ﺍﺧﺬ ﺩﻣﻲ ﺣﺒﺮ ﻟﻮ ﻭﺷﻠﺖ ﺣﺒﺮﻙ
ﻻﺯﻡ ﻛﻠﺒﻲ ﺑﻴﺪﻱ ﻭﻛﺎﻋﺪ ﺍﻧﺘﻈﺮﻙ
ﺗﺎﻧﻴﺘﻚ ﺗﺠﻲ ﻭﻣﺎﺟﻴﺖ ﺷﻤﺼﺒﺮﻙ ...
ﻭﺍﻛﻒ ﻛﻞ ﻛﻴﺎﻧﻲ ﻭﺭﻭﺣﻲ ﺗﺘﻠﻜﺎﻙ ...
ﻣﻦ ﻛﻠﺒﻲ ﺍﻧﺪﻋﻲ ﺍﻟﻤﺎﻧﻊ ﻋﺴﻪ ﻷﻣﺮﻙ ...
ﺩﻛﺎﺕ ﺍﻟﻜﻠﺐ ﺗﺤﺴﺒﻠﻚ ﺍﻟﻠﺤﻈﺎﺕ
ﻭﻋﻴﻨﻲ ﻣﻌﻠﻜﻪ ﺍﻋﻠﻪ ﺍﻟﺒﺎﺏ ﺗﻨﺘﻈﺮﻙ ...
ﻟﺤﻈﺎﺕ ﺍﻧﺖ ﻋﻨﺪﻙ ﻭﺍﻧﻪ ﻋﻨﺪﻱ ﺳﻨﻴﻦ
الكاتبabbas haji
ريم ...ماشي يابه عزه هاي بس لا حجت شي لبويه راح تخرب سمعتي بين اهلي وناسي
رقيه... شبيج ريم صاير شي تمشين وتحجين ويه نفسج يا ساتر بس لا تخبلتي
ريم... لا ما اكو شي
رقيه... هههههه فدوه لاختي المخبله روحي ارتاحي اني هسه اخليلكم السفرى
ريم.. تردين اساعدج
رقيه... لا حبيبتي ما يحتاج روحي اني اجهز كلشي
ريم... ماشي اني اروح اشوف بابه شيريد يابه كلت من تخلصين شغلج تعاي يمي احجي وياج
حجي جباك... تعاي بنتي اكعدي يمي اكلج اكو احد يضوجج بلشغل بلبيت
ريم... لا يابه
حجي جباك... بنيتي اني ربيتكم تربيه ما محسسكم بس انو ابوكم صديقكم وامكم هم فيا حبيبتي اكو شي بكلبج تحبين تحجين اليه احجيلي واني اسمعج
ريم... والله يابه ماكو اي شي لا بل شغل ولا بلبيت اذا اكو شي احب تدخل بالموضوع بساع
حجي جباك... ماطول ماكو شي بنيتي بس اني حبيت اسمعج وشوف شبيج واذا اكو شي مضوجج احب تحجولي واني اسمعلكم ويجوز احلها الكم
ريم... لا والله يابه ماكو شي ماشي بنتي اخذي راحتج رحت طبيت الغرفتي اباوع على زهراء ساكته وماتحجي كتلها زهراء حاجيه شي لابويه
زهراء... لا محاجيه شي ليش هل سؤال
ريم... لا هيج حبيت اسئالج
زهراء... والله يا اختي ماعرف شكلج بس كعدنه شويه سولفنا على شغله الجديد وكال الحمد الله
ريم... زين حبيبتي رحت يم رقيه كلت اسوي زلاطه وياها
رقيه... مو كتلج ارتاحي ليش اجيتي
ريم... ضايجه واجيت الهي نفسي
رقيه... اشبيج كوليلي وفهميني عسى ولعل اساعدج
ريم... لا ماكو شي والله مرت ايام كل ما ارجع من شغل ابويه يكعد ينصح بيه ويكلي شكو بكلبج احجيلي ما اعتقدت زهراء حاجيه لابويه شي واني وضليت اشتغل اجه يوم شاب عمره بنهاية الثلاثيني اسمه عباس
عباس... سلام عليكم شلونكم شخباركم
سرمد... يا هلا جثير الهلا شجابك هنا مو من عوايدك تجي
عباس.. صوجي جاي اتسوك يمكم
سرمد ... هلا بيك اي وقت تجي انته صاحب المكان
عباس.... اني زعلان منك والله لك ما تستحي هاملنه لا تجي لا تخابر
سرمد... عمي صباح شوكت ارجع للبيت بغيرتك
عباس... اي حقك ملتهي بس بل كرف
صباح... لا غلطان مو هيج سرمد بس مرات شغل هم يريد راحه
سرمد...عمي صباح مقدم عباس اعرفك بي اي وقت يجي اعتبرو صاحب المكان
عباس... هسه جاي اتسوك خلي الحك لان الوالده تكتلني اذا ما اوصللها الغراض باسرع وقت
سرمد... ابراحتك افتر شوف شتريد ريم عيني تعاي ساعدي الرجال
ريم.. ماشي شيريد حته ادليه
عباس... رايد كونيه تمن
ريم ..تعال هاذا تمن يا نوع تريد اخذه
عباس... عدكم عربانه
ريم... اي عدنه
عباس... جيبيلي عربانه ونخلي بيها الغراض وكراميتج يمي
ريم... اكرامية خليها الحالك وروح انت جيب عربانه شايفني اشتغل عندك
سرمد.... شكو شصار
عباس... بربك تشغل هيج نماذج متكولي بعد منو يتقرب الكم
ريم... اذا ما عاجبك ليش اجيت اكو هواي سوبر ماركيتات روح تسوك منهم بلكت تلكه بيها خدم وحشم
سرمد ... كافي ريم يله مصار شي روحي هناك يم القاصة
صباح... هاك خويه هاي العربانه شتريد كلي اني اساعدك
عباس... لا عمي ميحتاج هسه اروح اصيح الحماية
صباح .... اني اصيحه
عباس... متكلي منين تجيب هل عطلات وتشغلهم يمك
سرمد... لتجيب اسمها وعوفها تشتغل نسيت جم مره اجيت اشرب جاي يمك جنت تشتغل يم جبار ابوكص
وهاي تشتغل مثلك علمود طلع لكمه حلال
عباس.. اي سرمد هيني فد مره علمود عمالك
سرمد... لا اخويه مو اهينك انته اخويه وصديقي بس لو غير واحد ما جنت اقبل منه
عباس... عوفنه من هاي السالفه بليل تعال اريدك
سرمد ...الله كريم ان شاء الله اجي زهراء شبيج توزعين ابتسامات صاير شي
زهراء... لا مصاير شي ليش حرام ابتسم
سرمد.. لا ابتسمي عادي يله خويه انتي وريم روحو للبيت ارتاحو بعد
ريم... بعد وكت ليش نروح
سرمد... بكيفكم لعد كلت ترحين ترتاحين شويه
ريم... ميحتاج قابل شمسويه حتى اروح ارتاح
الولد...سلام عليكم عدكم مواد غذائيه
سرمد... اي اكو تفضل رعد تعال شوف الولد شيريد
الولد... اذا هاي البنيه تجي وياي لان تعرف شي زين مو زين
ريم... اتفضل شتريد بس روح جيب عربانه
الولد ... ماشي رايد تمن زين من ذوقج
ريم ... هاك هذا خوش تمن
الولد ...اريد معجون زين احمر مثل اخدودج
سرمد...ما عدنه هيج معجون بطلنه وعزلنه
صباح.. ها ابني سرمد هم شكو
سرمد... ماعرف جاي يتسوك لو يتغزل
الولد... خالي اني جاي اتسوك اتغزل شنو
سرمد... لعد معجون مثل اخدودها شتقصد
الولد... يابه اسألها كولولها اني متحارش بيها
صباح... يعني هاذا الولد كدامك مهنته ضابط قابل يجذب
الولد... ليش لان ضابط هوه معصوم وتجيبونهم يغلطون بحق الناس
سرمد... ماشي ريم تعاي احجيلي الولد مو جان يتحارش بيج
ريم.. شنو هلكلام يتحارش بيه لا انته غلطان
سرمد... صدك تحجين ريم اخويه اني اعتذر منك اسف
صباح... ريم شوفي الولد شيريد ومشي سرمد شبيك اليوم
سرمد... والله يتحارش بيها والله ما اجذب
صباح .... اعرف والله شبيك هسه منو كلك تجذب
ريم... بعد شتريد كول
الولد... اريد حليب مثل بشرتج الحلوه
ريم... اعصر خشمك اطلع منه حليب ماما شوف اذا تلح زايد بكلامك اكسر شكو قوطيه حليب على راسك احترم شويه اني كدام الولد محجيت كلت اخاف ينظف المكان بيك روح ولي اتسوك
الولد... هاي شبيها الوادم متخبله
صباح... تعاي ريم شبيج بنيتي احسج مو على بعضج
ريم... عمو صباح غير مخبله
صباح... لا حشاج مو قصدي والله بس كلت اشوف شبيج معصبه
ريم... عمي صباح شفته شلون فضحني كدام الولد وكدام اختي وكدامكم هاي مو عيب برايك
صباح... صح بنيتي بس احنه مو غربه وهوه يخاف عليج غير
ريم ... بارك الله بي شنو يعني اني ما عندي لسان ادافع عن نفسي
سرمد... مو قصدي ريم
ريم. .. ريم شنو مو قصدك شفت شسويت بيه كدام اختي والناس
سرمد... متحملت ولا كدرت الزم نفسي والله تعصبت كلش عليه
ريم... اني ما اكدر اعصب عليه برأيك ما اكدر اخلي الحذاء بحلكه
سرمد... حقج عليه والله ما متقصد
زهراء... ريم انتي اليوم سويتي مشاكل الدنيه مو كافي بعد
ريم... انتي مالج شغل ممسويتلج مشاكل ولا تدخلين بأمور ما يخصج
زهراء... لا غصبن عليج اذا تغلطين ما اقبلها منج
سرمد... زهراء شنو قصتج انتي شو معصبه نفسج على خالي بلاش
زهراء... لا اختي ومن حقي اعاتبها
ريم... اوووو زهراء مالي خلك اجادلج كافي رحمه الاهلج
سرمد... روحي يا عيني دروحي ارتاحي بيتج احنه موجودين هنا
ريم... يله اني رايحه
سرمد... روحي باجر الظهر تعاي
زهراء... اني باقيه هنا بعد وكت ما اروح للبيت
سرمد،،، بكيفج بعد ما الح عليج عمي صباح اني هم راح اروح للبيت
مر ايام وليالي وتفكر رقيه بجاسب وجاسب يفكر برقيه وبرغم رقيه ما مرتاحه لجاسب
جاسب،،، حجي شنو توقف شغلنه راح ناكل الي عدنه وما سوينه شي
حجي،،، شتريد اكو سياره راح ناخذها بس اصبر الي لان جماعه الكراد طلبو عده مرات
علاء،،، حجي لعد خلي نضبطلهم جم سياره
حجي،،، علاء احنه شغلنه هيج منحب نكثر لان تعرف الوضع مو امان واغلب العصابات جاي تبوك
صباح،،، وحنه شلنه شغل بيهم
حجي،،، ايباه وينه عقلك لعد شرطه والامن شنو شغلها
جاسب،،، حجي ما اعرف شكلك بس كعدتنه مالها فايده ولازم نطلع جم فلس ورانه زواج وبيت ههههه
حجي،،، انته اتزوج وانطيك وعد اساعدك بزواجك
علاء،،، حجي زين ابو حيدر شنسويله يمكن بطل
حجي ،،،، بعد احسن احنه 4 نفرات ميحتاج بعد عددنه كافي جاسب انته هسه روح جيب الخبز واني وعلاء نروح للبيت انجيب الغده
جاسب ،،، ماشي تدلل حجي راح الحجي واني دكيت الباب طلعتلي رقيه كتلها قبل متجيبن الخبز موكافي الى متا ما تحسين بيه
رقيه،،، بشنو احس بيك
جاسب،،، لا تغشمين روحج تعرفيني احبج ومجلب بيج لهنا وكافي بعد
رقيه،،، الي يريدني يجي يدك الباب وابويه موجود تكدر تحجي وياه لو اله حب وتضحك على بنات العالم
جاسب،،، هوه هم هيج اريد اطلب ايدج بس حبيت بلبدايه اتعود عليج
رقيه،،، خل اجيبلك الخبز
جاسب،،، روحي جيبي شكد ما اباوع هاي صعبه كلش وتحتاج واحد كلبه بكد كلب الحولي خلي الحل الوحيد اطلب ايدها وخلص مبين عليها شريفه وبت ناس وهم عندي بيت صغير مال حجي بس ما يفيد اخذها هناك لان سناء تخبلنه
رقيه،،، هاك الخبز بس نريد طحين لان خلص
جاسب،،، اجيبلج طحين رحمة الوالديج كافي بعد رقيه
رقيه،،، كتلك الي عندي والله الي يريدني يجي يدك الباب
جاسب،،، اني هسه اخذ الخبز وراها العصر اجيبلج الطحين بس اريد احجي وياج بهواي مواضيع واعرف بيج من كلامج قابله بيه بس لازم تعرفين عني كلشي واني هم اعرف عنج كولشي
رقيه،،، اي تكدر تسال الجوارين او اي احد يعرفني ويعرف عائلتي
جاسب،،، لا ميحتاج اسئال عليج اريد اسمع منج يله هسه اودعناكم
رقيه،،، الله وياك
جاسب ،،، رحت للكراج وكلت اشلون اتزوج زين ابوها ما يكلي وين اهلك اوف يربي خلي اكول الحجي اشوفه شيكول حجي رايدك بموضوع
حجي،،، تعال شنو الموضوع كلي بي خلي اعرف بيهاا
جاسب ،،، اريد اتزوج وخاف اهل البنيه يطلبون ابويه وشغله صعبه
حجي،،، هاي منو الي انت حبيتها وتريد تزوجها
جاسب،،، الخبازه
حجي،،، ونعم الاختيار وشغلتك سهله مو صعبه لان ابوهم انسان طيب
جاسب،،، حته اذا انسان طيب بس اني شلون اطلب ايدها ابوها ميكلي وين اهلك
حجي،،، اني اهلك بعد شتريد اكثر من هذا
جاسب،،، حجي ما اعتقد يقتنع ابوها ينطي مره الواحد اهله مو وياه
حجي،،، البنيه تحبك
جاسب،،، ما اعرف صارحتها بس تكول الي يريدني يجي يدك الباب
حجي،،، كلام منطقي وحلو معناتها تريدك بس لازم دك بابهم وتخطبها تحب اني احجي ويه اهلها شتكول
جاسب،،، دماغي متشوش ما اعرف شكلك
حجي،،، جاسب تعرف اني ليش حبيتك لان متخاف وزلمه وسبع بس ما اريد اسمع منك تكول دماغي متشوش فكربعقل
جاسب،،، الله كريم حجي اريد اروح للبيت دز واحد ياخذلها طحين لان ماعدنه طحين يمها واني اروح للبيت
حجي ،،، ماشي روح ارتاح ومالك شغل علاء
علاء،،، عيني حجي اتفضل
حجي،،، بساع اكل وكمل حته نروح البيت الخبازه
علاء،،، حجي مو جاسب يروح
حجي،،، لا جاسب دزيته للبيت يرتاح اني وياك نروح
علاء،،، ماشي حجي يتبع
الحكايه قيد الكتابه
شنو توقعاتكم حجي ليش يروح وشراح يسوي