السلام عليكم جميعاااا😍موعدنا مع قصتنا اليوميه {أمر من السحر}
ويالا نصلى ع الرسول وندخل ع قصتنا ع طووووول🌹
#أمر_من_السحر_جيهان_سلامه_البارودى
#محبه_الرحمن
الحلقه ال ٢٠🌹
هشام بعصبيه: الووووو....انتى يا زفته الطين عملتى ايه 😠
ايمان بخوف: ازيك يا هشام ...عامل ايه
هشام بعصبيه: مش وقت سلامات دلوقت 😡
انجزى ...العسكرى هياخد منى التليفون
قولتلها😠
ايمان : اه قولتلها زى ماقولتلى بالظبط
هشام: وقالتلك ايييه😡
ايمان: قالتلى سبينى افكر....ولسه مردتيتش عليا 😞
هشام بصوت واطى ومتعصب...إخلصى يا بنت ال****😡
العسكرى قالى ان الواد فاق وهيروحوا ياخدوا
اقواله دلوقتى .....اتصرفى بسرعه 😠
لحسن وعزة الله ...الصور بعد ساعه وحده
هتنزل على النت بمعرفتي .. وساعتها بقا
هيبوسوا ايدى عشان ارفعها😠
ايمان بعياط: حرام عليك يا هشام 😭...بسمه
متستهلش منك كده ابداا....ده انت حتى بتحبها زى ما بتقول
هشام بنرفزه: ولا حب ولا زفت..... يا روح ما بعدك روح يا بنت ابويا 😠
ايمان بدموع : خاف من ربنا يا هشام .....يعنى يرضيك حد يعمل فيا كده 😭
هشام : اااه يرضينى🤨....بت......اسمعينى كويس مفيش وقت 😠
شوفى معها الحوار ايه دلوقت وكلمينى على الرقم ده....... غورى يالاااا وانجزى .....ولسه هيقفل الخط
بقولك ايه كمان.....قولى للسنيوره هشام بيقولك .......
ايمان اتصدمت :اييييه....انت مجنون.....لاء طبعا
مش هقولها كده ...مش كفايه الصور 😭
هشام بعصبيه: هتقوللها ورجلك فوق رقبتك
انتى فااااهمه .. يالا غورى .....وقفل 😠
ايمان بعياط: انا السبب......انا السبب😭
ياااارب اعمل ايه......منك لله يا هشام....منك لله
واتصلت ببسمه.بسرعه.....لاقتها انتظار
وجربت تانى كذا مره ....وبسمه تقفل عليها
وجربت تانى.......يارب تردى يا بسمه المرادى
*******************************
دعاء: الو .....مين معايا
بسمه: ازيك يا دعاء ....انا بسمه اخت سعيد
دعاء بعدم اهتمام: اااه .........اهلا😏
بسمه : ممكن اكلم ساره ضرورى...اصلى بتصل
بيها بيدينى مقفول على طول... فقلت اتصل
على تليفون البيت
بسمه كل شويه تلاقى رقم ايمان بيرن عليها وتقفل عليه
دعاء بقرف: اه مقفول...اصلها مش عاوزة تكلم حد 😏
بسمه بإحراج: طب ممكن بس اكلمها ضرورى
اصل سعيد اخويا اااا.......
دعاء بزعيق: بقولك ايه بقا...بلا سعيد..بلا حزين
احنا ما صدقنا خلصنا منه ومن نكدوا كل شويه
فيها.
و الموضوع ده خلصنا منه وفضيناها سيره خلااص😠
بسمه: طب لو سمحتى إديهالى بس اقولها حاجه
دعاء: بقولك ايه يا حبيبتى....ساره خلاص
كتب كتابها الاسبوع الجاى على اخو جوزى
يعنى قولى لاخوكى يبعد عنها ويشلها من دماغه
🤨
وسلام بقا يا حبيبتى عشان مش فاضيالك
وقفلت السكه فى وش بسمه 😠
ام ساره: جدعه يا بت يا دعاء....ايوه كده 😁
خلينا نخلص منه بقا....بس حسك عينك تقوللها
انهم اتصلوا بيها .......اوعى يا بت
دعاء: عيب عليكى يا ام دعاء......ده انا تربيتك😁
ام ساره: شاااطره.......طالعه ناصحه لامك 😀
*********************************
ايمان جربت تانى ...واخيرا ردت بسمه عليها
الوووو ......ايوه .بسمه😟
الوووو......يا بسمه.......يا بسمه علشان خاطرى ردى عليا 😭
انا عارفه انك مش عاوزة تكلمينى ..بس ارجوكى اسمعينى المرادى.... وبعد كده انتى حره
بسمه......ارجوكى كلمينى ..الموضوع مهم 😟
بسمه بإنكسار: نعم.......عاوزة منى ايه تانى
مش كفايه اللى عملتوه فينا انتى واخوكى😥
بسمه بدموع 😭: والله العظيم انا مليش ذنب
هو السبب.....منه لله....بس المهم دلوقتى
الحقى سعيد فى المستشفى وخليه ميعترفش
عليه ....لحسن هتبقى مصيبه لو اعترف😭
بسمه جسمها ارتعش من الخوف
ليييه......هو نزل الصور على النت😲
ايمان: لاء لسه متخافيش.......بس ااا
بسمه: بس اييييه🥺
ايمان : بس ناوى ينزلهم بعد ساعه لو سعيد
اعترف عليه..... وكمان قالى اقولك على حاجه 😭
بسمه بدموع : عاوز ايه منى تانى 😭
ايمان : عاوز ........ 😞
بسمه بصدمه😳اييييييه....انتى بتقولى ايه
ايمان بدموع: ارجوكى يا بسمه اتصرفى دلوقتى
بسرعه .....ده اخويا وانا عارفاه😭
الو...الوووو....بسمه........بسمه
اكيد قفلت معايا وراحت لاخوها..... يارب تلحقه قبل ما يعترف😭🤲🏼
بسمه سابت التليفون من ايديها .. وقامت بسرعه تلبس وهى منهاره من العياط 😭
ونزلت تجرى على المستشفى🏃
*********************************
راضيه: الو........ازيك يا حسام
وحشتنى اوى من امبارح😊
حسام بصوت حزين: ازيك يا راضيه..اخبارك ايه
راضيه اتضايقت من طريقته وخافت ليكون رجع فى كلامه
مالك يا حسام....فيك ايه
حسام اتنهد بضيق: لاء ابدااا مفيش حاجه
راضيه: اومال مال صوتك متغير كده ...شكلك زعلان......هو حصل حاجه تانى ولا ايه
حسام:ااه...متضايق شويه😔
راضيه: من ايه.....اوعى يكون منى😄
حسام: لاء طبعا مش منك . ......اصلى لسه صاحى من النوم من شويه
واتفاجئت ان الساعه عدت واحده وصلاة الجمعه راحت عليا...ودى اول مره تحصل من سنين😔
راضيه اتنهدت براحه:يا شيخ خضيتنى بحسبها حاجه كبيره
اااقصدى يعنى .... ربنا غفور رحيم واكيد هيسامحك لانك كنت نايم
المهم دلوقتى قولت لامك......اااا...قصدى قولت لمامتك
حسام: اه قولتلها
راضيه: هااا طمني ......قالتلك ايه
حسام سكت.....😔
راضيه فهمت انها مش موافقه.......🤨اااه فهمت
على العموم يا حسام انا كنت متوقعه منها كده
ماهو أصل طنط بتحب ريم اوى 😏
وبحزن مصطنع😥
وعلى العموم يا حسام....انت لازم تسمع كلامها وترجع لريم .....وانسى كلامك ليا امبارح واعتبر نفسك مقولتليش حاجه ....سلام😔
حسام: راضيه استنى ....انتى فهمتينى غلط
انا عند وعدى ليكى ومعادنا زى ما هو
راضيه: طب و طنط؟؟
حسام: مالها
راضيه: هينفع تتجوز من غير رضاها
حسام اتنهد بحيره: مش عارف 😞
راضيه :خلاص يا حسام...لما تعرف ابقى كلمنى
سلاااااام
وقفلت معاه وهى هتطق من الغيظ...😡
هى كانت ناقصه الست امه دى كمان
ومشيت وهى متضايقه وبتفكر هتعمل ايه🤔
ووصلت قدام المستشفى ...ولسه هتطلع
شافت عمر قاعد فى عربيته ....ورفعت حاجبها
وفكرت ثوانى وراحتله.....وقربت منه وابتسمت
عمر ....ازيك ....فينك ...ليك وحشه والله😁
عمر اتفاجأ بيها وخرج من عربيته........راضيه
ازيك عامله ايه
راضيه : الحمد لله ....بس هو انت قاعد فى العربيه ليه
هو انت لسه مطلعتش لريم ولا طلعت وماشى🤲🏼
عمر ارتبك:ااااا..... لاء ما انا كنت لسه هطلع
وانتى طلعتى ولا لسه جايه
راضيه: لاء لسه .. ....اصل بصراحه ريم وحشتنى
اوى وجيت اطمن عليها ......وبنظرة حب
وانت كمان على فكره ☺️
عمر استغرب: انا كمان ايه 🤔
راضيه بنعومه فى كلامها ..قربت منه ولمست ايده
انت كمان وحشتينى اوى......والمكتب من غيرك
وحش اوى 😌
عمر استغرب طريقتها وجرائتها وشد ايده منها بسرعه😠
راضيه بإبتسامه: طب انا طالعه بقا ..هستناك فوق وسابته ودخلت المستشفى ......وكلمت نفسها
اهو لو حسام منفعش.......يبقى عمر موجود😁
عمر فضل واقف مصدوم ومستغرب من اللى عملته راضيه وقالته ......وسأل نفسه
هى البت دى عاوزة ايه بالظبط 🤔
*******************************
راضيه بزعل مصطنع: الحمد لله انى اطمنت
عليكى يا ريم...حمدالله على سلامتك يا حبيبتى
ريم بتعب: الله يسلمك يا راضيه
بابا...راضيه زميلتى فى المكتب انا وعمر وحسا
وسكتت ... 😞
ابوها وام عمر حسوا بيها وبوجعها لما نطقت اسم حسام
وغيرت ام عمر الموضوع......
يعنى انتى زميله عمر ابنى بقا على كده
وبصيتلها من فوق لتحت ...وضيقت عنيها
امممممم😏
راضيه: اه يا طنط ....ده انا حتى شوفته تحت قاعد فى عربيته ...وقالى طالع ورايا
ام عمر اتحرجت ...وبصيت لوالد ريم بإحراج
والد ريم: الله...هو مش حضرتك قولتى انه مجاش معاكى
ام عمر مش عارفه ترد تقوله ايه ....اصل اااا
ريم بزعل: على العموم خليه براحته يا طنط
انا بقيت كويسه ....اكيد مشغول ولا حاجه😔
راضيه حسيت انها عكيت الدنيا.....وبخبث😒
ايه ده ..اومال فين حسام ...هو لسه مجاش
ولا ايه
ده انا قولت اكيد هاجى ألاقيه بايت معاكى 😄
ام عمر اتغاظت منها ...وبصيتلها بغيظ 😠
وابو ريم صعبت عليه بنته 😞
ريم غمضت عنيها ...ودموعها نزلت غصب عنها😥
ام عمر صعبت عليها ريم.....وقامت خدتها فى
حضنها ....وطبطبت على كتفها ومسحت على شعرها
ريم يا حبيبتى ...حاولى متتكلميش كتير
احنا ما صدقنا انك قومتى بالسلامه
وحاولى ترتاحى شويه من الكلام😏...يالا يا مدام ااااا.
راضيه اتغاظت منها وقامت وقفت 😠
اسمى انسه راضيه......مش مدام😠
ام عمر :ايه ده ...معقول لسه انسه لحد دلوقتى
معلش يا حبييتى.. اصلى اللى يشوفك يفتكرك مدام😏
طب يالا يا انسه راضيه نسيبها ترتاح شويه
راضيه اتضايقت من كلام ام عمر وسلمت على
ريم وهى متنرفزه: الف سلامه عليكى يا ريم
سلام يا عمى..وبصيت لام عمر بقرف ومسلمتش عليها 😠وخرجت .....
ام عمر: يا باااااى🖐.....ايه البت التلمه دى 😠
اتحدفت عليكو من انى داهيه...سبحان الله
قلبى مرتحلهاش خاااالص😡
ريم: ليه بس يا طنط ..دى بنت كويسه اوى
ومشوفتش منها الا كل خير ...وكتر خيرها
انها جت تطمن عليا ........واتنهدت بزعل
ومجاتش من اعز اصحابى 😞
ام عمر اتحرجت... بصى يا ريم ...يعلم ربنا يا حبييتى عمر كان هتجنن ويطمن عليكى...وهو فعلا اللى جابنى هنا ..ومرضيش يطلع
والد ريم باستغراب: طب وليه مطلعش
ام عمر: عشان حاسس بالذنب فى كل اللى حصل لريم
والد ريم:على فكره يا بنتى ..عمر معنا من ساعة
اللى حصلك.... وعلى طول معايا على التليفون
وبيطمن عليكى
ريم: طب لو سمحتى يا طنط...اتصلى بيه وخليه يطلع.....انا عاوزاه ضرورى
ام عمر بفرحه....حاضر يا حبيبتى.....هكلمه حالا😁
ريم: هاتلى الطرحه يا بابا لو سمحت
ام عمر اتصلت ......ايوه يا عمر😊
اطلع دلوقتى
..............
اطلع بس وانت تعرف
..........
ريم هى اللى عاوزاك.......
..........
اه والله فاقت وبقيت زى الفل😁
..................
طب يالا بسرعه ي......وققلت معاه
وشويه وطلع عمر وكان فرحان ان ريم بقيت كويسه
وخبط على الباب ودخل.......سلامو عليكم
ازايك يا عمى ....وابتسم لريم ... حمدالله
على سلامتك يا ريم 😊
ريم: الله يسلمك يا عمر..وشكرا على تعبك معايا
عمر: بتشكرينى على ايه بس ....المهم انك بخير دلوقت
ريم : الحمد لله ......عمر ...ممكن اطلب منك طلب
عمر بحب: اكيد طبعا ...انتى تأمورى
ريم: ممكن تتصل بحسام وتخليه يجى
عمر بصدمه : حسام😞
ام عمر صعب عليها ابنها واتضايقت عشانه
والد ريم: ريم ......مش وقته
ريم بدموع: لو سمحت يا بابا ...وبصيت لعمر 😟
عمر لو سمحت انا عاوزة حسام .....ارجوك 😥
قربت منها ام عمر وخدتها فى حضنها وطبطبت عليها
وبقلة حيله: اسمع كلامها يا عمر ....وهاتلها حسام
يا ابنى😞
عمربحزن:حاضر ..حاضر يا ريم ..هجيبلك حسام 😔
********************************
الظابط: حمدالله على سلامتك يا استاذ سعيد
سعيد بتعب: الله يسلم حضرتك
الظابط: طب هتنفع تتكلم دلوقتى ..ولا تحب
نفتح المحضر فى يوم تانى
سعيد: لاء حضرتك ..انا كويس ..وهقدر اتكلم
الظابط: تمام........افتح يا ابنى المحضر
اسمك..... وسنك وعنوانك
سعيد: سعيد عبدالله البهنسى..والسن ..٢٦ سنه
الظابط: ايه اقوالك فى الوقعه اللى حصلتلك
وهل بتتهم فيها الجانى هشام ابو العز ..
سعيد لسه هيتكلم .....اااا
بسمه فتحت الباب بسرعه....لاء يا حضرت الظابط
هشام معملش حاجه... بالعكس ..ده صاحب سعيد اوى
وكمان يبقى اااااااااا😞.......وبصيت لاخوها وامها
خطيبى😥
سعيد وامه : ايييييه😲😲
********************************
ونكمل بكره بإذن الله ومستنيه رايكم
فى حلقه انهارده واتمنى تكون عجبتكم😊
وياترى ايه رايكم فى موقف بسمه😔 مستنيه كومنتاكم الحلوه☺️🌹
واشهد الله إنى مش مسامحه اى حد ياخودها وينسبها لنفسه وربى وكيلى✋
واذكروا الله☝🏼 وصلوا ع حبيبه🌹❤