هلو حبايبي
.
.
عندما تسوء الأمور جرّب شيئاً مختلفاً ان نجحت فستعيد تعريف نفسك وإن فشلت فجرَب شيئاً آخر
لا تجلس مكتوف الأيدي فلكل شئٍ حل يبدأ بالتجربة
.
.
- ملاك تحدد موعد عرسنا بعد اسبوع صح نحن مزوجين اصلا بس مع ذالك مرتبكة يعني ناس وحفل وشيئ جديد عليه بصرحة مااعرف مشاعري متخربطه اخذني فهد للسوق اشتريت كم شغله ورجعة
گ العادة رحت غيرت ملابسي لبست تراك اسود لفيت شعري لبست برجلي و نزلت ركض احمد مشفته من تركني بيت ماهر لسه رحت طلعت لحم مفروم وبصل عندي مثروم مخليته بكيس بالمجمدة
كلت اسوي عشاء جاي عبالي اسوي كبة رجعت طلعت ثلاث دجاجات خليتهم بصينية وتبلتهم ودخلتهم الفرن كعدت اسوي كبة للساعه اثمانيه الكل صار بالبيت اني وحدي بالمطبخ جهزت كل شيئ اصلا متعودة البنات يدرسن ابد مااضغط عليهم اكول خطية
دخل احمد شافني اشتغل وحدي كنت عركانه لانو
اني بس اتعب شويه اعرق بسبب نقص الكلةمن شافني بهل وضع تخبل صاح زينب اخته اجتي تباوعلي صفح يااا هاي شبيها زينب من زمان معليها بيه مااعرف احسها ماترتاح الي واني هم اعتبرها طفله ماعلي بيها
اسمعها تحجي ويااخوها اني ماعبالي صاحها علمود شغل كلت يجوز شو شنو يريد منها بس من سمعته مردت اقاطعه كلت اني احجي وياة غير وقت
زينب ،، ها
احمد ،، ليش مساعدن ملك بشغل مو تدرن بيها مريضه
زينب ،، عاد هيه شمسويه هوة العشئ مقالي
احمد ،، ولج شنو هل رد
زينب ،، لا مااقصد بس هيه مطلبت نساعدها
ملاك ،، حجايه منا حجايه منا عاط بيها احمد رحت عليهم كتلهم
ملاك ،، خير شكو
زينب ،، لتمثلين دور الفقيرة انتي حرشتي عليه بلشت شغلة مرة الاخ
ملاك ،، ضليت فاتحه حلكي صدمة خيبه لك هاي بنتي ياناس معقوله بنت تحجي ويه امها بهل اسلوب كتلها
ملاك ،، زينب حبيبتي روحي لغرفتج كملي دروسج معندي شيئ خلصت
ملاك ،، اباوع عليها خزرتني وراحت تعجبت من تصرفاتها شبيها وراها سالفه ولله حيرتني يلا بعدين
افهم منها او احاجي منئ وافهم شبيها هاي باوعت لاحمد وكتله
ملاك ،، احمد رجائآ بعد لتدخل بسوالف نسوان بهل تصرف تزرع الفتنه بالبيت بلا قصد حبيبي
احمد ،، ليش ميساعدنج اني قبل مكنت احجي لانو كنتي متعافية بس هسه انتي مريضه لازم يكفن وياج
ملاك ،، ياعمري كله شهر زمان وهنه رايحات لبيتهن هم راح بقئ وحدي عوفهن اني بحياتي مطلبت مساعدة من احد
احمد ،، بس كنت اساعدج بكل شيئ حتئ لتعبين كل شيئ ناقص اسوي بدالج حتئ من ترجعين متعبين لانو اشوفج ترجعين ضايجه وتعبانه
- ملاك اباوع عليه فعلا هوة كان حاكم اخوته خلاهم ادب واخلاق وترتيب يعني معقول كان يحبني ويسوي كل هاذ بدافع الحب كتلة
ملاك ،، من ذاك الوقت تحبني
احمد ،، من كنتي تاخذينا اني ومحمد للمدرسه الزم ايدج اتمنئ مااتركها ابد
ملاك ،، ضليت فاتحه عيوني بصدمه معقوله
احمد ،، شبيج ممصدكه
ملاك ،، احبك
احمد ،، هاااا عيدي عيدي
ملاك ،، ولله احبك
- احمد سحبتها للمطبخ وطبكة الباب صرت اتفنن بحبها ممصدك اخيرا خليتها تحبني وتعترف الي بحبها
ملاك ،، احمد وخر شبيك هسه يدخلون الولد
احمد ،، ملك اريدج ارحميني
ملاك ،، لا ماكو لحد يوم العرس
احمد ،، شنو بعد سبوع ولله الغي العرس كله
ملاك ،، شبيك غير عروس وبالمناسبة من اليوم متنام بالغرفة مالتي
احمد ،، لا ولله هههه
ملاك ،، كيفك اني اطلع
احمد ،، كل عقلج هوة احنا شمسوين بس مخليتني
اتحمس العالم حاسدتني علئ الخالي بلا
ملاك ،، ههههه كله بسببك المهم من اليوم مكانك
الاستقبال لانو اني عروس واريد ارتب غرفتي واجهزها فاانت ممنوع تدخلها الئ بيوم زواجنا
احمد ،، واني شيصبرني اذا مااشم عطرك
ملاك ،، عود اجيك زيارة
احمد ،، هههههه انتي تعاي وننام بالستقبال
ملاك ،، ههههه حجي يفيدك يلا اطلع
احمد ،، وين اطلع جوعان اريد مربئ
ملك ،، يااااا خرب اطلع اطلع
احمد ،، عضيني من عنقي واطلع غير هيج بااحلامج
ملاك ،، احمممممد
احمد ،، احترك نزار وجبار بسرعه
- ملاك باوعت علية جسمه رياضي وعنقه مثل ثلج تفاحة ادم تصعد وتنزل صرت اني اشتهي اعضه بلا طلب منه تقربت منه بهدوء هوة صافن علية كان ابوسه من تفاحة ادم اكثر من مرة اسمعه يلعن ضحكة تقربت عضيته من عنقة حيل بشقاوة سحبني من خصري بقوة احس اصابعه خترقة خاصرتي بعدها ابتعدت عنه اباوعله عيونه دم ويتنفس بسرعه تركني وطلع من الباب الخارجي للحديقه احبه واحب جنونه وعصبيته وكل شيئ في احبه نسيت كل شيئ كافي اريد اعيش مثل باقي البنات
اباوع اروحي عبالك كبايه صرت من ريحت اطبخ صعدت للغرفة قبل لا اصب العشئ اخذت دشداشه
مخصرة عليه وشويه دلعتها واسعه وطويله للارض
خليتها علئ سرير ودخلت غسلت بسرعه وطلعت لانو احنه لازم ساعه تسعة سفرة جاهزة
باوعت ساعه ثمانية ونص بعدني ملابسه وكان يدخل
احمد رجعة للحمام ركض اسمعه يضحك عليه
احمد ،، اطلعي مراح اكلج
ملاك ،، ما ما روح
احمد ،، هههه لج اطلعي بروح جبار معليه بيج
ملاك ،، اي اي اعرف
- ملاك مااكدر اكله نطيني ملابسي لانو بيهم الداخليات ضليت واقفه ورة باب الحمام دقايق وسمعت الباب انفتح ونسد اكيد طلع فتحت الباب علئ كيفي باوعت ماكو بالغرفه والباب مسدود طلعت مرتاحه لبست ملابسي بهدوء رجعت سرحة شعري ورفعته وخليت شويت عطر واجيت لخلي كحل يم المرايه اباوع كان
انصدم احمد واقف يم الشباك ورايه ولانو بزاويه
مشفته بس هوة شاف كل شيئ يبوو اذا ميحرجني ميرتاح احس نفسي صخنت وعرقي صار ينضح من الفشلة تقرب مني وكال
احمد ،، تستحين مني لك انتي حلالي وحبي وعمري اني غطاج وسترج وحبيبج
- ملاك تقرب مني رفع وجهي وكال
احمد ،، ملاك اريدج وياي تكونين مرتاحه علئ الاخر اعتبريني ثوبج حبيبي اسمي
اكو مرأة طلبت الطلاق من زوجها من راحو حتئ يطلقون كان وياها اخوها وابوها وزوجها السيد قال للمرأة اذا تعريتي من كل ملابسج راح اطلقج من زوجج غير هيج ماكو طلاق المرأة كانت تريد الطلاق ومصره شسوت راحت وقفت وراء زوجها وتعرت كالت لسيد وهاي تعريت طلقني السيد قال الها زين سؤال قبل طلاق ليش مارحتي وقفتي خلف اخوج وتعريتي
المرأة كالت مااكدر
السيد ،، هااا زين وابوج هم كالت مااكدر كال الها
- يابنتي ازوج هوة ستر المرأة ولباسها لو ما اتثقين بي مرحتي وتعريتي وراه صح
احمد ،، بعدها مطلقها السيد ورجعة المرأة لزوجها بالمختصر ياحبيبتي ملازم تخجلين مني ابدا
- ملاك ضليت اباوع عليه مااعرف شنو احجي هاذا شوكت كبر وصار بهل عقل حضنته بكل حيلي وهوة صار يمسد علئ راسي اليوم فعلا حسيت اني المراة الاكثر حض بالعالم نزلنا اني وياه الكل كان موجود سوالف وضحك والي عرفته ماهر متكلف بكل شيئ يخص يوم العرس ابد مستغربت هاذا هوة ماهر رجال ونعم منه خلصنا عشاء بعدها احمد راح نام بالاستقبال واني رحت لغرفتنا اريد ارتب افكاري واستعد بكامل ارادتي لاكون زوجة بمعنئ الكلمه
ثاني يوم طلعت للسوق اني وخالة ام ياسر وفهد شتريد كثير اشياء اربعة ايام واني اسوق جهزت جهاز كامل مال عروس خابرت ليلا وسهاد وكتلهم يجون
محمد يجيبهم وكتلهم هم يجهزوني بيوم العرس
باجر يجون قبل العرس بيومين بقئ ثلاث ايام لموعد زواجنه كنت كاعدة اقلب بالفساتين الزفاف لسه ماشتريت كلها اوفر اريد شيئ مناسب كلش ضجة ومتوترة طلعت بالبلكون كان اشوف احمد كاعد بالحديقه المغرب شافني اشرلي انزل يمه رحت عليه عندنا كعدة مسويها الولد طاوله وقنفات واركيله ومضله كلش حلوة بالحديقه
احمد ،، شبيها ملاكي ضايجه
ملاك ،، ماكو شيئ عادي
احمد ،، خلصتي جهاز
ملاك ،، اي بس
احمد ،، بس شنو محتاجه شيئ احجي مفتاح الخزنه عندج اخذي الي تردي حبيبي
ملاك ،، لا بس فستان العرس ملكيت شيئ مناسب
احمد ،، هوة اصلا صحتج لحتئ اكلج
ملاك ،، شنو تكول
احمد ،، بدلتيت للحنة وثنين فستان وبدلت للعرس
باجر يصلن الج ماكو داعي تحتارين هذول هدية من زيد وعلي
ملاك ،، لا خطيه ليش هم شعدهم ليش كلفو نفسهم
احمد ،، اني الي خطيه مو همه تراهم ثنينهم ضباط وربع ميصرفون من رواتبهم علئ شنو خايفه عليهم وهنه اصلا ماكلفنهم خمسة كتلهم هاي مامحسوبه هديه
ملاك ،، هههههه اربع بدلات وفستان وممحسوبه هديه وهذول وين البسهم
احمد ،، كلهم تلبسيهم الي
ملاك ،، يااا
احمد ،، اي عيني لا عبالج احمد زوج بحجة نسوان طلعيني برا كل شي مااشوف اخذج واطلع اذا طر الامر
ملاك ،، ههههه خرب ولله لنصير حدث العالم بسببك
احمد ،، خابرت علي عزمته وشيخ سعد هم راح باجر يجون
ملاك ،، ماشي واني طلبت من ام ياسر تشوف وياها نسوان ثنين علئ معرفتها حتئ يهتمن بالضيوف وياها خطية وحدها
احمد ،، ماشي حبيبي المهم ملاكي فرحانه
ملاك ،، فرحانه قليله
احمد ،، اي انتي فرحي واني اشتعل
ملاك ،، راح اروح اجهز العشئ
احمد ،، اهربي اهربي
ملاك ،، هههه
- ملاك ثاني يوم الكل حضر شيخه فاطمه وام عمار وخالة زينب ام ماهر اجتي يمهم وتعرفت عليهم وهيه الي لزمت البيت بهل مناسبة هيه وبناتها شكد حبابه ام ماهر فدوة القلبها وسهاد وليلا الكل يحضر مخلوني اسوي اي شي محمد جاب
خروف ذبحه البنات طبخن باشراف خاله زينب
خطية جهزت كل شيئ علئ اكمل وجه احمد كلف اخوتي علي وباقر اي شيئ يحتاجون بالبيت هم المسؤلين لحد بعد العرس بشهر حسب
حساب ضيوف بعد العرس باجر الحنة البنات كلهم
كاعدين يمي ضحك وسوالف واحمد يم الرجال سوو
بيت شعر ( خيمة ) بالحديقه تجنن صارت فرشوها وخلو فيها منقلة وبيها فحم وخلو دلال القهوة وشاي صار الجو يجنن
كنت اباوع من البلكون محسيت الئ شيئ نشمر
عليه من جوة خفت رجعة ليورة باوعت كان اشوف
احمد يضحك خرب اذا احد شافه يصير مهزلة كانت باقت ورد تجنن احمد قاطفهم من الحديقه
وشادهم بسيم مااعرف من وين جابه وشمرهم
انطيته بوسه بالهوئ واني اضحك اباوع احمد ماكو
يااا وين راح ضليت ادور عليه بعيوني خمس دقائق
مااحس الئ واحد شالني من خصري دخلني للغرفه
احمد ،، تتحرشين بيه كوه مو تعالي لعلمج شلون تشمرين بوسات علئ شاب محترك اهله
- ملاك متت ضحك علي مجنون كتله
ملاك ،، احمد عوفني ميصير تجي لغرفتي اطلع
احمد ،، بحلامج عيني
ملاك ،، احمد موبايلك يرن شوفه خرب يومه منو هاذا الغثيث
ملاك ،، ههههههه ماعرف شوف اكيد مهم
احمد ،، ولله ماكو غير عليان
ملاك ،، ههه منو عليان
احمد ،، شيخ علي منو غيرة يجرأ
ملاك ،، متت ضحك ع لقب مال شيخ علي
احمد ،، الو نعم
شيخ علي ،، وينك وين ختفيت مادكول اوادم كاعدة
احمد ،، عندي شغله اخلصها واجي شيخ
- ملاك ضحكت عليهم شكلهم يموت ضحك وهم
يكذبون علئ بعض
شيخ علي ،، ها وشنو هل ضحك الي يمك بس لا
جاتخون شيخه يول ولله لخابر شيخه واكلها احمد
عندة دروب
احمد ،، عمي يادروب تراها تسمعك الله لا يذبنا
بدربك
ملاك ،، شيخ علي تعال اخذ صديقك ميصير ترئ
شيخ علي ،، جاي جاي بعد اخوج هاذا لو
نربطه رباط هل يومين هم منكدر نكعه ( نمنعه)
وانتي هم خفي عل ولد شوي تراه خبل
- ملاك ههههه خرب يومكم ثنينكم
ملاك ،، احمد اطلع فضحتنا
احمد ،، ولله هاذي مو حاله
- ملاك دقايق واجتي الشيخه فاطمه كان تشوف
احمد ،، اضاهر علي ودالها خبر علئ احمد
شيخة فاطمة ،، ياااا شيخ شسوي بغرفة العروس
ابني مايصير يلا يلا اطلع اطلع
- ملاك متت ضحك علئ شكل احمد رجعت عليه
فاطمه ،، وانتي عيني ملوك كافي تماوين
( صوت القطة ) سودنتي الرجال
ملاك ،، يااااا صدك تحجين شيخه
فاطمه ،، اي صدك جامشوفين نفسج دباعي باعي
تجذبين التايه
ملاك ،، مم ماشي بعد مااطلع
فاطمه ،، سوين فضل
احمد ،، هههه يلا من رخصتكم
- ملاك اليوم يوم الحنه كعدنا ساعه تسعه احمد مشفته ابدا من البارحه باليل ساعه عشرة بعد مخلصنا ريوك
فاطمه و ام عمار تكفلو يجهزون كل شيئ للحنه اني وسهاد وليلا اخذنا فهد لمركز تجميل
سونه ومساج ومخلينا شيئ مسويناه الي خخخ
صلخن جلدي صبغت شعري نفس لون منكير وبدكير رجعنا للبيت ساعه اثنين اكلنا شويه ع اساس غدا بعدها صعدنا لغرفتي ليلا سوتلي المكياج وسهاد
سوت شعري علئ طوله بس بيرمته رفعته من كدام وخلتلي تاج ناعم مكياجي كان ناعم مااحب اكثر كلش حلو اول شيئ لبست بدلة وردية كبيرة كلش
اسمها الاميرة ماريا مخصرة من صدر قلب من الخصر وتحت نزله وحدة بس مفتوحه ومنفوشه كلش كبيرة
سهاد ،، صل علئ محمد عبالك حورية
ليلا ،، لوووووووووووووش عين النبي تحرسج
ملاك ،، ترئ خجلت هاا
سهاد ،، واضح هههههه
ملاك ،، صارت ساعه خمسة نزلنا علئ صوت الموسيقئ
زفة استقبال كلش حلوة كان في كثير ناس اغلبيتها مااعرفها اول شيئ ام عمار قرأءة قرأن وبعدها شغلو ديجي وصارو البنات يرقصون الجو يجنن صعدتني ليلا غيرت بدلتي نص ساعه وكالت سهاد
سهاد ،، شيخ راح يدخل يخليلج الحنة
- ملاك اريد اجر نفس مبيه ليش مااعرف ضليت مدنكة راسي مرفعته الئ من سمعته سلم
ملاك ،، اباوع هاي شنو خرررب هاي ليش هيج حلو
كان لابس بنطرون وقميص ربع ردن وعضلاته بارزة من القميص ومحدد لحيته بارز ملامحه وشعره مسرحه دخيل الله هاي النسوان الباوعلهن اكلنه بعيونهن تقرب مني وكال
احمد ،، عبالج مااشوفج
- ملاك باوعتله يضحك ويباوع ع صدري و غمز ضحكت محجة شيئ
- احمد كانت مثل الحورية كعدنا شوي جابو الحنه اخذت بطارف اصبعي خليت باايدها طلعت من جيبي ورقتين لفيت كل ايد بورقه فوق الحنه بعدها خليت
عليهم كل ايد وردة بيها ماسك يعني تلزم الحنه مثل
الكف لبستها الها رجعت بستها من اديها سوالف نسوان متخلص
- ملاك نسوان كلها تصلي علئ محمد ( ص ) بعدعا طلع احمد رحت غيرت بدلتي لبست وحدة ثانيه لونها فيروزي كلش فخمه كعدة نص ساعه وكالت ليلا يلا اجت المصورة
ملاك ،، خرب احمد ولله ولا يكعد راحه رحت دخلنا للستقبال كان بس احمد وبنات ثنين يسولفن وياه ويضحكن احمد من شافني صفن علية خزرته فتهم عليه ضحك وكام كدامهم اخذ ايدي باسها بعدها صرنا ناخذ صور كومت صور اخذنا بلقطات جريئة
اخر شيئ دخلو اخوتي وصورنا سوئ بعدها تركتهم دخلت يم البنات صار المغرب العالم بدات تروح رحت بدلت لبست فستان من الي جابوة اخوتي وياالبدلات كان ذهبي كلاسك طويل ردن تحت العكس لفيت شعري لانو زعجني مكياجي خليته وهوة اصلا بسيط نزلت كان الكل كاعد بصاله حتئ شيخ علي وعمار وصقر و اخوتي
احمد من شافني كام علية تلكاني من يم درج
اخذني من ايدي وكعدني يمه بعد مسلمة خلة ايدة
علئ كتفي عادي ولا مهتم
- ملاك خرب ولا يستحي
شيخ علي ،، بعد ساعه تجي العالم خفو ايدكم بالعشئ
ملاك ،، ردت اكوم لزمني احمد باوعتله مغلس
احمد ،، شكد تاكل
شيخ علي ،،، والله اني نفسي مفتوحه اكل مرتاح
مو مثل غير ناس من البارحه مماكله شيئ اخر شيئ صخم وجوهنا خخخ
احمد ،، مو اني ناذر نذر اصوم ليوم عرسي وافطر علئ مربئ
فهد ،، هههههههعههع مال توت
ملاك ،، احس نفسي صخنت سحبت ايدي كمت رحت وياالبنات احضر بالعشئ بس اريد الهي نفسي كملنا تعشو وطلعو لانو راح تبدأ حفلت الزلم
كانو جايبين فرقه ومزمار وصارو يلعبون جوبي صعدت الغرفتي اباوع عليهم فدوة الله اخوتي كلهم واحمد لازم راس دبكة من طرف ومحمد من طرف ثاني كون احمد اخوة وابن عمه وفهد بالنص يلعب ولله ضحكة من قلبي
باوعت احمد راح كعد يم علي وكان ماهر يحجي وياه ضحكت علئ القدر صدك من قال الحياة للاقوئ احمد بوقاحته كدر يحصل عليه كان مستحيل افكر في
تركتهم ودخلت للغرفه تعبانه واحس الم بخاصرتي
موتني غيرت ملابسي برمودة وفانيله نمت حتئ
بلا مااغسل ماحسيت الئ صبح علئ صوت ليلا
ليلا ،، ميمي كومي مضل وقت ساعه عشرة
ملاك ،، هااا عشرة شكد نمت
ليلا ،، دبة داخله سبات يلا كومي اغسلي وتعالي تريكي صعدت الج ريوك لهنا حتئ نجهزج لانو اليوم لازم من وقت عدكم جلست تصوير ساعه اثنين يلا
- ملاك رحت غسلت ورجعة تريكة رجعة بدأت ليلا تشتغل شعري جففته وسحبته بعدها لفته بيرمته وخلته مفتوح كله وخلتلي طوق ذهبي وبي ورد لؤلؤ نثر كلش حلو وبعدها سهاد خلتلي مكياج اوفر بجنون
بحيث تغيرة تغير جذري ولبست عدسات فيروزيه خافته اخر شيئ لبست البرقع ( طرحه ) والحذاء كعب لبست مجوهرات ليلو ناعمه ملبست ذهبي سهاد رتبت الغرفه وعطرتها فرشت فرشه بيضه متعرف احمد شضام الهم. ساعه اثنين بعد ماتغدت العالم كلها
وصلت المصورة نزلت اني وسهاد اول منزلترمن درج تلكاني محمد فدوة لعمرة بجنن باس راسي وكف يمي اجتي منئ شايله علبه كل العالم واقفه وتباوع علينا فتح العلبه طلع منها حزام مال ذهب يجنن بي ثلاث اقراص من كدام بالوسط مثل الشمس وحدة كبيرة
اثنين وسط لبسة اليه وباسني وهاذا يعني سندي
وحزام ضهري وفعلا هاذا هوة محمد ابتعد تقرب فهد لبسني ساعه جنن ذهب ناعمه مرصعه بالاحجار وعلي اخوي هم تقرب ولبسني ستة سوارات ضليت مصدومه رجع اخوي باقر هاذا ضابط مينخاف عليه خخخ كعد يم رجلي استغربت اجتي منئ رفعت
بدلتي اباوع لبسني خلخال يجنن
اخر شيئ شيخ علي انطاني خنجر صغير وهاذا دليل علئ العز والاخوة بعده تقربت ام ماهر لبستني خاتم يجنن وشيخه فاطمه كذالك باوعت شفت احمد واقف بس حسيت بي مو علئ بعضه كان لابس زي العسكري يباوعلي ودمعه بطرف عينه نظرته كانت مختلفة مااعرف ليش تقرب مني وثنئ علئ ركبته نزل راسه انطاني سلاحه الكل صار يصفق ويصفر
هل حركة تعني ( هوة قدملي روحه هديه) لزمته من كتفه كام حضنته اخذني بحصنه باس راسي اخذني للستقبال كومه صورنا تركني وطلع رجع لابس زي عربي طالع بي يجنن اول مدخل اباوع عمار وعلي
شايلين سيوف ثنينهم اشتغلة الاغنية صارو يتبارزون بارقص بسيف واحمد واقف اجه محمد هماتيمه شايل سيف انطاه لاحمد
احمد اجه عليه كومني وصار يرقص داير مدايري بسيف اني متت خجل والعالم تضحك اخوتي اخذو السيوف من عمار وعلي صارو هم و احمد يرقصون كان محمد وباقر لابسين زي عربي يجننون اخر شيئ
خلو كلهم سوفهم علئ راسي مثل الخيمه بعدها طلعنا اني واحمد والكل بعد مااحمد لبسني عباته راد فهد يسوق بس احمد مقبل باوعت ستغربت اعرف احمد ميكدر يسوق لانو رجله لساتها توجعه باوعلي وكال يلا ملك ستغربت اجه عليه صعدني بمكان سائق
وهوة راح صعد بصدر اباوع العالم كلها تضحك قبل لا نطلع حترك الجو حرك اصدقاء احمد واقفين باب شارع كلهم جيش بس زين سيارتي مضلله ميشوفون منو يسوق خخخ طلعنا احمد مقبل يسوي زفه طلعنا بس سيارتنا وسيارتين سود ورانه ماعرفهم اعتقد جماعت احمد
احمد ،، لبغداد ملاك
ملاك ،، لا احمد ممجهزة نفسي شلون اروح هيج
احمد ،، كل شيئ جاهز معليج
ملاك ،، كانت ساعه خمسه العصر بس مااعرف ليش قلبي نغزني من شكل احمد وهدوئه وصلنا بغداد ساعه سبعة ونص كان احمد حاجز النا ليلة وحدة بالفندق
يعني صبح نرجع استغربت
بعدها تفاجأة من شفت جنطة مالتي وكل شيئ احتاجة فيها هاي سوالف سهاد وليلا صديقات عمري واخواتي صح عندي اخوات بس لانو صغار مكدرت اقيم علاقه وياهم مثل علاقتي بي ليلا وسهاد لانو هذول من عمري واكبر مني فهموني وفهمتهم تعرفنا علئ بعض بااصعب اوقاتنا نزلنا بالفندق جماعة احمد وصلونا الباب الغرفه مااعرف ليش دخلنا بعد مشفتهم
احمد ،، ملاك اعرف بيج تعبتي اخاف تتخربطين روحي اغسلي و ارتاحي
- ملاك اوف صدك تعبانه موت رحت فتحت جنطة اخذت قميص وردي نص الفخذ علاق وطبعا هاذا استر واحد غسلت ولفيت شعري وطلعت اباوع احمد مدد علئ السرير ومخلي ايدة علئ راسه مااعرف شبي كتله
ملاك ،، احمد شبيك حبيبي
احمد ،، مابيه شيئ تعبان اذا تردين تعشي ونامي
- ملاك ضليت فاتحه حلكي هاذا احمد لو بدلوه محجيت شيئ واصلا مااشتهي كتلة
ملاك ،، احمد ماتغسل حتئ تغير ملابسك
احمد ،، اي اني اغسل نامي انتي
ملاك ،، هااا
احمد ،، شبيج جااكلج تعبان
ملاك ،، عفته ودخلت للحمام اني حضي واعرفه اسود ومصخم اشراح يتغير اليوم
.
.
قراءة ممتعه احبتي
تفاعلوووو لطفا تصويت