قيود

البارت الواحد والخمسين

هلو حبايبي
.
.
اعلى مراحل الحُب تتأمل صورة شخص تحبه
وتتعجب شلون هذا الشخص شايل هذا الكم من الجمال. وليش انت بالذات اللي حظيت بي
من بين هالناس كلها بس تتأمل التفاصيل الصغيره
وتحلل وجهه بالكامل وتكعد تسأل نفسك هو فعلا حلو
لو اني لان احبه داشوفه احلى الناس 
.
.

- مرحبا اني شيخ علي مواليد 1990 طولي مئة وخمسه وثمانون  ذات جسد رياضي حنطي البشرة
هوايتي ركوب الخيل ورماية  واكو سر محد يعرفه
من اهلي بس الكم راح تكوله رسم احب رسم فنان
ودائما ارسم الاشياء الي احبها واكيد عشقي السيارات واغتنائها من وعيت علئ هل دنية اني وحيد ماعندي
لا اخ ولا اخت جدي شيخ عماد كان من اكبر شيوخ العشاير تزوج جدتي بعد معشكها بعد زواج خلف منها ثلاث بنات الله مارزق بالوالد حتئ  يحمل اسمه
بس جدي مااهتم ابدا كان روحه معلقة بناته

امي الكبيرة شيخه فاطمه وزهرة ورقية الصغيرة
كان عندو اخ واحد والي هوة جدي محمد ابو ابويه معلي بسوالف العشاير والمضايف عايش بالخارج
عندة ولد وبنت الولد حامد ابوي البنت ياسمين عمتي   من توفه جدي شيخ عماد كان جدي محمد خارج العراق هوة وابنه حامد لذالك امي شيخه فاطمه استلمت الشيخه من ابوها امي مرأة قويه جدا وهادئه وجميلة جدا من تحجي تسكت فيلسوف  كون جدي عماد هوة الي علم كل شيئ يعرفه البناته وبذات فاطمه

امي ضلت مستلمه زمام الشيخه ثلاث سنوات مااكول اكلم كانت تطلع كعداد ومن هل سوالف لا كان اكو كباريه بالعشيرة هم الي مختصين بهل سوالف بس امي هيه الي تشير عليهم وهيه الي دارت اموال جدي بعد وفاته وحافظة علئ ثروته شيخه فاطمه امرأة

قويه وحلوة وشيخه كثير  خطبوها لكن هيه ترفض
لحد اليوم الي رجع في ابوي الشيخ حامد ابن عم شيخه فاطمه ابن محمد اخ شيخ عماد وتعرف علئ بنت عمه شيخه فاطمه واتفقو علئ زواج بلا حب وبلا اي شيئ مجرد اتفاق كان ابوي شيخ حامد من خير
الرجال  وطلع عكس ابوه محمد كمل دراسته بالخارج درس طب بس من رجع وتزوج شيخه فاطمه ترك طب

واستلم الشيخه بدل امي وطبعا تكول امي كان كل شيئ مايعرف باامور العشاير بس رجال حكيم ورزن
وهادئ وكان يستشيرني بالكبيرة والصغيرة لحد ماتعود بعدها  تحسنت علاقتهم وحبو بعض بعد فترة حملة اميروجابتني اني علي حامد محمد تكول امي كنت بدعه بالجمال وهادئ رومن نعومة اضافري وعيت بالمضايف والكعدات والمشيات ماعندي اخوان امي تكول

( حصرة يا بزر الخواتين معكطين يا  بزر الكطين )

يعني خلفتهم نادرة شيخ سعد كان صديق والدي كان عندة ولد ثنين دائما يجون وياه لعندنا او نحن نروح لعدهم وكان وياهم ولد هل ولد لفة انتباهي صامت غامض ابد مايحجي معالم وجه حلوة جارحه حتئ من يجي ويه صقر وعمار مايلعب ويانا يروح يكعد بالمضيف وياالرجال والكل يحمد بي كونه عاقل وذكي
والي عرفته كان صديق ولد شيخ سعد من صرنا بالعداديه الولد اجه يدرس ويانا لانو سابقا كان يدرس بمدرسه حكوميه بس بالعداديه درس ويانا بمدرسه اهليه والي عرفته كان يدرس الطلاب محاضرات
ويطلع حق دراسته عجبني هل شاب حاولت اتقرب

منه رغم فارق العمر بينه كان شكله حيل حلو بس كان شاب عادي لبسه اقل من العادي يمكن كل سنه بنفس البنطرون بس هل شيئ ابد ماقلل من احترام المدرسين الو كان اغلب وقته بالعدادي كاعد ويه المدرسين معلي بطلاب بس عمار وصقر يحجي وياهم
كتلة جليد تعرفت عليه بعد فترة كان اسمه

احمد زيد ال جابر وبمرور الوقت صرنا اصدقاء بس احمد من طبيعته لا يحجي ولا يشاقه من سألت عليه عمار كال هاذا هوة اسلوب احمد شخص غامض وصامت بس رجال كان ينشد بي ظهر

اصغر منا بثلاث سنوات  بس ويانه بنفس المرحله
لانو كان شاطر وذكي اني وعمار واحمد صرنا اعز اصدقاء كنا مشتركين بنادي رياضي احمد  يجي وحده مرات تجي وياه بنت اشوفها من بعيد يصلون لنادي البنت تروح لقسم البنات ونحن نروح لصالة الرياضه الي عرفته هل بنت اخت احمد كانت دائما تثير انتباهي

حريتها قوتها جمالها الي مو طبيعي لبسها مرات اكول احمد شلون يسمحلها بكل هل حرية كانت نسخه من احمد بالغموض عايشه بي قوقعه خاصه ابد ماتباوع ولا تشوفننا هسه عرفة احمد منين ماخذ طبع الغموض واهدوء والقوة طلع وراثه بهل عائله كنت دائما اراقبها حبيتها صح بنت متحررة بس قويه عجبتني بس

حتئ سلام ماكو بينا من كد ماتعلقة بهل بنت رسمة الها لوحه وخليتها بغرفتي بس غامضه بلا وجة لانو ماكنت اعرف ملامح وجها هل بنت اثارت فضولي ماتشوف بس الي تريدة وماتسمع الئ الي يعجبها كنت دائما
اراقبها والي عرفته اكو واحد ملاحقها

والي عرفته ضابظ ابن شيخ من الغربية بس معليها بي لانو كان مثلي من بعيد لبعي الظاهر هل بنت صعبة المراس لحد يوم تخرج اني رحت ادارة اعمال واحمد وعمار راحو كلية ضباط احمد ماانقبل بوقتها لانو يرادله واسطه قويه بسنة 2007 لذالك كان لازم اصرف
وقتها خليت ابوي شيخ حامد يتوسطله وفعلا تم قبوله بي كلية الظباط

بعد سنه توفه ابوي شيخ حامد واني كنت ثاني سنه ادارة اعمال استلمت الشيخه بدل ابوي بعمر العشرين  احمد كم يوم وهوة وياي صار الي اخ مو بس صديق وصارت علاقتنه كلش قوية بس ابد مااجرأة اتقرب من اخت خويي اخلاقي ماتسمح اخون العشرة

تخرج احمد ظابط وبذاك اليوم شفت المهرة  بحفل تخرج اظباط لفتت انتباه الجميع بشخصيتها وجمالها والي لفة انتباهي علاقتها الحلو بااخوها احمد بس اول مرة انتبة  احمد كانت نظرته الها مو اخوة كانت نظرة

هيام حيل ضجة منو ماكو اخ يباوع لاختو بهل نظرات بعد تخرج مرة كنا نسبح وشفت علئ صدر احمد عبارة وشم جديد سألته بداعي الفضول

كال اسم بنت كتله شنو هل لغه كال لغة راميه وهاذ اسم البنت بالرامي ملك من كالي ملك عرفتها اخته فار دمي كتله كتله

شيخ علي ،،  ياناقص هاذي اختك

احمد ،، منو كلك اختي هاذي بنت عمي وربينا سوئ وهيه امي واختي وكل حياتي

- شيخ علي هنا اني فقدت كل الامل وتاكدة احمد مو بس يحب بنت عمو لا اكيديعشقها وبنت عمو شلون ينطيها الي بس قلبي الملعون ضل يراقبها لحد ما يوم من الايام طلعت من بيتهم  ضهر  بحاله مشكوك بيها  وصعدت بسيارت عمار صديقي صديق اخوها  طارت روحي

كان رقمها عندي مرة اخذته من جهاز احمد بس والله ابد محاولة اتصل بيها لانو مثل هل بنت مميزة وصعبة  وثانيا تبقئ اخت خويي بس اليوم طريت فار دمي   دزيت الها رساله

( احمد الله وحدة مثلج مصارت ام اولادي ياع ...)

شكد كنت غبي بوقتها لذالك اليوم لحد هاذا يومنا متندم لانو ضلمتها وحكمت عليها بلا ادلة لذالك لحد هاذا يومنا اني ادين الها بعتذار بس مااجرأة اصارحها
وادين الها بحياتي.لانو جرحة كرامتها بلا قصد

بعد فترة كانت اول مرة احجي وياها واكون قريب
منها لهل درجه كانت مبوشة بس عرفتها من قوتها كلامعا صوتها الي اول مرة اسمعه سحرني شفتها بمضيف شيخ سعد واقفه بكل شموخ بنص الرجال وتحجي بكل ثقه ماتحملت نظرات الرجال الها رغم مطالع منها اضفر  اليوم عكس باقي الايام كنت شوفها بيهم كتلها

شيخ علي ،، من امتئ كان للحريم الها مكان بالمضايف

-  بس ردها صدمني طلعة تعرفني حق المعرفه شلون ماتعرفني واني صديق اخوها بس ليش مكانت تشوفني من تعرفني كنت دائما قريب منها ردها كان

ملاك ،،  مارجيتها منك يا شيخ علي كان النا مكان ومازال وراح يبقئ من كانت امك اشيخه فاطمه
تتوسط الديوان كونها شيخة الاولئ

- شيخ علي سكتتني والله مصايرة وياي بكل حياتي
بذاك اليوم من عرفة انهم شيوخ ابن عن جد شكد احمد غامض لليوم مذكر هل موضوع كدامي كنت اضنه ولد عادي طلعت الملك شيخه وفعلا تصرفاتهم وهدوئهم
وكلامهم كان يدل علئ هيبتهم بس من طلبو  فصليه اني متت بدمي حاولت قدر المستطاع اقلص الدائرة

من حولهم صح اني الي نطيتها فصليه بس مكان عندي حل لانو ماعدها اخوات بس المزوجات بيومها جرأة وحجيت وياها بعد ماخلص كلام الشيوخ طلعت ملك من المضيف رحت وراها باوعت واقفه يم سيارتها كانت مخمرة من وصلة يمها حاجيتها بيت شعر رفعة  الخمار و ردت علي بيت بس اني من شفت وجها عن قرب تخردلت كنت مستعد انطي كل ثروتي لنزار حتئ احررها من الفصلية

بس للاسف فات الاوان حاولت اتقرب منها حتئ
احميها لذالك حجيت وياها بيت شعر طلبتها بي
وهيه ردها كان اقوئ بس للاسف كنت متااخر
اكتشفت هيه ماتحب ابن عمها احمد واكيد مراح يجبرها عليه بيومها من رجعنا من الكعدة بس وصلنا بغداد شخطة سيارتها مااعرف وين الوجها الظاهر تمشي بلا وعي ضليت امشي وراها لا ساعه ولا ساعتين دوختني لفت بغداد اكثر من مرة اعترضة طريقها بس من نزلت من سيارتها وكانت قمة غضبها

نصدمت بشكلها لطالما كنت اشوفها بس مو مثل اليوم كانت لوحة فنية لرسام مبدع كانت فاتحه شعرها الي اول مرة اشوفه مفتوح يصل للارض مثل خيوط شمس وملابسها يبوووو كانت نازعه عبايتها لابسه بالبنطرون وتشيرة ربع ردن سحبتها من ايدها ودخلتها
بسيارتها مااريد احد سشوفها اخذتها  كعدنا بمطعم

واكشفة هل بنت شيئ فريد من نوعه ونادرا ورجع الامل من جديد لروحي يمكن بعد سنه ترجع وتصير من نصيبي بيومها اخذت رقمها ونطيتها رقمي الخاص
للعلم عندي رقمها اصلا بس ماردت ابين الها بعدها صارت علاقتنا قويه گ اصدقاء

واخوة من طرفها بس اني كنت اشتعل غيرة وعشك يوم بعد يوم لحد مااجه احمد وطلب مني الحل ليرجع ملك وفعلا رجعناها طلقة  من ماهر احمد جان مديون الي بحياته كنت ناوي اطلبها من احمد گ رد دين بس احمد غلبني والي عرفته احمد اخذها

بيومها ضربت احمد من كل قلبي وحقدة عليه بس من طلعت من غرفة احمد  بحاله مزرية ودافعة عنو بقوة وشجاعه وماسمحة حتئ لاخوتها يتجاوزون عليه گونه زوجها وشيخ عشيرتهم قطعة الامل من نلك ومن هل يوم اعتبرتها اخت لانو صارت زوجة خويي وصديقي بس ماشلت ايدي منها ابد لانو وعدتها احميها ضليت علئ اتصال وياها زوجتها باليدي بيوم خابرتني تكول احمد راح يزوج عليه حاولت جاهد اخرب هل زواج وفعلا لخاطر ملك خربت زواج احمد من بنت الشيخ محمد بس ستغربت بيومها من رجعة و شفت
ملك بيتنا طلبت. من امي اضمها عن احمد

تريد تعاقبة لذالك قبلت تبقئ ويانا اخذتها للمزرعه بوقتها كانت فاقدة نظرها كنت اباوع عليها اعرف تصرفي حقير بس ستغليت وضعها وشبعت عيوني منها وبهل يوم كملة لوحتي الغامضه الي كانت ناقصه ملامح الوجه فترة ورحت اشوفها بس من شفتها علئ الخيل مثل الاميرات رجع قلبي ينبض من جديد بااسمها شكلها كان اقوئ من قدرتي علئ ردع قلبي
عن حبها بس من رجعنا من سباق

وكعت تتالم صاحت بااسمي وقتها حسيت  روحي اضعف انسان اخذتها. للمستشفى ركض واكتشفت حملها من احمد كرهت روحي بنت قلبي حياتها بخطر
بسبب هل حمل وهيه  مصرة تحتفظ بهل حمل حاولت اساعدها قدر المستطاع وفعلا اربع اشهر وهيه بالمستشفى الكل عبالهم زوجتي من شدت اهتمامي وحرصي عليها حاولت اوفر الها كل شيئ يخليها بخير حتئ علاجها كله كنت اجيبه الها من الخارج 

كل هاذا سر لحد هاذا اليوم من طلعت من المستشفى
بيومها عرفت طلعت بسبب مرض جدتها رغم حالتها
بس الي عرفته حطم اعصابي من عرفة احمد طلق ملك تعاركة وياه وتضاربنا للمره الثانيه بسبب ملك

زعلت عليه وطلعت لانو امرأة مثل ملك انطتة جزء من جسدها خاطرت بحياتها حتئ تجيب الو اولاد متستحق كل قسوة وان غلطة من طلعت شفت ملك مثل طوبه كاعدة وتبجي باب بيت اخوها دموعها تحرك روحي شخطة سيارتي ومن اليوم قررت اقطع علاقتي بهل عائلة للابد بس كنت ارد علئ اتصالات ملك لانو اعرفها بحاجتي شوي شوي قلت اتصالاتها

واني هم محاولة خلص الموضوع اخذ اكثر من حجمه لازم اطلعها من عقلي  كافي صار سنين تعبت وفعلا سحبت نفسي من ال جابر قلصت علاقتي بيهم

لحد اليوم الي عرفة في احمد اختفئ ابد مصدكت قصة موت احمد ضليت ادور عليه اخر شيئ قطعة الامل وقلبي نار  يبقئ احمد صديق عمري واخوي بعيد عن ملك بيوم كنت نايم اسمع موبايلي الخاص احترك هاذا مااقفله وهل رقم بس عند اقرب ناس الي والي هم اقل من صوابع اليد الوحده من شفتها ملك ستغربت شذكرها بيه وليش اليوم رديت عليها عرفت من صوتها تعبان هيه بحاجتي واقفه

باب بيتي طلعت بسرعه من عرفة ملك لسه مقطعة الامل من زوجها قررت اساعدها لانو حالها يكسر الخاطر  وفعلا بمعلوماتها ونفوذي كدرنا نوصل لاحمد الي كان مقاوم لحد اخر نفس ومقتلو بس لحتئ ياخذون منو الشيئ الي يردوة وسبب ثاني مقتلو لانو شيخ وراح يكون هل شيئ مو بمصلحتهم اذا تخلصو منه

بذات احمد كان مهددهم يفضحهم اذا حررو بس
من تكفلته اني احمد اطلقو صراحه اما ضابط الي عاقبته بس لانو كانت نظرته لملك منحطه وملك عندي خط احمر حتئ اني مايوم جرأة وباوعت لها بهل نظراة الجريئه ملك من شافت احمد بيومها مااعرف شلون
اوصف الكم شكلهم بقو بالمزرعه ثلاث ايام يوم رابع عزمت وجهاء عشائر وشخصيات بالدوله حتئ ارجع الاحمد مكانته و حقة بشيخه وفعلا تم بيومها شفت ملك القويه جمال وهيبه ماكنت اعرف احمد الو كل هل تااثير عليها احمد جريئ جدا من ناحية ملك

من يحجي وياها كدامي ويغازلها روحي تحترك
وارجع استغفر ربي من صحت الها لانو كان لازم يطلعون كلامها العفوي  يهز رجولتي

ملاك ،، ياعلي اني مدينه الك بحياتي وترئ هل روح الك ترخصلك

-شيخ علي مكنت اكدر احجي شيئ غير

شيخ علي ،، روحي يبنت قلبي الله يسعدج ومن وصلنا لديرتهم كانت روحتي وياهم الها غاية اكيد اسند احمد وملك وارجع الهم حقهم خفت احد يجرأ ويطاول عليهم بس الظاهر مهرة ال جابر ماعاش الي يجرأ وتعدئ حدودة وياها والي شفتو كانت مسيطرة علئ الوضع بعد السهرة رجعة البغداد اني وشيخه فاطمه

رادو ابقئ  بس ماكدرترطلعت الف حجه ورجعة لبيتي بروح محطمه بسبب حبي  المستحيل الي  تورط قلبي الملعون بي من اول شبابي واليوم قررت خلص حب ملك صفحه ونطوت مو كل شيئ نتمناه نحصل علية
ولا كل ثوب حلو يلوك النا نحن نلبس عبات شيوخ وخوتنه دلة وفنجان مانتخلئ عنها ودنيا ماتوقف علئ احد لازم الحياة تستمر

.
.
يتبع - قرأءة ممتعه احبتي ❤️