[Unicode]
ဟော်ချွီမှာအိမ်ရာအနီးပတ်ဝန်းကျင်ကို နာရီဝက်လောက်ပတ်နေသော်လည်း သူ့အိမ်ကိုရှာမတွေ့ဘူးဖြစ်နေလေသည်။
နောက်ဆုံးမှာတော့ သူ့ရဲ့စာအုပ်အသေးလေးအား ထုတ်ယူလိုက်ပြီး အိမ်ဖုန်းကိုသာလှမ်းခေါ်လိုက်ရပေ၏။
မဒမ်ဟော်မှာတော့ ပါးပြင်မှာမျက်ရည်တွေစီးကျနေပြီးဧည့်ခန်းထဲထိုင်လို့နေသည်။
သူမသားအငယ်ဆုံးလေးအား တွေ့လျှင်တွေ့ချင်း
ဘာတခုမျှမလုပ်နိုင်တော့ပဲ ဖိနပ်ချွတ်ပြီးတာတောင် မစောင့် ရင်ခွင်ထဲသို့ခပ်မြန်မြန်လှမ်းဆွဲဖက်ထားလိုက်တော့သည်။
သူမဟာ သူမချစ်သားလေးကြောင့် ငိုယိုနေပြီးမျက်ရည်တွေက ဟော်ချွီတီရှပ်ကိုတောင် စွတ်စိုသွားစေ၏။
"အိမ်မှာ ဒရိုင်ဘာတွေရှိတာကို ဓါတ်ခွဲခန်းကို မင်းကခေါင်းမာမာနဲ့ တယောက်တည်း သွားချင်တယ်...!! မားမားတနေကုန် ဘယ်လောက် စိတ်ပူနေရတယ်ဆိုတာ မင်းမသိဘူး..! အက်စီးဒန့်တခုခုများဖြစ်လားဆိုပြီး သေလောက်အောင်ကြောက်နေရတာ! အစားတလုပ်တောင် မဝင်ဘူး..! "
ဟော်ချွီမှာကျောက်ရုပ်ဖြစ်လို့သွားပေသည်။ သူဟာ သူ့အမေကို ဘာလုပ်ရမယ်မှန်းမသိဖြစ်နေတဲ့ တုံဏိဘာဝေအမူအရာနဲ့ ကြည့်နေပြီး သူ့နှုတ်ခမ်းတွေကတော့တင်းတင်းစေ့ပိတ်ထားသည်မှာ စကားတလုံးတောင်ထွက်မလာပေ။
မဒမ်ဟော်သည် သူမသားနဖူးပေါ်က ဆံနွယ်လေးတွေကို သပ်တင်ပေးလိုက်ပြီး နှာခေါင်းလေးအား အသာဆွဲညှစ်လိုက်သည်။
သူမသားအငယ်ဆုံးလေးက အလွန့်အလွန်ကို ညဏ်ကောင်းသည်။ အသက် ၂၀ အရွယ်ကတည်းက ဒေါက်တာဘွဲ့ နှစ်ဘွဲ့ရပြီး သုတေသနတက္ကသိုလ်ကို ဝင်ရောက်နိုင်ခဲ့သည်။
နိုင်ငံတကာဆုတွေကိုလည်း ရေတွက်မရနိုင်လောက်တဲ့အထိဆွတ်ခူးခဲ့ပြီး တက္ကသိုလ်တွေမှာ သူအားခေါ်ယူရန် အပြိုင်အဆိုင်အလုအယက် ကြိုးပမ်းခဲ့ရသည်။
Mathematical Physics နယ်ပယ်မှာတော့ သူက အဓိကကျသည့် ရှေ့ဆောင်လမ်းပြသိပ္ပံပညာရှင်တဦးလို့ သတ်မှတ်လို့ရပေသည်။
ဒါပေမယ့်လူနေမှုဘဝနှင့်ပတ်သက်လာရင်တော့ သူဟာ ၃ နှစ်သားကလေးနဲ့တောင် မယှဥ်သာပေ။
ရေကို ဘယ်လိုဆူအောင်တည်ရမယ်မသိဘူး... လမ်းကြောင်းတွေ မမှတ်မိဘူး....
ဒါတွေသာမက အများသုံးပို့ဆောင်ရေးယာဥ်တို့ အငှားယာဥ်တို့ကိုပါ အသုံးမပြုတက်ပေ.....
ရှုပ်ထွေးပွေလီတဲ့ဒြပ်စင်တွေကို တချက်ကြည့်ရုံမျှ
နှင့် ဦးနှောက်ထဲသိမ်းဆည်းထားနိုင်သူက လူနေမှုဘဝနှင့် သက်ဆိုင်တဲ့အခြေခံအချက်လေးတွေကိုတော့မမှတ်မိပေ။
သူတို့ သူ့ကိုဘယ်လောက်သင်ပေးဖို့ ကြိုးစားကြိုးစား အရာမဝင်ခဲ့ပေ။
"နောက်တခါ ဒီလိုထပ်မလုပ်နဲ့နော် ဟုတ်လား...?"
မဒမ်ဟော်မှာ သူမသား၏ရှုပ်ထွေးနေသည့်ပုံစံနှင့် ခေါင်းငိုက်စိုက်ကျသွားတာကို မြင်လိုက်ရင် ဘယ်လောက် စိတ်ဆိုးနေနေအောင့်အည်းသည်းခံဖို့သာတက်နိုင်တော့လေသည်။
သူမသည် မျက်နှာအမူအရာကို ခပ်တင်းတင်းဇွတ်လုပ်ယူထားလိုက်လေ၏။
"တော်လောက်ပါပြီ ငါတို့သားတောင် အခုပြန်ရောက်နေပြီပဲ....ဒီအကြောင်းတွေ ဘာအတွက် ပြောနေတော့မှာလဲကွာ..."
ပါးပါးဟော်က သူမဘေးသို့ ရောက်လာပြီး မျက်ရည်တွေကို သုတ်ပေးလိုက်ပြီး ပြောလိုက်သည်။
"ကလေးရှေ့ငိုနေတာ မရှက်ဘူးလား......."
မဒမ်ဟော်မှသူ့အားစိန်းစိန်းဝါးဝါးတချက်ကြည့်လိုက်ပြီး စိတ်ဆိုးဆိုးနဲ့လက်ကိုပြင်းထန်စွာဆွဲဆိတ်လေတော့သည်။
"ကျွန်မသားကိုကျွန်မနည်းနည်းပါးပါးလောက်ပြောတာတောင်ပြောလို့မရဘူးလား"
"ရတယ်....ရပါတယ် ...ရပါတယ်... ငါ့အမှားပါ...."
ပါးပါးဟော်မှာ နာကျင်လို့ရှုံ့တွနေသည်အထိ ဆွဲဆိတ်ခံနေရသော်လည်းမအော်ညည်းရဲပေ။
သူကသူ့ဇနီးရဲ့စကားတွေကိုပြေရာပြေကြောင်းတောင်းပန်လိုက်ပြီး နောက်ဆုံးမှာတော့
သူမရဲ့မျက်ရည်တွေကို ရယ်သံလေးအဖြစ်သို့ ပြောင်းလဲလိုက်နိုင်၏။
ပါးပါးဟော်က သူ့သားဘက်ကိုလှည့်လို့ အသာလေးပြောလိုက်တာက
"စန်းအာ သားအခန်းထဲအရင်ပြန်နားတော့.. ပြီးရင် အန်တီလီကိုစားစရာတွေ လာပို့ခိုင်းလိုက်မယ်..."
T/N>>> စန်းအာ=Third born( စန်းက တတိယ er က ချစ်စနိုးခေါ်တာပါ)
ဟော်ချွီမှာထိုအမိန့်စကားကိုစောင့်ဆိုင်းနေတာဖြစ်ပြီးကြားတာနဲ့တပြိုင်နက်ခေါင်းကိုအမြန်ငြိမ့်ပြီး သူအခန်းကိုဦးတည်ပြန်သွားလေသည်။
သူ့သားရဲ့ကျောပြင်မတ်မတ်ကိုကြည့်လို့ ပါးပါးဟော်မှာသက်ပြင်းအသာချလိုက်မိတော့သည်။
သူ့မှာသူ့၃ယောက်ရှိသည်။ အကြီးဆုံးသားဟော်ကျန်း နဲ့ ဒုတိယသားဟော်ယုံက အမွှာတွေဖြစ်လေ၏။
ဟော်ကျန်းကသူ့ခြေရာအတိုင်းနင်းပြီး သူ့ရဲ့စီးပွားရေးလုပ်ငန်းကိုဆက်ခံတယ်။ သူဟာနိုင်ငံရေးနယ်ပယ်ထဲမှာတောင် အခက်အခဲမရှိနေရာယူ ကျင်လည်နေနိုင်ပြီဖြစ်သည်။
တခြားတဘက်တွင် ဟော်ယုံကတော့အနုပညာကြော်ငြာလုပ်ငန်းကို ရွေးချယ်သည်။
နှစ်အနည်းငယ်ပဲရှိသေးပေမယ့် ထင်ရှားကျော်ကြားတဲ့ကြော်ငြာတော်တော်များများကို ဖန်တီးနိုင်ခဲ့ပြီး
နိုင်ငံတွင်းမှာအတော်လေး နာမည်ကြီးပေါက်ရောက်နေပီဖြစ်သည်။ ဒါကြောင့်သူစိတ်ပူစရာမလိုပေ။
သူ့ကိုရတက်မအေးစိတ်မချဖြစ်စေတာကတော့ အငယ်ဆုံးသားဟော်ချွီပါပဲ။
"ယောကျာ်း ကျွန်မတို့စန်းအာ ဒီလိုဆက်နေသွားလို့ မဖြစ်ချေဘူး..."
မားမားဟော်က သူမမျက်ရည်တွေကို သုတ်လိုက်ရင်း ပါးပါးဟော်ကိုပြောလိုက်တယ်။
"ရှင်သိလား ကျွန်မစိတ်တွေ တနေကုန်ဘယ်လောက်တောင်ယောက်ယက်ခတ်နေရတယ်ဆိုတာ...
သူတခုခုနဲ့ တိုက်မိခိုက်မိမလား ကျွန်မအရမ်းကြောက်နေခဲ့တာ...ကျွန်မတို့ စန်းအာအတွက် သက်တော်စောင့် နောက်ထပ်နည်းနည်းပိုခန့်ထားရအောင်လေ...."
ပါပါးဟော်က ခေါင်းကိုရမ်းလိုက်တယ်။
"စန်းအာမှာ သက်တောင့်စောင့်တွေ အလုံအလောက် အများကြီးရှိနေပြီပဲကွာ.....ဒီနေ့ဖြစ်တာက မတော်တဆတခုပါ ငါတို့ဆက်စောင့်ကြည့်တာပေါ့"
ဟော်အိမ်တော်မှာ အင်အားကြီးမားသည့် အိမ်တော်ဖြစ်သော်လည်း သူတို့ကနှိမ့်ချပြီးနေတက်သည်။
အဲ့ဒါအပြင် သူတို့ဟာ သက်တော်စောင့်တွေကို
အရေအတွက်ထက် အရည်အသွေးကို ဦးစားပေးရွေးချယ်ထားလို့ နောက်ထပ်ထပ်ခန့်မယ်ဆိုလည်း အသုံးမဝင်ပေ။
ပါးပါးနဲ့မားမားတို့ အောက်ထပ်တွင် စကားပြောနေစဥ် ဟော်ချွီကစာရွက်လေးပေါ်က နံပတ်စဥ်လေးကို
တွေဝေမိန်းမောစွာနဲ့ ကြည့်နေပြီး အခန်းထဲထိုင်လို့နေသည်။
အန်တီလီမှ အစားအသောက်တွေလာပို့သောအခါ အခန်းထဲတချက်ဝေ့ကြည့်လိုက်စဥ် တွေ့ရသော မြင်ကွင်းက သူမအတွက်ထူးဆန်းမနေပေ။
သူမရဲ့သခင်ငယ်လေးဟာ ငယ်ငယ်ကတည်းက အမြဲဒီလိုပဲ။ သူ့ကိုယ်ပိုင်ကမ္ဘာလေးထဲမှာပဲ ပျောက်ဆုံးနေတက်တယ်။
အပြင်လောကက ဘယ်လိုအရာတွေနဲ့ ပတ်သက်ပါစေ သူကဘာတုံ့ပြန်စိတ်ဝင်စားမှုမှမရှိပေ။ စားဖို့သောက်ဖို့ မေ့လျောနေသည်အထိပင်။
အန်တီလီကစားစရာတွေကို တံခါးဝတွင်ထားလိုက်ပြီး ဟော်ချွီကိုအစားစားဖို့လှမ်းပြောမယ်လုပ်လိုက်စဥ်မှာပဲ ဟော်ကျန်းနဲ့ဟော်ယုံက ဖြတ်သွားတာနဲ့ တိုးလေတော့တယ်။
သူတို့တွေက သူတို့ညီငယ်လေးရဲ့ အခန်းထဲသို့ ခိုးကြောင်ခိုးဝှက် ကြည့်လိုက်လေ၏။
ဟော်ယုံကသက်ပြင်းချပြီး အခန်းထဲဝင်ဖို့ ခြေလှမ်းရွယ်လိုက်ပေမယ့် ရုတ်တရက်ကြီး သူညီရဲ့ OCD ကို သတိရသွားပြီး အဆုံးထိဆက်မသွားရဲတော့ပဲ ဟော်ကျန်း နား,နားကပ်လို့ တိုးတိုးဖွဖွလေးပြောလိုက်သည်။
"ကော ညီလေးက နေ့ခင်းကြောင်တောင် စိတ်ကူး
ယဥ်အိမ်မက်တွေမက်နေပြန်ပြီရယ်...."
ဟော်ကျန်းက သူ့ခေါင်းကိုသူပွတ်သပ်လိုက်သည်။ သူ့မျက်လုံးတွေကတော့ ညီငယ်လေးအတွက် စိုးရိမ်ဗျာပါဒတွေ များလို့နေ၏။
"ငါ ပြီးရင် တက္ကသိုလ်ကို ဖုန်းတချက်ဆက်ပြီး ညီလေးအတွက် ခွင့်ရက်တချို့ ယူလိုက်မယ်..."
ဟော်ယုံက ခေါင်းကိုချက်ချင်းခါလိုက်သည်။
"ခွင့်ယူလိုက်ရုံနဲ့ အရာမဝင်ဘူး.... သူက အိမ်မှာလဲ ဒီလိုဆက်ဖြစ်နေမှာပဲကို..."
ခဏရပ်တန့်လိုက်ပြီးနောက် သူကဆက်ပြောလာ၏။
"ကောနဲ့ ကျွန်တော် ကိစ္စတခုဆွေးနွေးချင်တယ်..
ညီလေးကို ကျွန်တော့်ကုမ္ပဏီကို အလည်အပတ်သဘော ခေါ်သွားချင်တယ်"
ဟော်ယုံ၏ကုမ္ပဏီအမည်မှာ 'Star Light' ဖြစ်ပီး နိုင်ငံတွင်းမှာတော့ နာမည်အကြီးဆုံး အနုပညာဖျော်ဖြေမှုဆိုင်ရာကော်ပိုရေရှင်းတခု ဖြစ်သည်။
ရုပ်ရှင်လောကရဲ့ဘုရင်ဘုရင်မတွေမှာ ယင်ကောင်တွေအလားပေါက်ပွားနေပြီး အောင်မြင်ဖို့စိတ်အားထက်သန်ပြင်းပြနေသည့် အနုပညာလောကသမားတွေမှာ ခေါင်းတွေအသာတိုးလို့ ကြံစည်ကြိုးပမ်း ဝင်ရောက်လိုကြသော မြင်မြတ်သည့်ရပ်ဝန်းတခုပင်။
"စဥ်းတောင်မစဥ်းစားနဲ့...."
ဟော်ကျန်းက ဆူပူလိုက်တယ်။
"ဒီလိုလောကရဲ့ ရှုပ်ထွေးပွေလီမှုတွေ ငါတို့ညီလေးကိုရိုက်ခတ်လာရင် ဘယ်လိုလုပ်မလဲ...."
ဟော်ယုံကသေချာလေးတွေးကြည့်လိုက်ပြီးလျှင် သူ့အတွေးပြောင်းလဲသွားတော့သည်။
သူတို့ကတိတ်တိတ်လေးပြန်ထွက်သွားဖို့ ကြံရွယ်လိုက်စဥ်မှာပဲ ဟော်ချွီကခေါင်းလေးကိုမော့လာပြီး သူတို့ထံ ကြည့်လာ၏။
ဟော်ယုံမှာ သူတို့အိမ်ရဲ့အငယ်ဆုံးလေး သူတို့ကို စိုက်ကြည့်နေပုံမှာ ချစ်စနိုးဖြစ်ရလွန်းလို့ နှလုံးသားလေးတောင် အရည်ပျော်မတက်ဖြစ်သွားလေသည်။
"ဘာဖြစ်လို့လဲ စန်းအာ..?"
ဒါကိုမြင်လိုက်သည့် ဟော်ကျန်းမှာ သူ့ညီနှစ်ကို ဘေးတွန်းထုတ်လိုက်ပြီး အခန်းထဲကြည့်ဖို့ လည်ပင်းကိုဆန့်ထုတ်လိုက်တယ်။
"အငယ်လေး အကိုကြီးရဲ့ အကူအညီတခုခု လိုသေးလား...?"
ပထမတော့ သူတို့ထင်ထားတာက ညီငယ်လေးက ခွန်းတုံ့ပြန်မှာမဟုတ်ဘူးလို့ပင်။
ဒါပေမယ့် ဟော်ချွီက ရုတ်တရက်ကြီး ခေါင်းကို ဖြေးဖြေးလေးညိတ်ပြလိုက်လေတယ်။
သူကလက်ကိုမြှောက်လိုက်ပြီး သူလက်ဖဝါးထဲမှာရှိတဲ့ စာရွက်လေးကိုပြလိုက်ပြီး
"ဒါလေးက ဘာလေးလဲ...?"
ညီငယ်လေးက သူတို့ကို လိုလိုလားလား စကားတွေပြောတယ်.....^-^
ညီအကိုနှစ်ယောက်လုံးက အလန့်တကြားတွေဖြစ်ကုန်ပြီး ဟော်ချွီလက်ထဲကစာရွက်ကို တစ်ချိန်တည်း ကြည့်လိုက်တော့သည်။
ဟော်ယုံမှာ အနုပညာဖျော်ဖြေရေးကုမ္ပဏီဖွင့်ထားလို့ တချက်ကြည့်ရုံမျှနဲ့ ထိုအရာက လူရွေးချယ်ပွဲနံပတ်စဥ်မှန်း တန်းသိလိုက်သည်။
ဒါတင်မကသေးပေ..Star Light ဖျော်ဖြေရေးကုမ္ပဏီလို့ သဘောရတဲ့ အမှတ်သင်္ကတလေးက ယွီချင့်ဟွမ်ဆိုတဲ့နာမည်အောက်တွင် ဖော်ပြထားလေသည်။
ထိုအရာက ဤသူမှာသူ့ကုမ္ပဏီလက်အောက်ကဆိုတာကိုသက်သေပြလို့နေ၏။
သူတို့ညီငယ်လေးက ဒီလူကိုဘယ်မှာသိလာပါ
လိမ့်..? ဖြစ်နိုင်တာက ဒီလူက ညီငယ်လေးရဲ့ နောက်ခံကိုသိလို့ တမင်တကာရည်ရွယ်ချက်ရှိရှိ ချဥ်းကပ် လာတာများလား...?
မျက်တောင်တခတ်အချိန်လေးတွင်းမှာပဲ ဟော်ယုံ
ဦးနှောက်က ဇာတ်လမ်းဇာတ်ကွက်မျိုးစုံကို ပုံဖော်နေပြီး ဟော်ကျန်းကို သူသိသလောက်မှတ်သလောက် ပြောပြလိုက်သည်။
ဟော်ကျန်းမှာ စူးစူးစိုက်စိုက်နဲ့ ဒီစာရွက်ရဲ့နောက်ခံဇာတ်ကြောင်းကို ပုံဖော်လို့နေသည်။
ကံမကောင်းတာက ဟော်ချွီဆိုတာတခုခုကို သူလိုသုံးပြီးတာနဲ့ ပစ်ထုတ်တက်သူဖြစ်ရာ သူသိချင်တာ သိသွားတာနှင့် သူ့အကိုနှစ်ယောက်လုံးအား လုံးဝကို အရေးတယူမလုပ်တော့ပေ။
ဟော်ချွီမှာ သူ့အကိုတွေရဲ့ စူးစမ်းနေတဲ့အကြည့်တွေကိုလစ်လျုရှုလို့ အခန်းတံခါးကိုဘန်းခနဲနေအောင်ပိတ်လိုက်တော့သည်။
ထို့နောက်ခေါင်းလေးကိုငုံ့လို့ နံပတ်စဥ်လေးကို ဖွဖွလေးနဲ့ဂရုတစိုက်လေးပွတ်သပ်လို့နေလေသည်။
သူဘာတွေတွေးနေတယ်ဆိုတာ လုံးဝမသိနိုင်ပေ။
အခြားတဖက်တွင် ယွီချင့်ဟွမ်ကတော့ အမဲသားခေါက်ဆွဲတစ်ပန်ကန်ကြီးကို အပြင်မှာ
ဝါးတီးဆွဲလို့နေပြီး စားလို့ပြီးခါမှကုမ္ပဏီသို့ပြန်သွားလေ၏။
ယွီရှင်းမှာအစောကတည်းက ယွီချင့်ဟွမ်အား စောင့်ဆိုင်းနေတာဖြစ်သည်။
ယွီချင့်ဟွမ်အားမြင်လိုက်သည်နှင့်တပြိုင်နက် သူ့ဆီတန်းလျှောက်သွားပြီး ဇာတ်ညွှန်းထူထူကြီးတအုပ်ကို လက်ထဲထိုးထည့်လိုက်လေ၏။
"မင်းနောက်ဆုံးတော့ ပြန်ရောက်လာပြီ....ငါစောင့်နေတာ နေ့တဝက်တောင်ကျိုးတော့မယ်...ဒါက ဒါရိုက်တာလျိုပေးသွားတဲ့ ဇာတ်ညွန်း ..သေချာလေး လေ့ကျင့်ချေ... "
"ကော ကျွန်တော့ကို သတိပေးနေတာ အခေါက်ပေါင်း မနည်းတော့ဘူး...."
ယွီချင့်ဟွမ်မှာ ဇာတ်ညွှန်းကိုယူလို့ ဆိုဖာဆီလျှောက်သွားပြီး အားမရှိသလိုဖြေလိုက်သည်။
"ဒါ မင်းကောင်းဖို့အတွက်ပဲလေ...!"
ယွီရှင်းက ယွီချင့်ဟွမ်ရဲ့ခေါင်းနောက်ကိုရိုက်ဖို့ လက်မြှောက်လိုက်သော်လည်း ယွီချင့်ဟွမ်က ပြုံးဖြဲဖြဲလုပ်ပြီးရှောင်ကွင်းလိုက်နိုင်သည်။ ယွီရှင်းမှာ ကူကယ်ရာမဲ့သလို ခံစားလိုက်ရတော့၏။
"ငါပြောမယ် တခြားသူသာဆိုရင် ဒီလိုအခွင့်အရေးကောင်းမျိုးရရင် ပျော်လွန်းလို့ ပေါက်ကွဲထွက်သွားမှာကြာလှပြီ... ဒါပေမယ့် မင်းကတော့ ဘယ်လိုတုံ့ပြန်မှုလေးတခုတောင်မှရှိမနေဘူး"
သိသာထင်ရှားတာက လူရွေးပွဲမတိုင်ခင်ကတော့ ဒီလူငယ်လေးက သေချာပေါက် လက်သီးတွေဆုပ်လိုက် လက်ဖဝါးတွေပွတ်လိုက် တချီတည်းအပိုင်ကိုင်မယ် စိတ်အားထက်သန်နေတာပင်...
ဒါပေမယ့် လူရွေးပွဲပြီးသွားတာနဲ့တပြိုင်နက် သူ့တယောက်တည်း စိတ်အေးသက်သာဖြစ်လို့နေပေ၏။
"ဘာပဲဖြစ်ဖြစ် ရလဒ်ကဒီလိုထွက်လာနေပြီပဲ ပျော်ပျော်မပျော်ပျော် မထူးခြားနားပါဘူး..."
ယွီချင့်ဟွမ်မှာ သူ့ထီလက်မှတ်နှစ်စောင်အား အိတ်ကပ်ထဲကထုတ်လို့ ကော်ဖီစားပွဲပေါ်သို့ ဘန်းခနဲနေအောင် ရိုက်ချလိုက်တယ်။
"ကော တကယ်လို့များ ကျွန်တော့်ထီလက်မှတ်သာ ငါးသန်းစုပေါက်ခဲ့ရင် ကျွန်တော်ခင်ဗျားကို ကျွန်တော့ ကိုယ်ပိုင်မန်နေဂျာအဖြစ်ရွေးမယ်"
"တော်ပါတော့ကွာ ဟုတ်လား"
ယွီရှင်းက မျက်လုံးများကိုစွေစောင်းပီးပြောလိုက်သည်။
"ငါးသန်းဆိုတာ ဘယ်လောက်မို့လို့လဲ...? မင်းသိဖို့က မင်းလို အလားအလာကောင်းတွေနဲ့ သူတွေက TV ဒရမ်မာ တခုနဲ့တောင် သန်းတချို့ရနေနိုင်တာ...ထီအပေါ်မှီခိုနေမယ့်အစား သရုပ်ဆောင် အလုပ်ကိုသာ သေချာလေးဇောက်ချလုပ်ပါ့လား..."
သို့သော်လည်းယွီရှင်းရင်ထဲမှာတော့အတန်ငယ်လေး
ထိရှသွားသည်။
ဒီကလေးကသူ့မျက်နှာပေါ်မှာမဖော်ပြထားပေမယ့် သူ့အပေါ် ကောင်းထားတဲ့သူဆိုရင် သူနှလုံးသားက ပြတ်ပြတ်သားသားကိုအမှတ်သညာထားလေသည်။
ယွီရှင်းမှာပြောနေရင်းလက်စ တစုံတရာကိုရုတ်တရက်သတိရသွားပြီး သူ့ခေါင်းသူပြန်ပုတ်မိလိုက်ပြီးလျှင်
"မင်းကြောင့် စကားလမ်းကြောင်းတွေလွဲကုန်ပြီး မေ့တော့မလို့...မနက်ဖြန် ငါနဲ့တူတူတစ်နေရာကို ခဏတဖြုတ်လောက် သွားရအောင်...မင်းရဲ့ ပွဲဦးထွက်အတွက် 'Hua Da's Xiao Cao' ခေါင်းစဥ်ကို ရွေးထားတယ်...."
T/N; Hua Da ---university abbreviation ; Xiao Cao----the most handsome man in school # တက္ကသိုလ်မှာ အချောဆုံးအမိုက်ဆုံးကို ပြောတာပါ ဥပမာပေးရရင် တို့တွေနိုင်ငံမှာဆို King တွေပေါ့....#
"မသွားလို့မရဘူးလား...."
ယွီချင့်ဟွမ်မျက်လုံးတွေက စိတ်မပါလက်မပါ ခံစားချက်မရှိကြည့်လို့နေသည်။
အမှည့်လွန်သခွားသီးအား အစိမ်းရောင်ဆိုးထားသော (ငယ်ရွယ်ချင်ယောင်ဆောင်ထားသော) သူ့လိုလူက Xiao Cao ပုံစံနဲ့ စျေးကွက်ဆင်းရမှာ သူ့အား မျက်နှာပူလာစေသည်။
"မရဘူး..."
ယွီရှင်းရဲ့ဆုံးဖြတ်ချက်က တစ်ရာရာခိုင်နှုန်းခိုင်မာပြတ်သားလို့နေသည်။
ယွီချင့်ဟွမ်အားငြင်းဆိုဖို့အခွင့်အရေးလုံးဝမပေးတော့ဘဲ စောစောအိပ်ရန်တိုက်တွန်းကာ သူကမတ်တပ်ရပ်ထွက်ခွာသွားလေတော့သည်။
ယွီရှင်းထွက်ခွာသွားတာနှင့် ယွီချင့်ဟွမ်မှာ ဆိုဖာပေါ်မှာထိုင်လို့ အကြာကြီးစဥ်းစားခန်းဖွင့်နေသည်။
သူ့ရဲအတိတ်ဘဝမှာတော့ ဒီလိုအရာမျိုးမတွေ့ကြုံခဲ့ပေ။ လူရွေးပွဲမှာရွေးချယ်ခံလိုက်ရသည်နှင့်တပြိုင်နက် သူ့ရဲ့လမ်းကြောင်းက အရင်ဘဝနဲ့ ပို၍သွေဖီကွဲပြားသွားတော့မည်ထင်ရ၏။
သူဟာအနုပညာလောကမှာထပ်ပြီးမကျင်လည်ချင်တော့ပေမယ့် တချို့သောအရာတွေမှာ သူ့ဆန္ဒအလျောက်ထိန်းချုပ်နိုင်ဖို့ငြင်းဆန်နေသည်။
ယွီချင့်ဟွမ်မှာ အတန်ငယ်ကိုက်ခဲနေသောခေါင်းအားပွတ်လို့ ရှုပ်ထွေးနေသောအတွေးတွေအား ခေါင်းထဲက စွန့်ထုတ်ပစ်လိုက်တော့သည်။
ထားလိုက်ပါတော့ တလှမ်းတလှမ်းချင်းစီသွားတာပေါ့လေ.......။
နောက်တနေ့မနက်စောစောရောက်သော် ယွီချင့်ဟွမ်မှာ သူ့အသိုက်ထဲကနေဆွဲထုတ်ခံလိုက်ရပေသည်။
ထို့နောက်တွင် ယွီရှင်းကြိုတင်ပြင်ဆင်ပေးထားတဲ့ အကျီအားဝတ်လို့ ရီဝေဝေမျက်လုံးတွေနဲ့ ကျောင်းသို့ရောက်သွားတော့သည်။
ရောက်ရောက်ချင်းမှာပဲ ကောင်းယွင်ချန်နဲ့သူ့မန်နေဂျာတို့နှင့်တိုးလေတော့သည်။
နှစ်ဖက်စလုံးမှာကင်မရာနဲ့လက်ထောက်တွေ နောက်ကနေတသီတတန်းကြီးလိုက်နေကြပြီး ဘာလုပ်နေမှန်းမသိရပေ။
ကောင်းယွင်ချန်မှာ ယွီချင့်ဟွမ်ထက် ၂ နှစ်စောကာ ပွဲဦးထွက်ခဲ့ပြီး အရည်အချင်းမဆိုးဘဲ Idol drama ၂ ကားမှာ ပါဝင်သရုပ်ဆောင်ခဲ့သည်။
သူ့ရဲ့မန်နေဂျာကတော့ ကောင်းယွင်ချန်ကို ရိုးသားဖြောင့်မတ်တဲ့ပုံရိပ်ဖော်ထားလေသည်။
ဒါပေမယ့် Weiboမှာတော့ အတန်ငယ်သာဖြစ်ပြီး ပေါ်ပြူလာမဖြစ်ပေ။
ကောင်းယွင်ချန်က 'The line of life and death' မှာ တတိယဇာတ်ကောင်နေရာ ဝင်ရောက်ရွေးချယ်ခံဖို့သွားရောက်ခဲ့သည်။
ဒါပေမယ့်အခြေအနေကတော့ သူ့အနေနဲ့ စကားလေးအနည်းငယ်လောက်သာပြောအပြီး ဒါရိုက်တာလျိုရဲ့ကန်ထုတ်ခြင်းခံခဲ့ရတာပင်။
ဒါကြောင့်သာ ယွီချင့်ဟွမ်လူရွေးပွဲအောင်မြင်သွားတယ်ဆိုတာကြားသိလိုက်ရတဲ့နောက် သူ့ဒေါသကိုသူချုပ်တီးမထားနိုင်တော့ပေ။
သူဟာ Star light က ရာထူးမြင့်သူအနည်းငယ်နှင့် မရှင်းမလင်းဆက်ဆံရေးမျိုးရှိတာကြောင့် ယွီရှင်း ယွီချင့်ဟွမ်ကိုပေးခဲ့တဲ့အလုပ်နဲ့ပတ်သက်ပြီး ပထမဦးဆုံး သိထား၏။
ယွီချင့်ဟွမ်အားအဆင်မပြေဖြစ်စေဖို့ သူကမနက်အစောကြီး အားချင်းပြေးကျောင်းကိုဓါတ်ပုံရိုက်ဖို့
ရောက်လာခဲ့တာဖြစ်ပေသည်။
ကျွမ်းကျင်ပညာရှင်တွေကဓါတ်ပုံကိုကောင်းမွန်အောင် အချောသတ်ပြင်ဆင်ပြီးတာနဲ့တပြိုင်နက်ကောင်းယွင်ချန်က Weibo မှာချက်ချင်းကောက်တင်လိုက်သည်။
ထို့နောက် National Handsome Manဆိုတဲ့ ခေါင်းစဥ်က 'ဟစ်' ဖြစ်လာတော့၏။
"ဓါတ်ပုံရိုက်သွားဖို့လား......"
ကောင်းယွင်ချန်မှာ အကျအနသေချာပုံသွင်းထားသောဆံပင်နက်နက် အေးတိအေးစက်အမူအရာတို့ဖြင့် ယွီချင့်ဟွမ်အားကြည့်လို့နေသည်။
"ဒီမနက် Weibo မဖွင့်ကြည့်ရသေးဘူးပေါ့....
အသိုင်းအဝိုင်းကျဥ်းကျဥ်းလေးကလူတွေက အမြင်ပါတယ်ကျဥ်းတယ်ကို... သူများစားပြီးသားအကြွင်းအကျန်တွေလည်း ကောက်စားတက်တာပဲ...."
ယွီရှင်းက ထိုစကားကိုကြားလိုက်တော့ တခုခုတော့ ဖြစ်နေပြီဆိုတာ ချက်ချင်းသိလိုက်သည်။
သူဟာချက်ချင်းပဲ တုန်တုန်ယင်ယင်နဲ့ဖုန်းကိုဖွင့်ကြည့်လိုက်သော် သူ့ရဲ့ ဒွာရ ၇ နှစ်ပေါက်ကနေ မီးခိုးတွေ ထွက်လာသည်အထိ အရမ်းကိုစိတ်ဆိုးဒေါသထွက်သွားရတော့သည်။
ယွီရှင်းမှာ ကောင်းယွင်ချန်နဲ့သူ့အဖွဲသားတွေက ဒီလိုလုပ်ရပ်မျိုးလုပ်မယ်ဆိုတာကို မထင်ထားခဲ့ပေ။
အခုချိန် Weibo နေရာတိုင်းမှာ ကောင်းယွင်ချန် National Handsome man ဆိုပီး ဆွေးနွေးနေကြသည်။
သူ့အတွက် ကြော်ငြာတွေတောင် ဝင်နေကြသေး....!
ဒီလိုအကွက်မျိုးကအရမ်းပြောင်မြောက်လှတာမဟုတ်သော်လည်း ဖားတကောင်ကခြေထောက်ပေါ် တက်လာရင်မကိုက်ရင်တောင်မှ ခြိမ်းခြောက်မှုတော့ပေးနိုင်သေးသလိုပင်!
ယွီချင့်ဟွမ်ကတော့ဘာမျှကို မခံစားရပေ။ သူ့အတိတ်ဘဝက ထိပ်ဆုံးနေရာမှာ လင်းလက်တောက်ပနေခဲ့သောအချိန်ကာလတွင် ဒီလောကထဲ ကောင်းယွင်ချန်ဆိုတဲ့လူတောင် ရှိမနေပေ။
သူသည်ကောင်းယွင်ချန်အား မတုန်မလှုပ်အမူအရာနဲ့ကြည့်လို့ မှတ်ချက်အသာလေးပြုလိုက်သည်။
"National Xiao Cao....?"
"ဘာလဲ......? မင်းပဲလုပ်လို့ရတယ်.... တခြားသူတွေလုပ်လို့မရနိုင်ဘူးလား....!
ကောင်းယွင်ချန်မှာ ယွီချင့်ဟွမ်အားဒေါသထွက်လာအောင်နှိုးဆွတာအောင်မြင်သွားပီဟူ၍ မှတ်ယူလိုက်ပြီး သူ့မျက်လုံးတွေကစော်ကားမော်ကားမှုတွေအပြည့်ဖြင့် မေးစေ့အားမာန်ပါပါပင့်တင်ထားလေသည်။
ယွီချင့်ဟွမ်က ဂရုတောင်မစိုက်ဘဲ သူ့လက်ကိုလွှဲခါလိုက်သည်။
"ရတာပေါ့... ဒါပေမယ့် ငါ့ထင်တာတော့ မင်း Weibo မှာ ရေးထားတာတနေရာမှားနေသလိုပဲ..."
"ဘာ..? မှားနေတယ်...?"
ကောင်းယွင်ချန်မှာ ယွီချင့်ဟွမ်ပြောတာကိုကြားလိုက်သည်နှင့် အလန့်တကြားဖြစ်လို့သွား၏။ သူဟာ ချက်ချင်းပဲဖုန်းကိုထုတ်ယူလိုက်ပြီး ခပ်မြန်မြန်သေချာလေးပြန်ဖတ်ကြည့်နေသည်။
စာရိုက်လွဲတာလည်း မရှိဘူး....။မသင့်တော်တာတွေလည်းမတွေ့ဘူး....။ လူတိုင်းကသူ၏ ခပ်မိုက်မိုက်ပုံစံကို ချီးကျူးနေကြသည်။
ကောင်းယွင်ချန်က ဒေါသတကြီးခေါင်းကိုပြန်မော့လာသည်။
သူကယွီချင့်ဟွမ်၏ နိမ့်ပါးလှသောသည်းခံနိုင်စွမ်းရည်ကို လှောင်ပြောင်သရော်ဖို့ တွေးလိုက်စဥ်မှာပဲ ယွီချင့်ဟွမ် စိတ်အေးလက်အေးပြောလာတာကို ကြားလိုက်ရသည်။
"ဒီမှာတွေ့လား Hua Da Xiao Cao[华大校草(school)လို့ရေးထားတယ်...မင်းက Da Ji Yuan[大妓院] ကနေ ကျောင်းပြီးတာမဟုတ်လား? မင်းရဲ့ အဖွဲ့သားတွေက ကိစ္စတွေကိုဘယ်လိုကိုင်တွယ်နေတာလဲ ကျောင်းတောင်မှားတယ်ဆိုတော့....."
T/N: 华大校草 (Hua Da Xiao Cao): 小草, Xiao Cao means the most handsome man in school. Both 小 and 校 sounds alike thus the play on word.]
ယွီချင့်ဟွမ်ပြောတာ မမှားပေ။ ကောင်းယွင်ချန်မှာတကယ့်ကို Da Ji Yuan[大妓院] ကနေကျောင်းပြီးတာဖြစ်သည်။
[T/N: 大安职业技术学院 (Da An Zhi Ye Ji Shu Xue Yuan): Da An Vocational Skill Academy. Its abbreviation: 大技院 (Da Zhi Yuan) is a play on word.
大技院 (Da Zhi Yuan) and 大妓院 (Da Ji Yuan) pinyin အသံထွက်တူပါတယ်။
大技院 (Da Zhi Yuan) က Big Vocational Academy ကျောင်းလို့ အဓိပ္ပါယ်ရှိပြီး
大妓院 (Da Ji Yuan) ကတော့ Big Brothel.. အပျော်ဂေဟာလို့ အဓိပ္ပါယ်ရပါတယ်]
ကောင်းယွင်ချန်: "....."
မင်းကမှအပျော်ဂေဟာကနေကျောင်းပြီးတာ မင်းတို့တအိမ်သားလုံးလည်း အပျော်ဂေဟာကနေပဲ ကျောင်းပြီးတာပဲ!
သူဟာသူ့ကိုယ်သူငတုံးတယောက်လို ခံစားလိုက်ရ၏။စကားလုံးတွေ၏ သိမ်မွေ့သောလှည့်ကွက်ကိုတောင် ကြိုမမြင်ခဲ့လို့ပင်!
.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,
T/N ခရစ်စမတ်နေ့လေး အမှတ်တရဖြစ်အောင်တင်ပေးလိုက်တယ်နော်
English ကနေ ဘာသာပြန်တာမို့ တချို့တရုတ်အသုံးအနှုန်းလေးတွေပါလာရင် ဘာသာပြန်ရတာ တရုတ်စာမတက်တဲ့ဝေါ်လေး တကယ်ခက်ခဲပါတယ် ဖလုတို့ 😭 မှားနေရင် သွေ့ပုချိ
သတိထားမိသူရှိမလား မသိပေမယ့် ML မျိုးရိုးက Huo ပါ တို့ရေးတာ ဟော့ ဟုတ် ဟုန် ဖြစ်လိုက်ဖြစ်နေတယ် ဘယ်ဟာလေး အနီးစပ်ဆုံးအဆင်ပြေလဲ ရွေးနေတာ ခုထိစိတ်ပိုင်းမဖြတ်ရသေးလို့ပါ
ကူရွေးပေးကြပါဦး
**********************************
[Zawgyi]
ေဟာ္ခြၽီမွာအိမ္ရာအနီးပတ္ဝန္းက်င္ကို နာရီဝက္ေလာက္ပတ္ေနေသာ္လည္း သူ႔အိမ္ကိုရွာမေတြ႕ဘူးျဖစ္ေနေလသည္။
ေနာက္ဆုံးမွာေတာ့ သူ႔ရဲ႕စာအုပ္အေသးေလးအား ထုတ္ယူလိုက္ၿပီး အိမ္ဖုန္းကိုသာလွမ္းေခၚလိုက္ရေပ၏။
မဒမ္ေဟာ္မွာေတာ့ ပါးျပင္မွာမ်က္ရည္ေတြစီးက်ေနၿပီးဧည့္ခန္းထဲထိုင္လို႔ေနသည္။
သူမသားအငယ္ဆုံးေလးအား ေတြ႕လွ်င္ေတြ႕ခ်င္း
ဘာတခုမွ်မလုပ္ႏိုင္ေတာ့ပဲ ဖိနပ္ခြၽတ္ၿပီးတာေတာင္ မေစာင့္ ရင္ခြင္ထဲသို႔ခပ္ျမန္ျမန္လွမ္းဆြဲဖက္ထားလိုက္ေတာ့သည္။
သူမဟာ သူမခ်စ္သားေလးေၾကာင့္ ငိုယိုေနၿပီးမ်က္ရည္ေတြက ေဟာ္ခြၽီတီရွပ္ကိုေတာင္ စြတ္စိုသြားေစ၏။
"အိမ္မွာ ဒ႐ိုင္ဘာေတြရွိတာကို ဓါတ္ခြဲခန္းကို မင္းကေခါင္းမာမာနဲ႔ တေယာက္တည္း သြားခ်င္တယ္...!! မားမားတေနကုန္ ဘယ္ေလာက္ စိတ္ပူေနရတယ္ဆိုတာ မင္းမသိဘူး..! အက္စီးဒန္႔တခုခုမ်ားျဖစ္လားဆိုၿပီး ေသေလာက္ေအာင္ေၾကာက္ေနရတာ! အစားတလုပ္ေတာင္ မဝင္ဘူး..! "
ေဟာ္ခြၽီမွာေက်ာက္႐ုပ္ျဖစ္လို႔သြားေပသည္။ သူဟာ သူ႔အေမကို ဘာလုပ္ရမယ္မွန္းမသိျဖစ္ေနတဲ့ တုံဏိဘာေဝအမူအရာနဲ႔ ၾကည့္ေနၿပီး သူ႔ႏႈတ္ခမ္းေတြကေတာ့တင္းတင္းေစ့ပိတ္ထားသည္မွာ စကားတလုံးေတာင္ထြက္မလာေပ။
မဒမ္ေဟာ္သည္ သူမသားနဖူးေပၚက ဆံႏြယ္ေလးေတြကို သပ္တင္ေပးလိုက္ၿပီး ႏွာေခါင္းေလးအား အသာဆြဲညႇစ္လိုက္သည္။
သူမသားအငယ္ဆုံးေလးက အလြန္႔အလြန္ကို ညဏ္ေကာင္းသည္။ အသက္ ၂၀ အ႐ြယ္ကတည္းက ေဒါက္တာဘြဲ႕ ႏွစ္ဘြဲ႕ရၿပီး သုေတသနတကၠသိုလ္ကို ဝင္ေရာက္ႏိုင္ခဲ့သည္။
ႏိုင္ငံတကာဆုေတြကိုလည္း ေရတြက္မရႏိုင္ေလာက္တဲ့အထိဆြတ္ခူးခဲ့ၿပီး တကၠသိုလ္ေတြမွာ သူအားေခၚယူရန္ အၿပိဳင္အဆိုင္အလုအယက္ ႀကိဳးပမ္းခဲ့ရသည္။
Mathematical Physics နယ္ပယ္မွာေတာ့ သူက အဓိကက်သည့္ ေရွ႕ေဆာင္လမ္းျပသိပၸံပညာရွင္တဦးလို႔ သတ္မွတ္လို႔ရေပသည္။
ဒါေပမယ့္လူေနမႈဘဝႏွင့္ပတ္သက္လာရင္ေတာ့ သူဟာ ၃ ႏွစ္သားကေလးနဲ႔ေတာင္ မယွဥ္သာေပ။
ေရကို ဘယ္လိုဆူေအာင္တည္ရမယ္မသိဘူး... လမ္းေၾကာင္းေတြ မမွတ္မိဘူး....
ဒါေတြသာမက အမ်ားသုံးပို႔ေဆာင္ေရးယာဥ္တို႔ အငွားယာဥ္တို႔ကိုပါ အသုံးမျပဳတက္ေပ.....
ရႈပ္ေထြးေပြလီတဲ့ျဒပ္စင္ေတြကို တခ်က္ၾကည့္႐ုံမွ်
ႏွင့္ ဦးေႏွာက္ထဲသိမ္းဆည္းထားႏိုင္သူက လူေနမႈဘဝႏွင့္ သက္ဆိုင္တဲ့အေျခခံအခ်က္ေလးေတြကိုေတာ့မမွတ္မိေပ။
သူတို႔ သူ႔ကိုဘယ္ေလာက္သင္ေပးဖို႔ ႀကိဳးစားႀကိဳးစား အရာမဝင္ခဲ့ေပ။
"ေနာက္တခါ ဒီလိုထပ္မလုပ္နဲ႔ေနာ္ ဟုတ္လား...?"
မဒမ္ေဟာ္မွာ သူမသား၏ရႈပ္ေထြးေနသည့္ပုံစံႏွင့္ ေခါင္းငိုက္စိုက္က်သြားတာကို ျမင္လိုက္ရင္ ဘယ္ေလာက္ စိတ္ဆိုးေနေနေအာင့္အည္းသည္းခံဖို႔သာတက္ႏိုင္ေတာ့ေလသည္။
သူမသည္ မ်က္ႏွာအမူအရာကို ခပ္တင္းတင္းဇြတ္လုပ္ယူထားလိုက္ေလ၏။
"ေတာ္ေလာက္ပါၿပီ ငါတို႔သားေတာင္ အခုျပန္ေရာက္ေနၿပီပဲ....ဒီအေၾကာင္းေတြ ဘာအတြက္ ေျပာေနေတာ့မွာလဲကြာ..."
ပါးပါးေဟာ္က သူမေဘးသို႔ ေရာက္လာၿပီး မ်က္ရည္ေတြကို သုတ္ေပးလိုက္ၿပီး ေျပာလိုက္သည္။
"ကေလးေရွ႕ငိုေနတာ မရွက္ဘူးလား......."
မဒမ္ေဟာ္မွသူ႔အားစိန္းစိန္းဝါးဝါးတခ်က္ၾကည့္လိုက္ၿပီး စိတ္ဆိုးဆိုးနဲ႔လက္ကိုျပင္းထန္စြာဆြဲဆိတ္ေလေတာ့သည္။
"ကြၽန္မသားကိုကြၽန္မနည္းနည္းပါးပါးေလာက္ေျပာတာေတာင္ေျပာလို႔မရဘူးလား"
"ရတယ္....ရပါတယ္ ...ရပါတယ္... ငါ့အမွားပါ...."
ပါးပါးေဟာ္မွာ နာက်င္လို႔ရႈံ႕တြေနသည္အထိ ဆြဲဆိတ္ခံေနရေသာ္လည္းမေအာ္ညည္းရဲေပ။
သူကသူ႔ဇနီးရဲ႕စကားေတြကိုေျပရာေျပေၾကာင္းေတာင္းပန္လိုက္ၿပီး ေနာက္ဆုံးမွာေတာ့
သူမရဲ႕မ်က္ရည္ေတြကို ရယ္သံေလးအျဖစ္သို႔ ေျပာင္းလဲလိုက္ႏိုင္၏။
ပါးပါးေဟာ္က သူ႔သားဘက္ကိုလွည့္လို႔ အသာေလးေျပာလိုက္တာက
"စန္းအာ သားအခန္းထဲအရင္ျပန္နားေတာ့.. ၿပီးရင္ အန္တီလီကိုစားစရာေတြ လာပို႔ခိုင္းလိုက္မယ္..."
T/N>>> စန္းအာ=Third born( စန္းက တတိယ er က ခ်စ္စႏိုးေခၚတာပါ)
ေဟာ္ခြၽီမွာထိုအမိန္႔စကားကိုေစာင့္ဆိုင္းေနတာျဖစ္ၿပီးၾကားတာနဲ႔တၿပိဳင္နက္ေခါင္းကိုအျမန္ၿငိမ့္ၿပီး သူအခန္းကိုဦးတည္ျပန္သြားေလသည္။
သူ႔သားရဲ႕ေက်ာျပင္မတ္မတ္ကိုၾကည့္လို႔ ပါးပါးေဟာ္မွာသက္ျပင္းအသာခ်လိုက္မိေတာ့သည္။
သူ႔မွာသူ႔၃ေယာက္ရွိသည္။ အႀကီးဆုံးသားေဟာ္က်န္း နဲ႔ ဒုတိယသားေဟာ္ယုံက အမႊာေတြျဖစ္ေလ၏။
ေဟာ္က်န္းကသူ႔ေျခရာအတိုင္းနင္းၿပီး သူ႔ရဲ႕စီးပြားေရးလုပ္ငန္းကိုဆက္ခံတယ္။ သူဟာႏိုင္ငံေရးနယ္ပယ္ထဲမွာေတာင္ အခက္အခဲမရွိေနရာယူ က်င္လည္ေနႏိုင္ၿပီျဖစ္သည္။
တျခားတဘက္တြင္ ေဟာ္ယုံကေတာ့အႏုပညာေၾကာ္ျငာလုပ္ငန္းကို ေ႐ြးခ်ယ္သည္။
ႏွစ္အနည္းငယ္ပဲရွိေသးေပမယ့္ ထင္ရွားေက်ာ္ၾကားတဲ့ေၾကာ္ျငာေတာ္ေတာ္မ်ားမ်ားကို ဖန္တီးႏိုင္ခဲ့ၿပီး
ႏိုင္ငံတြင္းမွာအေတာ္ေလး နာမည္ႀကီးေပါက္ေရာက္ေနပီျဖစ္သည္။ ဒါေၾကာင့္သူစိတ္ပူစရာမလိုေပ။
သူ႔ကိုရတက္မေအးစိတ္မခ်ျဖစ္ေစတာကေတာ့ အငယ္ဆုံးသားေဟာ္ခြၽီပါပဲ။
"ေယာက်ာ္း ကြၽန္မတို႔စန္းအာ ဒီလိုဆက္ေနသြားလို႔ မျဖစ္ေခ်ဘူး..."
မားမားေဟာ္က သူမမ်က္ရည္ေတြကို သုတ္လိုက္ရင္း ပါးပါးေဟာ္ကိုေျပာလိုက္တယ္။
"ရွင္သိလား ကြၽန္မစိတ္ေတြ တေနကုန္ဘယ္ေလာက္ေတာင္ေယာက္ယက္ခတ္ေနရတယ္ဆိုတာ...
သူတခုခုနဲ႔ တိုက္မိခိုက္မိမလား ကြၽန္မအရမ္းေၾကာက္ေနခဲ့တာ...ကြၽန္မတို႔ စန္းအာအတြက္ သက္ေတာ္ေစာင့္ ေနာက္ထပ္နည္းနည္းပိုခန္႔ထားရေအာင္ေလ...."
ပါပါးေဟာ္က ေခါင္းကိုရမ္းလိုက္တယ္။
"စန္းအာမွာ သက္ေတာင့္ေစာင့္ေတြ အလုံအေလာက္ အမ်ားႀကီးရွိေနၿပီပဲကြာ.....ဒီေန႔ျဖစ္တာက မေတာ္တဆတခုပါ ငါတို႔ဆက္ေစာင့္ၾကည့္တာေပါ့"
ေဟာ္အိမ္ေတာ္မွာ အင္အားႀကီးမားသည့္ အိမ္ေတာ္ျဖစ္ေသာ္လည္း သူတို႔ကႏွိမ့္ခ်ၿပီးေနတက္သည္။
အဲ့ဒါအျပင္ သူတို႔ဟာ သက္ေတာ္ေစာင့္ေတြကို
အေရအတြက္ထက္ အရည္အေသြးကို ဦးစားေပးေ႐ြးခ်ယ္ထားလို႔ ေနာက္ထပ္ထပ္ခန္႔မယ္ဆိုလည္း အသုံးမဝင္ေပ။
ပါးပါးနဲ႔မားမားတို႔ ေအာက္ထပ္တြင္ စကားေျပာေနစဥ္ ေဟာ္ခြၽီကစာ႐ြက္ေလးေပၚက နံပတ္စဥ္ေလးကို
ေတြေဝမိန္းေမာစြာနဲ႔ ၾကည့္ေနၿပီး အခန္းထဲထိုင္လို႔ေနသည္။
အန္တီလီမွ အစားအေသာက္ေတြလာပို႔ေသာအခါ အခန္းထဲတခ်က္ေဝ့ၾကည့္လိုက္စဥ္ ေတြ႕ရေသာ ျမင္ကြင္းက သူမအတြက္ထူးဆန္းမေနေပ။
သူမရဲ႕သခင္ငယ္ေလးဟာ ငယ္ငယ္ကတည္းက အၿမဲဒီလိုပဲ။ သူ႔ကိုယ္ပိုင္ကမာၻေလးထဲမွာပဲ ေပ်ာက္ဆုံးေနတက္တယ္။
အျပင္ေလာကက ဘယ္လိုအရာေတြနဲ႔ ပတ္သက္ပါေစ သူကဘာတုံ႔ျပန္စိတ္ဝင္စားမႈမွမရွိေပ။ စားဖို႔ေသာက္ဖို႔ ေမ့ေလ်ာေနသည္အထိပင္။
အန္တီလီကစားစရာေတြကို တံခါးဝတြင္ထားလိုက္ၿပီး ေဟာ္ခြၽီကိုအစားစားဖို႔လွမ္းေျပာမယ္လုပ္လိုက္စဥ္မွာပဲ ေဟာ္က်န္းနဲ႔ေဟာ္ယုံက ျဖတ္သြားတာနဲ႔ တိုးေလေတာ့တယ္။
သူတို႔ေတြက သူတို႔ညီငယ္ေလးရဲ႕ အခန္းထဲသို႔ ခိုးေၾကာင္ခိုးဝွက္ ၾကည့္လိုက္ေလ၏။
ေဟာ္ယုံကသက္ျပင္းခ်ၿပီး အခန္းထဲဝင္ဖို႔ ေျခလွမ္း႐ြယ္လိုက္ေပမယ့္ ႐ုတ္တရက္ႀကီး သူညီရဲ႕ OCD ကို သတိရသြားၿပီး အဆုံးထိဆက္မသြားရဲေတာ့ပဲ ေဟာ္က်န္း နား,နားကပ္လို႔ တိုးတိုးဖြဖြေလးေျပာလိုက္သည္။
"ေကာ ညီေလးက ေန႔ခင္းေၾကာင္ေတာင္ စိတ္ကူး
ယဥ္အိမ္မက္ေတြမက္ေနျပန္ၿပီရယ္...."
ေဟာ္က်န္းက သူ႔ေခါင္းကိုသူပြတ္သပ္လိုက္သည္။ သူ႔မ်က္လုံးေတြကေတာ့ ညီငယ္ေလးအတြက္ စိုးရိမ္ဗ်ာပါဒေတြ မ်ားလို႔ေန၏။
"ငါ ၿပီးရင္ တကၠသိုလ္ကို ဖုန္းတခ်က္ဆက္ၿပီး ညီေလးအတြက္ ခြင့္ရက္တခ်ိဳ႕ ယူလိုက္မယ္..."
ေဟာ္ယုံက ေခါင္းကိုခ်က္ခ်င္းခါလိုက္သည္။
"ခြင့္ယူလိုက္႐ုံနဲ႔ အရာမဝင္ဘူး.... သူက အိမ္မွာလဲ ဒီလိုဆက္ျဖစ္ေနမွာပဲကို..."
ခဏရပ္တန္႔လိုက္ၿပီးေနာက္ သူကဆက္ေျပာလာ၏။
"ေကာနဲ႔ ကြၽန္ေတာ္ ကိစၥတခုေဆြးေႏြးခ်င္တယ္..
ညီေလးကို ကြၽန္ေတာ့္ကုမၸဏီကို အလည္အပတ္သေဘာ ေခၚသြားခ်င္တယ္"
ေဟာ္ယုံ၏ကုမၸဏီအမည္မွာ 'Star Light' ျဖစ္ပီး ႏိုင္ငံတြင္းမွာေတာ့ နာမည္အႀကီးဆုံး အႏုပညာေဖ်ာ္ေျဖမႈဆိုင္ရာေကာ္ပိုေရရွင္းတခု ျဖစ္သည္။
႐ုပ္ရွင္ေလာကရဲ႕ဘုရင္ဘုရင္မေတြမွာ ယင္ေကာင္ေတြအလားေပါက္ပြားေနၿပီး ေအာင္ျမင္ဖို႔စိတ္အားထက္သန္ျပင္းျပေနသည့္ အႏုပညာေလာကသမားေတြမွာ ေခါင္းေတြအသာတိုးလို႔ ႀကံစည္ႀကိဳးပမ္း ဝင္ေရာက္လိုၾကေသာ ျမင္ျမတ္သည့္ရပ္ဝန္းတခုပင္။
"စဥ္းေတာင္မစဥ္းစားနဲ႔...."
ေဟာ္က်န္းက ဆူပူလိုက္တယ္။
"ဒီလိုေလာကရဲ႕ ရႈပ္ေထြးေပြလီမႈေတြ ငါတို႔ညီေလးကို႐ိုက္ခတ္လာရင္ ဘယ္လိုလုပ္မလဲ...."
ေဟာ္ယုံကေသခ်ာေလးေတြးၾကည့္လိုက္ၿပီးလွ်င္ သူ႔အေတြးေျပာင္းလဲသြားေတာ့သည္။
သူတို႔ကတိတ္တိတ္ေလးျပန္ထြက္သြားဖို႔ ႀကံ႐ြယ္လိုက္စဥ္မွာပဲ ေဟာ္ခြၽီကေခါင္းေလးကိုေမာ့လာၿပီး သူတို႔ထံ ၾကည့္လာ၏။
ေဟာ္ယုံမွာ သူတို႔အိမ္ရဲ႕အငယ္ဆုံးေလး သူတို႔ကို စိုက္ၾကည့္ေနပုံမွာ ခ်စ္စႏိုးျဖစ္ရလြန္းလို႔ ႏွလုံးသားေလးေတာင္ အရည္ေပ်ာ္မတက္ျဖစ္သြားေလသည္။
"ဘာျဖစ္လို႔လဲ စန္းအာ..?"
ဒါကိုျမင္လိုက္သည့္ ေဟာ္က်န္းမွာ သူ႔ညီႏွစ္ကို ေဘးတြန္းထုတ္လိုက္ၿပီး အခန္းထဲၾကည့္ဖို႔ လည္ပင္းကိုဆန္႔ထုတ္လိုက္တယ္။
"အငယ္ေလး အကိုႀကီးရဲ႕ အကူအညီတခုခု လိုေသးလား...?"
ပထမေတာ့ သူတို႔ထင္ထားတာက ညီငယ္ေလးက ခြန္းတုံ႔ျပန္မွာမဟုတ္ဘူးလို႔ပင္။
ဒါေပမယ့္ ေဟာ္ခြၽီက ႐ုတ္တရက္ႀကီး ေခါင္းကို ေျဖးေျဖးေလးညိတ္ျပလိုက္ေလတယ္။
သူကလက္ကိုေျမႇာက္လိုက္ၿပီး သူလက္ဖဝါးထဲမွာရွိတဲ့ စာ႐ြက္ေလးကိုျပလိုက္ၿပီး
"ဒါေလးက ဘာေလးလဲ...?"
ညီငယ္ေလးက သူတို႔ကို လိုလိုလားလား စကားေတြေျပာတယ္.....^-^
ညီအကိုႏွစ္ေယာက္လုံးက အလန္႔တၾကားေတြျဖစ္ကုန္ၿပီး ေဟာ္ခြၽီလက္ထဲကစာ႐ြက္ကို တစ္ခ်ိန္တည္း ၾကည့္လိုက္ေတာ့သည္။
ေဟာ္ယုံမွာ အႏုပညာေဖ်ာ္ေျဖေရးကုမၸဏီဖြင့္ထားလို႔ တခ်က္ၾကည့္႐ုံမွ်နဲ႔ ထိုအရာက လူေ႐ြးခ်ယ္ပြဲနံပတ္စဥ္မွန္း တန္းသိလိုက္သည္။
ဒါတင္မကေသးေပ..Star Light ေဖ်ာ္ေျဖေရးကုမၸဏီလို႔ သေဘာရတဲ့ အမွတ္သကၤတေလးက ယြီခ်င့္ဟြမ္ဆိုတဲ့နာမည္ေအာက္တြင္ ေဖာ္ျပထားေလသည္။
ထိုအရာက ဤသူမွာသူ႔ကုမၸဏီလက္ေအာက္ကဆိုတာကိုသက္ေသျပလို႔ေန၏။
သူတို႔ညီငယ္ေလးက ဒီလူကိုဘယ္မွာသိလာပါ
လိမ့္..? ျဖစ္ႏိုင္တာက ဒီလူက ညီငယ္ေလးရဲ႕ ေနာက္ခံကိုသိလို႔ တမင္တကာရည္႐ြယ္ခ်က္ရွိရွိ ခ်ဥ္းကပ္ လာတာမ်ားလား...?
မ်က္ေတာင္တခတ္အခ်ိန္ေလးတြင္းမွာပဲ ေဟာ္ယုံ
ဦးေႏွာက္က ဇာတ္လမ္းဇာတ္ကြက္မ်ိဳးစုံကို ပုံေဖာ္ေနၿပီး ေဟာ္က်န္းကို သူသိသေလာက္မွတ္သေလာက္ ေျပာျပလိုက္သည္။
ေဟာ္က်န္းမွာ စူးစူးစိုက္စိုက္နဲ႔ ဒီစာ႐ြက္ရဲ႕ေနာက္ခံဇာတ္ေၾကာင္းကို ပုံေဖာ္လို႔ေနသည္။
ကံမေကာင္းတာက ေဟာ္ခြၽီဆိုတာတခုခုကို သူလိုသုံးၿပီးတာနဲ႔ ပစ္ထုတ္တက္သူျဖစ္ရာ သူသိခ်င္တာ သိသြားတာႏွင့္ သူ႔အကိုႏွစ္ေယာက္လုံးအား လုံးဝကို အေရးတယူမလုပ္ေတာ့ေပ။
ေဟာ္ခြၽီမွာ သူ႔အကိုေတြရဲ႕ စူးစမ္းေနတဲ့အၾကည့္ေတြကိုလစ္လ်ဳရႈလို႔ အခန္းတံခါးကိုဘန္းခနဲေနေအာင္ပိတ္လိုက္ေတာ့သည္။
ထို႔ေနာက္ေခါင္းေလးကိုငုံ႔လို႔ နံပတ္စဥ္ေလးကို ဖြဖြေလးနဲ႔ဂ႐ုတစိုက္ေလးပြတ္သပ္လို႔ေနေလသည္။
သူဘာေတြေတြးေနတယ္ဆိုတာ လုံးဝမသိႏိုင္ေပ။
အျခားတဖက္တြင္ ယြီခ်င့္ဟြမ္ကေတာ့ အမဲသားေခါက္ဆြဲတစ္ပန္ကန္ႀကီးကို အျပင္မွာ
ဝါးတီးဆြဲလို႔ေနၿပီး စားလို႔ၿပီးခါမွကုမၸဏီသို႔ျပန္သြားေလ၏။
ယြီရွင္းမွာအေစာကတည္းက ယြီခ်င့္ဟြမ္အား ေစာင့္ဆိုင္းေနတာျဖစ္သည္။
ယြီခ်င့္ဟြမ္အားျမင္လိုက္သည္ႏွင့္တၿပိဳင္နက္ သူ႔ဆီတန္းေလွ်ာက္သြားၿပီး ဇာတ္ၫႊန္းထူထူႀကီးတအုပ္ကို လက္ထဲထိုးထည့္လိုက္ေလ၏။
"မင္းေနာက္ဆုံးေတာ့ ျပန္ေရာက္လာၿပီ....ငါေစာင့္ေနတာ ေန႔တဝက္ေတာင္က်ိဳးေတာ့မယ္...ဒါက ဒါ႐ိုက္တာလ်ိဳေပးသြားတဲ့ ဇာတ္ၫြန္း ..ေသခ်ာေလး ေလ့က်င့္ေခ်... "
"ေကာ ကြၽန္ေတာ့ကို သတိေပးေနတာ အေခါက္ေပါင္း မနည္းေတာ့ဘူး...."
ယြီခ်င့္ဟြမ္မွာ ဇာတ္ၫႊန္းကိုယူလို႔ ဆိုဖာဆီေလွ်ာက္သြားၿပီး အားမရွိသလိုေျဖလိုက္သည္။
"ဒါ မင္းေကာင္းဖို႔အတြက္ပဲေလ...!"
ယြီရွင္းက ယြီခ်င့္ဟြမ္ရဲ႕ေခါင္းေနာက္ကို႐ိုက္ဖို႔ လက္ေျမႇာက္လိုက္ေသာ္လည္း ယြီခ်င့္ဟြမ္က ၿပဳံးၿဖဲၿဖဲလုပ္ၿပီးေရွာင္ကြင္းလိုက္ႏိုင္သည္။ ယြီရွင္းမွာ ကူကယ္ရာမဲ့သလို ခံစားလိုက္ရေတာ့၏။
"ငါေျပာမယ္ တျခားသူသာဆိုရင္ ဒီလိုအခြင့္အေရးေကာင္းမ်ိဳးရရင္ ေပ်ာ္လြန္းလို႔ ေပါက္ကြဲထြက္သြားမွာၾကာလွၿပီ... ဒါေပမယ့္ မင္းကေတာ့ ဘယ္လိုတုံ႔ျပန္မႈေလးတခုေတာင္မွရွိမေနဘူး"
သိသာထင္ရွားတာက လူေ႐ြးပြဲမတိုင္ခင္ကေတာ့ ဒီလူငယ္ေလးက ေသခ်ာေပါက္ လက္သီးေတြဆုပ္လိုက္ လက္ဖဝါးေတြပြတ္လိုက္ တခ်ီတည္းအပိုင္ကိုင္မယ္ စိတ္အားထက္သန္ေနတာပင္...
ဒါေပမယ့္ လူေ႐ြးပြဲၿပီးသြားတာနဲ႔တၿပိဳင္နက္ သူ႔တေယာက္တည္း စိတ္ေအးသက္သာျဖစ္လို႔ေနေပ၏။
"ဘာပဲျဖစ္ျဖစ္ ရလဒ္ကဒီလိုထြက္လာေနၿပီပဲ ေပ်ာ္ေပ်ာ္မေပ်ာ္ေပ်ာ္ မထူးျခားနားပါဘူး..."
ယြီခ်င့္ဟြမ္မွာ သူ႔ထီလက္မွတ္ႏွစ္ေစာင္အား အိတ္ကပ္ထဲကထုတ္လို႔ ေကာ္ဖီစားပြဲေပၚသို႔ ဘန္းခနဲေနေအာင္ ႐ိုက္ခ်လိုက္တယ္။
"ေကာ တကယ္လို႔မ်ား ကြၽန္ေတာ့္ထီလက္မွတ္သာ ငါးသန္းစုေပါက္ခဲ့ရင္ ကြၽန္ေတာ္ခင္ဗ်ားကို ကြၽန္ေတာ့ ကိုယ္ပိုင္မန္ေနဂ်ာအျဖစ္ေ႐ြးမယ္"
"ေတာ္ပါေတာ့ကြာ ဟုတ္လား"
ယြီရွင္းက မ်က္လုံးမ်ားကိုေစြေစာင္းပီးေျပာလိုက္သည္။
"ငါးသန္းဆိုတာ ဘယ္ေလာက္မို႔လို႔လဲ...? မင္းသိဖို႔က မင္းလို အလားအလာေကာင္းေတြနဲ႔ သူေတြက TV ဒရမ္မာ တခုနဲ႔ေတာင္ သန္းတခ်ိဳ႕ရေနႏိုင္တာ...ထီအေပၚမွီခိုေနမယ့္အစား သ႐ုပ္ေဆာင္ အလုပ္ကိုသာ ေသခ်ာေလးေဇာက္ခ်လုပ္ပါ့လား..."
သို႔ေသာ္လည္းယြီရွင္းရင္ထဲမွာေတာ့အတန္ငယ္ေလး
ထိရွသြားသည္။
ဒီကေလးကသူ႔မ်က္ႏွာေပၚမွာမေဖာ္ျပထားေပမယ့္ သူ႔အေပၚ ေကာင္းထားတဲ့သူဆိုရင္ သူႏွလုံးသားက ျပတ္ျပတ္သားသားကိုအမွတ္သညာထားေလသည္။
ယြီရွင္းမွာေျပာေနရင္းလက္စ တစုံတရာကို႐ုတ္တရက္သတိရသြားၿပီး သူ႔ေခါင္းသူျပန္ပုတ္မိလိုက္ၿပီးလွ်င္
"မင္းေၾကာင့္ စကားလမ္းေၾကာင္းေတြလြဲကုန္ၿပီး ေမ့ေတာ့မလို႔...မနက္ျဖန္ ငါနဲ႔တူတူတစ္ေနရာကို ခဏတျဖဳတ္ေလာက္ သြားရေအာင္...မင္းရဲ႕ ပြဲဦးထြက္အတြက္ 'Hua Da's Xiao Cao' ေခါင္းစဥ္ကို ေ႐ြးထားတယ္...."
T/N; Hua Da ---university abbreviation ; Xiao Cao----the most handsome man in school # တကၠသိုလ္မွာ အေခ်ာဆုံးအမိုက္ဆုံးကို ေျပာတာပါ ဥပမာေပးရရင္ တို႔ေတြႏိုင္ငံမွာဆို King ေတြေပါ့....#
"မသြားလို႔မရဘူးလား...."
ယြီခ်င့္ဟြမ္မ်က္လုံးေတြက စိတ္မပါလက္မပါ ခံစားခ်က္မရွိၾကည့္လို႔ေနသည္။
အမွည့္လြန္သခြားသီးအား အစိမ္းေရာင္ဆိုးထားေသာ (ငယ္႐ြယ္ခ်င္ေယာင္ေဆာင္ထားေသာ) သူ႔လိုလူက Xiao Cao ပုံစံနဲ႔ ေစ်းကြက္ဆင္းရမွာ သူ႔အား မ်က္ႏွာပူလာေစသည္။
"မရဘူး..."
ယြီရွင္းရဲ႕ဆုံးျဖတ္ခ်က္က တစ္ရာရာခိုင္ႏႈန္းခိုင္မာျပတ္သားလို႔ေနသည္။
ယြီခ်င့္ဟြမ္အားျငင္းဆိုဖို႔အခြင့္အေရးလုံးဝမေပးေတာ့ဘဲ ေစာေစာအိပ္ရန္တိုက္တြန္းကာ သူကမတ္တပ္ရပ္ထြက္ခြာသြားေလေတာ့သည္။
ယြီရွင္းထြက္ခြာသြားတာႏွင့္ ယြီခ်င့္ဟြမ္မွာ ဆိုဖာေပၚမွာထိုင္လို႔ အၾကာႀကီးစဥ္းစားခန္းဖြင့္ေနသည္။
သူ႔ရဲအတိတ္ဘဝမွာေတာ့ ဒီလိုအရာမ်ိဳးမေတြ႕ႀကဳံခဲ့ေပ။ လူေ႐ြးပြဲမွာေ႐ြးခ်ယ္ခံလိုက္ရသည္ႏွင့္တၿပိဳင္နက္ သူ႔ရဲ႕လမ္းေၾကာင္းက အရင္ဘဝနဲ႔ ပို၍ေသြဖီကြဲျပားသြားေတာ့မည္ထင္ရ၏။
သူဟာအႏုပညာေလာကမွာထပ္ၿပီးမက်င္လည္ခ်င္ေတာ့ေပမယ့္ တခ်ိဳ႕ေသာအရာေတြမွာ သူ႔ဆႏၵအေလ်ာက္ထိန္းခ်ဳပ္ႏိုင္ဖို႔ျငင္းဆန္ေနသည္။
ယြီခ်င့္ဟြမ္မွာ အတန္ငယ္ကိုက္ခဲေနေသာေခါင္းအားပြတ္လို႔ ရႈပ္ေထြးေနေသာအေတြးေတြအား ေခါင္းထဲက စြန္႔ထုတ္ပစ္လိုက္ေတာ့သည္။
ထားလိုက္ပါေတာ့ တလွမ္းတလွမ္းခ်င္းစီသြားတာေပါ့ေလ.......။
ေနာက္တေန႔မနက္ေစာေစာေရာက္ေသာ္ ယြီခ်င့္ဟြမ္မွာ သူ႔အသိုက္ထဲကေနဆြဲထုတ္ခံလိုက္ရေပသည္။
ထို႔ေနာက္တြင္ ယြီရွင္းႀကိဳတင္ျပင္ဆင္ေပးထားတဲ့ အက်ီအားဝတ္လို႔ ရီေဝေဝမ်က္လုံးေတြနဲ႔ ေက်ာင္းသို႔ေရာက္သြားေတာ့သည္။
ေရာက္ေရာက္ခ်င္းမွာပဲ ေကာင္းယြင္ခ်န္နဲ႔သူ႔မန္ေနဂ်ာတို႔ႏွင့္တိုးေလေတာ့သည္။
ႏွစ္ဖက္စလုံးမွာကင္မရာနဲ႔လက္ေထာက္ေတြ ေနာက္ကေနတသီတတန္းႀကီးလိုက္ေနၾကၿပီး ဘာလုပ္ေနမွန္းမသိရေပ။
ေကာင္းယြင္ခ်န္မွာ ယြီခ်င့္ဟြမ္ထက္ ၂ ႏွစ္ေစာကာ ပြဲဦးထြက္ခဲ့ၿပီး အရည္အခ်င္းမဆိုးဘဲ Idol drama ၂ ကားမွာ ပါဝင္သ႐ုပ္ေဆာင္ခဲ့သည္။
သူ႔ရဲ႕မန္ေနဂ်ာကေတာ့ ေကာင္းယြင္ခ်န္ကို ႐ိုးသားေျဖာင့္မတ္တဲ့ပုံရိပ္ေဖာ္ထားေလသည္။
ဒါေပမယ့္ Weiboမွာေတာ့ အတန္ငယ္သာျဖစ္ၿပီး ေပၚျပဴလာမျဖစ္ေပ။
ေကာင္းယြင္ခ်န္က 'The line of life and death' မွာ တတိယဇာတ္ေကာင္ေနရာ ဝင္ေရာက္ေ႐ြးခ်ယ္ခံဖို႔သြားေရာက္ခဲ့သည္။
ဒါေပမယ့္အေျခအေနကေတာ့ သူ႔အေနနဲ႔ စကားေလးအနည္းငယ္ေလာက္သာေျပာအၿပီး ဒါ႐ိုက္တာလ်ိဳရဲ႕ကန္ထုတ္ျခင္းခံခဲ့ရတာပင္။
ဒါေၾကာင့္သာ ယြီခ်င့္ဟြမ္လူေ႐ြးပြဲေအာင္ျမင္သြားတယ္ဆိုတာၾကားသိလိုက္ရတဲ့ေနာက္ သူ႔ေဒါသကိုသူခ်ဳပ္တီးမထားႏိုင္ေတာ့ေပ။
သူဟာ Star light က ရာထူးျမင့္သူအနည္းငယ္ႏွင့္ မရွင္းမလင္းဆက္ဆံေရးမ်ိဳးရွိတာေၾကာင့္ ယြီရွင္း ယြီခ်င့္ဟြမ္ကိုေပးခဲ့တဲ့အလုပ္နဲ႔ပတ္သက္ၿပီး ပထမဦးဆုံး သိထား၏။
ယြီခ်င့္ဟြမ္အားအဆင္မေျပျဖစ္ေစဖို႔ သူကမနက္အေစာႀကီး အားခ်င္းေျပးေက်ာင္းကိုဓါတ္ပုံ႐ိုက္ဖို႔
ေရာက္လာခဲ့တာျဖစ္ေပသည္။
ကြၽမ္းက်င္ပညာရွင္ေတြကဓါတ္ပုံကိုေကာင္းမြန္ေအာင္ အေခ်ာသတ္ျပင္ဆင္ၿပီးတာနဲ႔တၿပိဳင္နက္ေကာင္းယြင္ခ်န္က Weibo မွာခ်က္ခ်င္းေကာက္တင္လိုက္သည္။
ထို႔ေနာက္ National Handsome Manဆိုတဲ့ ေခါင္းစဥ္က 'ဟစ္' ျဖစ္လာေတာ့၏။
"ဓါတ္ပုံ႐ိုက္သြားဖို႔လား......"
ေကာင္းယြင္ခ်န္မွာ အက်အနေသခ်ာပုံသြင္းထားေသာဆံပင္နက္နက္ ေအးတိေအးစက္အမူအရာတို႔ျဖင့္ ယြီခ်င့္ဟြမ္အားၾကည့္လို႔ေနသည္။
"ဒီမနက္ Weibo မဖြင့္ၾကည့္ရေသးဘူးေပါ့....
အသိုင္းအဝိုင္းက်ဥ္းက်ဥ္းေလးကလူေတြက အျမင္ပါတယ္က်ဥ္းတယ္ကို... သူမ်ားစားၿပီးသားအႂကြင္းအက်န္ေတြလည္း ေကာက္စားတက္တာပဲ...."
ယြီရွင္းက ထိုစကားကိုၾကားလိုက္ေတာ့ တခုခုေတာ့ ျဖစ္ေနၿပီဆိုတာ ခ်က္ခ်င္းသိလိုက္သည္။
သူဟာခ်က္ခ်င္းပဲ တုန္တုန္ယင္ယင္နဲ႔ဖုန္းကိုဖြင့္ၾကည့္လိုက္ေသာ္ သူ႔ရဲ႕ ဒြာရ ၇ ႏွစ္ေပါက္ကေန မီးခိုးေတြ ထြက္လာသည္အထိ အရမ္းကိုစိတ္ဆိုးေဒါသထြက္သြားရေတာ့သည္။
ယြီရွင္းမွာ ေကာင္းယြင္ခ်န္နဲ႔သူ႔အဖြဲသားေတြက ဒီလိုလုပ္ရပ္မ်ိဳးလုပ္မယ္ဆိုတာကို မထင္ထားခဲ့ေပ။
အခုခ်ိန္ Weibo ေနရာတိုင္းမွာ ေကာင္းယြင္ခ်န္ National Handsome man ဆိုပီး ေဆြးေႏြးေနၾကသည္။
သူ႔အတြက္ ေၾကာ္ျငာေတြေတာင္ ဝင္ေနၾကေသး....!
ဒီလိုအကြက္မ်ိဳးကအရမ္းေျပာင္ေျမာက္လွတာမဟုတ္ေသာ္လည္း ဖားတေကာင္ကေျခေထာက္ေပၚ တက္လာရင္မကိုက္ရင္ေတာင္မွ ၿခိမ္းေျခာက္မႈေတာ့ေပးႏိုင္ေသးသလိုပင္!
ယြီခ်င့္ဟြမ္ကေတာ့ဘာမွ်ကို မခံစားရေပ။ သူ႔အတိတ္ဘဝက ထိပ္ဆုံးေနရာမွာ လင္းလက္ေတာက္ပေနခဲ့ေသာအခ်ိန္ကာလတြင္ ဒီေလာကထဲ ေကာင္းယြင္ခ်န္ဆိုတဲ့လူေတာင္ ရွိမေနေပ။
သူသည္ေကာင္းယြင္ခ်န္အား မတုန္မလႈပ္အမူအရာနဲ႔ၾကည့္လို႔ မွတ္ခ်က္အသာေလးျပဳလိုက္သည္။
"National Xiao Cao....?"
"ဘာလဲ......? မင္းပဲလုပ္လို႔ရတယ္.... တျခားသူေတြလုပ္လို႔မရႏိုင္ဘူးလား....!
ေကာင္းယြင္ခ်န္မွာ ယြီခ်င့္ဟြမ္အားေဒါသထြက္လာေအာင္ႏႈိးဆြတာေအာင္ျမင္သြားပီဟူ၍ မွတ္ယူလိုက္ၿပီး သူ႔မ်က္လုံးေတြကေစာ္ကားေမာ္ကားမႈေတြအျပည့္ျဖင့္ ေမးေစ့အားမာန္ပါပါပင့္တင္ထားေလသည္။
ယြီခ်င့္ဟြမ္က ဂ႐ုေတာင္မစိုက္ဘဲ သူ႔လက္ကိုလႊဲခါလိုက္သည္။
"ရတာေပါ့... ဒါေပမယ့္ ငါ့ထင္တာေတာ့ မင္း Weibo မွာ ေရးထားတာတေနရာမွားေနသလိုပဲ..."
"ဘာ..? မွားေနတယ္...?"
ေကာင္းယြင္ခ်န္မွာ ယြီခ်င့္ဟြမ္ေျပာတာကိုၾကားလိုက္သည္ႏွင့္ အလန္႔တၾကားျဖစ္လို႔သြား၏။ သူဟာ ခ်က္ခ်င္းပဲဖုန္းကိုထုတ္ယူလိုက္ၿပီး ခပ္ျမန္ျမန္ေသခ်ာေလးျပန္ဖတ္ၾကည့္ေနသည္။
စာ႐ိုက္လြဲတာလည္း မရွိဘူး....။မသင့္ေတာ္တာေတြလည္းမေတြ႕ဘူး....။ လူတိုင္းကသူ၏ ခပ္မိုက္မိုက္ပုံစံကို ခ်ီးက်ဴးေနၾကသည္။
ေကာင္းယြင္ခ်န္က ေဒါသတႀကီးေခါင္းကိုျပန္ေမာ့လာသည္။
သူကယြီခ်င့္ဟြမ္၏ နိမ့္ပါးလွေသာသည္းခံႏိုင္စြမ္းရည္ကို ေလွာင္ေျပာင္သေရာ္ဖို႔ ေတြးလိုက္စဥ္မွာပဲ ယြီခ်င့္ဟြမ္ စိတ္ေအးလက္ေအးေျပာလာတာကို ၾကားလိုက္ရသည္။
"ဒီမွာေတြ႕လား Hua Da Xiao Cao[华大校草(school)လို႔ေရးထားတယ္...မင္းက Da Ji Yuan[大妓院] ကေန ေက်ာင္းၿပီးတာမဟုတ္လား? မင္းရဲ႕ အဖြဲ႕သားေတြက ကိစၥေတြကိုဘယ္လိုကိုင္တြယ္ေနတာလဲ ေက်ာင္းေတာင္မွားတယ္ဆိုေတာ့....."
T/N: 华大校草 (Hua Da Xiao Cao): 小草, Xiao Cao means the most handsome man in school. Both 小 and 校 sounds alike thus the play on word.]
ယြီခ်င့္ဟြမ္ေျပာတာ မမွားေပ။ ေကာင္းယြင္ခ်န္မွာတကယ့္ကို Da Ji Yuan[大妓院] ကေနေက်ာင္းၿပီးတာျဖစ္သည္။
[T/N: 大安职业技术学院 (Da An Zhi Ye Ji Shu Xue Yuan): Da An Vocational Skill Academy. Its abbreviation: 大技院 (Da Zhi Yuan) is a play on word.
大技院 (Da Zhi Yuan) and 大妓院 (Da Ji Yuan) pinyin အသံထြက္တူပါတယ္။
大技院 (Da Zhi Yuan) က Big Vocational Academy ေက်ာင္းလို႔ အဓိပၸါယ္ရွိၿပီး
大妓院 (Da Ji Yuan) ကေတာ့ Big Brothel.. အေပ်ာ္ေဂဟာလို႔ အဓိပၸါယ္ရပါတယ္]
ေကာင္းယြင္ခ်န္: "....."
မင္းကမွအေပ်ာ္ေဂဟာကေနေက်ာင္းၿပီးတာ မင္းတို႔တအိမ္သားလုံးလည္း အေပ်ာ္ေဂဟာကေနပဲ ေက်ာင္းၿပီးတာပဲ!
သူဟာသူ႔ကိုယ္သူငတုံးတေယာက္လို ခံစားလိုက္ရ၏။စကားလုံးေတြ၏ သိမ္ေမြ႕ေသာလွည့္ကြက္ကိုေတာင္ ႀကိဳမျမင္ခဲ့လို႔ပင္!
.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,
T/N ခရစ္စမတ္ေန႔ေလး အမွတ္တရျဖစ္ေအာင္တင္ေပးလိုက္တယ္ေနာ္
English ကေန ဘာသာျပန္တာမို႔ တခ်ိဳ႕တ႐ုတ္အသုံးအႏႈန္းေလးေတြပါလာရင္ ဘာသာျပန္ရတာ တ႐ုတ္စာမတက္တဲ့ေဝၚေလး တကယ္ခက္ခဲပါတယ္ ဖလုတို႔ 😭 မွားေနရင္ ေသြ႕ပုခ်ိ
သတိထားမိသူရွိမလား မသိေပမယ့္ ML မ်ိဳး႐ိုးက Huo ပါ တို႔ေရးတာ ေဟာ့ ဟုတ္ ဟုန္ ျဖစ္လိုက္ျဖစ္ေနတယ္ ဘယ္ဟာေလး အနီးစပ္ဆုံးအဆင္ေျပလဲ ေ႐ြးေနတာ ခုထိစိတ္ပိုင္းမျဖတ္ရေသးလို႔ပါ
ကူေ႐ြးေပးၾကပါဦး