_ ពេលវេលាចេញពីរៀនបានមកដល់ Tae ក៏មកឈរចាំលោកប៉ាមកទទួលជាមួយ Donghae តាមអ្វីដែលគាត់ប្រាប់ព្រោះតែរាងតូចបានគិតច្បាស់លាស់ហើយ អ្វីដែល Jimin និយាយពិតជាត្រូវណាស់ លោកប៉ាគេជាមនុស្សស្ងៀមស្ងាត់ម៉ត់ចត់គ្រប់យ៉ាងតែថ្មីៗនេះគាត់បែរងាកមកយកចិត្តទុកដាក់នឹងគេទៅ វិញទើប Tae គិតហើយថាយ៉ាងណាក៏គេចង់សាក ល្បងមើល បើអាចគេក៏ចង់ត្រូវគ្នាជាមួយគាត់វិញដែរ មិនចង់នៅឯការបែបហ្នឹងអស់មួយជីវិតទេ ។
< ងុឺត!! > ទីបំផុតលោកម្ចាស់ក៏ឲ្យ Dun បើកឡានមកទទួលពួកគេពិតមែនធ្វើឲ្យបេះដូងរាងតូចមាន សង្ឃឹមឡើងមក យ៉ាងណាក៏ប៉ាគេមិនក្បត់ពាក្យសន្យាដែរ ។
« សុំទោសផងដែលឲ្យពួកកូនចាំ ឆាប់ឡើងឡានទៅ » រាងចំណាស់ចុះមកបើកទ្វារឡានដោយផ្ទាល់ដៃឲ្យ Tae សម្លឹងមុខគាត់បន្តិចមុននឹងដោះកាតាបហើយកាន់ចូលទៅអង្គុយទើប Donghae ចូលទៅតាមក្រោយឯលោកKim ក៏ញញឹមដែលរាងតូចមិន ប្រកែកព្រមចូលតាមសម្រួលមុននឹងឡើងឡានតាមក្រោយ ។
« ប៉ា!! ពួកយើងទៅណា? » អាល្អិត Donghae សួរឡើងទើបលោកប៉ាអង្អែលក្បាលគេបន្តិច ។
« ពួកយើងទៅញ៊ាំអាហារថ្ងៃត្រង់ ញ៊ាំនំឆ្ងាញ់ៗសិន ចាំទៅលេងសួនផ្កាឈូករ័ត្ននៅឯជាយក្រុងជាមួយគ្នា » Tae ភ្ញាក់ព្រើតពេលលឺសម្ដីរបស់លោកប៉ា ក្រែងសួនផ្កាឈូករ័ត្ននៅក្បែរគ្នានឹងកន្លែងតម្កល់ធាតុរបស់ម៉ាក់គេទេតើស រួចចុះគាត់ចង់នាំពួកគេទៅទីនោះធ្វើអីទៅ?
_ បន្ទាប់ពីចំណាយពេលញ៊ាំអាហារជាមួយគ្នាយ៉ាងឆ្ងាញ់និងមានសុភមង្គលរួចមក ទីបំផុតពួកគេក៏បានមកដល់សួនផ្កាឈូករ័ត្នដុះក្រាលពណ៌លឿងទុំលើផ្ទៃដីដ៏ធំល្វឹងល្វើយមើលដាច់កន្ទុយភ្នែកបានយ៉ាងងាយ នៅក្បែរនោះក៏មានកន្លែងតម្កល់ធាតុរបស់អ្នកស្លាប់ជាច្រើនដែលក្នុងនោះក៏មានម៉ាក់របស់ Tae និងប៉ា របស់ Donghae ក៏នៅទីនេះដែរ ។
« Donghae មើលទៅមើលថាជាអ្នកណា » លោក Kim នាំអាល្អិតមកឈរនៅចំពោះមុខរូបថតប៉ារបស់គេ ព្រោះតាំងតែពីប៉ាគេស្លាប់ទៅដំណាលគ្នានឹងម៉ាក់របស់ Tae មកអ្នកស្រីMori មិនដែលនាំគេមក លេងគាត់ទេ អាចថាមកពីមិនសូវស្រឡាញ់ប្ដីហើយក៏ចង់ឲ្យ Donghae ចាំទុកថាគេមានប៉ាតែម្នាក់
ប៉ុណ្ណោះគឺជាលោកKim នេះឯង ។
« លោកប៉ា? » Donghae បែរមកសួរទើបរាង ចំណាស់ញញឹមងក់ក្បាលទៅវិញឯ Tae បានលឺ ហើយក៏ភ្ញាក់ផ្អើលមិនស្ទើរដែរ ស្មានថា Donghae ជាកូនលួចលាក់របស់ប៉ាគេនិងម្ដាយចុងមករហូត មិនស្មានថាមានឳពុកផ្សេងគ្នាអ៊ីចឹងទេ ។
« នេះរឿងវាយ៉ាងម៉េចហ្នឹងពូDun? » រាងតូចងាកមកសួរឯ Dun ក៏ញញឹម ។
« លោក Dongho ជាប៉ាបង្កើតរបស់អ្នកប្រុសតូចហើយស្លាប់នៅពេលជាមួយគ្នានឹងម៉ាក់របស់អ្នកប្រុសដែរ ណាមួយលោកម្ចាស់និងគាត់ជាមិត្តនឹងគ្នាយូរណាស់ហើយបានជាលោកម្ចាស់ទទួលអ្នកស្រីនិងអ្នកប្រុសចូលមកនៅក្នុងផ្ទះជាមួយគ្នាហើយឲ្យឈ្មោះថាជាប្រពន្ធនិងកូនក៏ដើម្បីការពារកុំឲ្យពួកគាត់ ទាំងពីរត្រូវគេមើលងាយនិយាយមិនល្អ លោកប្រុសមិនដែលទុកអ្នកស្រីMori សំខាន់ជាងអ្នកស្រីធំទេ អ្នកប្រុស Donghae វិញគាត់ស្រឡាញ់ដូចកូនប្រុស ដូចជាអ្នកប្រុសចឹងដែរ » Dun
« ហេតុអីគ្មានអ្នកណាប្រាប់ខ្ញុំពីរឿងនេះចឹង? » Tae សួរភ្លាមទាំងនឹកស្មានមិនដល់ ។
« កាលនោះអ្នកប្រុសខឹងដែលលោកម្ចាស់នាំអ្នកស្រី Mori និងអ្នកប្រុសតូចចូលមកនៅក្នុងផ្ទះខ្លាំងណាស់ សូម្បីបាយទឹកក៏មិនព្រមញ៊ាំ គ្មានអ្នកណាហ៊ាន និយាយជាមួយអ្នកប្រុសទេ » នាយDun និយាយ មិនហ៊ានសម្លឹងមុខរាងតូចចំនោះទេតែក៏ធ្វើឲ្យរាងតូចដឹងខ្លួនថាកាលនោះ គ្រាន់តែម៉ាក់គេស្លាប់ទៅគេក៏ ពិបាកចិត្តទៅហើយស្រាប់តែប៉ាគេនាំប្រពន្ធថ្មីមក ទៀតធ្វើឲ្យគេខឹងសម្ងំនៅតែក្នុងបន្ទប់ជាងកន្លះខែ អ្នកណាក៏មិនហ៊ាននិយាយជាមួយគេដែរ ។
« ចំមែនហើយ » Tae សម្ដែងភាពដឹងខុសឡើងមកជាមួយ Donghae មិនមែនជាមួយអ្នកស្រីMori ទេ ព្រោះកន្លងមកគាត់តែងតែរករឿងឈ្លោះជាមួយគេ រហូតមានតែ Donghae ទេដែលខ្លាចមិនទាំងហ៊ានសម្លឹងមុខគេចំផង ។
« Tae!! មកនេះមក » លោកKim បក់ដៃហៅទើប រាងតូចដើរយឺតៗទៅរកគាត់ ។
« នេះជាប៉ារបស់ Donghae ហើយក៏ជាមិត្តភក្តិរបស់ប៉ាដែរ » រាងតូចកាលបើបានលឺហើយក៏ងាក ទៅមើលរូបថតរបស់អ្នកដែលស្លាប់ទៅហើយ
មុខមាត់គាត់អង់អាចមិនខុសពីប៉ាគេនោះទេ ។
« ហេតុអីប៉ាមិនប្រាប់ខ្ញុំពីរឿងនេះ? » Tae សួរឡើងទើបលោកប៉ាញញឹមបន្តិចហើយឲ្យDonghae នៅជាមួយ Dun សិនមុននឹងគាត់នាំរាងតូចទៅកន្លែងតម្កល់ធាតុរបស់អ្នកម៉ាក់ម្ដង ។
« ពីរឆ្នាំដូចជាលឿនខ្លាំងណាស់ ម៉ាក់កូនទៅនៅឋានសួគ៌ទុកឲ្យប៉ាកូនយើងនៅតែពីរនាក់អស់ពីរឆ្នាំហើយ Tae មានដឹងទេថាប៉ានឹកចង់ឃើញម៉ាក់កូនញញឹមទៀតណាស់ប៉ុន្តែគ្មានឱកាសទៀតទេ » រាងចំណាស់និយាយស្របពេលសម្លឹងមើលទៅរូបថត ប្រពន្ធជាមួយកូនប្រុស ។
« ឱកាសមិនមែនចេះតែមានទេជាពិសេសសម្រាប់មនុស្សខ្លះ ប៉ាអាចប្រាប់បានហើយនៅថាហេតុអី លាក់បាំងរឿងប្រពន្ធចុងប៉ា? ប៉ាចង់ទុកខ្ញុំឲ្យល្ងង់ដល់ពេលណាទៅ? នេះបើពូDun មិនប្រាប់ខ្ញុំទេ
ខ្ញុំប្រហែលត្រូវគេកុហកអស់មួយជីវិតហើយមើល ទៅនោះ » Tae ធ្វើមុខមិនពេញចិត្តឡើងមក ដឹងទេថាគេមានអារម្មណ៍ថាខុសណាស់ដែលធ្លាប់និយាយ មិនល្អដាក់ Donghae ទោះបីគេជាមនុស្សពូកែខឹងសម្ដីអាក្រក់មែនតែក៏ចេះមានហេតុផលដែរ ។
« រួចចុះហេតុអីបានជាកូនចង់ដឹង? បើកូនដឹងហើយកូននឹងអភ័យទោសឲ្យប៉ាអាក្រក់ម្នាក់នេះដែរទេ? »
« ប្រហែលហើយ នេះខ្ញុំនិយាយអាក្រក់ស្ដាប់ដាក់ ប៉ាខ្លួនឯងមករហូត ប៉ាស្មានថាខ្ញុំស្រួលចិត្តណាស់ទៅ ហ្អី? ប៉ាមិនដែលសួរនាំថាខ្ញុំមានអារម្មណ៍បែបណា មិនដែលដឹងថាពេលនៅម្នាក់ឯងខ្ញុំឯការ ខ្ញុំអផ្សុកចង់មានអ្នកនិយាយជាមួយ ចង់មានប៉ានៅក្បែរដូចគេ ប៉ាដឹងថាខ្ញុំច្រណែនអ្នកដទៃដែលគេមានប៉ាកំដរដែរទេ? ខ្ញុំចង់មានប៉ាដែលជាប៉ា មិនមែនជាប៉ាត្រឹមតែឈ្មោះទេ ហុឹកៗ...ប៉ាមានយល់អារម្មណ៍ខ្ញុំខ្លះដែរទេ? ហ៊ឺ... » ក្មេងតូចរៀបរាប់ទុក្ខលំបាកដែលខ្លួន បានជួបទាំងទឹកភ្នែកហូរប្រដេញគ្នា គេឯការគេរងារ ណាស់ ចង់មានអ្នកនៅក្បែរជាពិសេសលោកប៉ាតែ ម្នាក់ដែលគេនៅសល់ គេច្រណែនដែល Jimin អាចធ្វើខួបកំណើតឲ្យប៉ាគេ តែរាងតូចវិញសូម្បីពាក្យជូនពរក៏មិនអាចនិយាយទាំងដែលនៅក្នុងផ្ទះជាមួយគ្នា ជួបមុខ ញ៊ាំបាយជាមួយគ្នារាល់ថ្ងៃសោះ គេក៏ចង់បានភាពកក់ក្ដៅដូចប៉ាកូនគេដទៃដែរ ហេតុអីគ្មានអ្នកណាយល់ពីគេបែបនេះ?
« ប៉ាសុំទោស...ប៉ាសុំទោសកូន... » រាងចំណាស់ចូលទៅអោបបំពេញភាពកក់ក្ដៅក្នុងនាមជាឳពុកឲ្យទៅកូនប្រុសបណ្ដូលចិត្ត គាត់ក៏មិនខុសពីគ្នាប៉ុន្មាន ចង់ផ្ដល់អ្វីគ្រប់យ៉ាងដែលកូនសមនឹងទទួលបាន ណាស់តែមិនអាចព្រោះដឹងថា Tae ស្អប់គាត់ខ្លាំង ប៉ុណ្ណា គ្រាន់តែសង្ឃឹមថាយ៉ាងហោចណាស់គាត់អាចប៉ះប៉ូវសងឲ្យ Tae វិញមុនពេលដែលឱកាសត្រូវអស់មិនអាចធ្វើអ្វីបាន ។
To be continued.....🍑🧡