هلو حبايبي
.
.
.
اختي وابنتي العزيزه كنت اظن اني محظوظة
جدًا كونك اختي كنت اضن انك أفضل الهدايا التي حصلت عليها في حياتي شكرًا لك على كل نكاتك ودعمك لي بااسوء حالاتي الذي حصلت عليه منك
بلا علمك الظاهر شكرًا لكونكِ هنا في أوقات الحاجة سندًا وملجأً لم گصديقة كنت اضنه حباولانك لا تتعبي أبدًا من الاستماع إلى كل الهُراء الذي أتفوه به و تتحمل كل تصرفاتي الدراماتيكية هاكذا كنت اضن
شكرًا لكِ على اللحظات الجميلة و المجنونة و السعيدة أنا حقًا مُدين لكِ بالكثير أنا فقط أريدكِ أن تعرفي أنكِ ثمينٌه جدًا بالنسبة لي و أنا حقًا سااشتاقُ إليكِ منذ الآن
لا تنسي كل شيء عني حتى عندما تجدين من يهتم
بك مجُددا أحبكِ كثيرًا يارفيقة الرّوح واسفة كوني لم انتبه اني ظلمتك صغيرتي الجميلة بلا قصد اسفه كوني كنت انانيه بلا ادراك اعذريني ياصغيرتي لقد اصبحت هاذة العلاقة ملوثه منذ هاذة الحضة
ولابد من جزمها ياقريبتي
.
.
- احمد طلعت صبح للمضيف عندي كعدة خابرني ماهر صبح لبست وطلعت مشفت ملك بس كلفت باقر يهتم بكل شيئ يحتاجو بالبيت لانو عدهم حفلة مال سبعه وصلت المضيف
احمد ،، السلام عليكم
ماهر ،، هلا شيخ وعليكم سلام لازم نطلع من وكت لانو قبل الغدا الكعده
احمد،، مشينا يلا
- احمد طلعنا اني وماهر. وعم ماهر وكم شخص
ويانا عندنا مشكله بين عمام اني كثير كنت احضر هيج كعدات وياشيخ سعد وعلي بس ماادخل اسمع وبس بس اليوم لا بد من تدخلي كوني شيخ
وصلنا مضيف شيخ عشيرة ..... كانت الكعدة في
اول منزلنه سمعت ماهر يكول
ماهر ،، هاذا مضيف شيخ محمد ماارتاحله
احمد ،، ليش
ماهر ،، واحد حقنه ويحاول يفرض نفسة بلا معرفه
احمد ،، لكل شخص حد لا عليك
ماهر ،، بعد اخوك مامنه رجا
- احمد صفنت علئ ماهر وهوة يحجي يصيح الي
اخوي شلون مااشوف رجال وانعم منه بس شنو صار خلف ذاك الباب اتمنئ اوصل للي صور دخلنا المضيف كان ناس كثار كاعدة سلمنا وكعدنا
ماهر ،، ياجماعه الله بالخير
- الله بالخير وهلا
- ماهر اباوع احمد كاعد بزاوية وفاصل عن العالم اجتني ضحكه علية عريس حقة مدوخن صار الحجي واحد يرفع واحد يكبس وشيخ احمد ماكو بغير عالم بس عيونه تتحرك ابد محجئ شيئ ولا تدخل ساكت السالفه كانت
- وضاح رجال صاحب القضيه
- عادل الخصم واثنينهم من كبارية العشيرة ولد عم
وكثير ناس كاعدة
ماهر ،، ياوضاح احجي الي عندك
وضاح ،، تسلم ياشيخ ياوجوه الخير القصة ومافيها اني عندي رضيعتي ( اختي ) رايدها ابن عمي الي هوة عادل بس اني ماانطيها الو لو علئ جثتي
ماهر ،، سبب ياوضاح
وضاح ،، اني واخوي ردنا اخوات عادل بزمانات
ومانطوهن فضلو الغريب علئ ولد عمهم ماردنا نسويها اجباري وناخذهن تركناهن وذاك يوم وهاذ يوم كل واحد بطريقه اجتي قسمة اختي ونطيتها بس ابن عمي نها عليها واني طلبته للحق ماانطا اخواته لنا بااي حق ينهي علئ اختنا
ماهر ،، وانت يعادل
عادل ،، ياشيخ بزمن خواتي كنت ولد والي فهمته خواتي هن الي ماردان ولد عمهن شلون نجبرهن علئ هل زواج واني بنت عمي هاويها ومستحيل اخلي
غيري ياخذها واليوم اني اطلبها منكم قبل اهلها
- ماهر حجاية العمام صعب حلها وبذات من يكون بينهم ماضي حجايه منا وحجاية منا علة صوتهم وتكاونو بينهم اريد احجي مااكدر اباوع احمد علئ كعدته بس مااعرف شصار وكان اسمع صوت هز المضيف
- احمد من دخلنا المضيف لسه كاعد واسمع كل كلامهم اني دائما كنت من اطلع ويالشيخ علي وسعد مااحجي اسمع فقط باوعت عليهم علكت بينهم والي فهمته عادل رايد بنت عمه وضاح مايقبل يزوجها الو بداعي الانتقام بس اهم شيئ بالموضوع ماانذكر ابد البنت
شنو موقفها احتمال اتكون حابه ابن عمها ورايدته
واخوتها ماحاسبين حساب الها والمشاعرها الله امرنا بشور. وهاذي حياتها انسانه حل هل قضية بسيط بيد هل بنت مادام ابن عمها رايدها لازم نتااكد من البنت وبعدها نحكم اباوع علكت بينهم وعلت اصواتهم وشيخ محمد وماهر والاوادم الكاعدة تحاول تسكتهم
مايسكتون ماخلو احترام لكل شخص اني بطبعي هادئ جدا بهيج مواقف بس اذا طبكن عندي لو جنه لو نار كمت لحيلي وزكحة بيهم طبقت عليهم قانون جيش قبل العشاير
احمد ،، هااااااي وين. كاعدين هاا شنو هل قلت احترام ماكو احد يكف بعينكم طراطير كدامكم هل عكل ماوكفت بعيونكم كل واحد مكانه لا وحق هوة علي ثنينكم اجطلكم
- ماهر اباوع احمد شخص ثاني هاي ثاني مرة اشوفه بهل حالة اباوع من حجه الكل سكت وكعد رجع كال
احمد ،، اعذرني ياشيخ محمد عليت صوتي بحرمة ارضك ومن رخصتك
شيخ محمد ،، تفضل ياشيخ و حياك الله
احمد ،، محي اصلك تسلم
- ماهر ضليت فاتح عيوني شيخ محمد الغرور نكسر
غرورة اليوم خخخ
احمد ،، اسمعو انتو الثنين حجيكم كله عندي ماياكل نحن وين عايشين بغابه ها احجو واحد ينطي واحد ينهي اسمعوني
احمد ،، وضاح
وضاح ،، نعم ياشيخ
احمد. ،، كم يبعد بيتك من هنا
- ماهر هاذا جايحجي احمد تخبل
وضاح ،، مو كثير ياشيخ
احمد ،، جيد عندك والي بالبيت
وضاح ،، اي ياشيخ اخوي
احمد ،، اتصل بي وكله يجيب البنت المقصودة لهنا حالا
وضاح ،، بس ياشيخ شلون
احمد. ،، البنت بنتنا وانت اخوها وهاذ ابن عمها وهيه كلمه اطمن مراح تمسها الئ العافية
وضاح ،، تامر ياشيخ
- ماهر وضاح راد يطلع برئ يتصل بس متعبر علئ
- احمد خاف يهدد البنت لذالك جبرة يحجي هنا كدام ناس
احمد ،، هنا اتصل وفتح صوت
- ماهر اباوع احمد مركز ويا وضاح والشيوخ كلها مستغربة وصافنه علئ احمد وين يريد يوصل ماادري
اباوع فعلا الولد خابر اخوة وكاله يجيب البنت نص ساعه ودخل ولد وسلم وكال رضيعته برة المضيف وياها امها
احمد ،، من رخصت جميع هل وجوة الخير هوة سؤال للبنت
الكل ،، هاذا حق تفضل يشيخ
احمد ،، انت يالاخو خلي ابنت تقرب هنا خلف الباب
- ماهر هسة فهمت شنو غاية احمد دقايق وسمعت الولد يكول تفضل يشيخ تسمعك
احمد ،، يااختي تسمعيني
البنت ،، اي
احمد ،، الله يساعدج
البنت ،، هلا
احمد ،، اسمعي يبنت الناس انه اخوج وكل هل وجوة الخيرة بحمايتج ابد لتخافين واريدج تصيرين قويه وتعرفين هاي حياتج وانتي المسؤلة عنها محد راح
يعيشها بدالج افتهمتي قصدي لتخافين وتدمرين
حياتج راح اسئلج سؤال جاوبي عليه بكل صراحه فهمتي
البنت ،، اي
احمد ،، ابن عمج الي هوة عادل هاويج ورايدج علئ سنة الله ورسوله واليوم طلبج مني انتي قابله باابن عمج اذا قابله كولي اي واذا متردي كولي ابد لتخافين
شنو راح يكون قرارج انتي بحماية شيخ احمد وهل وجوة الخيرة احجي وانا اخوج قابله باابن عمج عادل
البنت ،، اي
احمد ،، ماسمعت انتي قابلة بعادل وتردينا زوج الج
البنت ،، اي قابلة
احمد ،، هاذا هوة روحي
احمد ،، سمعتو البنت رايدة والولد هاويها وتقدملها و رسول ( ص ) امرنا بشورهم وهاذا الي صار بقض النظر عن كل مشاكلكم ياوضاح مايحق لاي شخص يوكف بطريقهم اسمع ياوضاح وكدام كل هل وجوة الخيرة الكاعدة اني انطيت الامان للبنت وتراها من هل لحضة مثابت اختي وبحمايتي اليوم ثلاثاء الخميس كلنا ضيوفك خطبه وعقد رضيعتك لابن عمك عادل
وانت ياعادل طيب خاطر ابن عمك وحضر مهرها ومبارك عليك
عادل ،، كفو ياشيخ الله يطول بعمرك وهاذا راس ابن عمي كدام كل الحاضرين ابوسه واطلب رضاه
وضاح ،، يصير خير ان شاء الله وكلمة الشيخ علئ راسي
احمد ،، تسلم ياوضاح هاذا المرجي منك وتراك خير ماسويت وبارك الله بلي جمع راسين بالحلال علئ حب اللة
احمد ،، وهسه نحن نترخص واتمنئ مااسمع غير الاخبار الحلو وترئ زعلنا مر هاا
وضاح ،، ميصير خاطر الئ طيب ياشيخ
شيخ محمد ،، غدا شيخ احمد صار وعشاء مذبوح
احمد ،، مايرد الكريم الئ البخيل ياشيخ ريتو بيت العامر ان شاء الله
- ماهر اريد استوعب الي صار مااكدر ابد محد مسويها قبل احمد يطلب حرمة للمضيف وياخذ رئيها وحكم حسب كلامها ماصايرة بس كل من بالمضيف صار يحجي بااعجاب بتصرف شيخ احمد يمكن غريب شوي بس هاذا الصح تغدينا خلصنا كنا نشرب شاي
اباوع احمد يحجي تلفون ترخص وكام طلع بس كان مرتبك عشر دقايق ورجع كال
احمد ،، اعذروني ياجماعة الخير مضطر اطلع
ماهر ،، خير ياشيخ
احمد ،، ماكو غير الخير شغل
ماهر ،، جاي وياك
احمد ،، تسلم بس ماكو داعي شغله مو مستاهله
ماهر ،، اذا لزمك شيئ اتصل
احمد ،، كفو
- ماهر اباوع عليه سلم وطلع بس مااعرف شبي
-احمد خلصنا الغدا كان اسمع موبايلي يرن الولد الي كلفته بامهمه مال اصفحه الي وصلني منها الفيديو
رديت و كمت طلعت
احمد ،، الو ها بشر
- احمد ماعرف شكلك بس
احمد ،، كول كل شيئ عرفته
- الصفحه نفتحت قبل نص ساعه وكدرنا نخترقها بس المشكله
احمد ،، احجي شنو المشكله
- كل المعلومات الي حصلنا عليها تخصك
احمد ،، شنو تخصني
- اقصد رقم بااسمك والموقع بيتك
احمد ،، انت متأكد
- مثل مااعرفك ياخوي
احمد ،، ارسلي الرقم واريد الصفحه
- ماشي دقايق تصلك
احمد ،، تسلم
- احمد ضليت واقف انتضر وصلت رسالة فتحتها وكان انصدم رقم اخر شخص ممكن اتخيلة فهد لا مستحيل
اي هاذا رقم اني شتريته لفهد من زمان بس معقوله فهد يغدر بيه فهد اخوي دمي ولحمي ويحب ملك مثل ام واخت واكثر هيه الي ربته معقولة لا مستحيل
اخذت سيارة وطلعت بااقصئ سرعة مااعرف وين اروح اباوع ساعه 3 اكيد هسه لبيت متروس نسوان
واذا رحت للبيت هسه وبهل حاله اصير كارثه طلعت افتر بسيارتي اريد اهدئ ماكدر ضليت افتر للمغرب
رجعت للبيت واني اغلي اخوي يغدر بيه هاي تاليها
دخلت للبيت صحت
احمد ،، فهدددددددددد
- احمد دقايق وكان كدامي
فهد ،، ها ابو شهاب
احمد ،، هوة سؤال وبعدها تحدد مصير حياتك
فهد ،، شبيك احمد قابل اني طفل وتخوفني
- ملاك نزلت ركض علئ صوت احمد عبالك عاصفه
اسمع كلامهم ومتعجبه اول مرة اشوف اخوتي
يتعاركون جف حلكي اريد ابلع ريكي مااكدر اسود وجهي يالغوالي شجاكم عين وماصلت علئ نبي
نزلت ركض وكفت ارجف اسمع احمد يكول
احمد ،، هاذا رقم الك
فهد ،، اي هاذ رقمي القديم
احمد ،، وينه حاليا
فهد ،، موجود
- ملاك بلا مقدمات احمد انطئ فهد بوكس ورجع ضربه وفهد مدنك متت جمدت بدمي لك ابني ينظرب كدامي ياناس مثل المخبلة ركضت وكفت بوجه احمد
احمد ،، وخري ملك هاذا الحيوان هوة سبب كل الي صار ويانا
- ملك شنو قصدك
احمد ،، شوفي
- ملك احمد فتح موبايلة وطلع فيديو الي فتحت عيوني بصدمه بس بسرعه استوعبت اني مخايفه من احد ممسويه شيئ غلط بس فهد مضلوم وهل شيئ واضح
ملاك ،، وحق هوة الله اذا مبتعدة عن اخوك هسة لاحرم عليك ليوم دين فهمت لك اشك بروحي ومااشك بااخوتي لك هاذا فهد قطعه من روحي شلون تشك بي
احمد ،، ملك لتخبليني هاذا رقمه وهاذي صفحته
ملاك ،، لو اشوفه بعيني مااصدك وانت لو صدك تحبني جان اجيت عليه وكتلي وحلينه الموضوع سوئ
مو قلبت حياتي جحيم صار سبوع بسبب شيئ تافه
وهسه اطلع مااريد اشوفك
احمد ،، ملك
ملاك ،، مو وقتك احمد بعدين نتفاهم وكل شيئ صار اله حل
- ملاك طلع احمد واني باوعت فهد كاعد علئ الكرويته مدنك راسه ريتني متت ولا اشوف شمعت بيتي بهل حاله مكسور و مذلول بهل حاله كسر بقلبي ان شاء الله ولا اشوفك بهل حالة
ملاك ،، فهد يروحي انت والله ماشك بيك بحجم ذرة
فهد ،، يمه اخوي شكد بيه وضربني لاول مرة
ملاك ،، عمت عيني يبعد امك وروحها تعال
- ملاك فهد من ماتت امه الحقيقية مرة عمي كان عمرة سنتين يرضع اول مانطق كال الي ماما ربيته كان عندة
تحسس من يبرد لازم اسهر عليه صدرة يضيق لحد عمر سبع سنوات يالله تحسنت صحته كعدة يمه وخلية راسه علئ كتفي وكتله
ملاك ،، فهد احمد عصبي ولو تعرف الي مرينا بي بهل اسبوع كان عذرته ولله راح احجيلك سر من يوم زواجنه واحمد تغير شخص ثاني تعرف حتئ محسبني زوجته
فهد. ،، شنو ليش
ملاك ،، ماعرف بس هسه فهمت الضاهر هل فيديو واصل لاحمد من ذاك اليوم والمشكله من رقمك لذالك عصب عليك انت احد اخذ موبايلك منك احجي حبيبي
فهد ،، لا رقم عندي وموبايلي بي رمز
ملاك ،، صفتحتك علئ الفيس
فهد ،، هاا دقيقه هل صفحه نطيتها
ملاك ،، شنو المن نطيتها
فهد ،، من فترة نطيتها الزينب اختي كالت سويلي حساب كتلها عندي واحد مامستعمله نطيته الها
ملاك ،، يعني هل صفحه حاليا عند زينب
فهد ،، اي عند زينب
ملاك ،، احس دنيه سودت بعيني لو عارفة قبل لا احمد يضرب فهد ماانهضم واللة واعذرها بس بعد ماخلت اخوتها
يضاربرن ولله لخليها تندم هاي بنتي واختي من زمان وااني اشوف التمرد بعيونها بس شنو سبب مااعرف هاي مو لما اختها تموت عليه واني احسها روحي
بس ليش زينب تذكرت الرساله الي وصلتني اليوم كتله فهد دقيقه هسه اجي رحت ركض جبت موبايلي
ونفتحت الرسائل وشوفتها الفهد
ملاك. ،، هاي الصفحه فهد
فهد ،، اي هيه هاي
ملاك ،، فهد بحياتي مطلبت منك شيئ اكدر اطلب منك طلب
فهد ،، انتي تامرين يمه مو تطلبين
ملاك ،، اروحلك فدوة لا تحجي لاحمد حاليا انت باجر رايح لدوامك ومن تجي يكون هدئ وتتصالحون بس مااريدة يكرة اخته وهوة عصبي اخاف يااذيها وهيه علئ وجه عرس فدوة حبيبي
فهد ،، ولله لشرب من دمها
ملاك ،، ومن كلك راح افوتها الها انت بس اصبر اله اعيد تربيتها من جديد اضاهر معرفت اربيها ودللتها زياده
فهد ،، ماشي بس الخاطرج
ملاك ،، فدوة القلبك حبيبي
- ملاك كمت نزعت حذائي ولفيت شعري واحس محاجري تريد تنفجر باوعت ماكو احد منئ ولما اخذهم باقر يطلعهم ومحمد طالع وااحمد مدري وين راح وجدتي نايمه رحت دخلت غرفة زينب شفتها مرتبكه اضاهر عرفت بالسالفه
ملاك ،، اي يااختي احجي شلون عرفتي اني ممثله بارعه
زينب ،، هاا شنو
ملاك ،، زينب غيرتلج حفاضات لحد متعبت وسهرت وربيت وكلة وشتغلت وحرمت نفسي ودرستج وانتي اليوم هنا بفضلي ولما اني كان كلاب شوارع اكلتج لتعتبري هاذا حجيي عار اعتبري تذكير راح اسئلج وجاوبي علئ كد سؤال
ملاك ،، عمرج احتاجيتي شيئ
زينب ،، لا
ملاك ،، عمرج احد غثج وبذات اني
زينب ،، لا
ملاك ،، اكو يوم عترضت طريقك او جبرتج علئ شيئ
زينب ،، لا
ملاك ،، طيب تعرفين اني كنت ادرب بنادي واعرف كل فنون اقتال والدفاع عن نفس
زينب ،، اي
ملاك ،، جيد اليوم راح اطبقهم كلهم عليج تعرفين ليش
زينب ،، لا ملك وللة قهرتيني انتي
ملك ،، تعرفين ليش مااحب اكرر كلامي
زينب ،، لا
ملاك ،، مو لانو صورتيني وفسرتي علئ كيفج ورحتي تهددين زواجه وغدرتي بيه لا اسمعي اني و شيخ ماهر وين مااريد نروح لان اني كبيرة وشيخه مو جاهل
وشنو اريد اسوي اني طير حر يولي احجي ويه الكل ثقت اخوتي بيه عمية شلون فكرتي تشوهين سمعتي والمن لاخوج وزوجي وحبيبي وابني هاذا عقلج الصغير شلون يفكر شنو توقعتي اخوج راح يتركني او يذبحني بعد ماشك بيه لانو شافني ويارجال ثاني
ومع ذالك كان سامحتج
لكن بعد الي صار اليوم لا صعب لا بعد مخليتي اخوتج يتعاركون بينهم ويضاربون لاول مرة بسببج اعذريني مستحيل اسامحج كل حياتي تعالي علي
- ملك صح اني تعبانه ومريضه بس من قهري علئ احباب قلبي من شفتهم يضاربون طارت روحي لزمتها من شهرها و شيل و ضرب نسيتها العافية وهيه تفرفح مااذيت وجها بس نتفتها تنتيف كرص ودفرات ومن
شعرها اول مرة اضرب واحد من اخوتي
ملاك ،، يولي حقيرة ناكرت المعروف
زينب ،، اخ ملك اخ وخري اتركيني
ملاك ،، وجع يكص قلبك حاقدة حقيرة ولج سويتلج ها عوزت علئ نفسي ولبستج و كله من زين اجيب والبس واوكل وادرس ولج ليش ماوكفت بعينج لو صاير شيئ لاخوتج شااكول شااحجي
زينب ،، ليش كلهم يحبونج الج هااا ليش كلهم يسمعون كلامج ويقدسوج هم اخوتي الي يحبوج اكثر مني و تزوجتي اخويه الي عساس اخوج
- ملاك صدك من كالت هيج صرت نار واحترك بسعيره
امسك الحية من رقبتها وهيه تضخ سمها
تركتها وضليت واقفه اسمع حجيها نصدمت
زينب ،، راح يصير سنه مخطوبين بسببج متزوجنا
وانتي مكيفه عرس ملكي وطلباتج اوامر واحنئ ولا فكرتي بينا بس حايرة بنفسج
،، ملاك فاتحه عيوني بصدمه ولله لا ردت عرس ولا ردت زواجر اصلا وهوة اني شفت من عرسي بسببج ياحقيرة كتلها
ملاك ،، يعني كل هل حقد بقلبج عليه لانو اخوتي يحترموني ولانو تزوجة قبلج
زينب ،، اكرهج من جنت صغيرة لانج حلوة كلهم يردونج عبالج مااعرف حتئ عمار خطيبي جان يريدج الج وحتئ شيخ علي وحتئ ماهر الي جنتي تحبي ليش مزوجتيهم رجعتي علئ اخويه ليش لانج انانيا مسيطرة علئ الكل شفتي اخويه شخصيه ومال وجمال وشيخ رجعتي وكعتي بشباجج عبالج مااشوفج شلون تباوعين عليه وهوة وكع بكمينج وانتي اكبر منه بكومه وهوة بعدة مثل الورد
ملاك ،، يااا طلعت مربيه حية بيتي وماادري ماشي مو مشكله اسبوع جاي عرسج وحتئ لا اثير شبهات راح زوج منئ وياج وياحسافه بيج تربيتي تف عليج طايحت الحض ولله لو يسمعون اخوتج هاذا كلامج ليذبحوج حقيرة مااريد اشوف خلقتج بالبيت وها لا عبالج تسوين شيئ بنفسج حتئ تكسبين تعاطف اخوتج اقسم بالله ماكو مستشفى ادفنج انتي وعدلة حافضي علئ نفسج لحد ماترحين لبيتج و اخلص منج
الله يعينك ياعمار علئ هل بلوئ الي اجتك وبالمناسبه
انتي والف مثلج مايأثرون علية
ولج اني ملك شفت العجائب بحياتي ومتأثرت اتئثر بلعب جهال ولج شفت ضيم وضلايم لا عبالج ربيتج بالهين ولج اخ لو تدرين شفت بحياتيوج غدر وتحرش وضرب وحرمان وجوع وتعب بس حتئ اربي هيج شكولات مثلج تفي عليج
- ملك عفتها ورد اطلع فتحت الباب وكان يصير احمد بوجهي عيونه دم وضاهر سمع كل شيئ لا ياربي دخيلك رحمة
.
.
قرأءة ممتعه احبتي