، لا حول ولا قوه الا بالله

سرمد،،، اي والله لو مو شاهد جان اصلا منعرف بي وحد الان عائلته ميسالون عليه وشكد ردنه بس واحد يسال عليه ماكو احد مبين الكاتلي منه وبي مو غربه

جاسب،،، والله يا اخويه ناس متخاف الله كلشي تسوي والله

ريم،،، حبيبي  اكلك الحجيه كالت ارجعو من وكت باجر

جاسب،،،، شعدكم مستعجلين من الصباحيات ترجعون

سرمد،، انى عندي دوام والله  وتعرفون الام كلبها على ابنها نار اخذ ريم للبيت واني اروح لدوام

حجي جباك،،، اوليدي الله يوفقكم

رقيه،،، يابه اني باقيه يمك اريد

جاسب،،، اي حبيبتي ابقي  حد ما اني  اخلص الشغله الي اتفقنه عليه

رقيه،،،خلصنه كلام وسوالف ورحنه فرشنه للزلم  وفرشنه بغرفتنه الي جنه نام بيها احنه البنات  حجينه على بعض امور حياتنه ريم تسولف تكول ونعم منهم ما تعاركني ولا يضوجوني عمتي وعمي وصلنه الزهراء

زهراء،،، بل بدايه جان وضعهم زين  لاكن بمرور زمن عمتها صارت نار وشراره عليها ويه خوات رعد اما بنسبه

ريم ،،،،بدايه زواجها حلو  ماكو اي خلافات بينها وبين سرمد  القصه مستمره واحداثها راح تزيد  بل اكثر  كبل جان نحجي بس عائلة حجي جباك وجاسب لاكن هسه صارو 3 عوائل فمجبورين نقسم القصه بطلب منهم كل عائله وحد يعني كل بارت  نقسمها على ريم وسرمد وزهراء ورعد ورقيه وسناء وجاسب  وان شاء الله بل بارت الاخ نبلش حته لا تصير خبصه عليكم

جاسب،،، اني  حسبه تاخذني وحسبه تجيبني ما اعرف اذا شرطه واصلين للجثه يعني عن قريب ننلزم وتعال سين وجيم شلون ورطت روحي  وشلون اخلص من المشكله صار صبح سرمد ورعد راحو الشغلهم ورقيه كتلها ابقي هنا حد ما اخلص شغله البيت  رحت للبيت طلعت عمال كتلهم سوولي باب خارجي رحت يم سناء اخذتها ورحنه يم سيد عقدنا ورجعت وياها للبيت كتلها جليل مطلعينه من الشط

سناء،،،، شنو مجايه افتهمك

جاسب،،، رجلج جليل مطلعينه من شط

سناء،،، يا يمه منو مطلعه

جاسب،،، الشرطه مطلعينه ومنتظرين اهله يسالون عليه

سناء،،، صدك تحجي لو تشاقى

جاسب،،، اي والله صدك احجي وشرطه ميعرفونه يردون اهله يسالون عليه بعدين احجيلج هسه خل اروح للاسواق بعدين احجيلج طلعت كبل رحت لاسواق لكيت سناء تخابر ها سناء ليش تخابرين بعدني ما وصلت لاسواق وخابرتي

سناء،،، جاسب راح اروح للمركز  اكللهم زوجي

جاسب ،،، صدك تحجين انتي مخبله عاقله

سناء،،، لا عاقله اروح اكللهم اني مرته يتبع

الحكايه قيد الكتابه