« ខ្ញុំព្រម!! Tae ចង់យ៉ាងម៉េចក៏បានដែរ ខ្ញុំតាម Tae ទាំងអស់ » ព្រោះតែស្រឡាញ់ចង់ថ្នាក់ថ្នម Jungkook ឆ្លើយទទួលរាល់អ្វីដែលរាងតូចនិយាយភ្លាមៗមិនគិតច្រើន ទោះបីវាក្លែងក្លាយសម្រាប់ Tae តែសម្រាប់គេវិញ វាជាក្ដីសុខដ៏ពិតប្រាកដមួយ ។
« លោកច្បាស់ហើយថាយល់ព្រម? » រាងល្អិតសួរ បញ្ជាក់ នេះយល់ព្រមដោយងាយៗចឹងឬ?
« ច្បាស់ហើយ » Jungkook
« មិនស្ដាយក្រោយទេ? » Tae
« មិនស្ដាយទេ Tae ចង់ចុះអេតាស៊ីវិលពេលណា ប្រាប់មក!! ចាំខ្ញុំឲ្យប៉ាម៉ាក់ទៅនិយាយជាមួយលោកអ៊ំ » គ្រាន់តែបានរាងតូចបើកផ្លូវឲ្យ នាយក៏ប្រញាប់ជាងសាមីខ្លួនគេទៅទៀតធ្វើឲ្យរាងតូចនឹកឆ្ងល់តិចតួចតែក៏មិនថ្វីព្រោះដឹងស្រាប់ហើយថា Jungkook ស្រឡាញ់គេចង់រៀបការជាមួយគេយូរហើយតែគេ បដិសេធមករហូត ពេលនេះឱកាសនៅចំពោះមុខ មានដែរឬថារាងសង្ហារម្នាក់នេះបណ្ដោយឲ្យហួសទៅទទេរៗនោះ?
« បើកាន់តែឆាប់គឺកាន់តែល្អ ខ្ញុំចង់ឲ្យប៉ាឆាប់វះកាត់ លោកក៏ដឹងថាប៉ាឈឺធ្ងន់ មិនដឹងជាមានសង្ឃឹមប៉ុន្មាននោះទេ » និយាយដល់ត្រឹមនេះ Tae ក៏ទម្លាក់ទឹកមុខ បែបបារម្ភពីស្ថានភាពជំងឺលោកប៉ា ព្រោះតែដឹងថាគេ នឹងបែបនេះទើបលោកម្ចាស់មិនចង់ឲ្យដឹង ឃើញទេថាពេលដឹងហើយក៏បារម្ភគ្រប់ពេលតែម្ដង ។ Jungkook កាលបើឃើញមនុស្សជាទីស្រឡាញ់ពិបាកចិត្តក៏ចូលទៅចាប់ដៃរាងល្អិតមកកាន់ហើយអង្អែលច្របាច់ថ្នមៗជាការផ្ដល់កម្លាំងចិត្ត ។
« កុំបារម្ភអី លោកអ៊ំជាមនុស្សល្អ ព្រះប្រាកដជាតាមថែរក្សាគាត់ជាមិនខានទេ » ពាក្យលួងលោមជាមួយ ស្នាមញញឹមផ្អែមល្ហែមនៃនាយសង្ហារហាក់បីដូចជាថ្នាំសណ្ដំឲ្យរាងតូចប្រើខ្សែភ្នែកស្រទន់សម្លឹងមើលទៅមុខនាយ មើលយូរទៅ គេរឹតតែសង្ហារខ្លាំង ឡើងៗបបួលឲ្យ Tae កក់ក្ដៅចិត្តច្រឡំញញឹមតាមដោយមិនដឹងខ្លួន តែនៅសុខៗដូចជាមានអ្វីមកហៅ ឲ្យរាងតូចដឹងខ្លួនពីអារម្មណ៍អណ្ដែតអណ្ដូងមុននឹងឃើញខ្លួនឯងត្រូវបាន Jungkook កាន់ដៃទើបភ្លាម នោះរាងល្អិតប្រញាប់គ្រលាស់ដៃចេញមុននឹងមាន នរណាមកឃើញ ។
« អេ៎!! លោកនៅមិនទាន់អានច្បាប់ដែលខ្ញុំឲ្យទៅ ទេ ឆាប់អានទៅបើលោកមិនយល់ព្រមជាមួយវា អ៊ីចឹងពួកយើងក៏មិនបាច់ចុះអេតាស៊ីវិលស្អីដែរ ខ្ញុំ...ខ្ញុំត្រូវទៅផ្ទះទៅមើលប៉ា ទៅសិនហើយ » និយាយរួច Tae ក៏ដាក់មេប្រូចរត់ចេញទៅបាត់បន្សល់ឲ្យរាងក្រាសឈរញញឹមម្នាក់ឯងថែមទាំងលើកដៃដែលទើបតែចាប់ដៃរាងតូចអំបាញ់មិញមកថើបទៀតផង នេះណា៎ក្ដីសុខកំពុងតែហោះចូលមករកគេទៀត ហើយ ។
« ច្បាប់ស្អីគេអញ្ចេះន៎? » Jungkook និយាយបណ្ដើរទាញក្រដាសដែល Tae ឲ្យមកអានបណ្ដើរ។
" ច្បាប់ក្រោយពេលចុះអេតាស៊ីវិល "
ទី1 : ពេលចុះអេតាស៊ីវិលរួចហើយពួកយើងនឹងមានឈ្មោះថាជាប្ដីប្រពន្ធតែនៅក្នុងលិខិតប៉ុណ្ណោះ ហាមមិនឲ្យប្រាប់រឿងនេះទៅអ្នកផ្សេងដឹងដាច់ខាតក្រៅពី លោកប៉ាខ្ញុំនិងប៉ាម៉ាក់របស់លោក
ទី2 : ទាំងសងខាងនឹងគ្មានសិទ្ធិគ្រប់គ្រងនរណាម្នាក់ លើជីវិតនិងការសម្រេចចិត្តផ្ទាល់ខ្លួនឡើយ (និយាយឲ្យស្រួលយល់ ចង់អ្នកណាធ្វើអីក៏អ្នកម្ខាងទៀតគ្មានសិទ្ធិលូកលាន់ដែរ)
ទី3 : លោក Jeon Jungkook ត្រូវរើឥវ៉ាន់មកនៅ ផ្ទះរបស់ខ្ញុំ នៅក្នុងបន្ទប់ជាមួយខ្ញុំចៀសវាងកុំឲ្យប៉ាម៉ាក់សង្ស័យប៉ុន្តែហាមមិនឲ្យគេងនៅលើគ្រែជាមួយគ្នាឡើយ
ទី4 : ប្ដីប្រពន្ធក្លែងក្លាយឲ្យដឹងក្លែងក្លាយ ហាមមិនឲ្យប៉ះពាល់រាងកាយខ្ញុំដាច់ខាតហើយខ្ញុំក៏មិនប៉ះលោក ដូចគ្នាដែរ
ទី5 : ក្នុងកំឡុងពេលរស់នៅជាមួយគ្នា ខ្ញុំអនុញ្ញាតឲ្យលោកចង់ទាក់ទងជាមួយអ្នកណាក៏បាន កុំឲ្យតែប៉ា របស់ខ្ញុំដឹងទៅបានហើយ
ទី6 : កិច្ចសន្យាអេតាស៊ីវិលមានប្រសិទ្ធភាពរយៈ ពេលមួយឆ្នាំគិតចាប់ពីពេលដែលស៊ីញ៉េរួចរាល់ ផុតកំណត់ពេលណាអាចចែកផ្លូវគ្នារៀងៗខ្លួនបាន
ទី7 : បញ្ជាក់ម្ដងទៀត ហាមមិនឲ្យប៉ាម៉ាក់ដឹងថាវាជា
កិច្ចសន្យាអេតាស៊ីវិលក្លែងក្លាយ ហាមប្រាប់អ្នកដទៃ ហាមមិនឲ្យលូកលាន់ជីវិតទាំងសងខាង ហាមមិនឲ្យប៉ះពាល់រាងកាយគ្នា បើអ្នកណាម្នាក់បំពានសន្យាត្រូវតែពិន័យតាមវិធីរបស់អ្នកម្ខាងទៀតជាកំហិត!!
« ហត្ថលេខា Kim Taehyung... ហុឹស!! ហាមអីក៏ហាមម្ល៉េះលោកប្រពន្ធអើយ » Jungkook សើចកខឹកក្រោយអានចប់ រាងតូចទើបតែអាយុ១៧ឆ្នាំសោះ តែនេះចេះដាក់ច្បាប់កិច្ចសន្យាជាមួយគេទៅកើតតែ មិនអីទេជ្រុលថាយល់ព្រមហើយ គេក៏មិនរាថយដែរ។
Skip៚
_ គ្រាន់តែមកដល់ផ្ទះភ្លាម រាងល្អិតក៏រកលោកប៉ាមុនគេដែលពេលនេះគាត់កំពុងសម្រាកនៅក្នុងបន្ទប់តាមបណ្ដាំរបស់កូនប្រុសសំណព្វមិនចឹងគេខឹងទៀតមិនខាន ។
« ប៉ា!! » Tae ហៅទាំងញញឹមមុននឹងដាក់កាតាបចុះរួចឡើងមកអង្គុយលើគ្រែក្បែរគាត់ ។
« មកពីរៀនវិញហើយហ្អេ៎កូន? ញ៊ាំបាយហើយឬ នៅ? » Mr Kim
« នៅទេ កូនចង់មកមើលប៉ាសិនហើយចុះប៉ាពិសារថ្នាំរួចហើយហ្អេ៎? » គេសួរបែបនេះព្រោះឃើញមាន កែវទឹកនៅលើតុនិងថ្នាំខ្លះៗ ។
« អឹម » រាងចំណាស់ងក់ក្បាលព្រមទាំងញញឹមពេលដែលរាងតូចបារម្ភពីគាត់សព្វគ្រប់ ឯ Tae វិញក៏ សម្លឹងមុខគាត់មួយសន្ទុះទើបរកនឹកនិយាយអ្វីខ្លះចេញមក ។
« ប៉ា... » Tae
« អ្ហឹម...? » Mr Kim
« ប៉ាមិនព្រមទទួលយកការវះកាត់ដោយសារតែខ្ញុំមិនរៀបការត្រូវដែរទេ? » Tae
« ព្រោះប៉ាបារម្ភ ខ្លាចថាបើប៉ាកើតអីទៅកូននឹងគ្មានអ្នកណាមើលថែនោះអី Tae » Mr Kim
« បើចឹង...ចុះបើខ្ញុំថាខ្ញុំព្រមរៀបការជាមួយគេម្នាក់ នោះ ប៉ានឹងព្រមវះកាត់មែនឬអត់? » Tae សួរទាំងទឹកមុខស្ទើរភ័យស្ទើរខ្លាចធ្វើឲ្យលោកប៉ាបានលឺ ហើយក៏ប្រែទឹកមុខសឹងតែមិនជឿថាមានថ្ងៃដែលរាងតូចនិយាយបែបនេះ ។
« កូននិយាយជាការពិតឬ Tae? កុំកុហកព្រោះគ្រាន់តែចង់ឲ្យប៉ាព្រមវះកាត់អី » Mr Kim
« កូននិយាយពិតមែនណា៎ប៉ា កូនសម្រេចចិត្តហើយថាកូននិងលោកគ្រូនឹងរៀបការជាមួយគ្នា » Tae
« ពិតមែនហ្អេ៎? កូនមិនមែនកុហកប៉ាទេដឹង? » Mr Kim
« កូននិយាយជាការពិត បើប៉ាមិនជឿអាចខលទៅ សួរគាត់បាន » Tae
« មិនបាច់ទេ ប៉ាជឿ...ប៉ាជឿថា Tae គ្មានថ្ងៃកុហកប៉ាទេ » រាងចំណាស់តបទាំងក្ដីរីករាយហួសប្រមាណ ទីបំផុតបំណងប្រាថ្នាធំបំផុតមួយរបស់គាត់ក៏បានសម្រេច ទោះបីត្រូវស្លាប់ក្នុងថ្ងៃនេះក៏គាត់មិនស្ដាយក្រោយដែរ ។
« បើចឹងប៉ានឹងវះកាត់ណា៎ » Tae
« ក៏បាន ឲ្យតែកូនចង់បាន ប៉ាយល់ព្រមទាំងអស់ » Mr Kim ងក់ក្បាលជាមួយស្នាមញញឹមធ្វើឲ្យរាងតូចលោរទៅអោបលោកប៉ាយ៉ាងណែន ។
« កូនស្រឡាញ់ប៉ា » Tae
« ប៉ាក៏ស្រឡាញ់កូនដែរ កូនធ្វើឲ្យប៉ាសប្បាយចិត្តខ្លាំងណាស់ណា៎ Tae » គាត់អង្អែលខ្នងកូនប្រុសទៅ មកដោយភាពសប្បាយចិត្តដែលក្រៅពីគាត់ក៏នៅ មាន Jungkook ម្នាក់ទៀតដែល Tae អាចពឹងពាក់អាស្រ័យជីវិតបានតែស្របពេលជាមួយគ្នា រាងតូចក៏កំពុងតែគិតថាផ្លូវដែលគេរើសនេះវាត្រឹមត្រូវឬក៏ យ៉ាងណាតែយ៉ាងហោចណាស់ក៏អាចធ្វើឲ្យលោក ប៉ាយល់ព្រមទទួលយកការវះកាត់ដើម្បីបន្តជីវិតទៅ មុខដែរ មិនថាមានរឿងអ្វីទៅថ្ងៃមុខក៏គេត្រូវប្រឈមមុខវាដោយខ្លួនឯងព្រោះគ្រប់យ៉ាងគឺគេខ្លួនឯងជាអ្នកជ្រើសរើសប៉ុណ្ណោះ ។
To be continued.....🍒♡