فوق جمرات الأنتقام

الفصل الثامن والاربعين الجزء الثاني

#بقلم إيـزابيـل
#الفصل الثامن والاربعين الجزء الثاني
#فوق جمرات الانتقام
..
قوت

وصلنه للمحكمه وايدي بأيد مروان خايفه وورجفه بداخلي دخلنه جوه ووانتظرنه يصيحون بأسمه همه جانو موجودين..

دخلنه طبعا المحامي الي وكلنه كال لازم تسوين فحص وتحليل يثبت على ان انت مابيج شيء وسليمه من كل الامراض لان احتمال يطلبه القاضي..

وصدك طلبه ضل محاميهم يداعي ووالي موكلينه احنه هم ما سكت وانه الدمعه بطرف عيني اريد ابجي وكوه لازمه روحي..

ومروان يباوعلي بنظرات يطمني بيهم وعبالك يقويني ويصبرني..

وواجت اللحضه الحاسمه واخذت الحضانه الي..
اجه يغمى عليه من الفرحه حضنت مروان وواشهك وابجي وهو يمسح على ضهري وويهمس بأذني كافي تبجين حبيبتي الي تردي صار...

..
طلعنه ووانه نهديت على هاي المره
: سمعتي القاضي شكال ابني يرجع الي ومالكم حق تاخذونه هسه تروحين تجيبينه وتجين انه منتضرته ببالبيت خوش وانتم الي تتعاقبون اذا ماجبتي..

بلعت ريكهه وسكتت رجعنه للبيت ووافتر بمكاني ماكعدت ولا ثانيه مروان يشتغل وانه رايحه جايه واعصر بأديه شوكت يجيبونه ليش طولو..
..
لحد ما سمعت صوت سيارات نزلت اركض ومروان طفر وراي..

سويت الدرج شبختين لكيت الحارس فاتح الهم الباب وداخلين ليجوه وواكفين بنص الهول وابني بين اديهه...

شهكت بوجع وفورا جرت دمعتي وانه اباوع اله...
الطوله وحركاته ووهو يشمر بأديي بحضنهه..

ركضت ملهوفه علي واحساسي هو الي اخذني..
جريته من بين اديهه وضميته بصدري ووعصرت اديه علي بكل قوه ووانحب وواشهك وووهو هم يبجي..

مادري شكد ضليت هيج حاضنته وابجي ووابوس واشم بي بس توقفت من اجه مروان خله ايده على كتفي ووحاول يسكتني..

سكتت ووامسح بدموعي وواهدء ب شهكاتي..

راحو وهو بقى بين احضاني كعدت على القنفه..
ومخليته بحضني اباوعله بعيوني الي مدمعه وابتسم وامشي اصابيعي على خدوده..

مروان : على شنو تبجين مو هذا صار يمج بعد..

ابتسمت بوجع وكتله : احاول اطلع الهم المكبوت بداخلي..

رفعت راسي ليفوك ووذبيت حسره طويله..

مروان : اويلي ولج شبيج شهالحسره كافي بجي راح اضربج.

ضحكت : ما مصدكه ووجوده..

مروان: لا صدكي صدكي..

ميلت راسي ببتسامه : شكراً الك

مروان : نجبي

ضحكت

كام كعد يمي ووحضني من اكتافي : اي هيج اريد اشوف ابتسامتج الحلوه ليش حارمتني منهه..

رجعت ضحكتي  صارت اعرض..

وهو يبتسم على ضحكتي كمنه صعدنه فوك كال
راح اسبح وواروح للدوام عندي شغل كتله مو كتهه دنيا العصر..

كال اي اروح شويه وارجع لان يغيبوني..

انه متمدده بصف عبدالله العب بشعره واناغيله وهو طلع يباوع على المرايه باوعلي وكال
مكابله عبد الله وكاعده وومروان شنو ماله حصه بيج لو مو مهم..

ابتسمت ووكمت وكفت على حيلي وتقربت يمه
اعدل بياخه قميصه واحاجي : انه كلي الك...

كرص خدي ووباسني خلف اذني بهدوء راح لبس البسطال وطلع رجعت يم عبدالله وما فاركته ولا ناويه اعوفه اليوم كله اريد اشبع منه
..
سما

تقريبا ضل يومين ب المستشفى وانه كاعده على نار منا باسل والسجن ومنا فاضل ووجوده بالمستشفى..

على ساعه يجي خبر موته ووالاثنين يرحون بيهه دخيلك ياربي رحمتك..

مافاركت السجاده وبس ادعي وابجي اريد الله يطلعنه من هالمأزق بسلامه...

الصبح كعدت على الرغم من السهر بس كعدت من وكت ب ١٠ تقريباً رحت غسلت ورجعت باوعت بالمرايه اشوف الهالات محوره عيوني ووداخل عيني غائر خطوط حمر ممتده على طول البياض.

تنهدت ووطلعت لبره لكيتهم يتريكون كالو الي اكعدي ما اشتهي وورفضت اكل تلعب نفسي...

كلت العمو ابراهيم اريد اروح للمستشفى اشوف دكتور فاضل كال اوكي حضري نفسج..

دخلت بدلت وطلعت هو بين ما شرب جايه كام شغل السياره وانه لحكته ركبت بصفه بالصدر
..
وصلنه للمستشفى ودخلت اول ما وصلت للممر. شفت رغد بنته كاعده وايدهه على عيونهه وتهز
برجلهه بتوتر وزوجهه موجود وام فاضل هم ماعرف عمته انه اتيهه بينهن..

وصلت هناك جان تكوم رغد تباوعلي بخزره وتصرخ : شعنددددج اجيتييي هاا شكوو تقتلون القتيل وتمشون بجنازته..

بلعت ريكي : اانه شدخلني

جان تدفعني من كتفي وتصرخ :شنووو شدخلللج لعد طليقج شلون اجه منو كله بيوم خطبتكم والمن جاي ها مو حتى يقتل ابوي ووالشر بين عيوته مبين جان.. كافي تمثلين دور البريئه..

اجيت احجي بس طلع الدكتور وكال كعد وتكدرون تشوفونه تنهدت بفرحه ممزوجه بألم
..
دخلو همه وانه وراهم امشي بهدوء دخلت شفته..
نايم على سرير ابيض وواجهزه بصدره وايده معلكه بركبته طبعا الضربه جانت بأيده وقريبه على صدره عمو ابراهيم دخل وياي..

هو فورا باوعلي وابتسم راحو بنته ووابنه حاضنينه ويبجون ويصيحون بابا لو صاير بيك شيء احنه نموت..

وهو يضحك ويكول الهم لا تكبرون الموضوع ماكو شيء رجعت مثل الحصان...

باوع عليه واشرلي بعينه اجي تقربت بهدوء وكعدت بصفه على الكرسي : الحمدلله على السلامه

ابتسم بطرفه شفته : الله يسلمج

رغد : بابا الشرطه منتضرينك تكعد حتى ياخذون اقوالك اني حخابرهم وواكلهم يجون..

هز راسه بي نصدمت تقربت اكثر علي وهمست
:راح تنسد القضيه وتسحب الدعوه مو؟

هز راسه ب لا وكال : لا ليش حتى اسبحهه لازم يتعاقبك على الي سواله هجومه عليه والترهيب والضرر هيج بسهوله تردين انسى كلشي...

بلعت ريكي وجسمي كام يرجف والدمعه بطرف رمشي ووكمت اتنفس بصعوبه اجه ضابط التحقيق اخذ اقواله وهو حجاله كلشي بالتفاصيل..

بقيت دايخه ووراسي مفتر ووكلبي يرجف يعني راح ينسجن ماكدرت اكمل وكفت على حيلي واسترخصت وعمو هم تحمد بالسلامه وطلعنه ثنينه..

لزمني وكال ها شبيج.

عمو مراح يسكت رفع دعوه على باسل

هو هذا المعروف لعد شتردين يسكت اله حتى يتماده..

رجعنه للبيت وكل حيل مابيه رأساً لغرفتي بس ابجي وواعض بأصابيعي انه سببب كلششي دمرت حياتنه احنه التلاثه..

من كد ما بجيت وشهكت خشمي طك دم ماغسلته بقيت كاعده على الكاشي اباوع اله شلون ينزل وواشهك..

امي تدك بالباب وتصيح يمه سما اشبيج احجي....َ

وعمو ابراهيم يكول الهه عوفيهه براحتهه

لليل طلعت اشرب مي شفت امي كاعده ب ضلمه ووتنوح ووجسمههه يهتز استغربت شبيهه..

تقربت بهدوء ومديت راسي بدون ماتحس..

لازمه صوره حور بأيدهه وتبجي تنهدت وطرحت حسره طويه ذبيت نفسي بصفهه وحضنتهه وابجي وهي تبجي..

جنه محتاجين نفرغ الطاقه السلبيه وماقصرنه بالنوح لحد ما تعبت نامت بمكانهه غطيتهه وكمت لفراشي
..
ورا اسبوع سمعت ان المحكمه بدت بالمحاكمه..
لازمه كلبي بايدي اخذو جوارينه يشهدون..

وانه حابسه روحي بالغرفه وواخاف اطلع اخاف اسمع اخاف احاجي احد.. ارتجف من النهايه..

لحد ما وره تلث ايام دخلت عليه امي مبرطمه وتبجي وتكول : سما باسل حكمو علي سنتين سجن..
..
غزلان

بعد الي صار ووروحى رواء ووبرهان الى بعده ببغداد ومارجع للبيت كمت احس الغرفه الهول وحتى الهوى يخنكني اكو شيء بداخلي يوجعني بس ماعرف شنو مصدره..

ومروان راح هو وقائد وابن عمه المحامي  لبغداد هم علمود محكمه باسل..

امي تمشي وتذب كلام عليه حقيره طردت بنت عمهه هسه بس الله اليعلم وين هي وخطيتهه بركبتج...

لحد ما صحت بيهه : يمه شبيج شنو طردتهه َليش انه شحجيت شكلت غير برهان هو الي طلعهه وهي لسان وترادد..

:وبرهان من حاشي براسه ها؟

تنهدت ووكلت الهه : راح يجي يوم تتندمين على وكفتج هاي وياها وتعرفين هي شكد مسمومه بس وقتهه راح تكونين انت خاسرتني يمه..

عفتهه وودخلت يم حوراء كاعده يم الشباك وتمشط ال ليلى ربعت بصفهه..

حوراء بدون ماترفع عينهه عن شعر ليلى
: شبيج حبي

تنهدت : مابيه شيء مخنوكه برهان مو هنا والبيت وحشه..

واخابره ميرد

حوراء : لا تخافين قائد يكول ابن عمي المحامي  شاطر وان شاء الله يطلع باسل ويرجع برهان..

غزلان : شمدريج انتِ

حوراء : ااا سمعته يحجي وي مروان

رفعت راسي ب معنى ها ووهي نزلت عينهه عني..
...
ورا كم يوم وصلنه خبر ان باسل انحكم سنتين..
نصقعت معقوله عزا بعيني للضهر رجعو كلهم..
مروان اصلا ماشفناه وياهم بس برهان والشيخ وميتحاجون من كد ما صايرين اعصاب نار..

باوعت لبرهان كاعد مدنك راسه وويهز برجله بتوتر صاح على ام احمد تجيبله كلاص مي..

والشيخ السبحه بأيده ويدردم
: كلت الهم خلي نحلهه عشائرياً ونفصلكم بس ماقبلو لان هذا فاضل الحقير مكيف على الموضوع وما مصدك باسل انسجن عبالك عنده عيد..

برهان : اي انت لا تكعد تخلي الصوج برجال چا هو منو ضرب منو غير  ابنك اتعدى علي وجان موت الزلمه يسجنه يفصله بكيفه حقه وياخذه بالطريقه الي تعجبه..

: ولك برهان اخوك هذا لازم مكيف على سجنه..

برهان: يابه شمكيف متكلي انت لو تشوف النار الي بكلبي تنصدم بس واحد يحجي هيج لو هيج..

ضلو يتناكرون ووانه راسي كام يوجعني برهان كال حضري الي الحمام صعدت للغرفه..

حضرت اله الحمام ووصحته حتى يصعد اول ماوصل كتله : برهان ماتعرف رواء وين؟

برهان: اعرفهه

عقدت حواجبي وكتله: شمدريك لا تحجي بأختصار انه جنت منتضرتك تجي علمود تفهمني وتفسرلي رواء شمسويه..

صرخ بوجهي صرخه فزعتني
: بله ما تنلصمين هو انه حالي حال استفسار

نزيت ورجعت ليوره بصدمه
..
مروان

من بعد صدور قرار المحكمه ضليت مصدوم ووراسي قافل يتقبل الفكره.

صار الموضوع بسرعه وبلمح البصر بس شنسوي ما بيدنه شيء قائد بقه ببغداد وبرهان ووصاني اكله يشرفني بكل وقت هو واالاهل.
..
قررت اروح اشوف باسل قبل لا ينقلونه للسجن يعني بعده بالمركز ورحت دخلت على الضابط وحاجيته صديقي اعرفه ووقبل الحمدلله..

دخلت علي شفته كاعد بالكاع مدنك راسه من سمع صوتي رفع راسه لحيته كثيفه عيونه غائره
ووشعره مهوس...

تنهدت ورحت كعدت بصفه على الكاع الي اقل ما ممكن اكول عليهه معفنه..

ضربت على ركبته ووبحسره : ليش هيج سويت بروحك هي تستاهل تنسجن علمودهه سنتين هالانانيه هاي..

باسل : مروان اسكت

مروان : دمرت نفسك

جان يصيح : بالعكس انه حافضت على اخر خيط براسي وعلى روحي..

عقدت حواجبي : مافهمت

باسل : يعني تتصور انه لو طالع وشايفه شلون يتزوجهه وياخذهه ويرجع يكوم اضل ساكت لا بعلي ما ااخلي يشتم الهوى ثانيه وحده هسه على الاقل واكفه بوجهي حدايد ومانعتني..

مروان : وليش انت ماتكدر تكض روحك..؟

باسل : مو بيدي كل عصب بيه يطك من اشوفهه..

مروان : هذا مو حب انتقام وغضب هذا

ضحك بسخريه : وهو فعلا هيج

تنهدت وباوعت علي : شلون راح افاركك سنتين

ضحك ونزل راسه عصر عيونه بقوه وورجع رفعه جرني حضني بقوه : اكيد راح اشوفك كل فتره مو..

مروان : دنجب اشتغل عند الخلفوك لو حارس مال سجن وتريدني اكابلك واكعد..

باسل : ههههههه والغسل

مروان : يضحك الاغم

حاولت اطلعه من جوه ولو يا جو انه حزين اكثر منه مكيف شني فيلمه مادري عبالك ماخذينه للمالديف مو للسجن..
..
بقيت يمه شويه ودعته وطلعت جان بداخلي كلام ووكلت ما اعوف بغداد اذا ما احجي َ..

طلعت لبيت خالتي بسمه ووصلت هناك دكيت الباب فتحته رؤيا سلمت عليهه وسالتهه
: سما هنا

رؤيا : اي جانت ببيت دكتور فاضل مسوين عزيمه على سلامته وراحت ووهسه اجت..

تخطيتهه ودخلت للبيت احس الدم صعد الراسي وكام يغلي بداخلي..

وكفت بنص الهول وصحت بصوت عالي
: سماااا سمااا

طلعت تركض باوعت الي بشحوب
: ها مروان شبيك خوفتني

مروان : خوفتج؟؟! لج انت خليتينه نعيش اضعاف هذا الخوف ميه مره بالاسبوع المر..

سما : مافهمت
مروان : انت جبتي عمرج كله ما مفتهمه انانيه وكل همج نفسج بمجرد ما وكفتي على حيلج نسيتي باسل نسيتي الشخص الي وكف وياج بوقت كلهه تخلت عنج جان يشوفج اجمل وحده بعيونه بووقت ياهو الي تمرين من يمه يعيرج بمرضج..

انه ما جاي افتح جروحج بس جاي اذكرج بالشخص الي نسيتي ودستي علي بس لان راد طفل.. يا مدام سما..

اباوع عليهه كامت تدمع..

مروان : هسه تكليلي انه شدخلني اخوك مخبل لا لا انت سبب كلشي لان لو ناسيه لو مضحيه وومكمله ويا ماجان شفتي مذبوب بالسجن اليوم بسببج انت..

شسوالج باسل؟ تزوج زواج الله وملائكته وانبيائه محللينه وخاصا مو بطران لا علمود طفل يشيل اسمه احسن ما يبقى العمر كله وحيد..

تره جان يكدر يطلكج وويبقى زوجته ويخلف منهه درزن وانت اصلا ما نفعتي بشيء بالعكس اتبطرتي وواتكبرتي واتعجرفتي..

بس جان يحبج ويريدج الحب الي انت عمرج كله جبتي تحجين بي وما عرفتي شنو معنى..

سما : ليش تحجين هيج مروان انه شبيدي

مروان : نجبيييي لج نجبييي حيوانه على الاقل جان خليتي المراهق زوجج الي بكد ابوج  يسحب الدعوه ولا تكليلي ما اكدر الكيد مالتج حتى الله ذاكره ما يصعب عليج شيء وانتي الفريتينه كلنه بأصبع ايدج.. بس جنتي راضيه على سجن باسل ومكيفه علي

منو انت فد مندله حتى تتكبرين علي وتخلينه يركض وراج.. لج النبي يوسف نبيي الله صفح عن اخوته انت منو حتى ما تسامحين هااااا؟

نزلت راسهه وتبجي..

اجت خالتي تهدي بيه وتكلي اكعد بس عفتهم وطلعت وبعد النار احسهه تاكل بصدري..
...
سما

كلام مروان مزقني الف وصلي كلبي ضل يوجعني
بس طلع نهاريت بجي ووصريخ حتى شعري لازمته بقوه بأثنين اديه واريد اشلعه..

لو ما امي وخالتي يلزمن اديه وكعت بالكاع وابجي
: والله مالي ذنب والله

امي : خلي يولي هذا يحجي بكيفه طبعا مالج ذنب شعليج انت هو همجي ومايعرف يتصرف اجه ضرب الرجال وما همى اي شيء..

سما : لا كلامه صحيح كلشي صار من وراي انه

بوكتهه دنيا المغرب والاذان ينسمع وانه اصرخ ووابجي وومتندمه واكول الامي اريد اطلعه من السجن شلون اطلعه..

احس تخبلت بس اعيط خالتي بسمه فتحت القرأن بوجهي ورشت بوجهي مي يله شويه هديت وهم كعدت على القنفه اشهك واناشغ..

دخل عمو ابراهيم جان طالع شاف الكل ساكت وكاعدين يباوعون عليه وانه وجهي احمر ووعيوني مدمعه..

ابراهيم : شبيج عمو سما شصاير؟

نزلت راسي : ما مابيه شيء.

رؤيا : اجه مروان

رفعت عيني عليهه وخزرتهه

رؤيا : احم بابا اجه مروان لهنا ووضل يحجي على سما ويصرخ بوجهه ويكول الهه انت سبب سجن باسل..

تنهد واجه كعد بصفي كالي شو ارفعي راسج..
رفعت راسي وااعصر بأصابيعي..

ابراهيم : لا تاخذين بحجيه ولا تضوجين منه هو محروك كلبه على اخو وحقه سجن سنتين مو هينات وكلنه نعرف باسل مو من النوع االي يحب يكعد بالبيت لليل نهار دايح بالشوارع وبالدول وبس الله اليعلم شلون راح يتحمل كعده السجن.

بس هذا مو معناه ان انت سبب لا بنتي كلمن ياخذ استحقاقه باسل غلط ولازم يتعاقب...

ارعن وطايش رغم كبره مايعرف يوزن تصرفاته للأسف..

ليش هي هاي تصرفات واحد عاقل لو يحبج صدك جان عافج تشوفن طريقج وما وكف عثره..

بس هو متملك وزعطوط عباله انت لعابه وشوكت ما يعجبه لازم ياخذج..

تنهدت خله ايده على كتفي وكال لا تبجين عيونج الحلوات بنيتي كافي انسي مروان انسي باسل وولد فالح كلهم..

وعيشي حياتج وي دكتور فاضل رغم جنه معارضين زواجج منه بس والله طلع ابن اوادم..
رجال مثقف ورزن وويستحقج..

ابتسمت عفته ورحت نمت ثاني يوم اجاني عمو ابراهيم وكال.. خابرني فاضل وكال بس تطيب ايدي نتزوج لان انه ماعندي شيء..

هزيت راسي راضيه انه هم ماعندي شيء
..
امي رفضت وكالت شعدنه مستعجلين انه كلت الهه لا يمه خلينه نتزوج احسن لان راح تبدي دوام وامتحانات  وماريد انشغل
..
غزلان

مر اسبوع كامل برهان ما اشوفه يطلع من الصبح لليل يله يرجع وعاذرته نفسيته تعبانه..

بيوم هو توه جاي من الشغل وصعد فوك يتغده كال مالي خلك اكل جوه ف كاعد ب ارضيه الغرفه..

وانه كدامه على الجربايه ارضع بليلى..

ندك الباب كمت فتحته  جان تطلع بوجهي ام احمد عقدت حواجبي ب معني شكو..

جان تبلع ريكهه ووتكول : اريد احجي وي برهان

قبل لا اجاوب اجاها صوته : ادخل ام احمد.

بعدتني عن طريقهه ودخلت هو كام عاف الاكل غسل ورجع وكف كبالهه وينشف بأيده ب المنشفه..

هزلهه راسه بمعنى احجي.

ام احمد : الشيخ كلي صيحي برهان عدنه ضيوف مهمين.. يتبع
..

اعرف قصير بس اساسا ماعرف شلون كاتبته دايخه وعقلي مشغول بهواي امور الله لا يحيركم مثلي 🤦‍♀️

المهم انتضروني باجر اكو بارت

🖤🖤🖤🖤🖤
ايزابيل