_شبيك اليوم گالب وجهك وتتأمر وماعاجبك العجب.!
_شنو ما عاجبني العجب ولج غصبا على راسج الاريده يصير يله يله بسرعه
_مو هي بكيفك واللهۃ
...................................................................
عفته ورحت وتلكتني ضحى
_شبيج وجهج يطرد النعمه
_دولي نوب انتي عليه مابيه شي
_دنجبي وكولي شبيج دمعتج بنص عينج
_كاافي لا تلحين كلت مابيه شبيج لزكتي
عفتها وصعدت الغرفتي
قفلت الباب وسمعته يكول
_هاي شبيها تصيح
_مابيها شي بس ضايجه وتعبانه من المتحانات
صاح بصوت عالي
_اذا رفعتي صوتج بعد السانج اكصه
طلعت من باب الغرفه ووكفت ونتجيت على المحجر وكلت
_انتو شبيكم اليوم گالبين عليه وانتَ اليوم شبيك كالب وجهك علينه اذا تعبان من شغلك لا تجي تذب ضوجتك بينه ماشي .؟
_يمه تسكتينها لا اكص السانها وحذرتها اني
_شنو تكص لساني شي شفتني يتيم..
ماكملت هلعباره خنكتني العبره وسكتت
_اشششش كلممه زايده اصعد اطيح حضج وهلكلمه اذا تنعاد راسج اكسره
عفته وطبيت للغرفه طلعت جنطتي وكعدت اقرا
—————————————————————-
ندك الباب دخلت يمي مرام وعافت الباب مفتوح
_شبيج ولج ليوم ضايجه وكالبه خلقتج وبس تعاركين وتشمرين بلحجي .؟
_يمعوده اني الكالبه خلقتي لۉ هو مايتحاجه وبس يتأمر شايف نفسه ماچنه باقي الولد محد يحجي وياي هـيج شنو تايهتله اني
_غير يخاف علينه شبيج يا عيني ليكول هـاي اول مره يحجي هـيج وغير تعبان هستوه اجه من الدوام
_على روحه تعبان كلنه تعبانين طايح حضي من المتحانات وبعدين هو ماجان هـيج يحكم بيه بعدين اخوي موجود ترره هو ماله دخل .!
ماحس اسمع صوت مـن ورى الباب وكال
_منو الماله دخل .؟
الكاتبه فاطمه عبد الرضا
________________________________
هذه بعض المقتطفات عن قصتي
موعد نشر البارت الاول
٢٠٢١/١/٢٦
يوم الثلاثاء
يوم غدا
تعديل:الي سئلو حقيقه لۉ خيال الكاتب لازم ٩٠٪ خيال لن هو كاتب يعني من خياله واسع اما اني
دا انقل واقع حال يعني خيال بس موجود واقع حال بمجتمعنه والي ماحاب يشوف شي خيال اله كامل الحريه
تقريبا
٥٪ حقيقه
اما الـ
٩٥٪ خيال لكن واقع حال
.........................................................