هلو حبايبي
.
.
.
عــآطــفــيــة جــدٍآ
لَكــن ذِآلَك لَآ يـــعــتــرض آبــدٍآ
مــع قــدٍرتــي عــلَئ مــنـح عـقــلَي حــق آلَزِّعــآمــهّ
فــي آلَمــوٌآقــف آلَتــي تــتــطــلَب آلَعــقــلَآنــيــة
لَيــس لَمــشــآعــري.ســلَطــة مــطــلَقــة عــلَي
وٌلَآ تــمــلَك آي صــلَآحــيــآت مــرخــصــة
لَلَتـحــكــم فــي مــســآري فــي آلَحــيــآة
وٌيــســتــحــيــلَ كـســر قــيــوٌدٍي آلَآبــدٍيــة
بــلَحــضــة ضــعــف
.
.
.
منئ ،، من عمري خمسة سنوات اني الي اعتني بماما
اودي الها الاكل والماء اطلعها وانومها اغسل الها احسها طفله واني اعتني بيها احيانا احسهارتحس بكل شيئ حولها رغم انو بس عيونها تتحرك كانت كل ماتشوف
م
لك تدخل عليها او تشوفها من بعيد تنزل دمعتها من عينها بلا محد يحس بيها بس اني كنت انتبه عليها دائما واحيانا تتغير ملامحها من شوف ملك تعبانه او ضايجه بختصار كانت تحس بالمسؤلية الي حملتها
لي ملك اليوم كان تخرج اخوي حمودي كنا كلش فرحانين بس ابد محد فرحان مثل ملك اول مرة
اشوفها هيح فرحانه بحيث تركص وتهلهل وطش جكليت وتضحك حسيتها صدك ام مو اخت خلصنا شغلنا والعالم تعشت وطلعت ضليت اني وزينب وليلا صديق ملك ننظفرالبيت
تذكرت اليوم ماما رحت كعدتها يم شباك صاله وخليتها تباوع علئ الناس بس هيه عيونها كانت علئ ملك شلون فرحانه حسيتها تريد تحجي شيئ بس مكدرت بس عيونها تحجي عفتها كاعدة وتباوع رحت اكمل شغلي ومن درنا العشئ وقت المغرب رجعتها الغرفتها احسها تتوتر من تجمعات ورة العشة الكل راح واخوتي راحو علئ غرفهم ملك صعدت لغرفتهاتعبانه
اني رحت اخذت عشئ لي ماما حتئ اوكلها مثل كل يوم متاكول اذا اني اوكلها طبعا قبل كانت ملك توكلها وتسبحها وتغيرلها لكن بمرور زمن صرت اني اعتني بيها لانو ملك دائما بشغل او ترجع تعبانه وطبعا كونها امرأة عاجزة عقليه هل شيئ يعكس عليها حتئ من تكون ماما باايامها. يعني ايام دورة الشهرية. اني اغير الها واغسل الها وابد مااخليها تحس نفسها محتاجه شيئ مرة حاولت ملك تراجع بيها للاطباء ومن اخذناها كال الطبيب بعد الفحوصات صاير عدها تجمد بالاعصاب وهل شيئ مستحيل علاجه جراء صدمه
اليوم رحت عليها اعشيها گ العادة لكيتها كاعدة مثل كل يوم بس رقبتها معوجه
منئ ،، اوي ياعمري ليش هيح كاعدة تعالي شوفي
شلون سويت الج عشئ طيب ناكل اني وياج متت جوع عشيت كل ناس واني لساتني مااكلت يلا خلي بالاول ابدل الج ملابسج حتئ ترتاحين بعدها ناكل
منئ ،، رحت لزمتها متتحرك وباردة سحبتها كان توكع كلها عليه اني صح اعتني بيها بس هاذي اول مرة اشوفها بهل حاله ابد مااعرف شلون يكون الميت وشلون يموت وليش ماما هيج متخشبه من وكعت عليه عطت عيطه هزت البيت وخليت ماما علئ الارض واني رجعة ازحف ليورة وصلت الحايط بعد ماادري صار
ملك ،، كنت لابسه فانيله و برمودة هذول البسهم بس من انام داخل غرفتي لانو اعرف ولد عمي ويانا بالبيت
ميصير نلبس هيج كدامهم حتئ اخواتي منبه عليهم ملابس ساترة دائما صح نحن اخوان بس كدام الله لا من سمعت صرخة منئ نسيت حتئ نفسي وطلع علئ ركضه وحدة نزلت واحس طايرة ع درج واحمد وحيدر وباقر ورايه يركضون واصيح منئ حبي وينج بيج شيئ ورة العيطه الي سمعتها صوتها ختفئ تلكتني زينب حالها حالنا متعرف شكو
ملاك ،، وينها منئ احجي
زينب ،، عند ماما
ملاك ،، بس كالت عند ماما جف الدم بعروقي
صرت امشي علئ كيفي واحمد والولد طبو غرفة
ماما وصلت دخلت وراهم شفت احمد يقلب بماما شالها وخلاها علئ سريرها وغطاها وباقر وحيدر مصدومين من الي صار واني واكفه اباوع وماعندي اي احساس اليوم تاكدة اني انسان ميت من زمان باوعت احمد لتفت ليورة وطبك حواجبه وراح علئ منئ حاظنها وهيه تبجي بحضنه ويبوس براسها ويشرح الها هاذا الموت حق وانتي صرتي كبيرة وماما اجه اجلها هاذا يومها اخذها للصاله وكعدها واني حسيت كلامه الي قواني الي مو بس منئ وبعدها بحضنه صحيت صحت علئ زينب اجتي تركض وترجف جيبي الي عباتي وشالي راحت ركض جابتلي عباتي الاسلاميه وشالها لبستهم كلت الها
ملاك ،، زينب روحي منئ ولتعوفيها وحدها ابد
- ملاك راحت زينب واني صحت احمد تعال اباوع احمد عيونه دم تقرب مني وحضني ضعت بحضنه كتله احمد خابر اصدقائك يلحكونه للمستشفى كلهم عندي حالة وفاة باوعلي ممصدك. واحسه ميعرف شيسوي
هاذا شسويله ياربي شلون راح اصرف وياه صح اخوتي كبرو بس معايشين هيج ضروف ولا عمرهم شاركو بجنازة رجعة علئ احمد ضربته بسطرة ( كف)
الئ حسيت ايدي نكسرت كتله انت رجال البيت حاليا
شلون متعرف تصرف طيح الله حضك
يلا كدامي شيل امك باقر وحيدر اخذو سيارة وطلعو راحو للجامع جابو نعش ولكحكونا للمستشفى وياهم اصدقائهم ورجال مااعرفهم اعتقد اهل اصدقاؤهم
دخلو بس اخوتي خلو ماما بالنعش وشالوها وطلعو
احمد صار يرمي بسلاحه باب البيت دقائق وفزعة الجوارين جدتي كاعدة وتبجي كتلها جدة اني رايحه ويه ماما زينب جيبي موبايلي ركضت جابته اتصلت بسهاد مالي خلك احجي كتلها
ملاك ،، ماما توفت اني وحدي تعالي للبيت
ماسمعت ردها سديت التلفون اباوع اخذو ماما للمستشفئ بسيارة شفت سيارتي مدري منو يسوقها
رحت صعدت بيها اعتقد صديق احمد منتبهة علئ شكله كال وراهم كتله اي
- ملاك اخذت فلوس وهويت ماما وطلعت وراهم
دخلوها طب العدلي كالو تشريح رادو واحد يدخل وياها لتشريح راد يدخل احمد بس اني صرخت بي
لا متدخل انت ولا اي واحد بيكم احس كل العالم عيونها عليه كتلهم اني ادخل
- ملاك احمد صح ربه ويانا بس هوة مو ابنها وحرام يشوفها وحيدر. اعرفه قلبه مال طفل ميتحمل ومااريد اخوفه دخلت اني من شافني طبيب كال انتي متااكدة
كتلة اي خلصني كنت مركزة علئ كل حركه يسويها
اول مرة. فتحها من صدرها لحد مثانتها وفحص كل اعضائها الداخليه ويكتب بالورقه وبعدها رجع خيطها ونشف الدم كتله
ملاك ،، ليش مطلع منها دم بس شويه كال
- لانو الميت ميطلع منها دم كثير لان الانسان من ايموت تتوقف الدورة الدمويه بجسمه كتله
ملاك ،، ليش يشرحو لعد كال
- حتئ يتااكدون من سبب الوفاة اخاف تكون تسمم او قتل او ورم داخلي وهل شيئ بس بالتشريح نتااكد منه باوعلي وكال انتي شنو تقربين للجثه كتله ماما
بس نقهرت من كال جثه ماما صارت جثه شكد انت
فقير يابشر اول متغادر روحك جسدك تنسحب منك
كل حقوقك گ انسان اولهم اسمك تصير جثه بعدها
طهارتك الي يلمسك لازم يتعلئ منك وقبل لا تروح لدار حقك نصلي عليك اكرام
ليت الانسان يقدر انو خلق من تراب ومصيرة للتراب
كم انت مثير للشفه يابني ادم
خلص من شغله ولفها بشرشف السديه وصاح ممرضين ثنين شالوها ورجعوها للنعش طلعوها للباب الطب العدلي الداخلي واني امشي وراهم واحد منهم التفتت
عليه وكال صيحي لاهلج خلصت الاجرائات
بس تعالي وقعي هنا رحت وقعت وبعدها طلعت حتئ اصيح علئ احمد هوة من شافني طلعت يركض حضني يبجي هوة وحيدر وباقر واني امشي مسيرة دمعه عالقة منزلت من عيني كتلهم خلصو تعالو شيلوها خابرتو محمد
احمد ،، اي بالبيت راد يجي لهنا بس مخليته
- ملاك اخذنا جثة ماما ورجعنا للبيت تقريبا بعد اربع
ساعات بقينا بطب العدلي بعدها اخذناها ورجعنا
للبيت وصلنا البيت اناس ملتمه ربع ساعه بس زوروها البيت اخذوها الرجال شيعوها لراس الشارع وصعدوها علئ سيارة تلكتني سهاد تبجي هيه واخواتي كتلهم
ملاك ،، مو وقت بجيكم هسه سهاد تعالي وياي وانتي زينب انتبهي علئ اخواتج وجدتي وماريد لا طبه ولا طلعه باوعت جدتي شكلها يكسر الخاطر باوعتلي كتلها
ملاك ،، جدة مااريد هوسه لحد ماارجع ديري بالج علئ
البنات وصيتها وطلعنا اني وسهاد ومرة اعتقد مرة مرة الشيخ صديق احمد صعدنا بسيارتي والولد نفسه يسوق هل مرة انتبهة عليه يطلع بعمر احمد بس شوي
اخشن وعندة شوارب وابيض وخال سلاح بكتفه
ولابس زي عربي دشداشه وشماغ لافه علئ راسه
اني وسهاد صعدنا ورة وهاذي المرة كبيرة صعدة كدام بصدر يم الولد اسمعها تحجي وياه كالتله
- يمه عمار ابوك طلع ويه الجنازة
- ملاك رجع الولد رد عليها كال الها
عمار ،، اي يغاليه طلعو قبلنا هسه نلحك بيهم
كتلهم انتظروني اجيب الاهل واجي وراكم
- ملاك عرفت هاذا عمار صديق احمد اني سامعه بي بس مشايفته او ممنتبه عليه مسبقا والي اعرفة هوة ظابط ويه احمد اخوي يعني هذول بيت شيخ
مااعرف شوكت وصلنا النجف نزلنا يم المغيسل نص ساعه ودخلنا اني وسهاد وياها للمغسله واحمد راح جاب كفن هاذا الشي الوحيد الي ياخذة الانسان وياه
لدار حقه قطعة قماش بيضه واعماله اما تكون
بيضه ام تكون سودة وكفنا انباوع شلون المراة غسلة الماما بماء ورد وكافور مااعرف شنو ومسك وعنبر
خلصت المرية ونشفتها وضفرت شعرها وسدت خشمها واذانها بقطن عصبتها وطبكت اديها
وكفتنها رجعت شدت رجليها ولفتها لف
سهاد تبجي ومملحكه واني عبالك الدفان ولا هتميت مااعرف ليش ولا حسيت بااي شعور خلصت كالت
- صيحو الولد يشيلوها
- ملاك دخل احمد ومحمد وباقر شالوها واني رحت للمرة اليوم لبست ذهباتي من رحت لحفل تخرج احمد ولساتهن باايدي سحبت محبس من ايدي وخليته
باايد. المرة الي غسلة ماما اني مرة ساالت جدتي كتلها جدة نطيني هاذا محبسج الي بيدج شكد حلو اشاقه وياها كالت
جدة ،، يمه مايغله عليج بس هاذا المحبس اذا متت
تخلي بايدي من حق امغسله من تخلص تغسيلي تاخدة
من ايدي وتكفني حق تعبها
ملاك ،، عمرج طويل جدة
- ملاك بهل حاله تذكرت كلام بيبي وفعلا لكل حكاية عبرة وحكمه وبذاك اليوم لو ماسائلة جدتي مكان عرفة هل معلومه خلصنا وطلعنا ورحنا زورناها للامام علي ( ع ) وبعدها للمقبرة خلصنا مراسم الدفن
وطلعنا وية اذان المغرب راجعين للبيت بس من طلعنا نزلو كل السيارات يم مطعمرحتئ يتعشون العالم لانو حتئ بلا غداء نزلو الكل اني مالي خلك حتئ اشم الهواء نزلت المراة ام عمار هيه وابنها وكالت
ام عمار ،، يلا يمه انزلن مايصلح من البارحه علئ لحم بطونجن
- ملاك باوعت علئ سهاد واشرت الها تنزل
سهاد ،، اني وياج ننزل ملك عليج الله راح تموتين
وجهج مخطوف يلا حبيبتي
- ملاك سهاد تعرفيني مااعيد كلامي بس كتلها
ملاك ،، روحي سهاد مالي خلك للاخذ والعطئ
- ملاك نزلت واني بقيت بسيارة حتئ الولد مطفئ الاضويه الي بسيارة اباوع الكل كعد ورة شويه قدمو الهم العشاء ياكلون طبيعي ولا كانما قبل شويه دفنا انسان البشر صارت عينه قويه اني مو قصدي عليهم احجي بصورة عامه طلعني من قوقعة افكاري صوت فتح الباب باوعت كان احمد
احمد ،، ملوك تعالي غسلي عمري راح تموتين
- ملاك كنت محتاجه الحمام بس مااكدر انزل الله دزلي احمد ردت انزل بس دايخه كال
احمد ،، ملك اشليج
- ملاك هزيت راسي اله بمعنا لا نزلت مثل سكرانه
وهوه يمشيني حيلي راح من شفت ماما نزلوها للحفرة مو خوف بس هاي ماما ريحتها بالبيت كافي انهارت اعصابي صار جسمي رخي احمد يمشي بيه. لازمني من خصري اخاف اوكع شفت مراة باب الحمام كالتله
- تعال يمه جيب مريتك ( زوجتك ) هاذا الحمام فارغ
- ملاك اني واحمد اثنينا نطقنا باان واحد اختي اخوي
باوعنه اني واحمد واحد للاخ وشبح ابتسامه علئ
وجوهنا دخلت للحمام غسلت وعدلت نفسي بس دايخه راسي احسه منفوخ طلعت لازمه الحايط شافني احمد ركض عليه اخذني وكال
احمد ،، ملك تعالي اكلي لكمه راح حيلج وجه مخطوف
ملاك ،، دخيلك اخذني علئ سيارة ما اريد شيئ بس انام حباب وفعلا اخذتي للسيارة لكينا عمار يم سيارة
يشرب جكاير شافنه صد علئ صفحه احمد صعدني
كال
احمد،، ملك راح اجيبلج حليب تشربي غصب عليج
- ملاك محجيت بس سمعت عمار كال خلك عند اختك اني رايح اجيب احمد مناقش صعد كعد يمي بسيارة بدون ميحجي شيئ ومحمد واكف ويه الدفانه يعشيهم هوة وحيدر اول مرة اشوف اخوتي رجال
لحد هل يوم اشوفهم اطفال صدك من قال يبقئ الولد طفل امه حتئ اذا شاب رجع عمار ونطئ باكيت حليب لاحمد اسمعه يكله
عمار ،، ليش منطيتها شيئ تاكول وياه
ملاك ،، مااريد
- ملاك ابد ماانسه وكفت بيت شيخ ويانا صارو النا اهل واحنه من الوحدة ذبينا عليهم حملنا مطرين بعد ماشربت الحليب ماحسيت علئ نفسي شوكت نمت واني نومي ثكيل فقدت بعد مادري شصار
- احمد كل شيئ صار خلاني مثل الاثول مااعرف شلون اصرف هاذي اول مرة يصير ويانا هل موقف
ماصحاني من الي اني بي غير الكف الي اكلتة من ملك
احسها تكلي اصحئ علئ نفسك وتصرف وفعلا خابرت اول شيئ محمد كان بجامعه قسم داخلي حتئ مالحك يصل خابرت صديقي عمار ابن شيخ دقايق وصلو
وشلنا الجنازة ومن وصلنا للطب العدلي صدمتني ملك شنو هل جرئ الي عدها ماكو بنت تسوي الي سوته مخلتني ادخل للتشريح بحجة الحرام ومنعت اخوها تكول هاذا مشايفين اخاف يصير بيهم شيئ ومحمد بعدة مواصل علئ اساس هيه شايفه وفعلا دخلت
واني الطم علئ وجهي والعالم تلزم بيه عبالهم ابجي علئ امي ميدرون ابجي علئ ملك البنت ماتت روحها من زمان بسببنا ساعتين يلا خلصو الاجرائات
طلعت ملك من شفتها ركضت عليها اريد احطها بصدري من خوفي عليها بس طلعت بكامل قواها
حضناها اني واخوتها ونبجي عليها خلصنا وطلعنا للبيت واني كلفت عمار صديقي ياخذهم وين ميردون بسيارتنا لانو اخوتي ميعرفون طرق خارج بغداد و سيارة عمار عند الشيخ وثانيا عند اخوة عاد اخذ سيارت ملك واني رحت وياالجنازة وصلنا نجف ودفنا
خلصنا مرسم دفن وطلعنا نعشي ناس الي حضرت الدفن
نزلت رحت اطلب العشئ للناس بهل اثناء اجاني عمار وكال ترة اختك تعبانه روح شوفها منزلت من سيارة طلعت ركض ملك يابعد عمري ولله نسيتج من الهوسه رحت عليها وفعلا كانت تعبانه نزلتها ردت اشيلها مقبلت ساعدتها وديتها للحمام غسلت وطلعت
رجعتها للسيارة وشربتها باكيت حليب بعدها نامت راسها علئ كتفي ايدي ورة راسها اخاف تكع من طس السيارة
كان ويانه ام عمار و نسوان ثنين مركزت عليهن
عمار يسوق ضليت وياهم اخاف علئ ملك وصلنا البيت الفجر عمار دخل السيارة للبيت والباقين راحو لبيوتهم عمار وكف يحجي وياي
عمار ،، احمد. راح اروح اغسل وابدل و اوصل الوالدة ترتاح وارجعلك ساعه سبعه اصبح ننصب الفاتحه
نسوان بالبيت ورجال جادر وانت معليك نحن نتكفل بكل شيئ
احمد ،، ممنون منك ياخوي
عمار ،، عيب عليك هل حجي يلا اخذ اختك حتئ اخذ سيارة اوصل اهلي وصبح ارجعها
احمد ،، باوعت ملك نايمه فتحت الباب شلتها
دخلتها للبيت تلكتني زينب تبجي عبالها ملك بيها شيئ
كتلها مبيها شيئ تعبانه ونامت مو تعرفين نومها ثكيل
صعدتها لغرفتها خليتها بسريرها وغطيتها بستها من راسهاروطلعت غسلت وبدلت ارتاحيت ساعتين طلعت شمس بدأ العزا وفعلا اشيخ تكفل بكل العزاء
ثلاث ايام مااعرف شلون خلصت ملك ابد مطلعت من غرفتها كنت ارجع باليلراروح الغرفتها اشوفها واجبرها تاكول بعد الفاتحه بكم يوم ملك كالت لازم نودي فلوس الفاتحه للشيخ عيب نحن مو محتاجين غير رحمة رب العالمين وفعلا اخذت ملك هل عدها ورحت اني وياها ومحمد البيت عمارزونطينا الهم الفلوس هم مو كاملين بس لازم نصرف ميصير نغلس عيب بحقنا ناس احترمتنه لازمرنقدر وكفتهم النا ورجع حقهم
ملك ،، احمد ممنوع ترجع الفلوس واذا ناقص يطلبون فتهمت طول عمرنا عشنا بكرامتنا يخوي مريد احد يمن علينا حتئ هم لو هم شيوخ ماقصرو بس شيوخ مو. علية فتهمت. احفظ كرامتك بعد اختك
احمد ،، فعلا ملك محقه
ملك ،، تشكرت من شيخه ام عمار علئ وكفتها ويانه كان يوم جمعه الشيخ و ولدة موجودين اني ختاريت هاذا اليوم حتئ الكل يكون موجود
- احمد وصلنا البيتهم دخلنا ملك راحت يم النسوان
ونحن دخلنا للمضيف سلمنه وكعدنه شويه ودخلت شيخه ام عمار وملك وياها تفاجأة ملك بالمضيف ثكيله شوي بس لا هاي ملك تسوي الي تريدة لو مهمئ كان سلمن وكعدن هيه و ام عمار حجيت اني متحملة اريد بسرعه اخذها واطلع منا
احمد ،، شيخ نحن جاين نشكر منك علئ وكفتك ويانا ورد حقك ماقصرت فلك علينا كبير
الشيخ ،، انت يااحمد بمعزة ولدي عمار ويشهد الله عليه قليل الي سويته الكم وشتحتاجون بيتي مفتوح
ملاك ،، من رخصتكم اخوتي احجي
احمد ،، باوعت عليها وهزيت راسي الها احترام
مااكدر ارفض الها طلب اعرفها كد كلمتها
- ملاك سمعت كل شيئ بس بصراحه معجبني كلامة
صح هوة مقصر ومشكور بس هل كلام ميمشي علئ ملك بعد مترخصة من اخوتي احترام الهم كدام الكاعدين وجهة نظري للشيخ وحجيت بكل ثقة كتله
ملاك ،، كفو منك يشيخ وريته بيت العامر وانت
عامودة ويشهد الله انت سويت الي مسوئ اهلنا
بس تعذرنا ياشيخ صح نحن ناس فقرة بس عشنا كل عمرنا ناس بحال سبيلنا وبكرامتنا نقدر فزعتك وعلئ راسنه بس حقك ماناكله يحرم علينا
شيخ ،، علئ راسي يبنت الجاويد وكرامتكم من كرامتي بس ماتسوئ يابنتي واحمد حسبت ولدي
ملك ،، ريتك سالم ياشيخ بس طلبتك كول تم
شيخ ،، تم يابنتي اطلبي عيوني الج
- ملك جريت جنطتي وطلعت طابوكه مال فلوس هنه خمس ملاين ادري بيهن قليلات بس هاذا كل الي عندي سنين واني اوفر جمعتهم الهيج يوم
ملك ،، هاذي حق عزاء ماما واذا ناقص تاخذ عيوني وقفتك ويانا مايسويها الا النشامه وانتو ياشيخ كلمه علئ علم مشهودة الكم بس تعذرنا منقبلها علئ نفسنا غيرنا يشيل عزا والدتنا عيب بحقنا
شيخ ،، ولله يابنتي الي سمعته عنج قليل بحقج
واعتبري هل عذر هديه مني الكم
ملك ،، مااعرف شنو سمتعته عني ياشيخ بس مشكور. واعرف رد الهديه للشيخ عيبه بس اعذرني اقبل وقفتك ويانا وممنونه بس حق العزاء مايرجع بدينا
شيخ ،، ولله يامهرة وياج النقاش عقيم كونج حكيمة
شيخ ،، كوم عمار بعد ابوك شوف شنو الازم اذا الهم شيئ يمنا فاتحتهم ماقصرت وعذرها واجدد واذا النا شيئ يمهم اخذة
ملك ،، تسلم ياشيخ
شيخ واجبنا بنتي واجبنا
- ملاك فعلا تحاسب احمد وعمار وطلعنا سد بسد العذر والفلوس الي اخذتهم سدينا عزاء ماما بااكمل وجه
وحفظت كرامة اخوتي گ العادة من طلعنا الشيخ كال
شيخ ،، يابنتي بس الخاطرج قبلت الي صار وهل شيئ عيب بحقنا بس انتي طلبتيني واني لبيت وانتي دايسه فراشي بس الج عندي ديوان مفتوح اذا دار بيج زمن انا سداد
ملك ،، كفو منك يشيخ وريتك سالم واكيد عندي وياك كلام و رايدة منك الفزعه بس خلي النفوس تهدئ واجيك اذا هل شيئ مايزعجك بالاخير انت كبيرنا ماعدنا غيرك الله يحفظك
شيخ ،، بيتي مفتوح الج يانشميه والج رجال تسد عين الشمس يوم الفزعه بس اطلبي
احمد ،، ملك تحجي واني حلكي وصل للارض هاي شوكت تعلمت كل هل كلام وشلون تحجي هيج بصدر ديوان وعينها بعين شيخ مارمشت وتناقشه والي ضوجني وشعل شيب اهلي ولد الشيخ ربعي الادب سزية اكلوها بعيونهم بس ولله حقهم هل بنت كارثه و رفعت راس طلعنا واني لساتني مصدوم من ملك
ولسانها الي يكص مثل السيف سلمنا وطلعنا اني ومحمد واحد يباوع بوجه الثاني خوب محمد خير شر ماحجة بس سلام وهية ولا كانما صار شيئ تمشي بكل برهاوة وشيخ منطلق يهلي ويحيي ويمدح هوة وزوجته الشيخه بس اني افكر ملك شعدها وياالشيخ
وتريد فزعته
.
.
.
يتبع.🙏🙏 تفاعلو امانه. قرأءة ممتعه احبتي ❤️