الليل في الجنوب

١

كلعاده فزيت على صوت مرام وهي تصيح

مرام:بناات كومن بيت عمو احمد راح يجوون اليوم وامهاتنه يردونه

شهد:مممم شعدهم يجون هذوليي

مرام:مثلا نكلهم شعدكم جاين شڪد غبيه كومي يله

شهد:صوجي اني اليوم نمت يمجن خرب بلحض
اروح الغرفتي والتكعدني والكعبه ميصير خير

ضحى:شهد شڪد تحجين ولي الغرفتج بلا لغوه

شهد:جلبه مو بيدج وانتي مرام راح اسبح ونزل والضهر اكمل نومتي

مرام:اي عفيه اني هـم يله

رحت لغرفتي طلعت ملابس ودخلت اسبح

ماطولت حوالي النص ساعه وبين ما مشطت شعري وضفرته نزلت

لكيت ماما وعمتي جاي يسوون اكل

مرام:يله ننضف البيت قبل لا يجون

شهد:يله اني اخذ الحوش والستقباال والباقي عليج

مرام:ليـشہ مو اني اخذ هذني

شهد:طبج مرض انتي الخسرانه

مرام:جذب ولي كملي شغلج

بديت اعزل بلستقبال وارتب بلقنفات وكنست ومسحت البلازمه والساعه

داشتغل ودخل سيف

سيف:هله بت العم شني من الصبح شعجب

شهد:هــلاّ سيوفي ليـش ما تدري بيت عمو احمد راح يجون

سيف:لا والله شو محد كالي

شهد:والله مادري

سيف:ماشي كملي شغلج لا تجي بيبي تسحلج

شهد:هو هـيج

طلع من عندي وعطرت الاسقبال وسديت الباب
طلعت للحوش

رشيت الحديقه وغسلت الحوش ونشفته
ودخلت

صارت الساعه بـ١٠
نضفت الصاله كنستها ومسحتها وحطيت ملبس للقنفات جديد

ڪل هذا وضحيوه بعدها نايمه

صعدت واخذت مي وياي

شهد:ضحيوه تكعدين لا قسم بلمي اكعدج

ضحى:ولي متسويها

شهد:ماسويها مو

وشمرت البطل مال المي كله بوجها

ضحى:ااااشششششاااااا

طكيتها ركضه وهي تركض وراي
الحد ما وصلنه يم الولد كاعدين بلصاله

لبدت ورى مهند

شهد:مهند احجي وي اختك هسه شسويت اني هي ما تكعد خلتني اني انضف وشمرت عليها مي

مهند:حل بيج شهد وحل بيج ضحى وولي ضحيه بدلي ملابسج وشتغلي وي البنات

عصام:كملن شغلجن بلا لغوه وانتي شهد بطلي سۉالفج هـاي