< ងុឺត!! > រថយន្តទំនើបបើកមកឈប់នៅចំពោះ មុខសាលាមុននឹងរាងតូចនាំប្អូនប្រុសចុះមកដោយមិនភ្លេចលាលោកប៉ាជាទីស្រឡាញ់ដែរ ។
« ខំរៀនណា៎កូន » Mr Kim
« Bye Bye ប៉ា » ទាំងពីរនាក់ស្ញេញដាក់រួចឡានលោកម្ចាស់បរចេញទៅទើប Tae និង Donghae នាំគ្នាចូលទៅក្នុងសាលា ដើរមិនបានប៉ុន្មានជំហានផង Jungkook ដែលទើបតែចតឡានឃើញ Tae ក៏រហ័សប្រញាប់មករកគេភ្លាម ។
« អរុណសួស្ដីក្មេងៗ » នាយញញឹមសួស្ដីតែរាងតូច បែរជាធ្វើមុខស្ងួតដាក់គេតាមទម្លាប់ ។
« អរុណសួស្ដីពូJung!! » Donghae
« បាទ ថ្ងៃនេះបណ្ដើរគ្នាចូលសាលាផងន៎? មានអី ពិសេសដែរឬអត់នៀក? » Jungkook
« Donghae ទៅថ្នាក់ចុះ ចាំចេញពីរៀនចាំជួបគ្នា » Tae ងាកមកនិយាយជាមួយប្អូន បើឲ្យនិយាយជាមួយរាងក្រាសយូរខ្លាចតែខូចតាមនោះទេ ប្អូនគេ កំពុងតែល្អផង ។
« បាទអ៊ីចឹងខ្ញុំទៅថ្នាក់ហើយបងប្រុស ពូJung!! ខ្ញុំទៅសិនហើយ » Donghae អោនខ្នងលារួចដើរ ចេញទៅឯរាងតូចក៏ប្រុងនឹងដើរទៅថ្នាក់ដែរតែ Jungkook ស្ទុះមកឈរពាំងផ្លូវទៅវិញ ។
« ប្រញាប់ទៅណា? នៅមិនទាន់បាននិយាយគ្នាទេ » Jungkook
« ខ្ញុំដូចជាគ្មានអីត្រូវនិយាយជាមួយលោកគ្រូទេ » Tae
« ប៉ុន្តែខ្ញុំមាន » Jungkook និយាយដោយចង់ឃាត់ រាងល្អិតដែលគិតតែពីចង់គេចមុខគេរហូតទាំងដែល ម្សិលមិញនេះទើបតែថើបគ្នាហើយនៅនិយាយទូរស័ព្ទជាមួយគេទៀត ប៉ុន្តែនៅខាងក្រៅវិញ Tae ធ្វើដូចជាគ្មានអារម្មណ៍អ្វីមកលើគេសោះ ពេលខ្លះគេតឹងទ្រូងនឹងរឿងមួយនេះណាស់សឹងតែប្រេះទ្រូងទៅហើយ ការដែលស្រឡាញ់ហើយតាមយកចិត្តអ្នកម្ខាងទៀតមិនមែនជារឿងងាយសម្រាប់គេនោះឡើយ ជួបជាមួយស្នេហាមិនសមប្រកបម្ដងគេរៀងចាលហើយមិនចង់ជួបវាម្ដងទៀតក្នុងនាមអ្នកដែលតាមស្រឡាញ់ Tae នោះឡើយ ។
« ហេតុអីខ្ញុំមានអារម្មណ៍ថាលោកគ្រូកំពុងតែតាមញ៉ែខ្ញុំចឹង? នេះលោកគ្រូកុំប្រាប់ឲ្យសោះណា៎ថា លោកស្រឡាញ់ខ្ញុំមែនទែន? » Tae ចងចិញ្ចើមចោទជាសំណួរឡើងមក គេអាចមើលដឹងរាល់ទង្វើរបស់រាងក្រាសតែគេមិនធ្លាប់ប្រាកដចិត្តថាគេនឹងធ្វើវាច្បាស់លាស់នោះឡើយ ។
« គឺខ្ញុំ... » Jungkook រៀបនឹងសារភាពការពិតតែ ភ្លាមនោះម្រាមដៃចង្អុលរបស់ Tae ក៏លើកប៉ះបបូរ មាត់នាយជាសញ្ញាហាមមិនឲ្យនិយាយអ្វីតទៀត ។
« ប៉ុណ្ណឹងបានហើយលោកគ្រូ ខ្ញុំដឹងថាប៉ាម៉ាក់លោក និងប៉ាខ្ញុំចង់ឲ្យពួកយើងទាំងពីររៀបការជាមួយគ្នាតែ មិនមែនបានន័យថាពួកយើងត្រូវធ្វើឲ្យវាកើតឡើងតាមអ្វីដែលពួកគាត់ចង់បាននោះទេ បើលោកមិនចង់ធ្វើទេ គួរកុំធ្វើអីល្អជាង លោកល្អឥតខ្ចោះគ្រប់យ៉ាងច្បាស់ជាមានអ្នកស្រឡាញ់ច្រើនហើយកុំមកខាត ពេលជាមួយខ្ញុំអី ចាត់ទុកថាខ្ញុំសុំទៅចុះបានទេ? » រាល់ពាក្យសម្ដីយ៉ាងត្រជាក់ចេញពីមាត់រាងតូចហាក់បី ដូចជាដុំថ្មធ្លាក់សង្កត់កណ្ដាលក្បាលរបស់នាយឲ្យប្រេះបែកជាពីរយ៉ាងចឹង ពេលនេះរាងកាយនាយ ស្ងៀមទ្រឹងនិយាយអ្វីមិនចេញ ធ្វើអ្វីក៏មិនកើត បេះដូងទាំងមូលប្រៀបដូចជាត្រូវ Tae លូកខ្វេះហើយគ្រវែងវាចោលទៅក្នុងទន្លេឲ្យបាត់បង់អស់នូវក្ដីសង្ឃឹមទាំងប៉ុន្មាន ។
< គ្រឺង!!! > សម្លេងកណ្ដឹងរោទិ៍ហៅឲ្យរាងល្អិតទម្លាក់ដៃចេញពីមាត់ Jungkook មុននឹងបោះជំហាន ដើរហួសរាងក្រាសទុកឲ្យនាយឈរវង្វេងវង្វាន់តែ
ម្នាក់ឯង ទីនេះនៅក្នុងសាលាតែនាយមានអារម្មណ៍ថាខ្លួនឯងកំពុងឈរកណ្ដាលផ្លូវចាំឲ្យឡានបើកមក បំបុកឲ្យដេកសន្លប់មួយជីវិតតែម្ដង ប្រយោគរបស់ Tae មានឥទ្ធិពលចំពោះគេខ្លាំងណាស់ ។
_ រាងតូចដើរចូលមកក្នុងថ្នាក់ជាមួយទឹកមុខស្ងួតៗ គេក៏មិនចង់និយាយបែបនោះដាក់ Jungkook ដែរតែគេខ្លាចថា Jungkook គ្រាន់តែតាមញ៉ែព្រោះចង់សម្រេចបំណងអ្នកមានគុណទាំងសងខាងប៉ុណ្ណោះ ថ្ងៃណាមួយពេលគេរកបានអ្នកថ្មីល្អជាងខ្លួន គេអាច នឹងបោះបង់រាងតូចចោលទើប Tae មិនចង់ឲ្យអ្វីៗចាប់ផ្ដើមមុននឹងស្ដាយក្រោយនោះឡើយ ។
« Tae មកហើយហ្អេ៎? ឯងជាមួយប៉ាឯងយ៉ាងម៉េចហើយ? » Jimin សួរភ្លាមក្រោយរាងតូចអង្គុយចុះ ។
« អឹមមិនអីទេ ល្អជាងមុនច្រើនណាស់ » Tae ញញឹមតិចៗឆ្លើយព្រោះនៅគិតរឿង Jungkook នៅឡើយ ។
« ប្រសើរណាស់ចឹងអបអរម្ដងទៀតណា៎ » រាងតូចញញឹមទទួលពាក្យរបស់ Jimin រួចទើបអង្គុយត្រង់ខ្លួនសម្លឹងមើលទៅរាងក្រាសដែលកំពុងដើរចូលមកក្នុងថ្នាក់ មើលទៅនាយនៅខូចចិត្តនឹងពាក្យរបស់គេ នៅឡើយទេ ។
« សួស្ដីគ្រប់គ្នា!! » Jungkook
« សួស្ដីលោកគ្រូ!! »
« ថ្ងៃនេះពួកយើងមករៀនមេរៀនដើម្បីត្រៀម
ប្រឡងដែលនៅសល់តែមួយសប្ដាហ៍ទៀតទេ ប្រឹងប្រែងយកចិត្តទុកដាក់ឲ្យល្អបើមិនចង់រៀនត្រួតថ្នាក់ ទី១១ទៀត លឺទេ? » Jungkook
« បាទ/ចាស » Jungkook ចាប់ផ្ដើមបង្រៀនទាំងអារម្មណ៍មិនល្អ Tae វិញក៏មិនខុសពីគ្នា ពេលខ្លះលួចសម្លឹងមុខគ្នារហូតប៉ះខ្សែភ្នែកព្រមគ្នាទៀតផងតែក៏ប្រឹងធ្វើដូចធម្មតាទាំងដែលក្នុងចិត្តនៅមានចំណង មិនទាន់ស្រាយចេញនៅឡើយ នេះឬអារម្មណ៍ដែលគេហៅថាមនុស្សលួចមានចិត្តតែមិនហ៊ានសារភាព នោះ??
Skip៚
« ថ្ងៃនេះប៉ុណ្ណឹងសិនចុះចាំស្អែកមកបន្តទៀតតែពេលយប់នេះពួកយើងនឹងរៀនបន្ថែមតាមអនឡាញ
គ្រប់គ្នាកុំភ្លេចចូលរួមផង » Jungkook
« បាទ/ចាស »
« បានហើយទៅផ្ទះចុះ » សិស្សៗនាំគ្នាចេញទៅផ្ទះអស់រលីងនៅសល់តែTae និង Jimin ដែលរៀបចំកាតាបហើយចេញទៅក្រោយគេ ។
« Jimin!! » Jungkookស្រាប់តែហៅធ្វើឲ្យ Jimin ងាកមកតែរាងតូចមិនហ៊ានងាកមកនោះទេ ។
« បាទលោកគ្រូ » Jimin
« ចាំយប់នេះគ្រូផ្ញើរលំហាត់ឧស្សាហ៍ប្រឡងឲ្យរៀនធ្វើ កុំភ្លេចចាំទទួលផង » នាយនិយាយទាំងដែលការ ពិតគឺចង់ប្រាប់ទៅ Tae ទៅវិញទេគ្រាន់តែដឹងថាគេ មិនចង់និយាយជាមួយទើបបានជាប្រើលេសប្រាប់ Jimin ជំនួសទៅវិញ ។
« បាទខ្ញុំដឹងហើយ » Jimin
« អឹមទៅផ្ទះចុះ » Jungkook អនុញ្ញាតទើបរាងតូចទាំងពីរចាកចេញទៅបន្សល់ឲ្យនាយដកដង្ហើមធំម្នាក់ឯង មិនដឹងថាថ្ងៃក្រោយមានឱកាសបាននិយាយជាមួយ Tae ដូចដើមឬអត់ទេ ។
_ ពេលយប់ចូលមកដល់ក៏ជាពេលដែល Jungkook ត្រូវបង្រៀនសិស្សតាមអនឡាញដែរទើបក្រោយ ពេលញ៊ាំបាយហើយ នាយក៏ឡើងមកបន្ទប់ត្រៀមកិច្ចការរួចរាល់មុននឹងបើក Laptop ហើយផ្ញើរលេខ កូដទៅក្នុង Group chat ដើម្បីជូនដំណឹងឲ្យសិស្សចូលរៀន ។
< ទីង!! > សម្លេងសារលោតឡើងស្របពេលដែល Tae ក៏ទើបតែបើក Laptop មកដូចគ្នាទើបរាងតូច រហ័សចុច Link ស្មានថាមានអ្នកឯទៀតចូលរៀនហើយតែមានឯណាពេលចូលទៅដល់ក៏ជួបមុខ Jungkook ដែលសងខាងសុទ្ធតែបើកកាមេរ៉ាស្រាប់ គ្រាន់តែឃើញមុខគ្នាភ្លាម Tae ក៏ប្រែទឹកមុខដូចជា ស្លន់ អៀនៗមិនហ៊ានមើលនាយចំទេតែរាងក្រាស បែរជាសម្លឹងមុខគេចំព្រមទាំងគយគន់សម្រស់រាងតូចដែលនៅចំពោះមុខមិនចេះឆ្អែតឆ្អន់ឡើយ ។
« មិន...មិនទាន់មានអ្នកណាចូលរៀនទៀតហ្អេ៎? » Tae សួរបន្លប់ នៅសុខៗក៏អៀនគ្រាន់តែតទល់មុខគ្នាប៉ុណ្ណឹងសោះ ។
« នៅទេ » Jungkook ឆ្លើយដោយសម្លេងធ្ងន់របស់ខ្លួនធ្វើឲ្យរាងតូចលឺហើយអៀនលើសដើម សំណាងល្អដែលមិនយូរប៉ុន្មានក៏មានអ្នកផ្សេងចូល មកដែរទើបគេមិនចាំបាច់ប្រឈមមុខជាមួយរាងក្រាសតែម្នាក់ឯងទៀត ។
To be continued.....✨♡