هلو حبايبي
.
.
( ابتسم فبعض البشر لحزنك يفرحون )
.
.
.
.
م
لاك ،، رجعت للبيت تعبانه وبراسي الف فكرة
افكر بااخوتي شلون راح اكدر اوفرلهم ابسط حقوقهم افكر باامي الفاصلة عن العالم وتريد طبيب
افكر بي جدتي امرأة عجوز الي بين بيها الكبر
بس رغم كل هاذا عيون النسر ابد مغابة عن تفكيري انرسخن عيونه بذاكرتي ليش مااعرف يمكن لانو اول مرة اقترب من شاب او لانو نظراته كانت فيها مغزئ
دخلت للبيت غسلت وبدلت ملابسي
طبعا نور ممخليه مخاله الي ملابس بالجنطه
الي نطتها الي تراكات كلها من الزين الغالي
وفساتين كلها راقيه وحتئ ملابس داخليه
بعدها باكيتها مخليتهم الي شكد فرحت وبنفس
الوقت انقهرت لانو اني محرومه وابد مااشتري
مااكدر اشتري اذا عندي اشتري لاخوتي
لبست تشيرت وبرمودة ونعل اصبع كلش احبه
خفيف ورفعة شعري كله علئ شكل كعكه بهامت راسي
ونزلت اشوف اخوتي
اني مخليه البنات ثلاثتهم بغرفه بالطابق الارضي وحدهم واحمد ومحمد وباقر وحيدر بغرفه بالطابق الثاني يم غرفتي لان كبار واخوتي الصغار ميار وفهد وعلي وزيد بغرفه بالطابق الارضي لان البنات والولد
الصغار خالتهم جوة بالطابق الارضي علئ مود
جدتي تكون قريبه منهم اخاف يحتاجون شيئ لانو اني من تعب لو يصير انفجار بالبيتمااحس نومي حيل ثكيل فتريت علئ غرفهم كلهم نايمين لانو دنيه ضهر
وحارة واني معلمتهم بعد الغدا الكل علئ غرفهم
ينامون وياويله الي الكاه خارج غرفته اشلع اذانه
اني ابد مااضربهم بس يخافون مني لانو اعيط عبالك صفارت انذار وتعابير وجهي تصير مثل لبوة مجروحه وفعلا هاذا المثل ينطبق علي هل
فترة احمد ومحمد اخوتي الكبار فدوة العمرهم مريحيني من مسؤلية البيت يعني نظام الاكل محدد بوقته يحضرون ويجيبون اخوتهم وياهم يلمون سفرة ورة الاكل يقرون اخوانهم يجمعون الملابس الوسخه
يغسلوها بالغساله لانو جدتي تعلمهم تكلهم خطيه اختكم كل نهار تشتغل وتجيب وتودي وتتعب عينوها
وترجع باليل تخبز وتطبخ وتنظف ارحموها
وهم خطيه قايمين بالواجب مرات احس عقلهم اكبر من عمرهم بهواي ابد مايوم طلبو مني لعبه او اي شيئ مثل باقي الاطفال احسهم يقدرون وضعي وجدتي مدرسه بحد ذاتها علمتهم الادب ولقناعه والهدوء
وحدود الله وحتئ صلاة اني مااصلي بس مرات اسجد الله حب في احسه اقرب شيئ لقلبي بس من اشوف اخوتي يصلون تدمع عيوني واكعد وراهم استغفر ربي ومن اشوفهم كلهم يبدلون وكاشخين ونظيفين رغم بساطة ماعليهم افرح وتدمع عيني
ربيتهم بدم قلبي اني وجدتي تخليت عن حياتي وطفولتي لاجلهم وابد ممتندمه طلعت من افكاري علئ صوت جدتي تحجي وياي سارحه بالافكاري ودموعي
تنزل
