FIGHT FOR YOUR LIFE
FIGHT TWENTY EIGHT
QUEEN
"Tang-" hindi ko itinuloy ang pagmumura ng makita nang malinaw ang sitwasyon sa bayan ng San Pedro.
Hindi ko maiwasang makaramdam ng kilabot habang pinagmamasdan ang mga zombie na ngayon ay nakakulong sa mga hawla.
Oo, nakakulong sila. Ang malaking katanungan lang sa akin ay sino ang nagkulong sa mga zombie na ito.
"GRR!" angil ng mga zombie ng mabaling ang atensyon ng mga ito sa kotseng minamaneho ko.
Nakalabas ang kamay ng mga ito sa pagitan ng kulungang bakal.
"Sinong tanga ang gumawa niyan?" tanong ni Agatha na sumiksik sa akin upang makasilip sa labas ng kotse.
"Actually, it's a good idea. Pero medyo delikado rin kung makawawala lahat ng zombies na iyan," saad ko.
Halos limang kulungan ang narito at halos lagpas bente ang zombie na nakakulong.
"Posible kayang isa sa mga zombie dito ay sina Niall?" tanong ni Jelly.
Kumabog ang aking dibdib at tila ayaw tanggapin ang sinabi ni Jelly.
"No!" bayolenteng saad ni Avery.
Umirap ako ng makita na naman ang pagtataray sa mukha nito.
"Aray!" daing ko nang bigla akong mauntog sa bintana dahil sa biglang paghinto ng sasakyan.
"Zia," rinig kong saad ni Jelly.
Nag-angat ako ng tingin at tumingin ng masama kay Zia.
Unti-unting bumaling ang aking mata sa harapan ng kotse.
Lumaki ang aking mata ng makita ang isang babaeng nakaharang sa daraanan namin.
May hawak itong totoong baril at seryoso lamang na nakatayo sa daan.
"May iba pang tao," saad ni Agatha.
"Ibig sabihin totoo nga yung napanaginipan ni Ate Jelly?" dagdag na saad ni Agatha.
"Wow, dejavu!" bulong nito at kumikinang pa ang mga mata.
Mukhang tuwang-tuwa pa siya sa nangyayari.
Itinulak ko pabukas ang pinto dahilan upang lingunin ako ni Jelly at Zia.
"Anong ginagawa mo?" kunot ang noong saad ni Jelly.
"Lalabas?" patanong na sagot ko. Malamang ay lalabas ako ng kotse dahil binuksan ko ang pinto.
"Paano kung bigla kang barilin nung babaeng 'yon?" O.A na saad ni Zia.
Umismid ako at umiling. "Bago pa niya makalabit ang gatilyo ng baril niya, nakalbo ko na siya." Ngumisi ako at tuluyan nang lumabas ng sasakyan.
Naglakad ako palapit sa babae. Narinig ko ang pagbukas sara ng pinto kaya lumingon ako.
Tumabi sa akin si Jelly habang si Zia ay nasa likuran at katabi si Agatha.
Tanging si Avery, Jay at Beans lang ang naiwan sa sasakyan.
"Sino kayo? Saan kayo galing?" tanong nung babae sa amin.
"4 years na kami rito simula nung zomie apocalypse. Ikaw? Matagal na ba kayo rito?" tanong ko rin sa babae.
Tumango ito. "Katulad niyo rin," saad nito. "Bakit ngayon lang kayo napadpad dito? Saan kayo tumutuloy?" tanong nito muli.
"Sa Sta. Ines kami. Dalawang oras ang layo rito," sagot ni Jelly.
"May hinahanap ba kayo?"
Nanlaki ang aking mata sa sinabi nito.
"Yung dalawang lalaki na kasamahan namin. Nawawala sila," turan ni Zia na may hawak hawak na rebisco sa kamay.
Kailan pa siya nakakuha ng pagkain?
Juskong babae 'to. Mawala na yata lahat huwag lang ang pagkain.
"Nandoon sila," saad ng babae at itinuro ang isang malaking bahay na nasa gilid ng daan.
"Pota. Diyan sa bahay na 'yan?!" singhal ni Zia na sinagot ng mga zombie ng isang pag-angil. Naingayan yata masyado.
"Bakit? Anong problema?" tanong ko. Mukhang problemado si Zia dahil kunot na kunot ang noo nito.
"Eh diyan nakatira yung depungal na ex ko! Nakapunta na ako rito dati, kaya pala pamilyar ang putangina," saad nito at masama ang tingin sa bahay.
"Ex mo si Rhio?" tanong nung babae.
Umismid si Zia. "Hindi ah. Sino 'yon? Row ang pangalan ng ex ko," saad ni Zia at inis na kumagat sa hawak na cracker.
"Sumunod na lang kayo sa akin," saad ng babae at iginaya na kami papasok sa loob ng bahay.
Hindi ako sumunod bagkus ay bumalik ako sa sasakyan.
Binuksan ko ang backseat at binuhat palabas si Jay.
Agad tumalon pababa ang asong si Beans at tumakbo patungo kina Jelly.
"Ano maiiwan ka riyan?" masungit na tanong ko kay Avery.
Hindi ito kumibo at padabog na bumaba ng sasakyan.
Lumakad ako pabalik kina Jelly.
Agad kong ipinasa si Jay kay Jelly. "Mabigat," simpleng saad ko.
"Ilang oras nang tulog ang kaibigan niyo, yung isa sa kanila ay putok ang noo at yung isa naman ay nabalian ng braso," saad nung babae matapos nitog buksan ang pinto.
"Ako nga pala si Patricia, at siya si Haslie." Itinuro nito ang babaeng nasa loob ng bahay at nakahiga sa isang mahabang sofa.
Agad na bumangon ang babae at pinaupo kami.
"Ako si Queen," pakilala ko at tipid na ngumiti.
"Ang batang iyan ay si Jay, tapos ang may buhat ay si Jelly," saad ko.
"Hello," bati ni Jelly sa kanila at matamis na ngumiti.
"Ako si Zia, kung namimiss niyong sumakay ng rides sabihin niyo lang sa akin," nakangising saad nito na nakatanggap ng isang pinong kurot mula sa akin. "Joke lang naman,Queen." Ngumuso siya at hinaplos ang parteng kinurot ko.
"Sup, mga mukhang burat."
Nagsalubong ang kilay ko nang marinig ang sinabi ni Agatha.
Pinagsasabi ng babaeng ito. "Nakakahiya ka," bulong ko at tiningnan nang masama si Agatha.
"Ako si Agatha, hehe." Kinamot nito ang batok at nag-iwas ng tingin sa akin.
Umakto pa itong izinizipper ang bibig.
"Nandoon sila sa kwarto." Itinuro ng babaeng nakahiga kanina -na Haslie ang pangalan- ang isang kwarto na nakabukas ang pinto.
"Naroon sa loob si Rhio, binibihisan ang kaibigan niyo," dagdag nito.
"Yung isang putok ang noo mataas ang lagnat. Wala kaming gamit dito pang-gamot sa sugat niya," saad ni Patricia.
"Doktor ako," saad ko nagpaangat ng kanyang tingin. "Pero nasa tinutuluyan namin ang first aid kit," dagdag ko na nagpalaglag ng kaniyang balikat.
Sa hindi ko malamang dahilan ay nakaramdam ako ng inis dahil tila concern na concern ang babae.
"Niall is a doctor also, I'm glad that he's safe."
Umawang ang aking labi sa sinabi nito.
"Kilala mo si Niall?" gulat na tanong ni Zia.
Tumango ang babae at tipid na ngumiti. "We're ex couple," simpleng sagot nito na tuluyang nagpawala ng aking ngiti.
"Ay putangina! Bakit buhay ka pa!!"
Pumitlag ako nang marinig ang sigaw ni Zia.
Nakatayo ngayon ito at nakapameywang.
"Bakit hindi ka pa naging zombie!" muling singhal ni Zia at nakaturo ang kamay sa lalaking kalalabas lamang ng kwarto.
Ang akala ko ay si Patricia ang sinasabihan ni Zia pero hindi pala.
"Ako??" takang tanong ng lalaki at itinuro ang sarili.
"May iba pa ba akong itinuturo? Kailan ka pa naging bobo, ha!!" singhal ni Zia na halos lumabas na ang litid dahil sa ginagawang pag-sigaw.
"Kilala mo 'yan?" tanong ni Agatha kay Zia.
Ngumisi si Zia at tiningnan nang mapang-uyam ang lalaki.
"Siya lang naman yung ex kong manloloko!! Yung pinagpalit ako sa doktor ng mga hayop!" nanggagalaiting saad ni Zia.
Pansin ko ang pagtataka sa mukha ng lalaki.
"Hindi kita kilala, Miss. Grabe, ako ex mo? Lol, kung ako lang din naman tatanungin hindi ako papatol sa katulad mong dalahira!" ganting ani ng lalaki.
"Aba't!!" inis na turan ni Zia at balak na sanang sumugod sa lalaki mabuti na lang at nahila ko sa kwelyo ng damit na suot niya.
"Queen naman," angal nito.
"Magtigil ka," bulong ko at hinila siya paupo.
Naiinis ako na ewan. Hindi ko maintindihan ang nararamdaman ko. Badtrip yata ako kay Zia dahil sa inaakto nito o dahil sa ibang bagay siguro.
Tumingin ako kay Haslie na ngayon ay nakatingin kay Zia na masama naman ang tingin sa lalaki.
Bumaling ang mata ko kay Patricia na siyang may kilala kay Niall.
'Ex couple ha, pwe.'
senseigan