نصفي العقيم ( مكتمله )

بارت(٢٥)

علمني الوكت اصبر على الراح ..
واعيش بهالزمن واتنعم بقهري ..
واكابر عَ الجرح وامسح دموع العين ..
وچوي الناس بايدي وانچوي بجمري..
مشيت ويه الحزن من الصغر لليوم ..
وتحملته رغم طعناته البظهري..
وتكول الناس يضحك ابد ما مهموم..
مايدرون همي مخزن بصدري..
الدنيا وياي تمشي دوم بالمگلوب..
تسرك ضحكتي وتتحكم بعمري ..
خذت مني العزيز وباگت الخلان..
وخلتني بهضيمه وحايره بهمي ..

_______________________

روايـة "نصفي العقيم"

البارت الخامس و العشـ٢٥ـرون

-الجزء الثاني

للكاتبه : يُمنا نـآصر
_______________________

قراءه ممتعه ..

بغداد ..

طبيت للبيت وسميت باسم الله ، اول ماطبيت صايره حديقه وسطانيه بس حلوه ومرتبه كلها ورود بقيت امشي واكتشف البيت واني شعور الفرح متملكني واحس نفسي طييير بس للاسف سجاني بعده موجود !

التفتت شفت هشام واكف ومكتف ايده يباوعلي مهتميت لنظراته ورجعت افتر بالبيت جان البيت حلو وجبير غرفتين نوم جوه وغرفه فوك وياهن حمامات والمطبخ كلش حلو وحديث والصاله هم مرتبه اخذتني رجليه وطبيت للغرفه باوعت الها جانت غرفه تركيه بيضه حلوه والغرفه الثانيه مابيها اثاث ..

صگر جان واكف ويشيل بالجنط اما هشام اكتفى ينظر للبيت بجمود ..

اني طبيت بدلت ملابسي وبديت انظف بالبيت واشتغل بي لان جان متروك ومتربن .. انسكر ظهري وخطيه صگر يساعد باليكدر عليه وهم ورى ساعه اجانه عهد وكام يشتغل ويانه ويساعدنه للعصر يلا خلصنه كلشي كعدنه كلتنه نلهث من التعب كام هشام راح جاب غده من السوك واجه ووصيته ع الظروريات يجيبهن وياه وكلت بالليل اروح اتسوك للبيت واجيب الغراض المحتاجتها ..

اجه هشام جايب وياه مشاوي كعدنه ناكل ميتين جوع للمغرب نداك الباب وطب ابويه ويُسُر ورواء هم ابويه خطيه مسوك وجايب فاكهه وكرزات كعدنه كلتنه ورى العشى تعاليل وسوالف وجنت كلش مرتاحه رغم وجود الناس الاذوني بس فرحتي بالبيت جبيره وماكدرت اغطيها مجرد فكرة انو خلصت من نجود ورواء هاي  بالنسبه الي احلى عيشه ..

رواء جانت تاكل بروحها اكل ، وهي تباوع للبيت والله كلت هسه من تطلع يوكع ع روسنه هالكد ما خلت عينها بكل زاويه وكل شويه ذابه حجايه ..

راحو واحنه كلمن طب بغرفه نام اني ومحمد طبينه بغرفه وهو دار ظهره وراح للغرفه الثانيه ، خفة وراحه احسن الي وابرد لراسي

ثاني يوم طلعنه من الصبح رحت تسوكت للبيت ورجعت اطبخ غده واني كلش مرتاحه ...

مر اسبوع ع كعدتنه بالبيت

واني كاعده بالصاله دگ تلفوني رقم غريب شلته واجاني صوت رحاب تبچي .. مفهمت شي منها كتلها شكوو صاير شي ليش تبچين ..