رواية..غياهب..الجهلِ والظلمِ
بقلمي_نورس-قاسم_
~~~~~~~~~~~~~~~'''
..كيف تستطيعون الخروج من السرير؟
كيف لاتخافون أن تتناثرو كـ كومة رماد؟
كيف تتجاوزون هذا الشعور ؟ وهذه الحياة؟
كيف تشرحوا للآخرين عنّ القصب المُحترق الذي أراد أنّ يُصبح ناياً؟
عنّ عود الكبريت الذي حمل موته فوق رأسه وكان كُل همه أنّ يُضيئ شمعه؟
عنّ الأشجار المقطوعة التي أرادت أنّ تُصبح للطير بيتاً،
عنّ القمر الذي أراد أنّ يُضئ شهراً؟
كيف لايصحو مُختنقاً من غصة رئتاه برماده؟
كيف؟!
💔💔💔💔💔
ميرا...
راحن ماما والبنات للسوك واني مجان على بالي اروح مخنوكه واحس روحي مثل الطير المذبوح..
..مااعرف شنو الي اريده اجتي نور يمي بقينه نسولف اني وياها ونضحك ...
...اباوع للساعه مترضى تمشي رغم كان شهر ال١٢ ابدايته ..
..والجوه بيه بروده والنهار قصير صافنه وحسيت على ايد نور الي تهز بكتفي وهي تكول ...
نور ... ولج وحطها وموتها كتل والصراحه اني كلبي ارتااااح من ضربها ...
...باوعت عليها بأستغراب منو ضرب منو ومنو الي ارتاح ؟؟؟
...كلتلها ..مافهمت شنو السالفه ..
شهكت وكالت ..
...عزه العزاج ميرا صدك لا كالو غبيه وثوله صارلي ساعه اشرح واسولفلج عن مرت اخويه ...
...وهسه بكل بساطه تكوليلي شنو السالفه؟؟.. ولي بعد ولااسولفلج حمارا...
باوعتلها صفح ثاوبت وكلتلها.. نور حبابه كومي اشتريلنه من ابو قاسم وتعالي ...
حجت وهي اطك بعلجها ... وشنو اشتريلج بلا ؟؟
...جاوبتها بعد تفكير.. امم جبس وحب واندومي علمود انتي تشعليلي الطباخ لو هم تخافين؟؟
هزت ايدها ... شنو. السالفه اخاف اشعل الطباخ واني مره طول بعرض انتي مايعه واقل نفخه اتطيرين قابل اني مثلج ..
..لا مومثلي يلا هاج هايه فلوس وكومي جيبي وتعالي بسرعه لتتأخرين ...
..ماشي كايمه وامري لله صدك اقفلي الباب ورايه هذا ابن عويدل هم اجاي سكران ...
...تماااام تمااام بس روحي جيبي وخلصيني....
...هزت ايدها وطلعت اني بسرعه رحت للحمام لان كنت متضايقه واستحي اكوم كدامها ..
..ستوني دااطلع من الحمام واسمعت طكه بالبيت ..
..معقوله نور رجعت بهالسرعه .. لعد اشو اني ساعتين يلا ارجع ...
فتحت باب الحمام وطلعت مشيت خطوتين وحسيت بأدين طاوقت خصري ...
...اكيد هايه شذر دائماً تسويها بيه ابتسمت وغمضت عيوني ..رفعت ايدي داابعد ايدها بس!!!
هايه ايد خشنه مو مال بنات مال زلم!!!
..احس قلبي وكف وماعاد يدك. جمدت بمكاني ...
خوف وهلع واحساس اجتاحني مررييع حييل ..
حسيت بأنفاسه قريبه من ركبتي وهو يضحك ضحكته المعتاده ..
حسيت بنفسي اريد استفرغ على كد مالعبت نفسي منه ..
..دفعته ودرت وجهي بسرعه عليه باوعت بعيونه مدري من خوفي شفتهن يخوفن مدري هنه هيج من زمان و اني كنت معميه بيه...
رفعت اصبعي بتهديد ... انتَ شنو اتسوي هنا وشلون تدخل للبيت هيج وشلون تسمح لنفسك تلمسني بهالشكل ؟؟؟
...اتقرب مني ولزم اصبعي الي رافعته عليه ولواه حيل عطت من الوجع وكمت ادفع بيه بس مكدرله ..
..اضرب بيه بس عبالك اضرب بدنكه موبشر اديه وجعتني وهو متوجع..
بنفس مخربط وهو يباوع لشفافي كال... لج يحلوه ابن عمج العصابجي يدزلي شلة نسوان علمود تضربني موو؟؟
...فتحت عيوني على وسعهن واني مصدومه من كلامه معقوله ادم عرف بعلاقتنه ودز زلم يضربوه ؟؟
تقرب مني اكثر واني ادفع بيه بأيد وحده والثانيه لاويها وحاطها ورا ظهري..
..شوفي من الاخير اني اريد اكسر خشم هالعار وكنت ناوي اخذ ربعي واروح اكسر راسه ...
..بس كلت مااراح اكسر راسه بكد ماراح اكسر عينه بيج ...
كال اخر كلمه ودفعني عالتخم
..انضرب اصبع رجلي بطارف البلازمه وكان الطارف حيل حاد اباوع رجلي كامت تنزف ...
..اني اخاف من الدم واتخبل من منظره كمت اصرخ بصوت عالي ..
رجعت نظري عليه واكف ويضحك بصوت مقزز ويلعب النفس فتح اول ازرار من قميصه وهو يكول ..
...اليوم اذا مااخليه هاالعار اركان يجيني راكع و يبجي ويتوسل بيه علمود اتزوجج مااتسمى ابن ابوي ..
..خفت حيل وكمت ابجي واصرخ نزع قميصه واجه عليه يحاول يتقرب مني واني اضرب بيه واحاول افلت نفسي منه بأي طريقه ..
...بس مدااكدر اله للحضه حسيت روحي حاتنسحب من جسمي وكمت مااشوف شي غير غواش
...شفت كأنو نور ضربته سكينه وكأنو السكين طاحت بزند ايده ونور تصرخ وتستنجد وماعاد شفت شي
...رحت لعالم ثاني عالم المفروض من زمان اروحله وارتاح من جهل البشر وظلمه الي ...
~~~~~~~
اسيل:-
...خلينه ورجعنه للبيت العصر كولش ويه منزلنه من السياره باوعت لفرعنه ..
..واشوف الجوارين ملتمه يم باب بيتنه نسوان وزلم ...
...قلبي لجمني والخوف داهمني على ميرا ماما وشذر وكفن ووحده تباوع للثانيه ...
..شمرت العلاليك من ايدي ورحت اركض للبيت وصلت ودخلت للبيت وريتني مادخلت ..
...ميرا واكعه عالارض ونور لازمه سكينه وواكفه يمها والسكينه مليانه دم.
ضليت مصفصفه بمكاني لااخذ ولاانطي كول ضني اختي ماتت!!!
اجن ماما وشذر وهنه يصيحن شكو وشكو ..
ماما من شافت ميرا صرخت بصوت عالي وشمرت العلاليك وراحت عليه تركض ...
...كامت تضرب بوجهه تريدها تصحه وهي تباوع لنور وتسألها..
...شنو الصار ولج يمه احجي شبيها بنيتي وهايه السكين ليش بيدج وكلها دم ...
..اباوع لنور جسمها يرجف ودموعها تدير وبس تمتمت...
...حححاول يعتتتدي. عليييها الحيوااان بس بس اني قتلته ...
شذر شهكت واني ضربت خدودي بأديه ...عززه العزاني يربي ..كمت عليها لزمتها من كتافها وصحت بصوت عالي ...
....لجججججج نوووور احجييي منووو الحااول يعتدييي عليهااا وشلووون ...
...كالت وهي تناشغ وتبجي بصوت.. رحت اشتريلها من المحل رادت تشتري ..
..اجيت لكيت قصي الحقير حاصرها بالتخم يحاول يعتدي عليها وهي مثل الطير المذبوح ترافس بيه تحاول تبعده متحملت المنظر واني اشوفه مثل الشيطان وبلا رحمه ...
...ركضت للمطبخ طلعت سكين ورجعت للكليدور ردت انبتها بكلبه بس مكدرت تحرك وطاحت السكينه بزنده ...
..الواطي كام ودفعني وهرب لان كمت اصرخ بصوت والجوارين مثل متشوفين كلهم اجو ...
...وهو الحقير هرب من عندي للأسف مكدرت اقتله لهالحيوان...
اسيل... احترك دمي وفارت روحي الي كنت خايفه منه صار كان قلبي واجعني وخايفه يأذيها ...
..وصار وكدر ايأذيها الحيوان العار والله لو الزمه اطلع حليب امه من خشمه الحقيرررر ...
..اااااااخ ربي احس روحي راحت واني اتخيل هالحقير شلون حاول يعتدي عليها
..
~~~~~~~~~~~~~
شذر:-صدمه كبيره النه من الي صار اباوع لوجهه اصفر وشفافها زرك رحت اركض جبت ماي رشيته على وجهه
كامت تأن بصوت مخنوك مثل الي شابع بجي وصريخ وتعبان بعد ميكدر يكول شي ...
..لزمت ايدها واني ابجي ... ميوره حبيبتي فتحي عيونج يعمري اني هنا لتخافين ...
...فتحت عيونها ورجعت غمضتهن ..بهايه الاثناء دخل بابا وادم وعمو علاء ...
..بابا اجه يركض وملهوف وهو يكول .. شنو صاير شكو شبيها ميوره ..
...ماما سولفتله الي صار لو ادم تخبل كام يرعد ...
...حيوووان حقيير وين يروح مني اله ازوعه العافيه اليوم ..
..كان لابس زيه العسكري واسلاحه بالحزام سحبه وسحب اقسام ودايطلع وخو يقسم ويتوعد ..
...عمو علاء لزمه وكاله ... اهدء ابني اهدء مو هيج انحل السالفه مو بهايه الطريقه ...
...خلي بالاول انشوف ميوره ونطمن على سلامتها وبعدين لكل حادث حدث اني وعمامك كولهم رايحين البيتهم ..
... بابا مقهور حيل وجسمه كام يرجف كال بتوعد ... قسم بالله اله انفيه من الوجود ..
..راح يركض طلع سلاحه وطلع لبيت قصي حداد وادم هم طلع يركض وراه وعمو علاء اتصل بعمامي وخبرهم يجون بسرعه ...
..اني وماما اخذنه ميرا الي كعدت بس ساده عيونها ومترضه تفتحهن يمكن من الهبطه ...
..صعدناها لغرفتي يمي وكعدنه يمها اول مره اشوف اسيل تبجي ..
دموعها ينزلن وتركض تمسحهن وينزلن غيرهن كعدت يم رجليها وكامت تبجي بصوت مخنوك ...
..ماما كالتلها .. اسو ماما لاكدامها تبجين ماما داتخوفيها اكثر حبيبه مابيها شي ان شاءالله ..
...سكتنه شويه وماما تحاول تحجي وياها اي شي بس علمود تطمنها وتخليها تفتح عيونها ...
..بس هي ماكو بس الدموع تنزل اخر شي كامت تبجي بصوت عالي ..
..نزلت اجيبلها ماي اشربها خطيه ريكها يبس من البجي ..
...سمعت سرمد وفارس ولد عمي سلام واكفين بالطرمه ويحجون ..
سرمد.. عمامي هادين بالسلاح على اهل القذر بس ابو كايللهم اني متبري منه من زمان وطارده برا اللبيت لهالعار ...
فارس... لك هذا ابو هم كو...د وطايح حظه لامتبري منه ولاطارده البارحه الصبح يطير طيور على سطحهم شوكت طرده هالعار؟
سرمد.. ادم هم مامصدكه وكايللهم وين مانلكاه نقتله والي يتدخل منكم ندزه وراه ...
....المشكله ادم متخبل وشوف منا لباجر اذا مالكاه وقتله مااتسمى ابن ابوي اصلا مراح استغرب اذا لكاه اليوم ..
...اي وبالذات هو معمم صوره بالمراكز وناشر اسمه وصوره بالسيطرات فأكيد يلزموه لهالجريذي وين يولي ..
................................
...اسمع كلامهم وقلبي يتكطع على اختي يربي ليش هيج دايصير وياها ..
..تطلع من مشكله توكع بالاكبر منها ولا شنو من مشاكل كلهن يمسن الشرف والعرض ...
...ااااااااااه اذا بمصطفى وقضية التحرش طمطمنه السالفه ولفيناها فهسه ميرا نفضحت بالمنطقه كولها..
...ربي الصبر صبر قلبها على هالمصايب وصبر قلب بابا على هالقهر الهيي...
~~~~~~~~~~
امين...
السالفه الصارت موشويه سالفة شرف وهالحقير نلكاه اليوم نلكاه .اسوق واني دمي فاير
...اباوع الادم مو احسن مني اديه من كد العصبيه يرجفن وجهه احمر ويتنفس سريع اول ماوصلنه للنقطه الخاصه بيه
.. فتح باب السياره ونزل بسرعه . نزلت وراه راح عالسريع شفته سلم على ملازم يكون صديقه ...
...رحت سلمت عليه ووكفت يمهم اباوع للملازم اصلع وسمين وطويل وعنده كتافات حيل عراض واسمر وعنده شوارب يكنسن شوارع بغداد ...
ادم طلع صورة العار وكاله ...سليم خلال ٢٤ ساعه هذا الكلب الحيوان يمي سليم خلال ٢٤ساعه اذا ماتجيبه الي اعتبر نفسك مطرود ...
سليم دك تحيه وكاله .. تأمر سيدي راح اخذ فرقه ونلف بغداد عليه لو يختل بسابع كاع نحفرها ونطلعه ..
...ادم لبس مناظره وراح من دون ميرد عليه ..
..اني حطيت ايدي على كتفه وكلتله ... دربالك على كيفك وياه ابو الزود انريد تجيبه صاغ سليم مو تجيبه ميت ..
طك تحيه وكال .. تأمر سيدي ..
..
اني من طك تحيه نزيت لان من كدما ثكيل الكاع حسيتها هتزت .. هزيت ايدي ورحت .. لاا هاهيه جابه صاغ سليم ..
...احلف واتعهد العار اول مايشوف شواربك راح يتوقف القلب عنده..
رجعت للسياره لكيتها ماهي باوعت هيج هيج ادم ماهو لككك اااااخ ياعار عاف اخو الكبير وحده وراح الهتلي..
حكيت كصتي ودااجر تكسي ارجع بيه اتصل موبايلي باوعت المشكلجي ااااااخ يااابه شكد مشتاقله من موتت علي لليوم هاي اول مره يتصل ..
...يعني ٢٥ يوم وهو مامحتاج مساعدتي النذل فتحت خط ...
هلاااا والله لكك عاااش من سمع صووتك نذذذل ..
رد بجمود .. منقذ محتاجك تجي هسه ..
..هااولك ابو الصوف شمسوي بس الى رديت لسوالفك وانسجنت ..
...لك لاااا ياسجن اليوم طلعن البصمات واريدك تحضر وياي لان مااعرف شنو موقفي وشراح اسوي بمصطفى العار من يصير كدامي ..
...جريت نفس حزين .. هاي المره حيل تأخرن البصمات ليش وشنو السبب ماادري ...بس ولايهمك جايك ثواني واني يمك ..كلي انته هسه وين ..
...اموني اكو ضابط يصير اخو صديقي كال صاير تلاعب بالبصمات ... اخاف هذا خالي متلاعب بيهن علمود ماينكشف ابنه
...لا صفاء كول ياالله مستحيل عمي يسويعا تعرفه انسان يخاف الله وهو كال كدامنه وتعهد اذا ابنه طلع فعلا القاتل كدامنه يذبحه بيده ...
...عالعموم هسه جايك اني ماكلت انت وين ..
...بعدني بالبيت اريد اكوم اسبح واتعاجز الله لايوفق العبادي كون ..
....ههههههههههههه اندارينه على العبادي خرررب يومك ..
كوم اسبح كوم ترا اني ماعندي صبر يسمحلي انتظرك ..
...ماشي خلي اصيح زنوبه تشجعني بلكي يصيرلي واهس ..
.....ههههههه خبل والله ... سديت التلفون ورحت عليه الحمدلله لكيته جاهز بس ماساح ماله خلك ..
رحنه للمحكمه انتظرنه شويه وبعدين صاحو بأسامينه دخلنه وكان ادم وخالي وابوي موجودين كعدنه وجابو مصطفى حطو بالحاجز ..
...شويه واجه القاضي كمنه ومن كعد كعدنه قرأ الاوراق والملفات الي يخصن البصمات ..
اباوع الادم وصفاء بودهم يقتلون مصطفى ويشربون من دمه القاضي عدل مناظره وضرب مرتين بالمضرب وكال ..
...حسب الادله الجنائيه تثبت من خلال البصمات ان مصطفى حازم ليسه بالقاتل....!!!!
~~~~~~~~~~~~~~~~~~
واكفه واباوع عليه بخوف وقلق وهو يباوعلي لنفس النظرات ..
..ارجعت لورا وكلتله.. كافي لتباوعلي ..ابعد عيونك عني ..
..ولاكأن احجي وياه كلتله .. شنو انت متسمعني ؟؟شنو هالغباء مو دااحجي وياك؟؟
درت وجهي ورجعت باوعتله كام يضحك بصوت عالي ..
..ليش كمت تضحك ..امو شي يخليك تضحك هيج؟؟
كام يتقرب مني شويه شويه كلتله ..لالا تقترب مني فدوه روح منا روح ابعد ...
...روح من وجهي الله يخليك .. ولاكأن على نفس جموده ويقترب اكثر ...
...غمضت عيوني حيل وكمت اتراجع بخطواتي للوراء ..كنت اشعر بنبضات قلبي تدك بكول قوتها..
...تدك حيييل بالقفص الصدري وكأن تريد تطلع من مكانهاا..
...تحول صوت الضحك الي كان بيه الى صريخ قوي ومزعج ..
..رفعت اديه اثنينهن وحطيتهن على اذاناتي وضغطت عليهن بكل قوه اريد ابعد هالصوت عن مسامع اذني ..
..كلت بصراخ.. كااافي اسككت امروووتك لاتصرررخ مروووتك كااافي ...
..كمت ابجي بصوت عالي حسيته قطع اوتاري الصوتيه..
...شويه وتوقف الصوت وخرت اديه عن اذاناتي وكمت افتح عيوني شويه شويه ...
...باوعت ماكو احد جريت نفس براحه كنت عبالي راح مشيت خطوه لكدام وجان احس بقبضه قويه على زندي الايسر..
..مكدرت ا اتحرك مكدرت حتى اعيط واصرخ كمت اردد بداخلي .. ادفعيه حيل واشردي اشردي بعيد عن هالمكان المظلم ..
....بس!!!
بس حسيت بأديه وهي تسحبني لمكان مااعرف وين اني هسه كولشي مااشوف غير الظلام كل الي اعرفه اني هسه بظلام دامس ..
..ممبين شي ابد ومااحس غير بأديه الي تجر بيه رغم اني ادفعه بس مااكدرله حسيت بيه وهو يجرني بس دقيقه!!!
كأنو هذا قبر ؟؟
يعني شنو حيدخلني للقبرىيعني حيدفني واني عايشه
...شويه شويه كامت تتضح عندي الروؤيا كمت اشوف مثل خزان نار كبير وهو يحاول يرميني بنصه ...
كمت ادفع بيه بكل قوتي مااريد احترك مااريد يرميني بهايه النار
...اسمع صوت من بعيد احاول اميز او اعرف شنو هالصوت ..
..صوت مثل قطرات المطر من ينزلن عالارض بس ماكو مطر؟؟؟
...شويه شويه الصوت كام يتوقف عندي دقيقه!!!
كأنو صوت موسيقى؟؟
فتحت عيوني بقوه رمشت مرتين باوعت بأرجاء الغرفه هذا صوت المنبه واني هسه بسريري الحمدلله
..كان مجرد كابوس مزعج .. اباوع الشباك مفتوح كمت اتوجهت اله علمود اسده دا اسحب البرده بس وقع نظري عليه ..
...عليه وهو ينظر الشباكي من مكان حيل قريب باوعت وركزت عليه نفس النظرات الي حاول يعتدي عليه بيهن ..
...اي نفس نظراته نفسهن ..
باوعت اكو سكين عالميز يم راس شذر وشذر نايمه ..
رحت سحبت السكين عالكيفي ونزلت اركض .. فتحت باب المطبخ الفجريه بعده الصبح مطالع ..
...طلعت وكفت بالطرمه واني كلي اصرار لازم اقتله لازم اخلص منه قبل ليعتدي عليه مره ثانيه ..
....لزمت السكينه بأديه ثنينهن ووجهتها على قلبي لازم اخلص من هالحقير واقتله ..
...حركت السكينه وغرسته بقلبي...يتبع💔
~~~~~~~~~
برئيكم بنيه مراهقه ومرت بحالة تحرش وتعرضت لحالة اغتصاب شنو الي حيصير الها ولنفسيتها
وشلون حتكون حالتها الله يساعدها 💔
انطوني ارائكم بالقصه فراشات قلبي🦋💗
..دمتم بخير 😍