« បងប្រុសកើតអីហ្នឹង? » Donghae សួរទាំងឆ្ងល់ដែលនៅសុខៗ Tae ក៏ធ្លាក់ទូរស័ព្ទពីដៃបែបនេះ ។
« គ្មានស្អីទេ Donghae កុំនិយាយច្រើនពេកអង្គុយឲ្យស្រួលទៅ » រាងតូចប្រាប់ប្អូនហើយក៏រើសទូរស័ព្ទ មកចុចវិញ នៅខាងក្រៅដូចគ្មានរឿងអីតែខាងក្នុងវិញកំពុងក្ដៅឆេវ មួរម៉ៅយ៉ាងខ្លាំងធ្វើឲ្យមាត់គេប្រែទៅជាស្រួច ថ្ពាល់ទាំងគូឡើងស៊ីជម្ពូ មិនដឹងទេឬថា មានអ្នកខ្លះកំពុងតែបើកឡានតែបែរជាលួចញញឹមពេញចិត្ត មើលក៏ដឹងថា Tae កំពុងតែប្រចណ្ឌគេ ច្បាស់ណាស់ធ្វើជាខ្លួនឯងខ្លាំងទៅកើត ។
< ង៉ឺត!! >
« Donghae ទៅថ្នាក់មុនទៅ ពូមានរឿងចង់ និយាយជាមួយ Tae សិន » Jungkook និយាយឡើងពេលចតឡានក្នុងសាលារួចរាល់ ឯរាងតូចលឺ ហើយក៏មើលមុខគេភ្លឹះតែក៏ងាកចេញវិញ មិនចង់ឃើញមុខមនុស្សសាវ៉ា ដំបូងញ៉ែគេសុខៗសោះ
បែរជាទៅមានសង្សារបាត់ គួរឲ្យស្អប់!
« បាទអ៊ីចឹងខ្ញុំទៅហើយ » អាល្អិត Donghae ចុះពីឡានមុនស្រាប់តែភ្លាមៗ Tae ចង់ចុះពីឡានដែរតែ ចៃដន្យត្រូវ Jungkook Lock សោរជាប់មិនអនុញ្ញាតឲ្យគេចុះឡើយ ។
« លោកគ្រូបើកសោរ ខ្ញុំចង់ចុះ!! » រាងតូចរញ៊ាំរញ៉ូវដាក់នាយ Jungkook បែរជាញញឹមឌឺបកវិញ ។
« មិនឲ្យចុះទេ ពួកយើងត្រូវនិយាយគ្នាឲ្យច្បាស់សិន » Jungkook
« តែខ្ញុំគ្មានទេ ម្សិលមិញនេះក៏ដូចជាឃ្លាគ្នារួចហើយដែរ លោកគ្រូឈប់រញ៉េរញ៉ៃជាមួយខ្ញុំទៀតទៅ » Tae ប្រកែកតែមិនទាន់បានអីផងក៏ត្រូវរាងក្រាស
ត្រសុលខ្លួនមកកៀករហូតខ្នងតូចប៉ះនឹងកញ្ចក់ឡាន ដៃរាងក្រាសក៏លើកដាក់នៅចន្លោះក្បាលរបស់ Tae ធ្វើឲ្យរាងល្អិតស្រាប់តែមុខឡើងក្រហមព្រោះកែវ ភ្នែកដែល Jungkook មើលមកគេពេលនេះអាច ប្រាប់បានថាគួរឲ្យយល់ចិត្តខ្លាំងណាស់ ។
« Tae ស្អប់ខ្ញុំណាស់មែនទេ? » Jungkook បន្ទន់សម្លេងសួរត្រង់ៗធ្វើឲ្យរាងតូចប្រិចត្របកភ្នែកស្អាត ញាប់ឆ្មេរ ។
« ម៉េច...ម៉េចក៏សួរបែបនេះ? » Tae
« ឆ្លើយមក Tae ស្អប់ខ្ញុំ មិនពេញចិត្តខ្ញុំត្រង់ណា? » Jungkook
« មិនដឹងទេ » រាងល្អិតបែរមុខចេញតែក៏ត្រូវរាងក្រាសលើកដៃទាញចង្ការគេឲ្យងាកមកវិញ ។
« Tae ចាំស្ដាប់ឲ្យច្បាស់ណា៎ ពីថ្ងៃនេះទៅខ្ញុំនឹងតាមញ៉ែ Tae រហូតមិនថា Tae គិតអីក៏ដោយក៏ខ្ញុំនៅតែតាមញ៉ែរហូតទាល់តែពួកយើងចូលរោងការជាមួយគ្នាបានសម្រេច » Jungkook
« ស្រម៉ៃពេកទេដឹងលោក...? » មិនឲ្យប្រកែក ទាន់ នាយកម្លោះក៏អោនដាក់បបូរមាត់និងច្រមុះស្រួចលើថ្ពាល់ប៉ោងរបស់ Tae ស្រង់ក្លិនក្រអូបប្រហើរខណៈពេលដែលម្ចាស់ថ្ពាល់គាំងវាចារនិយាយមិន ចេញតែក៏គួរឲ្យចម្លែកដែរណា៎ គេបែរជាស្ងៀមសំកុកឲ្យ Jungkook ថើបតាមចិត្តរហូតទាល់តែ នាយដកមាត់ចេញដោយខ្លួនឯង ។
« ឃ្យូតណាស់ » មនុស្សឆ្លៀតឱកាស!! ថើបគេ ហើយនៅឆ្លៀតច្បិចថ្ពាល់គេលេងសរសើរថាឃ្យូត ទៀត Tae កាលបើបែបនេះក៏ភ្ញាក់ខ្លួនស្រវ៉េស្រវ៉ាទាញកាតាបទូរស័ព្ទពេញហ្នឹង នឹកខ្មាសគេមិនស្ទើរទេដែលបដិសេធហើយក៏សំងំឲ្យគេលូកលាន់ថ្នាក់ នេះ ។
« បើកសោរលោកគ្រូ!!! » រាងតូចបើកទ្វារតែបើក មិនចេញបែរជាស្រែកសម្លុតពេបមាត់ដូចក្មេងទើប Jungkook ខ្ចិលធ្វើបាបចុច Unlock សោរឲ្យទើប Tae ប្រញាប់បើកហើយដើរយ៉ាងលឿនទៅថ្នាក់ ខ្មាសគេក៏ខ្មាស អៀនក៏មិនស្ទើរដែរទុកឲ្យរាងក្រាសអង្គុយអស់សំណើចរូបរាងគេម្នាក់ឯង ហេតុអីពេលបាននៅក្បែរក្មេងនេះម្ដងណា៎ក៏មានតែក្ដីសុខមានតែ ស្នាមញញឹមបែបនេះទាំងដែលមិនធ្លាប់រំពឹងទុកសោះព្រោះដំបូងឡើយមិនត្រូវគ្នាដូចឆ្កែឆ្មារតែមើលពេល នេះចុះបានទាំងអោបបានទាំងថើប ហីយ៉ា!! សុភមង្គលពេញបឹបតែម្ដង ។
« នែ៎ ពួកឯងឃើញដូចយើងដែរទេ? » ខណៈពេលនេះក៏មានក្រុមរបស់ Karen ដែលបានឃើញរឿង ទាំងអស់តាំងតែពី Jungkook ថើប Tae ម្ល៉េះ ។
« ឃើញ!! ឃើញពេញភ្នែកទៀតផង យើងឆ្ងល់យូរ ហើយថាហេតុអីបានជាលោកគ្រូកាន់ជើងវានោះខ្លាំងម្ល៉េះ តាមពិតយកខ្លួនទៅប្ដូរចឹងសោះ » មិត្តភក្តិនាងម្នាក់អោបដៃនិយាយឡើងបែបពេបជ្រាយដល់ Tae ។
« ឯងថា...បើពួកយើងយករឿងនេះទៅបកអាក្រាត យ៉ាងម៉េចដែរ? » Karen ញាក់ចិញ្ចើមសួរហាក់ដូចជារកឃើញល្បិចសងសឹក Tae ។
« ច្បាស់ជាមានរឿងល្អមើលមិនខានទេ » ពួកនាង និយាយហើយនាំគ្នាសើចគឹល មិនយូរទេនឹងធ្វើឲ្យ Tae អាម៉ាសមុខហើយរៀននៅសាលានេះលែងបានជាមិនខាន ។
_ ដល់ម៉ោងចូលរៀន Jungkook បង្រៀនសិស្សតាមធម្មតាតែគេយកចិត្តទុកដាក់នឹងរាងតូចជាពិសេស តាមក្រវ៉ែលគេរហូតនៅឆ្លៀតប៉ះដៃ Tae ទៀតផងធ្វើឲ្យក្រុម Karen តាមសម្លឹងឥតឈប់ ។
< គ្រឺង!!! > ដល់ម៉ោងចេញលេង សិស្សៗនាំគ្នាចេញទៅញ៊ាំអីអស់នៅសល់តែ Jimin និង Tae អង្គុយក្នុងថ្នាក់ពីរនាក់ ។
« នែ៎យើងទៅបន្ទប់ទឹកសិន ផ្ញើរកាតាបផងណា៎ » Jimin
« អឺៗទៅៗ ប្រយ័ត្នលេចដាក់ខោ » Tae ទទួលទាំងភ្នែកផ្ដោតលើទូរស័ព្ទទើប Jimin ចេញទៅ Jungkook ក៏ដើរមកពីណាមិនដឹងដោយមាន ភេសជ្ជៈនៅជាប់ដៃទៀតផង ។
« ណេះ ញ៊ាំទៅ » Tae សម្លឹងមើលរបស់ដែលរាងក្រាសហុចឲ្យ ជាស្ត្រប៊េរីក្រឡុកជាមួយទឹកដោះគោ ហើយមានគ្រីមពីលើអីបែបនោះ ជារបស់ដែលគេ ចូលចិត្តញ៊ាំតែមានមនុស្សប៉ុន្មាននាក់ប៉ុណ្ណោះដែលដឹង រួចចុះ Jungkook ទៅដឹងមកពីណា?
« ឲ្យធ្វើអី? » រាងតូចសួរទាំងមិនយល់ទើបរាងក្រាសទាញកៅអីមួយមកអង្គុយក្បែរ Tae ។
« ប្រាប់ហើយថាតាមញ៉ែ ហើយបែបនេះគេហៅថា យកចិត្តនោះអី? ឆាប់ញ៊ាំទៅតែរលាយអស់លែងឆ្ងាញ់ហើយ » ដោយទ្រាំមិនបាន រាងតូចក៏ទទួលមកផឹកភ្លាម របស់សំណព្វចិត្តផងរំលងមិនបានទេ ។
« សឺត...ក្រអូបណាស់ » Jungkook លោរមកថើបថ្ពាល់ដែលប៉ោងដោយសារការបឺតទឹកស្ត្រប៊េរី មួយនោះទាំងក្នាញ់អើយសែនក្នាញ់ធ្វើឲ្យ Tae ជ្រួញច្រមុះដាក់គេ គួរឲ្យមួរម៉ៅមែន!! ក្រែងថាគ្រាន់តែតាមញ៉ែនោះអីចាំបាច់អីថើបដែរ? ចង់បន្លំគេច្បាស់ណាស់ ។
To be continued.....💕🍰