_ ក្រោយជិះសេះហោះលេងហើយ Jungkook ក៏នាំពីរនាក់បងប្អូនទៅដើរមើលនេះមើលនោះរហូត ទាល់តែមេឃបាក់ងងឹតចូលមកដល់ ។
« ទាំងពីរនាក់ឃ្លានហើយនៅ? » រាងក្រាសសួរឡើងពេលឃើញទឹកមុខ Donghae មើលទៅដូចជាឃ្លានតែមិនហ៊ាននិយាយ ។
« លោកនាំដើរតាំងតែមេឃភ្លឺរហូតដល់មេឃងងឹតវិញហើយចេះសួរថាឃ្លានឬអត់ទៅកើត អត់ចេះមើលទឹកមុខមនុស្សទេហ្អេ៎? » Tae ដាក់មួយម៉ាត់ៗ ឲ្យរាងក្រាសចុកដល់បេះដូងតែម្ដង កុំថាតែ Donghae សូម្បីតែ Tae ខ្លួនឯងក៏ឃ្លានចង់ដាច់ពោះវៀនដែរ មិនដឹងជា Jungkook ចង់នាំគេដើរដល់ ពេលណាទេ សង្ស័យតែដើរដល់ម៉ោង២ភ្លឺផងក៏មិន ដឹង ។
« នៅក្បែរនេះមានហាងបឺហ្គឺរមួយដែរបើអ៊ីចឹងពួក យើងទៅញ៊ាំទៅ » ថាហើយរាងក្រាសក៏នាំពួកគេ ទៅទីនោះភ្លាម ។
« អង្គុយទៅចាំខ្ញុំទៅកម្ម៉ង់អីមកញ៊ាំ » Jungkook ប្រាប់រួចក៏ដើរទៅកន្លែង order របស់ញ៊ាំដោយឬកពារសុភាពបុរសពេញលក្ខណៈធ្វើឲ្យ Tae លួច នឹកឆ្ងល់ហើយថាហេតុអីបានជានាយល្អនឹងគេព្រមទាំងយកចិត្តទុកដាក់នឹងគេគ្រប់ពេលបែបនេះទាំងដែលកន្លងមកខ្លួនបញ្ចេញចរិតមិនសមរម្យរហូតតែ Jungkookនៅតែមុខក្រាសតាមគេឲ្យទាល់តែបាន។
« ម្នាក់ហ្នឹងរោគចិត្តទេដឹង? » រាងតូចលាន់មាត់តិចៗ ព្រមទាំងដៀងភ្នែកតាមមើល Jungkook ពីក្រោយធ្វើឲ្យ Donghae កំពុងចុចទូរស័ព្ទលឺហើយងាកមក ភ្លាម ។
« បងប្រុសថាម៉េច? » Donghae
« គ្មានស្អីទេ ឯងនៅក្មេងកុំចេះដឹងរឿងគេពេកហើយអាទូរស័ព្ទនេះក៏កុំសូវលេងពេកដែរប្រយ័ត្នតែរៀនមិនចេះ ម៉ាក់ឯងខ្មាសគេទៅ យើងនឹងសើចឲ្យណាណីម្ដង » Tae ស្ដីឲ្យអាល្អិតរួចក៏អង្គុយឱបដៃ ទាំងមុខស្មើៗទើប Donghae ទុកទូរស័ព្ទចូលកាតាបវិញ ។
« អរគុណ » Jungkook ញញឹមអរគុណអ្នកលក់មុននឹងដើរមករករាងតូចវិញដោយមានកាន់ថាសដែលពោរពេញទៅដោយបឺហ្គឺរ ភ្លៅមាន់ និងកូកាជាច្រើនផងដែរ ។
« អួយ៎!! » នៅសុខៗស្រាប់តែស្រីម្នាក់ដើរមកប៉ះនឹងដៃ Jungkook តែក៏សំណាងល្អដែលមិនជ្រុះរបស់ក្នុងថាសគ្រាន់តែវ៉ែនតារបូតចេញពីភ្នែកនាយ ប៉ុណ្ណោះ ។
« សុំទោសផងលោក ខ្ញុំដើរមិនប្រយ័ត្ន » ស្រីស្រស់សុំទោសព្រមទាំងជួយរើសវ៉ែនតាឲ្យនាយក៏ប្រទះនឹងភ្នែកជាំរបស់ Jungkook នាងខំទប់សើចភ្លាម ។
« មិនអីទេ មិនមែនជាកំហុសអ្នកនាងទេ » រាងក្រាសញញឹមមុននឹងទទួលវ៉ែនតាពីនាងហើយក៏ដើរ សំដៅទៅរករាងតូចវិញ ។
« មកដល់ហើយ!! » Jungkook
« ហូ៎ ច្រើនខ្លាំងណាស់ » Donghae
« ចឹងញ៊ាំឲ្យច្រើនៗទៅ ចង់ញ៊ាំអីកម្ម៉ង់បានតាមចិត្តទុកឲ្យពូជាអ្នកប៉ាវចុះ » Jungkook
« អរគុណលោកពូ » Donghae
« ឆាប់ញ៊ាំទៅ » Jungkook និយាយរួចទើបពួកគេ នាំគ្នាញ៊ាំ តែរាងតូចញ៊ាំផងមើលទូរស័ព្ទផងញ៊ាំមិនត្រង់មាត់ឡើងប្រឡាក់មាត់អស់ទើបរាងក្រាសទាញ ក្រដាសទៅជូតមាត់ឲ្យ ។
« លោកធ្វើស្អីហ្នឹង? » Tae សួរបែបច្រឡោតៗធ្វើឲ្យ Jungkook ក្នាញ់ចង់តែចាប់ទាញថ្ពាល់ហែក លេងទេ។
« ញ៊ាំដូចក្មេងប្រឡាក់មាត់អស់ហើយ កុំរវល់តែ មើលទូរស័ព្ទពេកប្រយ័ត្នប្រឡងធ្លាក់ ខ្ញុំចាប់វាយគូទមិនខាន » រាងក្រាសនិយាយឯ Donghae ក៏សើចចេញមកតែខំទប់ មុននេះ Tae ទើបតែប្រដៅគេ ហើយទេឥឡូវនេះក៏ត្រូវ Jungkook ប្រដៅវិញម្ដងថែមទាំងចង់ចាប់វាយគូទទៀត គូទបងប្រុសគេប៉ោងល្អណាស់បើបានវាយច្បាស់ជាលោតផ្លោតៗល្អមើល មិនខានទេ ។
« សើចស្អី? » រាងតូចងាកទៅសម្លក់អាល្អិតទើប Donghae អង្គុយត្រង់ខ្លួនខំទប់សើចកុំឲ្យ Tae ខឹង ។
« និយាយស្អីឆ្កួតៗ » Tae ងាកមកថាឲ្យរាងក្រាស ម្ដងមុននឹងទាញក្រដាសមកជូតមាត់ខ្លួនឯងកុំឲ្យគេ មើលងាយទៀត តែJungkook មិនព្រមឈប់រក រឿងគេសោះនៅលើកកែវកូកាមកដាក់នៅចំពោះ មុខចង់បញ្ចុកគេថែមទៀត គិតថាគេជាក្មេងអាយុ៥ឆ្នាំទើបតែចូលមកញ៊ាំបឺហ្គឺរក្នុងហាងលើកទីមួយឬយ៉ាងម៉េចបានជា Take care ស្អីសម្បើមថ្នាក់នេះ??
« យ៉ាងម៉េចទៀតហើយ? » Tae
« ញ៊ាំទៅកុំឲ្យស្រេកទឹក » Jungkook
« តែស្រេកទឹកខ្ញុំចេះផឹកខ្លួនឯងហើយ » Tae ធ្វើមុខធុញទ្រាន់បម្រុងទាញបឺហ្គឺរមកញ៊ាំតែនាយ សង្ហារនៅតែមុខក្រាសតាមរញ៉េរញ៉ៃគេទាល់តែបាន ។
« ឲ្យឆាប់ឡើង » Jungkook
« ហុឺយ...!! » ដោយខ្ចិលឈ្លោះ រាងតូចក៏ហារមាត់ ឲ្យគេបញ្ចុកកូកាតាមចិត្តធ្វើឲ្យ Jungkook និង Donghae ញញឹមឡើងមកជាមួយគ្នាដែលបាន ឃើញ Taeចេះចុះចាញ់ម្ដងហើយម្ដងទៀតបែបនេះ។
« ចង់ទៅណា? » បន្ទាប់ពីញ៊ាំរបស់លើថាសអស់ Jungkook ក៏សួរឡើងពេលឃើញរាងតូចក្រោកឈរ ។
« ទៅបន្ទប់ទឹក » Tae ឆ្លើយរួចក៏ដើរទៅបន្ទប់ទឹក មែនទើបរាងក្រាសនាំ Donghae ទៅគិតលុយអាហារជាមួយគ្នារួចចាំរាងតូចមកវិញនឹងអាលបាន ទៅផ្ទះតែម្ដង ។
_ Tae ចូលបន្ទប់ទឹកធ្វើអ្វីៗរួចរាល់ហើយក៏ដើរចេញមកវិញ ចៃដន្យក៏បានលឺសម្លេងស្រីពីរនាក់និយាយគ្នាពីរឿងខ្លះនៅបន្ទប់ទឹកស្ត្រីជាប់គ្នាទើបគេពួនចាំស្ដាប់ភ្លាម ។
« ប្រុសម្នាក់ហ្នឹងសង្ហារអើយសង្ហារបានជាយើងធ្វើជាដើរទៅប៉ះហ្នឹងណាឯង មិនដែលឃើញទេសង្ហារជាងពួកតារាទៅទៀត » ស្រីដែលដើរប៉ះ Jungkook មុននេះនិយាយប្រាប់ទៅមិត្តនាងទាំងដៃកំពុងលាបក្រែម ដែលប៉ះគ្នាជាមួយ Jungkook មុននេះគ្រាន់តែជាល្បិចរបស់នាងប៉ុណ្ណោះ ។
« មែនក៏អី? ឯងនិយាយចឹងធ្វើឲ្យយើងចង់ឃើញមុខគេដែរហើយ » ស្រីជាមិត្តតបទៅវិញ ។
« តែយើងថាមើលតែរាងបានហើយមិនបាច់មើល មុខទេព្រោះភ្នែកគេពេលដោះវែនតាចេញណា៎
អូ៎ហូយ...ឡើងជាំដូចត្រូវប្រពន្ធដាល់ចឹង យើងនេះខំទប់កុំឲ្យសើចនៅមុខគេទៀតផង » Girl 1
« គេសង្ហារចឹងច្បាស់ជាមានស្រីក្រៅហើយប្រពន្ធតាមទាន់វាយឲ្យទៅជាចឹងទេដឹង? » Girl 2
« មិនដឹងដែរតែគួរឲ្យចង់សើចមែនទែន ហាហា » នាងនិយាយហើយសើចគឹលឡើងមក ។
« យើងទៅសិនហើយមានការរវល់ » Girl 2
« អឺទៅៗ យើងចូលបន្ទប់ទឹកសិនចាំទៅតាមក្រោយ » ពួកនាងបំបែកផ្លូវគ្នាដោយស្រីនោះដើរចូលបន្ទប់ ទឹករីឯរាងតូចដែលលួចស្ដាប់លឺពួកនាងនិយាយគ្នាហើយក៏មួរម៉ៅឡើងមកភ្លាមមិនដឹងព្រោះមូលហេតុអីឲ្យប្រាកដ ប្រហែលមកពីខឹងដែលពួកនាងលួចចាប់អារម្មណ៍ Jungkook ឬព្រោះតែពួកនាងថាគេជា ប្រពន្ធរបស់ Jungkook ទេដឹង?
« ប្រពន្ធចឹងហ្អេ៎? ហុឹស! » Tae ញញឹមចុងមាត់ពត់ម្រាមដៃចូលគ្នាដូចជារកនឹកល្បិចធ្វើបាបស្រីនោះបានហើយ ។
« ឡា ឡា ឡា ♪♪ » ស្រីនោះអង្គុយនោមបណ្ដើរ ឆ្លៀតច្រៀងបណ្ដើរទាំងមិនដឹងថាមាន Tae កំពុងតែកាន់ធុងទឹកឡើងលើចានបង្គន់នៅបន្ទប់ក្បែរគ្នាមុន នឹងអើតមើលឃើញនាងអង្គុយឆ្លៀតឱកាសនាងមិនចាប់ភ្លឹក រាងតូចក៏លើកធុងនោះចាក់ស្រោចទឹកជោគក្បាលនាងភ្លាម ។
ឈូ....
« អ្ហាយ៎!!! ស្អីគេហ្នឹង? » នាងស្រែកប្រកាច់ប្រកិន ពេញហ្នឹងបម្រុងងើបមុខមើលអ្នកបង្កហេតុតែ Tae ក៏បោះធុងនោះគ្របក្បាលនាងជិតឈឹងមើលអ្វីលែងឃើញហើយរហ័សចុះពីចានបង្គន់ដើរចេញពីទីនោះទាំងពេញចិត្តជាខ្លាំង ។
« ឯងជាអ្នកណា? មកធ្វើបែបនេះដាក់យើងធ្វើអីទៅ? នែ៎!!! » នាងស្រែកសួរថែមទាំងគោះទ្វារ ផាំងៗព្រោះមុននឹងរាងតូចយកដែកវែងមកឃាំងជាប់ពីខាងក្រៅហើយ ទម្រាំតែនាងចេញមកបានមិនដឹងថាពេលណានោះទេ ។
< ងុឺត!! > រថយន្តទំនើបបើកមកឈប់នៅពីមុខភូមិគ្រឹះ Kim ស្របពេលដែល Donghae នៅបាំងក្រោយគេងលក់ទៅហើយ ។
« អេ៎ក្រោក!! » Tae ដាស់ប្អូនតែ Jungkook ក៏ឃាត់ព្រមទាំងធ្វើសញ្ញាកុំឲ្យដាស់ មើលទៅគេ ច្បាស់ជាហត់នឿយពេញមួយថ្ងៃហើយទើបនាយ បើកទ្វារឡានហើយដើរទៅលើកអៀវ Donghae ដាក់លើខ្នង ។
« នាំខ្ញុំទៅបន្ទប់ Donghae ទៅ » រាងតូចក៏នាំផ្លូវ នាយទៅបន្ទប់អាល្អិតមុននឹងបើកទ្វារឲ្យគេអៀវ Donghae យកទៅដាក់នៅលើគ្រែហើយឲ្យមីង Yung មកជួយផ្លាស់ខោអាវឲ្យរួចនាំគេចេញមកវិញ ។
« លោកនៅចាំត្រង់ហ្នឹងសិនហើយ » Tae ប្រាប់រួចក៏ដើរទៅបន្ទប់ខ្លួនដែលនៅឆ្ងាយពីបន្ទប់ Donghae បន្តិចរួចក៏ដើរចេញមកវិញដោយមានកំប៉ុងអ្វីម្យ៉ាងមកជាមួយ ។
« ណេះ!! » រាងតូចហុចវាឲ្យនាយធ្វើមុខឆ្ងល់តែក៏ រហ័សទទួលវាភ្លាម ។
« អីហ្នឹង? » Jungkook
« ថ្នាំយកទៅលាបភ្នែកទៅ ស្អែកបាត់ជាំហើយ » Tae ប្រាប់ទាំងមិនមើលមុខនាយឡើយ ឯរាងក្រាស លឺចឹងក៏ញញឹមភ្លាម ។
« បារម្ភពីខ្ញុំមែនទេ? » Jungkook
« គ្មានទេ គ្រាន់តែខ្លាចស្អែកលោកនាយកឃើញភ្នែកលោកហើយសួរដេញដោលមានបញ្ហាដល់ខ្ញុំ ប៉ុណ្ណោះ » Tae
« បើដឹងចឹងហើយថ្ងៃក្រោយឈប់ប្រើដៃប្រើជើងទៀត » Jungkook
« និយាយស្អីស្ដាប់មិនយល់ ទៅផ្ទះលោកវិញទៅ » ថារួច Tae ក៏ដើរចូលបន្ទប់ហើយទាញទ្វារបិទតែក៏ មិនភ្លេចមើលរាងសង្ហារដែលឈរញញឹមដាក់គេឡើងពព្រាយ ។
« ឡប់ៗ »
< ក្រឹប > នាយតូចចោលពាក្យជេរនាយបន្តិចទើបចាក់គន្លឹះទ្វារបិទទុកឲ្យ Jungkook ឈរញញឹមម្នាក់ឯង ក្មេងនេះឃើញឆ្នាស់ចឹងទេតែក៏មានទឹកចិត្តបារម្ភ ពីគេដែរតើស មាត់រឹងនិយាយថាមិនបានបារម្ភតែតាមពិតគេអាចមើលដឹងពីទឹកចិត្ត ឃើញគេវេទនា បើកឡានដោយសារពាក់វ៉ែនតាបិទបាំងបានជាឲ្យថ្នាំមកលាបបែបនេះ មាត់រឹង ចរិតរឹងរូសមានះចង់តែឈ្នះតែធាតុពិតមានភាពកក់ក្ដៅចំពោះអ្នកដទៃ បែបនេះហើយជាប្រភេទមនុស្សដែលនាយពេញចិត្តបំផុត ។
To be continued.....❣️💕✨