#شارع_ال60
-34-
مدثر أكان ما عرس ما بطلع من الشي الفيه دا!!!!
جاهم صوت عالي !!!!
يممممة !!!!
سلوان (بي خلعه ) : مدثرر رووق امي دي ما جاده ما تعصب و تنفعل ساي !
مدثر : لااااا يا سلوان ( بي لهجة حادة شديد ) ! امي ما قاعده تهظر ، و عارف كويس انكم خاتين الفكرة دي في راسكم عاجلاً ام اجلاً ! بس عيب و ما صح حتى لو كان كلامها دا هظار ! مروة لسسه ما ربعنت في قبرها ! هل دا كلام يتقال ؟
ياريت كلام بالشكل دا تاني ما يتقال لا قدامي و لا ورااي لانه غير مقبول و مستحيل و اي مرة غير مرة تحرم علي ! ( دخل الغرفه و رزع الباب وراهو ) !!
سلوان : اسي في داعي يا امي ! انا زاتي م عارفه انتي كيف قدرتي تقولي كدا !
امي : اي ام عايزة راحة اولادها ! و انا قلبي الاتكلم ما لساني يا سلوان يا بتي ، لأن دا البتمناهو ليكم من جوا قلبي اني اشوب كل واحد فيكم في بيته و مع عياله و مرتاحين و مستقرين !
سلوان : وضع مدثر ما بيسمح ليهو انه يستوعب كلامك دا حالياً .. احسن حاجة خلينا نقفل الموضوع دا ! انا داخله ليهو اتكلم معاهو !
( بعد اديتا ضهري رجعته ليها قلت ليها ) :
يمة ! م لاحظتي حاجة في مدثر ؟
امي : سجمي !!! حاجة شنو ؟؟؟
يمة عليكي الله اقيفي م تتخلعي ساي !! انا قصدي انه حلق دقنو و شعرو ! م لاحظتي ؟
امي : عليكي الله ! وحاة الله ما ركزته ! هو زاتو ما اداني فرصه اقول فيها بغم !!
غايتو الحمدلله يا سلوان يا بتي السمع كلامي ! حمدلله ربنا يرفع عنه كل وجعه و اآها ..
امين يارب .. ( مشيت على الغرفه ، خبطت عليهو الباب و دخلته ، لقيتو قاعد في السرير ، مشيت عليهو وقفت جمبو و لميتو علي و بستو في راسه )
حقك علي انا يا قلب اختك حقك علي ، ان شاءالله الحزن يموت و القهر يموت و الضيق يموت و الانكسار يموت ، يارب كل حاجة تشيل من عافيتك و من روحك تموت ....
( حسيتو لماني عليهو شديييييد ، و قال لي ) :
( اتنهد مسافه ) الله ما يحرمني منك ! كل شي بخير و انا بخير اتطمني !
ربنا يطمني عليك اكتر و اكتر ! امي ما بتقصد انت عارف ان قلبها عليك و قلقها عليك ما حاجة هينه يا مدثر ! ما تدي السمعتو اهميه !
عارف ! انا بس حبيت اوريها ان ماف وحدة حتحل محل مروة ! مفروض بعد كل الحصل مني في السنوات الفاتت دي تكون عرفت يعني شنو مروة بالنسبه لي ! حتى بعد ماتت حبي ليها ما حيتغير ابداً !
الحمدلله على ما اراد الله ( و بتطبطب عليهو و لسه لاماهو علي ) و نعيماً كمان !
امممم !
يلا تعال على امي خلينا نشرب الشاي ( فكيتو وبقيت ماشه .. لقيتو مسكني من يدي ) !
قبل الشاي ! انا عايز اتكلم معاكي في موضوع ..
خير !؟
خير اتطمني ! بالنسبه لي شغلك في المحل داك ! انا شايف انه توقفي شغل ! و انا بقيت كويس و حرجع اشتغل واشيلكم ، و مفروض ترجعو البلد كمان و عرسك من احمد و ...**قاطعتو !
مدثر !! بلد شنو النرجعا !! و عرس منو ؟
مدثر انا و احمد علاقتنا انتهت ! و بعدين انا القرية دي كرهتها من بعد رُقيه و بحمد ربنا مليون مرة انه اداني مخرج للخرطوم عشان ابعد منها !! و شغلي دا اي نعم انا ما مخططه ليهو و م متعودة عليهو ولا اتخيلت اصلا اني اشتغل في يوم بس صدقني !مبسوطة بيهو شديد حتى الناس المعاي كريسين شديد !
كل كلامك فهمتو الا قصة احمد !
احمد دا مش رايداهو و رايدك ! حصل شنو جديد ؟
( اكيد ما حا اقوليك السبب بتك يا مدثر ) اسباب ما سبب يا مدثر ! ف الفترة الاخير المشاكل كترت مع عمتي و بتها و ما حرتاح معاهم و احمد راسو بمشي على كلام امه فا الوضع صعب !
ما عارف اقول ليكي شنو ! بس امي ما حاقدر تقعد في الخرطوم دي و ما متعودة عليها زاتا !
** ما تقول حاجة .. ارجع لينا انت بس و كل شي حيرجع بخير ،، و بالنسبه لي امي ، فا متونسه و مبسوطة بي رُقيه ! اتطمن ... ارح تعال خلينا نشرب الشاي الما داير يتشرب دااا ههههه !
مسافة تعمليهو حا اكون جيت !!
#مدثر_بيحكي :
بعد وصلته امي لي سلوان " زنوبيا " ! المكان صحى جواي زكريات اصلاً ما فارقتني ! بس فراق زول عايش معاك 24 ساعه في وشك و فجاة تفقدو ما حاجة سهله ! اخدت مدة عشان استوعب الفكرة حتى بعد داك اقدر اتعامل مع الصدمة الدخلت جواي !
اسباب كتيرة شديد خلتني احاول افوق لي نفسي !!
بعد مشيت من امي كنت قاصد اشوف لي حلاق زي ما طلبت مني في حين اني اظهرت ليها عدم قبولي للفكرة بس والله ختيت كلامها في عين الاعتبار ، و سبحان الله كان لي خير !!
نزلته و دخلته المحل ، كطبيعة الحال لقيتو زحمة ! و بعد بقيت طالع ! ناداني عمو كبير كدا !
قال لي : تعال يا ولدي .... تعال !
فا قلت ليهو معاي انا ؟ قال لي ايوة تعال ادخل مش داير تحلق ؟؟ قلت ليهو ايوة .. قال لي تعال اقعد في كرسي فاضي ( اشر لي عليهو و مسك قلب جريدتو الفي يدوو ) فا دخلته و قعدت و انتظرته مكاني !!
فجأة لقيت واحد من الشباب بيقول للراجل الكبير دا : ( اها يا عم صلاح و اسي الزول دا الحصل عليهو شنووو ؟ )
قال ليهو : ( لسه مصدوم رغم الفترة المرت على الموضوع دا لكن كل يوم قالو بيمشي البحر بيقعد فيهو من تصبح لين تمسى ،، اااه نقول شنو بس الله يصبرو ) !
رد ليهو : والله حارة يا عمي صلاح ! عشان كدا الرضا بالمقسوم عباده ! كلنا دايرين الطلعه من البلد دي لكن فراق الاهل حار و كان ادوني مليون جنيه ما بفوت السودان دا !
رد واحد ما سمع القصه من البدايه زي فا سألهم قاليهم الزول البتحكو عنه دا حصل ليهو شنو؟
عمي صلاح : دا واحد قطع البحر من سنه و شويه و خلا مرتو و تلاته شفعو عشان يحسن ليهم و ضعهم و كان متفق مع المرة انه يأسس ليهم هناك محل سافر دا و يرسل ليهم يجيبهم ، اها بعد زبط امورو اتفق مع الراجل الكان سفرهم بطريقه غير شرعيه و رسل ليهو و قاليهو تجيب لي مرتي و اولادي !
اهاا كل شي كان ماشي تمام و اليوم الكان مفروض يستلم فيهو مرتو واولاده قعد حارس البحر دااا اسبوع لا حس لا خبر ! اها لمن جاهو خبر غرقهم ! فقد المرة و شفعو التلاته مرة وحدة !!
وقت عم صلاح البقولوه دا بيحكي ! شهقته من قوة الموقف ! ياتو عقل بشري ممكن يستوعب فقد بالطريقة دي ! العبرة خنقتني شديييييييد ! و لقيت نفسي بقول " البشوف مصايب الناس بتهون عليهو مصيبتو " ...
القصة دي طلعت من جواااي وجعه كبيرة شديد ! خلتني ما اغفل عن نعمة ربنا علي و وجود اختي و امي المافارقوني من لحظتها ! الاخوات ركايز ! الام ركيزة ..... اتخيلت لو لاقدر الله خسرتهم !
كفايه الفات مني ! ما حا اضيع الجاي كمان !!!
قاطعني صوت امي و هي بتقول لي :
مدثر يا ولدي امرق على الشاي دا برد !!
#في_جانب_عزو !!
ندى !!!!!!
نبهت عليها بي تحذير
اكتر من مرة كررتها ! " ندى للاسف انا ما قعد اهظر " طلعت وراها و هي بتجري مني !!
وقفت مكاني و قلت ليها :
لمن تخلصي البتعملي فيهو دا ! رجعي الورقه دي محلهااا !!
(انتبهت لي صرامتي في الموضوع )
انت جادي !! ( رفعت لي يدها بالورقه ) انت ما شايف منظر الورقه عامل كيف ؟ دي تقريباً مرفوعه من الزباله !
انا يا ستي بحب اللقط الزباله ! حاجة ترجع لي صح و لا غلط ؟ بس مافي حاجة تخليكي تهبشي في حاجتي يا ندى !
( بي نظرة تعجب ) ! على فكرة لو ما خالتي قالت لي نجيب حاجاتنا و انحنا ماشين على الشقه ! و على فكرة تاني يا عزو ! انا بقيت مرتك ! يعني حاجتك و خصوصيتك البتتكلم عنها دي مفروض م تكون بينا حاجة زي دي !!!
سمعتيني قلت شنو صح !؟؟؟
( بي صوت عالي ) الورقه دي فيها شنو يا عزالدين يخليك تتكلم معاي بالطريقه دي !؟
اول حاجة صوتك دا توطيهو و ما تتعودي انك تتكلمي معاي بالنبرة دي عشان ما تجبريني انسى وعودي ليكي !
و على فكرة المشكلة ما اللي في الورقه !! المشكله فيكي انتي في حد زاتك ! الليله لو الورقه دي كانت في جيب بنطلوني ساي ما كنت حسألك !
لكن انتي فتحتي جزلاني والحاجة دي ما صح ! اياً كانت العلاقه بينا لازم يكون في احترام !
تمام ...
تمام شنو ؟
هااك ورقتك !!
( جدعتها لي في وشي ومشت ) !!!!!
كنت حاسس اني لقيت من ندى عدم احترام بما فيه الكفايه ! و علمتني بجد اني ما اتهور و اقطع وعود لي حاجة مستقبليه و في علم الغيب ! و اليوم دا غضبي منها فات كل الحدود ... اتمالكت اعصابي قُدرتي ! و ما اتكلمت معاها نهائي ..
دخلته غيرته ملابسي و طلبت ترحال و صلتها عند خالتها و انتظرتها برا لمن جات .. و كملنا لحد الشقه المؤجرنها و دخلت ليها الحاجات ! و كل دا لا اتكلمت معاي لا اتكلمته معاها .. بعد اتأكدت ان احتياجاتها كلها موجودة حتى طلعته ! و اتصلت بالطيب !
العريس .. الخبر يا الحبيب ..
الغالي !
وينك ، سامع صوت حركة شارع جمبك ؟
اي واقف في الشارع برا !
جنيت ! في زول بيسيب عروستو و يطلع الشارع ؟
بطل هظارك دا ! انت وين رجعته الخرطوم ؟
__ ي زول و هسي قاعد مع اسامة اخوك في بينكم ! تجي علينا ؟
لالا م ظريفه !
حاصل شي !
** لالا ! عاين انا حطلع على الكافيه حقنا الزمان داك تعال علي ..
يا زول! جاي عليك اسي ..*قفل الخط !!
اخدت مدة ما عارف الوم نفسي و لا ازعل من ندى !! جايز الموضوع ما بيستحق العملتو دا بس بالجد ما عارف ليه ردة الفعل القوية دي ! و عناد ندى زاد الطين بلة ..( بعد وصلت الكافيه ) .. مسكت الورقه و بقيت بعاين ليها ! لمن فتحتها و بديت اقرا حروفها حسيت انها رجعتني لي تلاته يوم لي وراااا !
رجعت تفكيري الما كنت عارف ليهو اساس .. من يوم عرسي رميت كل شي ورا ضهري و حاولت اركز في حياتي الجديدة و احبها !
حتة ورقه زي دي قدرت انها تدخلني في حسابات غريبه اصلا ما لي علاقه بيها !! يا الله ....... "لمحت الطيب داخل " ... رجعته الورقه جوا الجزلان ..
#سلوان_بتحكي :
بعد شربنا الشاي .. امي قامت تتوضأ لي صلاة العشا و انا دخلت المطبخ اغسل الكبايات ..
و انا طالعه لقيت منظر حلو شدددييييد قدااامي !! لدرجة وقفته و بقيت بعاين من غير صوت !!
لمن غلبني السكوت و انا شايفاهو بيعاين ليهو و هو متردد !! قلت ليهو :
على فكرة ! بتك ما طلعت بكايه !! يعني عادي شيلها و ما تتردد ما حاتبكي ..
حليونة شديد ... بتشبهك يا سلوان والله جد شوفيها !!!
و انا لاقيه انها تشبهني !! كدا ياداب اقدر اقول انك بقيت تمام يا مدثر !!
(جانا صوت امي ) : ههه الفي عمرها دا كل يوم بي ملامح مختلفه و شكل جديد يا ولدي لمن تكبر شويه !؟
حبيبة عمتها هي يخواني ... شيلها يا مدثر
نايمة لكن !
ما حتصحى شيلها .. سمي الرحممن و خت يدك ورا راسهاا ..
بسم الله بسم الله ... بسم الله اشششش ! قلب ابوها و روح ابوهاا و روح امها .. فرحتي ( ضماها عليهو ) انا اسسسف اسف .. اسف !
امي : براحه يا ولدي ..
الحمدلله ....
اااااه .. كدا ياداب اقدر اقول انه هم كبير ! حملو نزل من على قلبي في اليوم دا ! الحمدلله يارب .. الله اعلم بكرة خاتي لينا شنوووو ...
#الدخينات :
سهام افتحي الباب دا ! وكت انتي ما قدر عمايلك بتسويها لي شنو يا البقرة ! يا الطيرةً!
سهام ( حسها ) : يمة الصبغه يدي ليها قدامي ! اخير لي احصل رقية و لا اعرس النزير !!!
التايه : غبيانة البنات و سجم رماد ! رقية ! لسسه عايزة تكسري عيني اكتر من كدا ااا سهام ! امرقي افتحي لي الباب داااا !
( تشيل و تخبط و ترزع في الباب ) ! يا السجمانه انسلي لي براا .. امُرقي يا سهام ! افتحي الباب دا يا خرابه !!!
( و هي لاصقه في الباب ، جو الرجال داخلين في نص الحوش ) !!
احمد : يمة !! انحنا عقدنا .... سهام وينا ؟؟؟
التايه : عقدتو !! يعني يا احمد سو..*^قاطعها بي حسو !!
احمد : نادي بتك النزير منتظر برااا !!
التايه: قافله الباب من جواااا ( اا سهااااام انجري امرقي )
احمد : زحي يمة .. ( و دفر الباب بي رجلو ) !! سهام !!! " واقعه في الارض"
التايه : ( رقعت بي حسها في نص الحوش سكاليب و نواح )"صوت سكاليب وصريخ بصوت عالي"
بتي ماتت الحقوني يا ناس الحقوو بتي ياناس بتي!!!
بتي بتي ماتتت احييي يا الله ياالله بتي بتي احيييه
احمد: يمة ما تكوركي !!! بتك عايشه !!
" فجاة سهام قامت فازة من الارض "
ما بدورو عليك النبي يا احمد ! وحاة الله ما بدورو !
التايه : " بي خلعه " سهااااام !!! قطعتي قلبي الله ياذاككك " و دخلت ليها " لبيع و قريص ! قطعتي قلبي الله يقطع شررك ! دي سواة تسويها فيني ؟؟
سهام : خلاااص يمة كفاي اتورمته ! ( تبكي و تلطم ) لو ما خفته كنت شربت الصبغه دي وريحتكم مني كلو كلوو (تبكي و تقشقش ) !
احمد : انتهيتي من الدراما حقتك دي ؟ قومي انجزي النزير دا حارسك براااا ... ( جراها من يدها ) !
سهام : يمة ... يمة عليك الله لا .. يمة !!! احمد عليك يا احمد !!!
التايه : احمد ! قطعت قلبي يا ولدي عليك الله خلاااس !
احمد : يمة ! خليني بي رااسي ، و كاافي لحد هناااا انا راجل يمة و ما بنطعن في شرفي قدام الرجال ، و بتك غير النزير مافي زول بيرضى بيها بعد فضحيتها الفاحت في الدخينات ! و اريتو بعد دا نقدر نرفع راسنا في نص خلق الله !!!!
سهام !! اعقلي ... داااك راجلك امشي عليووو !!!
النزير ( بي طنطنة ) : دي وقعة شنى الهباب دي يا النزير !!! ساقاها و مشى بيهااا !!
و يطنطن و يتحسبن بيهاااا !!
#الطيب_قعد !
اطلب ليك شنو ؟
شارب قهوة .. اها لقيت اهلك كيف ؟
رايقين ، حلاة جو في عطبرة يسوى كدي ! الله يقطع الغربه و سنينها ياخي ! على طاري الغربه ! بالنسبة لي وضعك الما مفهوم دا !
مالو وضعي ؟
الفي جيبك دا مصيرو ينتهي و تتلفت ! اديني سبب واحد يخليك قاعد هنا و انت شغلك هناك ؟ اخواتك كل وحدة بي بيتها و بي راجلها و اخوك كذالك و انت هسي بقيت بي بيتك !؟ ياخ انت هنا عربية تخت يدك ما عندك يا عزو !
ما عارف والله يا الطيب و ما قادر اقرر !
تقرر شنو ؟ ما فاهمك انا !
مشوش بس !
حاصل شنو ؟ من صوتك ف التلفون ما عاجبني ! و سايب مرتك و طالع !! دي حاجة منطقيه ؟
عادي نقاش بسيط ! حبيت اطلع برا شويه براك عارفني م متعود على قعدت البيت !
__ طول بالك انت ياداب في بداية الطريق و حتلقى كتير لي قدام فا لازم من اسي تحاول تضبط نفسك و اعصابك ، الحياة ما بتمشي بدون خلافات يا عزالدين !
م تشيل هم ! كله حيترتب ! و بالنسبه للسعوديه اكذب عليك لو قلت ليك ما مفكر في الموضوع !
طيب احمد ربك ان مكانك لسه موجود في شركة زي دي كتار بيتمنو فرصه زي دي ! مجالك هنا الفرص فيهو ضيقة ! وانت عارف كداا .. فا ارجع لي خططك و مستقبلك الزمان !
و دا الحيحصل ان شاءالله ! الفترة الفاتت و الحاليه انا معتبرها استراحة مُحارب !!
( خبطو لي كتفو ) دا صحبي البعرفووو!!
مالك مافي منه اخبار ؟
والله الزول دا ما طبيعي ! عنده حاجة بس مشكلتو كتوم براك عارفو .. و من امبارح بتصل .. التلفون مغلق !!
م مشكله .. حيرجع !
#في_جانب_ندى !
#مكالمة :
ايوا يا سارة ! كيفك؟؟؟
امممم ! فاضيه اتكلم معاكي شويه ؟؟
اكيد يا قلبي كان ما فاضيه افضى ليكي !!
كأني سامعه اصوات همس او ضحك جمبك !!!
#جانب_سارة !!
عملت ميوت للمكالمة !!
انتو بتستهبلو ! على فكرة سمعتكم و الله بتستهبلوو
ملاذ : بطلي نقهد ياخ افتحي الاسبيكر !خلينا نسمع هههههه
سارة : طيب م تعملو صوت ...
احم ( رفعت الميوت ) : ها يا ندى يا قلبي معليش والله كانو جمبي اولاد اخوي الا زحيت من جمبهم اسي .. اها كيفك يا عروس !!
وحدة من البنات ضحكت و ما قدرت تمسك الضحكة !!!
سارة : ( جدعت التلفون ) استغفر الله العظيم !! على فكرة سمعتك و قفلت فيني الخط !
اقسم بالله بتستهبلو .. اصلا انا الغلطانه ! انتو ما بتتصاحبوووو .. " فاتت خلتهم " ..
يتبع ....
استككانة🍰..
#سحر_سمير
#فاطمة_قسم_الله ..