فوق جمرات الأنتقام

الفصل الثاني والاربعين الجزء الثاني

#بقلم إيـزابيـل
#الفصل الثاني ووالاربعين الجزء الثاني
#فوق جمرات الانتقام
..
الموصل - الساعه الـ٤

قائد جنت كاعد على بلوكه الدنيا حاره والشمس تصكع بالراس وبيدي جكاره ادخن وادحك على الخراب الكدامي.

عباره عن بنايات محطمه ووبيوت مهدومه وجثث بالشارع كل روح مابيهه وبكل بقعه مستحيل ما اتشوف دم..

خلصت الجكاره ذبيته جوا رجلي وودعستهه..

باوعت على الساعه مابقى شيء ب ٦ نطلع..
تنهدت بقوه..

انه سامع اي انسان طبيعي يخاف ويرتعب من الموت بس انه ما بكلبي رهبه ولو شويه؟

انه جاي هين ووحاط بعقلي فكره لو الشهاده لو الانتصار وحرام بالحرام ادفن روحي جوه هاي البلوكه اذا رجعنه مهزومين..

رفعت راسي بقوه وودحكت للسماء دخيلك ياربي زيل هاي الغمه عن هالبلد الاكشر هذا والله جاي ينعصر كلبي وويموت بداخلي الاحساس من اشوف واحد متعذب لو مكتول لو مجردينو من كرامتو..

الوم روحي انه لان احس ما كفيت ووفيت بواجبي
فركت ووجهي شفت احد الجنود يتقرب ليمي..

ووصل اده التحيه العسكريه هزيتلو راسي وكتلو
: گرب هين اكعد

: بس

: اكعد

ربع وكعد چدامي جان جايب ويا ثنين كلاصات جاي اخذت واحد وشاركتو..

الجندي : سيدي شوكت نتحرك؟

قائد : خابرت العميد علاء كالي احسب ساعتين ونطلقو..

اباوعله مثلي ماشفت بعيونو ولا لمعه خوف بالعكس ابتسم وكال
: والله متحلف الهم ودمي يغلي..

ضربت على چتفو : وكفو منك شمعنى؟

ذب حسره طويله : سيدي بنت عمي اسيره عندهم

اختفت ابتسامتي فوراً وحاولت اخفف عنو
  : ان شاء الله ترجع سالمه وينفك اسرهه.

صفنت ومن دون اراده اجت حوراء ببالي كل كلامهه جان يحرك شيء بداخلي بس ماعرف ليش عقلي رافضهه..

يمكن بسبب فرق العمر بينه وهي بعدهه صغيره
ووهاي مشاعر مراهقه بادلتهه؟ وباجر عكبه عبرت هالمرحله وواختفت مشاعرهه ووحبت شخص حب صادق..

انه وين انطي وچهي،،،

عمري كلو مافكرت بالحب والزواج وجنت مخلي اخر اهتماماتي هواي اشوف بنات يجذبني ويعجبني خاصا من رحت البغداد وحتى بالانبار

بس جنت احس نفسي بعد ما مستعد اربط وحده بيا
وانه كل حياتي مكرسهه لعملي واالبلدي..

واحنا هسه بحرب ما معلوم باجر شراح يصير
اتزوجهه واربطهه بيه وواستشهد لا ما اضلم بنات العالم.

وتحديداً حوراء بعدهه صغيره وما اكدر اكسرهه فوك ما هي مكسوره..
..
بقيت احجي ويا لحد ماصلينه ووكملنه حضرت العتاد ولبست الدرع  ووتجمعو الجنود وواجهناهم بالخطه جهزنه الاسلحه والدبابات..

وطلعنه احنه جنه متوجهين لبيت يسكنونو تقريباً من ٥٠ الى ٧٠ داعشي ووياهم اسره...

كاعد بالدبابه ووخابرتني امي رديت عليهه
: الووو

: يمه قائد وين انتَ؟

: حجيه انه هسه طالع بمهمه بس اخلص اخابرج

: يا يمه ديربالك على روحك فدوه اروحن الطولك لا تبجيني عليك.

: ههههه كولي يا الله

: انتظر مكالمتك

: ان شاء الله

سديت الخط ووقفلت الجهاز ووخليته بجيب البنطرون ووصلنه هناك ووكفنه على بعد كم ميل ونزل ضابط التفجيرات وويا كم جندي وراحو يفحصون المكان..

البيت جان حيل ضخم وومساحتو جبير مبين شايل اكثر من ٥٠..
..
صار الهجوم وواحتدت المواجهه هواي اتصاوبو جنود منه بس بالمقابل كفو ووفو كل واحد بيهم يعادل اله عشره..

جان عصام يمي هذا الي بنت عمه اسيره..

كدرنه ندخلهم لجوه البيت بعد مواجهه عنيفه
بره طلعو النه يتحشدون..

دحكت واحد منهم كاضله جندي عراقي وويضرب بي على راسو بالأخمس انتفض داخلي بغضب واحس شيء كام يفور بعروگي..

عفت عصام وركضت علي من وره ضربتو لحد ما وكع بالكاع حطيت الاسلاح بوجهو ودست على راسو : ابن ال **** امك *** ابوك *** وانتم كلكم ولد زنااا كلك خلك نعل اكطعو واذبو للچلاب يوووول مشعول الصفحه..

من دون تفاهم نيمت طلقه بنص كصتو وودفرتو برجلي كومت الجندي وكتلو اركض للدبابه وولا تنزل صحتك متدهوره..
..
كدرنه ناخذ جزء منهه اسره والباقي ماتت لو اتعوق وبقت جثته تلوذ بالكاع..

نزلنه جوه ووعصام وياي ناوين ندخل للسرداب الي بي الأسره دخلنه جان نشوف بنات بكد شعر راسي..

وواحد داعشي لازملو بنيه ووحاطهه بالكاع ويدچچ بيهه وهي كل نفس ما بيهه وومكطوعه حياتهه..

رأساً زرفت صدرو ووالدم كام يتطافر منو ووكع بالكاع يرافس.

دحكت العصام يدحك على الابنيه ومصدوم وعبالك يريد يوكع ااجيت احاجي بس ركض ووكع على ركبه ولزم البنيه وويصرخ بصوت عالييي.

خلي جفوفه جوه جسدهه الي صاير ميه وصله
ويتعثرر بصرخاته ويضرب على راسوو..

تفاجأت معقوله هي هاي بنت عمو رحت يمو وحاولت ارفعو من الكاع : لك كوم ابني التأخير مو بصالحنه..

: سيدي كتلوهه سيدي ماكدرت انقذهه

ماقتنع مني عفته ورحت للبنات كلت الهن يروحن ووتلكوهن الجنود بره صعددوهن بالسيارات..

وهذا بعدو يبجي وويصرخ وديحك الهه ويحاجي روحو : شلون اشيلهه هسه شلون اخذهه يا جزء المه واخذه وياي..

خليت الرشاشه بچتفي وولزمتو من اكتافو ورفعتو بس هو كل شويه ووشمر نفسو عليهه

يضرب على صدره وعلى راسه وويصرخ بزئيرر عالي بحيث الحيطان تفطرت لصوته..

كوه لزمت نفسي ومابجيت على حالتو
..
طلعنه وهو مصدوم طول الوقت حرف واحد ما انطق الشباب فرحانين ويغنون وريكصون بس من شافو كلهم خملو بقيت استغفر الله على الي هو بي..

البنات راحن بين ادين امينه لبغداد وامنه الهن مكان اكو كم جامع ببغداد فتح بيبانو الهن.. وراح يبقن هناك
..
عفتهم يحتفلون وودخلت لغررفتي ووكفت كبال
المرايه وباوعت النفسي وانه اتذكر كلامي من كلت لو انتصر لو استشهد..

مادري ليش جنت متمني الشهاده وبنفس الوقت اريد ابقى واكف علي حيلي حتى ابث الايجابيه بروح كل مقاتل..

دنكت وجهي وغسلت اكثر من مره ذبيت النطاق وونزعت الرتب والزي العسكري ودخلت سبحت..
وطلعت شغلت التبريد.. ووكعدت على مكتبي.

طبعا مكاني جان هو مكتب هو غرفه اجيت ادز على عصام بس كلت لا خلي اليوم يرتاح اكيد تعبان ومصدوم
..
رجعت راسي للكرسي ووغمضت عيوني بتعب متكسر اتذكرت امي اوو نسيت اخابرهه..

ركضت للبدله العسكريه دورت بالجيوب ووطلعتهه وكفت بمكاني تخصرت وخليت الموبايل على اذني..

اول ما فتحت الجهاز اجن بوجهي ب الألف اتصال وميه رساله بسرعه ردت خطيه ضلت تبجي وتنوح وتكلي ليش هيج من العصر اخابرك وهسه ب ٩ بليل وماترد عليه يول والله اجيت تجلطني
ليش هيج قائد ليش يمه..

: هههههه وداعتج تعبان رجعت سبحت اجيت انام وتذكرتج..

: ها يعني انه اخر اهتمامتك

: لا بس والله عقلي مو براسي

: المهم الف الحمد الله على السلامه وليدي منتظرين رجعتلك سالم

: ان شاء الله بس هالمره اتأخر انه احسبيلي ٢٠ يوم يله انزل

نصدمت ولامتني بقيت احجي وياهم وي تيم لحد ما تعبت ووسديت الخط ورحت نمت
..
ثاني يوم جابولي الريَوك للغرفه وكلت الهم يصيحون عصام.

كاعد على الميز اكل وهو دخل وجهو مكلوب وملامحو مختفيه حتى بعدو ببهذلت البارحه
والصخام والدم كلو بي.

اشرت الو يكعد بس ما قبل اله ضربلي التحيه ووسلم

قائد : عصام استريح

كعد كدامي ادحكلو عيونو تعبانه ومبهذل وعبالك
يريد يبجي كتلو : ماصرت احسن..

بلع ريكه وكال بصوت متضخم : احسن سيدي..

شبكت اصابيعي ووبعدت الصينيه من كدامي
: احجيلي شنو تعنيلك هاي الابنيه انه متأكد تنظر الهه اكثر من كونهه بنت عمك..

تنهد كال
: سيدي انه متندم لان ماتت وهي زعلانه ومقهوره مني..

غضنت حواجبي ووباوعتلو بأستغراب فهم حركتي بسرعه جاوبني : جانت تحبني وانه اصدهه..

احس كلامه لامس روحي ووحرك شيء بداخلي بلعت ريكي جان يكول : انه احبهه بس هي مطلقه وواهلي جانو رافضيين علاقتنه ف هي هواي تعبت ووهي تحاول تثبتلي حبهه ووانه اجذب عليهه واكلهه ماحبج وماريدج ووببالي وحده بس حتى تبتعد..

لان ماجنت اريدهه تتأذه واعرف اهلي كلش زين..

رجعت ضهري للخلف بنفضه سريعه ووهزيت راسي وضليت اهز بي ببطئ ووبالي شرد اجت ببالي حوراء ووتذكرت عنادي وصدي لمشاعري..

كتله اذا تحب تكدر تروح ووانه اسف ازعجتك بس حبيت افضفض وياك شويه

بقيت كاعد بمكاني خليت اديه من ورا على راسي وضليت اهز بالكرسي ووغمضت عيوني
ووانه اتذكرهه وواتذكر تصرفاتهه ووكل صغيره ووجبيره بيهه رمشة عينهه ووالأحرف الي تطلع من بين شفايفهه ووابتسامتهه الي تشوفني ارتفاع وجناتهه.

من دون ما احس حسيت بنفسي اضحك بصوت عالي وابتسم
..
غزلان

دمعت عيوني ووكتله : شنو

خله ايده على خدي ووكلي وهو يباوع بعيوني
: اعشگج واحس عقلي متدوهن بيج غزالتي اموت على ربج.. الخلقج

غوركت عيوني بالزايد ووبقى صدري يصعد ووينزل بلهثه قويه عبالك اريد ابجي جسمي خامل وماكدرت ارفع ولا مجرد طرف بسيط.

اباوعله بعمق ووصافنه بكلامه ووهو مخليني على صدره وويلعب بشعري وويحاجيني..
همست بصوت خافت: برهان..

جاوبني بفعل؟! خله راسي على المخده ووضهري على الدوشك وصار مقابيلي ثواني وماحس غير
شفايفه تحتضن شفايفي بحب واحساسه وفحو لمساته نخر عضامي ووجسدي انتفض بمعركه هادئه سلسله بيني وبينه..

نصقعت من حسيت ب ايده البارده تتحسس بطني ووتسحب حرارتهه..

عبالك عركت بس داخلياً ميلت راسي صفح جانت نيتي التقط انفاسي وواصحى على واقعي الي صدمني..

لزم حنچي وودار ووجهي علي ضل يباوعلي بتفحص وابتسامه على وجهه خلى كف ايده على صدري ووكال : ليش دكات كلبج سريعة؟

بلعت ريكي بهدوء بحيث طلع صوت
: برهان انه!!

قاطعني ووهو يخلي ووجهه على وجهي ووخده ولحيته صارت ملامسه لخدي لا اصلا لازكه بيه
غمضت عيوني من لفحت حراره انفاسه عضمه اذني..

همس عند مسمعي :لچمت گلبي انفاسچ..

(عود انه حالف ما أحب
بس أنتَ أجيت بدربي
لزمة حمامة بچف طفل بالگوه لازم گلبي ♥️)
..

شدني بقوه من خصري الناعم بين چفوف ادي الخشنه وحضني من راسي طفه التلامب المشتغل على الميز صارت الغرفه ضلمه هندس..

ماجنت اشوف منه شيء بس احس بي ووبقربه
ماينسمع غير صوت انفاسنه من بعد مدة طويله فصلتني عن عالمي
:برهان من يمتى؟

:من زمان
: وليش اليوم؟

: لان الوقت چاي ينهش بينه والعمر مابقى بي شيء يستحق نعيشه بجفاء

درت علي ورفعت راسي علي : يعني هسه انت تحبني؟

فتح دكم قميصه البيجي ووذبه فتح الضوء..
ووعيني فورا اجت على كتفه نصقعت كهرباء سرت بجسمي من شفته واشم اسمي على چتفه
بس بخط كلش صغير ووحرف متشابك بالثاني..

دنيت نفسي علي اكثر ووقلصت عيوني علمود اباوع للأسم كد ما حجمه صغير ومبين جديد

تذكرت من كتله اراهنك راح يجي يوم تحبني
بي واقل شيء ممكن تسوي الي توشم اسمي حتى
تتذكرني بكل وقت..

: هاي شوكت

  : اليوم

خليت ايدي على صدره وبعدت نفسي عنه شويه
: برهان جاي تخوفني انت البارحه ماجنت هيج رومانسي وياي شغيررك؟

: التغيررر صار من كدرت اتغلب على برهان

غضنت حواجبي :يعني شنو تقصد؟ چا انت منو

: انه برهان

غمضت عيوني بملل جان يسحبني علي بقوه
: نخله السماوه عوفينه من هالحجي هسه اكو اتفاقيات اهم لازم تنعقد وحالاً

غضنت حواجبي : ها

رفع راسه ليفوك ووضحك بصوت عالي والاول مره اشوفه يضحك وياي بهيج طريقه غالباً بس وي اخوانه..

شكد حلو وهو يضحك!

تقربلي بهدوء وانه بعدني تحت تأثير الصدمه بس كدر يطلعني عن صفنتي بتصرفات اول مره اكتشفهه عند برهان
..
الساعه ب ٥ الفجر همست اله من جوه البطانيه
: تحبني؟!

خله اصبعه الابهام على شفايفي السفليه ومسح
عليهه بهدوء : ليش ما اتصدكين؟

ضحكت بخفوت : لان اجيتني مثل الروچه مانطيت حتى مقدمات..

: اي انه ما اشتغل لا مقدمات ولا مقبلات كله اكلات دسمه

: ههههه

:ما سمعتهه منج

: انه كايلتهه الك قبل قرن ههه وهنتني هواي بسببهه

: ماعاش اليهينج وانت حرمه برهان

توني جاي انام جام اسمع صرخه قويه نهضت بفزع هذا صوت حوراء يمة عزه لبست دشداشتي ووحتى شالي ماالحكت احطه على راسي برهان لحكني وهو يدكم بقميصه..

نزلت اركض على الدرج اسرع من الطياره دخلت الغرفتهه وجان اشوف امي تخنك بيهه بالمخده وهي ترافس ووتصيح ووتضرب بأمي.

لطمت على خدي بفزع وركضت  ووحوطت امي من اچتافهه ودفعتهه راحت ليغاد.

اباوع لحوراء مختنكه وجهه ازرك مكلوووب نيل
ووتكح مشحوطه فركت صدرهه وابجي وارجف
: حوريه حبي حوريه اتنفسي بعد اختج لا تخوفيني.

اجه برهان وكف خلفي وووحاول يخليهه تتنفس طبيعي بس خارت بين ادينه واغمى عليهه ووكعت بين ادينه
..
تخبلت عبالي ماتت ضليت اشيا روحيو واركعهه بالكاع ووصوت صريخي وصل لسابع جار..

برهان : على كيفج غزلان وووخري عنهه وخري.

ابتعدت كم خطوه ليوره ولزكت روحي بالحايط
ووابجي بشهكه ياربي فدوه انصفهه هاي البنيه نشل حالهه بعدهه صغيره وشافت كل هل خ

كال امشي جيبي كلونيا من التفتت صارت امي  بوجهي نظرتهه عجيبه خوف ندم؟! خنزرت بوجهي وومسحت دمعتي ووطلعت اتعثر بمشيتي حرت وين اروح حتى طريقي ضيعته صعدت الدرج واسحل بروحي سحل احس راح اوكع يم طولي كل بالي يم حوراء ليش ماجاي تتنفسس ماتت مو ماتت..

وصلت للصاله الي بيهه الغرف طلعت بوجهي قوت تلبس بشالهه ووخايفهه : شبيج غزلان شنو هذا الصريخ..

ركضت ليمهه لزمت بأديهه ووسندت نفسي عليهه : قوت حوراء اختي اختنكت راح تموت

: ياا شنو..

قاطعهه صوت برهان وهو يصيح : غززززلان وين صرتي.

عفتهه وركضت لغرفتي جبته ونزلت اركض وقوت وياي انطيتهه البرهان ووهو شممهه وكلي تعاي هفي الهه ووصدك رحت لزمت الشال وهفيت الهه..

شويه ووشفناها ترمش بعيونهه وتحاول تفتحهن
شلون الطفل الي توه طالع للدنيا ويصارع حتى يفتح عيونه بوجه النور الاول مره..

زفرت نفس براحه ووكعدت كدامهه على الجربايه ووجريتهه من ايدهه وحضنتهه عصرتهه حيل بحضني وووهي مابجت ولا حجت ولا كلمه مصدومه ماعرف خجلانه.

سمعت برهان كال الهه الحمدلله على السلامه
وقوت هم سحبت روحهه من حضني وهزت الهم راسهه وودارت وجهه نامت..

جنت ناويه اروح اطلع غضبي بأمي وافهم ليش هيج جاي تعامل حوراء ليش تريد تكتلهه...
وهي اجت من بعد غياب بقانه كاعدين على جمر

كل ضنهه حوراء لطخت شرفهه وما نخطفت لا
هي راحت وي واحد تصول وتجول وهسه رجعت الهه من سمعت اهلهه ميتين انه مره سمعتهه هيج  تحاجي رواء وتكلهه استحي حتى اطلع وجهي بالشارع وين ما اروح هاي ام الشردت ها ام
الس*حوراء

جان يلزمني برهان من ايدي وكال بصوت هامس
: ابقي يمهه..

ماجاوبته وهو طلع وقوت لحكتهه رحت اسد الباب لمحته وواكف يحاجبي امي بعصبيه وعاكد حواجبه عبالك يريد ياكلهه..

برهان : انت مو ام اسمحيلي اكلج انت شيطان ماينزل غير اللعنه على روس بناتج عيب عليج استحي شيبج تارس راسج وتمشين برأيي ذييجج الحيه عبالج ماعرف لو ما اسمعهه تحشي براسج؟
بس انه ساكت الهه بمزاجي ووراح اسحلهه بالوقت المناسب ان شاء الله بس لذاك الوقت ابقى حبابه انت وياها ووبطلي هالحركات هاي حتى ما اضطر
ااطردهه منا طرده الجلاب..

وكفيلج الله انت لو مو ام غزلان ماجان شفتيني
حاجيتج بهالاحترمات الزايده هاي..

تره هواي سكتت الجن ووطاقتي نفذت بعد..تره انه ادري بعملتهه الماصخه وراح احاسبهه عليهه بأقرب وقت عبالج اخليهه تمر مثل العابر سبيل

هي استغربت وكالت شكو شتقصد..

ضحك بسخريه : بعدين تعرفين شأقصد
..
وما انتظر امي تجاوبه خله وراح صعد الدرج وواسمعه دخل لغرفتنه مافهمت شنو قصده من هالكلام شمسويه هاي رواء الحقيره؟
..
رحت على الجربايه ووتمددت بصف حوراء وحضنتهه من ورا اسمعهه تشهك بالبجي ووتناشغ
حاولت وياها علمود تندار عليه وتحاجيني بس ماقبلت عفتهه براحتهه.

بقيت نايمه يمهه وحاضنتهه
..
كعدت الصبح شفتهه صافنه بالسكف واديهه تعصر بيهن رفعت نفسي عليهه وكالت
: حوراء صباح الخير

نزلت عينهه عليه : صباح النور

: بعدج تعبانه

: غزلان انه يمتى ارتاحيت!

: لا تحجين هيج حبي امي ماعرف شبيهه متخبله علينه حتى انه تحاجيني بنتر وو....

قاطعتني : بس مو تموتج؟ غزلان كمت اشك هاي أمنه..

غزلان : انت ليش تستغربين كلنه نعرف هنا الي مثل حالتج يكتلونهه؟! واهلهه همم الي طالعه من بين ضلوعهم وامي ماتفرق عنهم بشيء...

برطمت : اذا هيج تعتبروني عار انه ماريد اعيش حتى الشيخ يباوعلي بأستحقار تعبت...
لزمت ووجهه بين اديه
: اشش انت لا تهتمين

عفتهه وكمت غسلت وجهي وهي هم ماقبلت تطلع كالت ماريد يمكن تستحي من برهان لان شافهه البارحه بذيج الحاله..

سمعت صوت صياح وهلاهل وكولات نفزعت عفت حوراء واكفه على ميز المرايه تضفر بشعرهه.
وانه طلعت وكفت بباب الغرفه..

شفت مروان دخل من باب المطبخ للهول لازم البيريه بأيده ويهوس ويحير شيكول..

باسل نزل من فوك ايده بجيوبه ومقلص عيونه على مروان : شكو لك خبصتنه صدك جذب نايم وعبالي شو شكو خليتني اكوم مثل المتكهرب ..

مروان : لك تعاي اركص هوس وياي غير ترقيت من رتبه خامسه الى رابعه..

باسل : عاع هاي صارلك شكد بالجيش هسه يله ترقيت..

: كش عاع شني كتلك هوس لو طير طيور..

ضحكت انه ووكتله
: ههههههه مبروك

باسل : مابيك حظ راح تطلع تقاعد وانت هسه يله ترقيت مرتبه..

مروان : لا تقيسني على روحك يمعود..

عفتهم ورحت للمطبخ شفت ام احمد تسوي بالريوك وقوت تساعدهه : صباح الخير

لتفتت عليه ام احمد : هلا بنيتي هلا صباح النور

ابتسمت وكلت الهه : ام احمد ولو اكلفج بس سوي بيض ووطماطه حوراء تحبهه.

: اي تدللين

قوت عافت الي بأيدهه واجت يمي سحبتني من ايدي واخذتني لبره للصاله كعدنه على القنفه
: غزلان امج البارحه شبيهه وحوراء شلون صارت؟

: قوت امي ماعرف شبيهه تغيرت حيل او جوز ضهرت وجهه الحقيقي (تنهد وكملت) انه ما راح اسكت اذا ما افهم شنو الفيلم وليش هيج جاي تسوي وحوراء عمت عيني عليهه تبهذلت هسه حتى ما تقبل تطلع اكلهه تعاي تريكي تكلي ماريد..

وكفت على حيلهه : انه كايمه احاجيهه

هزيت راسي بماشي هي راحت ووانه بوجهي رحت الامي اليوم ما اهدهه اذا ما افهم شكوو..

دفرت الباب ودخلت شفتهه نايمه هي ورواء..
صحت بصوت عالي وودغيتهه برجلهه
: يمة يمة اكعددددي

نفزعت ونهضت عليه مرعوبه اله رواء بقت نايمه رغم صياحي..

صحت بصوت عالي : انت ليون تردين توصلين ووشتردين بالضبط من خنكتي بنتج بنص الليل هذا عمل وحده صاحيه؟

صفنت بوجهي؟ : عيب عليج رواء تحشي براسج وانت تمششين وراهه احنه بناااااتج بناااااتج يمه

: نجبي لج انتن مو بناتي لا اعرفجن ولا تعرفني وحده حقيره والثانيه س*** انه ما اتشرف بهيج بنات نكسات امشيييي اطلعيي بره يله..

برطمت بقهر وردت ابجي باوعت الهه بعتب..
عرفت تلعبهه صح رواء وشوف شكلت الامي وخلتهه هيج تسوي..

ماعرف بشنو قنعتهه؟
...
خليت وطلعت جانو ملتمين على السفره وبرهان هم كاعد والولد ووقوت وحوراء ابتسمت من شفتهه وهي هم ابتسمت..

مي بارد ونزل على كلبي نسيت كلشي حتى انتفحت شهيتي للأكل اي والله من اشوفهه فرحانه انه افرح..

درت عيني صفح وباوعت البرهان كاعد  رافع دشداشته ومدنك ياكل ابتسمت لا ارادياً وكادت ابتسامتي ان تكون ضحكه.

رائساً رفع راسه ووباوعلي خجلت نزلت راسي..
ندار للشيخ وكله
: شيخ احنه راح نطلع..

عقد حواجبه : شنوو؟

برهان : انه وومروان وباسل

باسل : شو تحجي بالجمع انه شوكت كتلك اجي اريد اروح لبغداد عندي شغل.

مروان : ليش هيج يابرهان ليش تعطل الولد عن شغله وهو لازم يروح البغداد يطمن على الانواء الجويه..

برهان : انجب انت مثل ما كتلك يابه راح نروح للبيت الي بالبستان ذاك وونبقى هناك اسبوع لان مروان عنده اجازه اترقه

الشيخ : اي روحو

ومخنزر وماعاجبه الوضع

برهان : حضروا نفسكم العصر نطلع..

غزلان : احنه هم؟

هز راسه فرحت بلكي حوراء تغير جو شويه
حاجيلي عن هذا البيت يكولون يخبل بنص البستان ووالبستان كله خضاررر ونخل تمر ووتحيط بي اشجار فواكهه َ.

بس بمنطقه بعيده شويه ولا يمنى جوارين ولا ابد عبالك صحراء لازم تعبر شارع يله تشوف بيوت..

كملنه ريوك ورواء ماراح تروح ويانه لا عندهه امتحان حمدت الله الف مره ووشكرته وامي هم متروح ووعفت مهمه اقناع حوراء على قوت وما قصرت..

صعدت الغرفتي شفت برهان يلف باليشماغ على راسه جان ناوي يروح هو وباسل يتسوكون لان هناك البيت كلشي مابي مواد غذائيه..

استحيت احاجي انه من البارحه كايمه حيل اخجل منه باوعلي بالمرايه بنظره سلبت روحي..

كمل ولتفت عليه اشرلي بعيونه بمعنى تعالي
رحت تقربت علي جر الشال ذبه من راسي..
ووضل يمسح على راسي..

بلعت ريكي وكتله : اا برهان شكد نضل ؟

: اسبوع

: صدك!

: قابل اتشاقى وياج

حاولت بكل الطرق اطلع موضوع احاجي بي بس حتى اشتت انتباهه بس فشلت وبجداره لزم
شعري بچف ايده ووقربه من انفه وويشتم بعطري..

غمضت عيوني بهدوء نزل انفه على ركبتي ووجان يرسم مسارات وخطوط على جلدي..
خلتني اكزبر..
..
قوت

ترقه مروان ووقررت اسوي اله حفله بسيطه قبل لا نروح للبستان ف من راح يعبي بانزين السيارته
استغليت الوضع..

رغم هو جان يريد الحارس يروح يخلي الهه بس انه كتله : لا لا روح انت شنو ماعندك رجلين اطلع شويه شوف الناس راح تكضي الاجازه بالبيت شنو..

: ااا هيج تكولين

هزيت راسي : اي طبعاً هيج اكول

البانزين خانه جانت بعيده علينه تقريبا ربع ساعه يله يوصل..

اكو محل اعرفه بالسوك الي قريب علينه يبيع شغلات مال كيك هي بنيه ووعندهه توصيل هم..

راسلتهه كلت الهه اريد جنود ينوكلون واريد استاند مال كيك  وورقم اربعه بس كون ماتطولين يعني حسبه عشر دقايق..

هههههه ماشي هسه راح ادزهم بيد الولد الي يوصل..

تمام شكراً حبي

وغلقت الخط وونزلت اركض للمطبخ فارغ ام احمد جاي تحجي وي الفلاح..

طلعت مواد الكيكه وبديت اخبط بيهه ثواني ووكملتهه صبيتهه بالقالب وودخلتهه الفرن..
جان حامي لان مشغلته..

خليته ووكفت انتجيت على الكاونتر ووانتظرهه تكمل.. رن موبايلي بمكالمه جاوبت طلع الولد يكول وصلت..

طلعت كللت للحارس ووخليته بأيده الافلوس جابهن الي دخلت للمطبخ ووطلعت الكيكه.

غلفتهه بكريم اخضر فاتح ووزعت الجنود عليهن جانن من ككو ومصبوغ اخضر طوخ.

والرقم اربعه بالنص سمعت صوت سيارته اخذتهه وطرت للغرفه بسرعه سحلت الطاوله
للنص ووخليت عليهه الكيكه ووعبدالله جان
نايم تأكدت انو ماراح يكعد وكفت اشغل الشمعه.

جان يفتح الباب وويدخل انصدم من شافني وبقى واكف بمكانه ووتطلع منه احرف ممبعثره..

ابتسمت وذبيت الجداحه بهدوء
: احم شنو رأييك

رفع طرف حاجبه
: اليوم مو عيد ميلادي تردين تسويني  شايب وتكبريني  بالكوه..

: اكلتني وشربتني شبيك اعرف مو عيد ميلادك..

وتقربت علي خليت اديه على اچتافه وامسح عليهن: بس ردت احتفل بيك وبترقيتك..

ضحك بصوت عالي وكال
: هنا الحجي الوتيه طردتني من البيت علمود راس الخس هاي..

عقدت حواجبي :شنو راس خس

: اي والله موكيكه هاي راس خس  صابغتهه اخضر فاتح ماكو غير لون..

: اهووو لا تعيب تعال طفي الشمعه وضوكهه.

جرني بقوه من خصري وكال
: ليش ماتخلينه نطفي الضوه ونضوك غير شيء وانه الاحتفل بيج ..

باوعتله بملل : يعني تعبت هالتعب كله علمود تحجي هيج؟

ضحك بملل وجرني من ايدي ووكف كبال الكيكه وكال غنيلي سنه حلوه ياكميل او لا تذكرت مو عيد ميلادي هذا..

طفه الشمعه بأصبعه كتله : عود ليش هيج سويت؟

مروان : جاي احتفل بالرتبه وادنك على الشمعه اهفي عليهه صدك تحجين لا هاي مال الاصابع هيبه اكثر..

هههه دكصهه جنت جايبه سجينه طويله جان يكول : لج شنو هاي تردين تطبريني بيهه وره ما اكصَ الكيكه..

: هههه اهو شكد صنفت دفضهه عاد...

باوعلي بنص عيني : شبيج لج.

رفعته حواجبي الاثنين وباوعت اله بهيام
: احبك.

كص الكيكه ووعاف القطعه وركض على الجنود ياكل بيهم وويكول اتخيله الضابط ابو صلعه الشاد وياي..

ورجع اكل الثاني وكال هذا فارس الحقنه.. اذا ما اطحنه بين سنوني..

ضحكت تذكرت فارس الي مره رحت للمركز من ضربت جواد وتحارش بيه..

من كمل اجه عليه حضني وهمس
: بس والله عاشت ايدج تخبل وانه لحد هسه مصدوم مادري شلون كيكه تسوي كيكه توقعت كلشي اشوف بهل زمن  بس مال توصل لهل حد لا ابد ما تصورت..

ابتسمت بهدوء طبع بوسه خلف اذني وكال
: احبج

بلعت ريكي بخجل
..
ما اكل هواي مروان مادري جانت موطيبه ويجاملني لو هو ميحب الحلا ف نزلت وزعتهه جوه انطيت الغزلان والحوراء ورواء وام احمد وبرهان وباسل..سويتهه جبيره
..
للعصر دخلت سبحت ووبدلت فستان طويل مشمي وعلي حزام رفيع اسود من جوه كلوش..
وجبرت مروان يلبس نفس لبسي...

قميص مشمشي طوخ اطوخ من مالتي ووستره سوده يعيب على لبسه وماقابل يكول جني مشمشه خايسه حشى نعمه الله..

طلعنه انه كعدت بالصدر وخليت عبدالله ليوره بكرسي وومروان شدله حزام الامان. وتطمنت علي.

باسل بسيارته كاله برهان روح ووي مروان عليمن طالعين تلث سيارات حتى العالم من تشوفنه يكولون ذوله رايحين يزفونمن..

بس كال لا انه اريد اروح البغداد مارجع وياكم..
ووطلعنه كلنه مروان الخبل كلبنه كلب بالسياره
بحيث معدتي كلبت بكل فرع لازم يعاكس باسل..

وومن يوصل يمه يفتح الجامه ويجر كلنس يشمر علي بحيث كلنسه طارت لزكت بخشم باسل..

خابره برهان كله نجب وسوق عدل لا نوب تبلونه بحادث زعاطيط اضل اعلم بيكم...
..
تقريبا ساعه ساعه ونص وصلنه لان المنطقه شويه بعيده اول ماطبكت السياره تفاجأت بالمنظر الشفته
..
سما

واكفه اروح واجي بمكاني ووموبايلي  اضرب بي على چف ايدي البارحه ماداومت ومنتظره..
صديقتي تدزلي ملخص المحاضرات.

دزته وكعدت اكتب واقره من الخمسه للعشره بليل طلعت اكلت الي لكمه وودخلت نمت.

قفلت موبايلي لان متعوده باسل هيج وقت لازم يدز رساله وانه اشوف ومارد تقريبا ب ال  ٢٠ رساله.

ومارد علي صديقتي تشوفه وتكول مقهوره علي هل رجال سحلتي سحل نوب هو اليشوفه من يجي للكليه ووكشخته ومشيته ووخشمه الرافعه يكول هاي هي تركض ورا..

جاوبتهه ب انفه : اوي اركض ورا على شنو اصلا انه طلبت الطلاق وماردت اكمل باقي حياتي ويا

: اي حبي هو ينطي جوز للماعنده سنون..

: شنو قصدج؟

: سلامتج حبي..

وخلت وراحت نصدمت هاي شبهه وثاني يوم
جان باسل هم جاي على اساس صديقه دكتور هنا وجاي يشوفه ولكيتهه واكفه ويا وتحجي..

ماعرتلهم اي اهميه بالعكس ولا جني شايفه..
وووانه من هو موجود كمت اختل بنفسي حتى ميشوفني بس لكفني ووسلم وراح..

من دخلت للمحاضره اسمعهه تحاجي صديقتهه
تكلهه هو سألني وين سما..

وانه بقيت احجي ويا بحجه السياره وواكله عاجبتني سيارتك شيروكي بشكد ممكن اخذ مثلهه هههههه وضل يكلي اخذيهه تجنن وانطاني مواصفات

ههههه عباله راح اكدر اشتريهه ميدري كل ضني
اخذ رقمه وانه فعلا كدرت اخذه..

شعوطت هاي شبيه الملكوفه وهذا جاي للكليه احلف علي بس حتى يستعرض كدام البنات..

ردت احاجي بس بطلت كلت شعليه بي مو جديده علي هو يصاحب عشره بساعه وحده
..
كعدت الصبح بدلت بينصل ماروني ووبي ياخه وعلى الياخه حبل مال كريستال ضعيف ووردان طويله لحد معصم الايد..

ولبست ويا حذاء رياضي شويه عاليه بيضه ووبيهه جلد اسود يعني على القياطين وومن كدام شويه..

وولفيت شالي بطريقه حلوه ووطلعت بوجهي للقاعه كعدت على الاستول وارتب بملازمي.
محاضرتنه الساعه ب ٨ تبدي وهسه سبعه ونص..

دخلت هاي نفسهه الابنيه اسمهه بنين باوعتلي
ببستامه واجت بتجاهي قبل لتكعد يمي كمت على حيلي ووطلعت لبره.. هي تفاجأت
..
ضليت اتمشى بالحديقه واراجع شفت دكتور فاضل ابتسمت صارت قريب علي
: صباح الخير

ابتسمت : صباح الخير دكتور

: خير ان شاء الله سما خو مابيج شيء

غضنت حواجبي بأستغراب
: كلشي تمام لحمد لله مابيه شيء

: والله قلقت عليه لان البارحه غايبه

: ههه لا بس صار عندي ظرف وتمرضت ومكدرت اجي

: اها زين سويتي لعد اهم شيء صحتج

ابتسمت وكتله : من رخصتك دكتور

طع ايده من جيبه وكال : دقيقه سما

: تفضل

ضل صافن وعبالك حاير شلون يطلع الكلمه
اخر شيء كال ورا تنهيده : اذا اطلبج توافقين... يتبع
...

من كد ما مندمجه بالقصه صحت الاختي غزلان
😂😂

هذا طويل واعتبروا تعويض عن الايام الفاتت.. َ

شلون تشوفون الاحداث؟

اموت على هذا الغلاف شكرا نزوك😍😍

🖤🖤🖤🖤🖤
ايزابيل