البارت التاسع:-
عز:- تمام وانا عايز اعمل اللي قولتلك عليه مع ملاك.
فريد :- هههههه بس اما اشوف الآراء كده الاول.
عز :- هههه اوك يا بابا بس بسرعه الله يخليك ...وع العموم انا هقوم انا عشان ورايا شويه ملفات هراجعهم ...
فريد :- اوك
عز :- تمام يلا عن إذن حضرتك ونتقابل في البيت.
اكتفي فريد فقط بتحريك رأسه .
______________________________________
اللي جوانا حكايه طويله مدفونه بالالااام متراكمه....
بعد ما سمعت ما حكت له صديقتها حياة قامت وذهبت لغرفتها تحدث نفسها نور :- ليه يا دنيا عملتي كده في حياة ليه بتستقوى ع الضعيف ليه القدر دايما ماشي عكس التيار ليه بيختبرنا اختبارات اكبر مننا اختبارات احنا مش ادها...* عجبا هاه هو القدر يانور لا تتفاجئى *
______________________________
وبعد عده ساعات من العمل المستمر في شركة F.M
حان وقت الخروج من مقر العمل . وقد ذهب كلا من عمرو أدهم فريد عز وكل منهم باله مشغول يفكر في أمره
______________________
في قصر فريد عز الدين.
فريد وهو يدخل من باب القصر :- يارب عدى الفترة دى ع خير.
وبعد عدة دقائق والجميع يجلسون علي مائدة الطعام
فريد :- احم عايزك يا ملاك في موضوع كده بعد ما تخلصي اكل.
ملاك بتوتر :- حاضر يا بابا.
وقد ساد التوتر في جميع أركان الغرفه ف_نور متوترة وخايفه من المستقبل بعد ما ملاك تتجوز اي هيكون مصيرها - اما ملاك فهي متوترة وخايفه بعد ما تتجوز ذاك الدنجوان هيكون مصيرها اي - اما عز فهو متوتر وخائف من هذا الموضوع الذي تحدث فيه مع والده .
______________
وبعد ما انتهي فريد عز الدين ذهب الي غرفة مكتبه
اما نور وملاك يجلسون بجوار بعضهما البعض
ملاك بهمس :- تفتكري هيكون عايز اى
نور بهمس برضو :- طالما ندهلك ع انفراد يبقي اكيد موضوع عريس الغفله يا لوكا.
ملاك بتفهم:- امممممم تصدقي صح
وبصت لها نظرت القطط ( بخبث) وعرفتي منين ده انتى سوسه يابت.
نور باستعلاء لاحظه عز :- لا ابدا من كتر ما بقرء روايات المخابرات وقصص شارلوك هولمز العظيم بقي عندى خبرة.
عز باستفهام:- خبرة اي .
ملاك بضحك حيث استغلت الفرصه :- لا ابدا اصل الروايات اكلت عقل نور خلاص...عن اذنكم هروح اشوف فرفورى .
نور بتوعد:- ههههههه خفه يا بت...وقد كانت في قمة التوتر لكن مهما كانت حصون المرأه قوية أنوثتها تجعلها ضعيفه ....حيث انتهت من طعامها وقامت لتخرج من هذه الغرفة التي تجمعها ب عز فهي لا تريد أن تكون معه في مكان واحد....وكالعاده عندما تخرج يلحقها عز ويمسك يدها بسرعه
عز :- علي فين .
نور ببرود:- هيكون فين يعني ع اوضتي طبعااا.
عز وهو ما زال ممسك بيدها:- ليه بتتجاههليني يا نورى.
مهلا مهلا يا عز لقد جعلت القلب المسكين ينبض من جديد بسبب قولك هذا الاسم( نورى ).
نور :- لو سمحت ممكن تسيب ايدى من فضلك.
عز :- ليه بتتجاههليني بقولها تانى.
نور وهي لا تنظر في وجهه:- انا مش بتجاهل حد .
عز :- ليه بتعملي كده يا نور ليه .
نور :- ............
_______________________________
في غرفة المكتب
ملاك بتخبط على الباب
فريد :- ادخلي يا ملاك.
ملاك ؛- نعم يا بابا .
فريد :- طبعا انتى لسه مش شوفتي أدهم صح.
ملاك بتوتر ؛- ايوه انا يمكن اخر مره اشوفوا فيها كانت من وانا عندنا ٦ سنين.
فريد :- اممم فعلااا بعدها هو سافر مع مامتوا وباباه وفضل هناك في المدرسه الداخلية وكان بيرفض ينزل بعد ما مامته اتوفت.
ملاك :- تمام يا بابا بس انا فعلاا مفتكرشي حاجه من دى خالص.
فريد بتوتر من رد فعل ملاك:- ما علينا المهم سبق واخدت موافقتك علي جوازك من أدهم وانتى وافقتي واحنا حددنا الميعاد وهنكتب الكتاب والفرح يوم الخميس الجاي.
ملاك بصدمه :- اي الخميس الجاي اللي هو اخر الاسبوع ده.
فريد:- ااايوه.
ملاك :- بابا لو سمحت بعد إذن حضرتك في حاجه غلط ليه السرعه دى وغير كده يا بابا ممكن اعرف هل في سبب تانى وراء وصية عمى محمود قبل ما يتوفى لان ع ما اتذكر ان مستحيل حد مش بيحب باباه يوافق ع شروطه كده الا لما يكون في حاجه. + بابا هو أدهم إصلاا يعرفني منين عشان يتجوزنى ولو يعرفني فهو شافني فين عشان يتجوزنى كده اصل مستحيل أدهم اللي كان مقاطع والده في اخر ايامه يسمع كلام حضرتك بالنيابه عن والده. ولا في اسباب تانيه انا معرفهاش .
فريد بعد أن سمع كلام ابنته وهي تملك كل الحق في كل كلمه قالتها بارتباك :- انتى ليه كبرتى الموضوع اوى كده الولد مسافر عشان شغله اللي متعطل لعدم وجوده هناك يا حبيبتي .اما من ناحية كتب الكتاب ع طول فمتنسيش انك منقبه يا حبيبتي صح ولا اي. ويا حبيبة قلبى خليكي واثقه ومتأكدة انى عمرى ما هشوف الاذي فين وارميكي فيه بايدي .
ملاك بتغير الموضوع :- فاهمه والله يا بابا بس انا مش متخيله انى ممكن اسيب البيت وامشي.
فريد وقد اخذها بين أحضانه وعينيه قد امتلأت :- يا حبيبة قلبي ولا انا اقدر انى أخليكي تروحى من بيتي وحضنى بس دى سنه الحياة يا قلب بابا.
ملاك وقد حست ان والدها صوته يوحي للبكاء:- خلاص يابابا متخافشي عليا مش هطول عليك وانا بعون هخلي عريس الغفله اقصد أدهم ده ميطولشي في السفر عشان هتوحشنى انت وعز والبت نور كمان.
فريد :- اه صحيح بخصوص نور عايزك في موضوع كده
ملاك بانتباه:- خير يا بابا مالها نور.
فريد :- ملهاش بس كنت عايز .......
_______________________________________
*ونروح بقي للمجنونه اللي بتتكلم وهي نايمه دى*
منى وقد استيقظت على صوت المنبه:- خلاص خلاص صحيت اهو.
منى بعد ما أغلقت منبه الفون :- هقوم بقا اتوضي واصلي ركعتين كده عشان اذاكر شويه في السنه اللي مش عارفين امتحاناتها هيحصل لها اي اكتر من انها هتتلغي طب ما كانوا يحسوا بتالته ثانوى بإنهم هيمتحنوا الترمين ع بعض حس بينا يحس بيك ربنا يا طارق يا شوقي يابن ام طارق واشوف شيمو فين اطلع عينيها 😉😂.
منى :- ماما شيمو شمياء يا شمياااااااااء.
شيماء :- اي يا بت الج... عايزه اي فصلتيني .
منى :- اي ده بتعيطي ليه.
شيماء :- ابدا صعب عليا مجدى مكنشي يستاهل انه يتحبس ده راجل طيب ولؤلؤ هتضيع من غيره.
منى وهي بتاكل موز:- انتي اللي قلبك ابيض يا شميااء.
شيماء بقرف:- قولتلك شي ماء شي مااااء مش شم ياااء فاهمه يا مقرفه وابقي ابلعي الاكل اللي في بؤقك يا معفنه وانتى بتتكلمى.
منى :- خلاص خلاص انا هعمل قهوة اعملك معايا.
شيماء :- لا انا هنام لؤلؤ خلصت خلاص.
منى :- واخيرا.
شيماء:- اخيرا اي اسكتى انا زعلانه انى مش هتفرج ع المسلسل ده تانى ده كان جميل اوى ..مانتى لو نافعه كنتى سمعتيه معايا كنتى هتستفادى انك مش تثقي في حد كنت هتعرفي ان الحب قوه ومش بيقف عند انك تضحي عشان الشخص لا ده حب انك تسعي عشان تحقق سعادته وراحته لأن الحب في ان الشخص اللي قدامك يكون مبسوط ومرتاح البال حتى لو في غياب حبيبه اتعلمي ان الضربه بتيجى من أقرب ناس ليكي ..كنتى عرفتي ان شخص واحد يحبك افضل وأعظم من اشخاص كتير مزيفين جواهم حقد وغل ليكي وبيظهروا ع انهم ملايكة في هيئة بشر بس من جواهم شياطين واعرفي دايما ان الدنيا مش بتسيب حد ع معدنه الأصلي بل بالعكس بتحوله زى ما هي بتتحول... القوى قوى بالحب والثقه من شخص واحد مش من اشخاص كتير وان الماضي مهما ندور ونقلب فيه مش هنغلب وهنتعب بزياده واعرفي ان اي حاجه بتتعرض لينا او بنشوفها في وراها معلومه سواء أكانت حلوه او وحشه زى كأنك شفتي منظر وحش مش حلو فغمضتي عينك ع طول هتشوفي الاوحش والأسوأ منه فهمتي حاجه يامنى .
وقد اكتفت منى باحتضانها فقط.
شيماء:- ربنا يوفقك ويباركلك يارب ويسعدك يا قلب امك ويحبب فيكي خلقه.
منى :- ويخليكي ليا يا أعظم ام في الدنيا.
شيماء ؛- طيب يلا بقا انا مش هقولك زاكرى لا انا هقولك ركزى عشان في حاجات كتير مستنيااااكي .
منى :- حاضر يا ماما بقولك تشربي معايا قهوة.
شيماء :- لا انا هنام .😪.
منى :- اوكىىىى...تصبحي ع خير .
شيماء:- وانتى من اهله .
وقد ذهبت منى لتعد لها قهوه حتي تستعد بالمزاكره وبعد ذلك دخلت لغرفتها وامسكت الفون
منى :- تعالي كده اما اتصل ع الميس عشان أسألها ع حاج.. اي ده رقم مين ده وبعدين ده رن وانا نايمه يا نهار ابيض ده فضلت اتكلم ٢٧ دقيقه و٥ ثوانى يا ترا هيكون مين....اما اجرب كده.* ايوه هي فيها عادة التفكير بصوت عالي وسورى علي الفصلان*
🎵🎵🎵🎵
منى :- الو.
☆☆☆☆☆☆☆☆☆☆☆
وهناك الرجل الصعيدي الوسيم التائه في مجنونته الصغيره الذي منذ أن رآها وهو يفكر فيها ويريد أن يعرف ما هي حكايتها بسبب المكالمه التي حدثت بينهم.
عمرو :- اي ده منى يا تري في اي ارد ولا مردش .افتح ولا مفتحش لا هرد.
**
منى:- الو .
عمرو :- الو ايوه.
منى :- ايوه مين معايا.
عمرو وبص ع الفون عشان يتأكد ان هي منى :-افندم مش منى معايا .
منى بحيره :- ايوه انا منى مين حضرتك معلش اكيد بتستغرب من انا اللي رنيت وكده بس حقيقي عايزه اعرف مين.
عمرو بذكاء وفي عقل باله هي فاقده الذاكره ولا اي :- ايوه انا اللي كلمتك من حوالي ٣ ساعات كده او ٤ ...اي ده مش فاكرانى ولا اى.
منى بغباء وغضب:- هو اي اللي مش فاكرانى ولا اي حضرتك انت لما رنيت انا كنت نايمه حضرتك .تمام ولما صحيت لاقيت ان الرقم ده رن عليا فعايزه اعرف مين حضرتك.
عمرو وقد فهم انها لا تتذكر اي شئ من هذه المكالمة:- اهدى اهدى كده يا انسه منى انا عمرو.
منى :- ايوه عمرو مي.
ولم تستطيع ان تكمل الكلمه من صدمة المفاجأه.
منى بهزار:- استاذ عمورة اهلا وسهلا.
عمرو باستغراب :' عمورة اي ده يا بنتى.
منى :- بنتك مين ياعم ده الفرق بيني وبينك هما ١٠ أو ٢٠ سنتيمتر ع الاقل.
عمرو :- بزمتك ١٠ او ٢٠ بس
منى :-: ٣٠ يا عم متزعلش.
عمرو :- ههههههه يا مجنونه.
منى :- ماشي يا عمنا تيجي تشرب قهوة انما اي من صنع إيديا وحياة عنيا.
عمرو :- اي ده اي ده انتى بتعرفي تعملي بوش.
منى :- وبوشين لو عايز ههههههه.
عمرو :- هههه وانا اللي كنت بحسبك بنت زوات ست بيت فاشله.
منى:- لا ياعم ده انا الحمد لله شيمو ممرمطانى معاها.
عمرو :- اوبا مين شيمو دى يا متمرمط انت.
منى :- دى مامتى....اه صحيح كانت عايزه تكلمك عشان تشكرك وكده.
عمرو :- تشكرنى علي اي ده يا مجنونه انتى ده اي حد مكانى هيعمل كده.
منى :- تؤ لا معتقدشي.
عمرو :- ده اي الثقه دى هههههه.
منى :- عادى دى مجرد وجهة نظر مش اكتر.
عمرو:- اوك هاه الامتحانات اخبارها اي معاكي.
منى ؛- تمام .
عمرو :- هههه من غير نفس انا عارف.
منى بعد هذا الكلام والحوار ده :- يا تري انا قولتله اي ماهو مش راضي يقول وعمال يغير الموضوع.
عمرو :- منى منى منى روحتى فين .
منى :- هاه اي انا هنا اهو مع حضرتك.
عمرو :- حضرتك اي وبعدين بحسبك نمتي.
منى :- ههههههه انام اي يا عم انا لسه صاحيه ده لسه الليل طوييييل.
عمرو بتساؤل :- وبتعملي اي بقا .
منى:- يا عم هو انا ورايا حاجه غير المزاكره.
عمرو بزعل اكيد عشان بتكلم الولد اللي كانت بتحكي عليه في المكالمة وبتساؤل:- المزاكره بس .
منى باستغراب :- ايوه المزاكره بس هو انا ورايا غيرها وبعدين عايزه اعرف اللي حصل في نص ساعه دى اللي قعدنا نتكلم فيها من ٤ ساعات كده.
عمرو وقد فهم ما تقصده:- عادى قعدت اضحك عليكي.
منى :- تضحك عليا ...تضحك عليا ليه .
عمرو :- ابدا قعدتي تخرفي كده ههههههه.
منى بخوف :- اخرف هي جات عليك. وكنت بقول اي.
عمرو :- اه تخيلي كده هههه انا كلمت واحده بتخرف وهي نايمه وبعدين قعدتى تتكلمي عن اللي حصل في اليوم وكده يعني كإنك بتحكي لحد عن لما وقعتي وكده ههههه.
منى بعدم تصديق :- امممممم ماشي يا عم .
عمرو :- اوك وبعدين بلاش عم دى خليها عمرو احسن.
منى :- ههههههه ماشى يا عمورة.
عمرو :- تانى ههههه ماشي وابقي سلمي ع مامتك علي ما ابقي اكلمها ولا عندك مانع.
منى:- لا ابدا مانع اي ده هي اللي عايزه تكلمك زى ماقولتلك وبكره ان شاء الله هخليها تكلمك حاضر .
عمرو ؛- شطوره يا مطيعه. ويلا بقا عشان معطلكيش .
منى:- عن اي .
عمرو:' المذاكره لو هتزاكرى.
منى :- ههه اكيد هزاكر يابا .
عمرو افتكر وقتها أن بنت الراجل ميكسرهاش عيل:- اوك تصبحي على خير.
منى الابتسامه :- تصبح على كل حاجه حلوه وتسلم يا رجوله مره تانيه.
عمرو:- يلا يا بت اقفلي.
منى:- باي في رعاية الله.
عمرو باندهاش واستغراب بعد ما اغلق المكالمه
:- لازم اعرفك بس انا ليه ارتحتلك كده انا عمرى ما اتكلمت مع حد كده وهزرت معاه.
منى بعد ما أغلقت المكالمه هي الأخري:- في حاجه انت مخبيها عليا يا استاذ عمورة في حاجه بجد انا مش عارفاها وبعدين اصلااا انا اول مره اخد وادى في الكلام كده ....ما علينا يلا بكرا الصبح بقا اخلي شيمو تكلموا واقوم اذاكر انا.
_____________________________
وبعد ما عاد أدهم الي منزله اقصد * فيلاته أو بمعني اصح قصره *
وهو في غرفته التي تدل علي شدة الحزن من لونها
نجده يجلس علي كرسيه الهزاز و يمسك صورة ما ويتحدث ويحكي لها كل شئ صار معه من اول موت والده حتي موافقه عز الدين علي جوازه من ملاك.
أدهم:- متقلقيش محدش هياخد مكانك عشان انتى الحب الاول والأخير.
وضم الصورة لاحضانه عسي أن تخفف عن ما به من الالام التى سببها له الزمن وجروح الماضى التى لا تنسي ولا يداويها اي دواء...حتي ان النوم سرقه من حديثه وغفي وهو في مكانه من كثرة تعب اليوم .
_______________......
في مكان روحنا فيه كتير ( نايت كلاب ) بسبب يوسف.
يوسف وهو حوله فتيات عاهرات:- اوبا اي الحلاوة دى يابت.يا زوزو.
زوزو:- اي يا جو ما الحلاوه موجوده بس انت اللي غايب.
يوسف :- هههههه لا عندك حق في دى .
وهناك عيون تراقب ....وكانت انثي البغبغان( دارين الاسيوطى).
دارين بخبث:- هاي جو.
يوسف وهو شبه مغيب عن الواقع :- مين ههههه انثي اوبس دارين الاسيوطى هاللو سنيوريتا.
دارين ؛- ثانكيو جو بس فين أدهم مش باين .
يوسف وقد أدرك ما سبب مجيئها له :- اه أدهم.
دارين ؛- ايوه اومال هو فين.
يوسف في داخله( عقل باله ) وماله نفرسها شويه.
يوسف:- اه ما هو عريس بقي مشغول يا قطه .
دارين والصدمه بصمت علي وجهها :- اي عريس انت بتقول اى مين ده اللي عريس أدهم.
يوسف وهو يكتم ضحكته من منظر صدمتها ":- ايوه أدهم أدهم البحيري هيتجوز خلاص واخر الاسبوع الفرح. واستمتع يوسف بغضبها وصدمتها- وكمان هيقضي شهر العسل في أوروبا وهيسافر على طول بعد الفرح.
وقد وصلت ارتفاع حاجبيها الي السماء وانخفاض فمها الي الارض من كثرة الصدمه :- كل ده.
يوسف وهو يحاول أن يكتم ضحكته من منظرها :- ايوه.
يوسف :- يلا يا زوزو ورانا حاجات كتير هنعملها وغمزلها.
وهو يتحرك ويضع يده علي كتف هذه الفتاه التي ترتدى ملابس تفضح اكتر ما تكشف :- باي دارين اشوف في فرح أدهم.
وذهب يوسف مضحكاااااا تاركا نار تشتعل للغاية انثي البغبغان دارين كما اطلق عليها بسبب ألوان البلياتشو والمساحيق التي تضعها علي وجهها
----------....-----------.....------------.......-----------
قولى بعدك قلبي يعشق مين قولي بعدك عيني تحب مين ....يا صاحبة القهوة
عز :- ليه بتعملي كده يا نور ليه. بصي في عيونى متحرمنيش من نظرة عنيكي اللي بتدوبني في هواكى.
نور وقد فاض بها وطفح الكيل يا منفصم الشخصيه:- نعم عايز اي وبعدين اصلا بأي حق تمسك ايدي بأي حق تقف كده وتمسكنى ماهو انت لا اخويا ولا ابويا ولا جوزى ولا حتي خطيبي يا جدع عايز اي بقا منى....ويكون في علمك ملاك هتتجوز من هنا وانا مش هتلاقينى في البيت ده ثانيه عشان ترتاح يا باشمهندس عز وعن اذنك .
ماذا قالت ما الذي ستفعله ٠٠ مهلا مهلا هل قالت ستذهب وتتركنى لا لا استطيع ان اتحمل لا ومهلا نورى انا لن اترككى ولو ثانيه واحده ايتها المجنونه
Stoooop نكمل بقا بعد الامتحانات اشوفكم بخير وبالتوفيق للجميع ضمونى في دعواتكم لانى محتاجاها بجد
Asmaa basta
عاشقه ايفل اسماء البسطويسي.