نصفي العقيم ( مكتمله )

بارت(٢٥)

رحاب : بغداد ابوس رجلج ابوس ايدج والله مستعده كلشي اسوي بس ارجعو للبيت امي راح تموت من القهر كل شوي ويصعد ظغطها وشويه ماتنظرب جلطه .. الله يخليج الله يوفقج ارجعو ومستعده اعتذرلج عن كلشي سويته وابوس رجلج هم بس كوليله لهشام خلي يرجع ..

بغداد: جريت نفس طويل وكتلها رحاب امج مستحيل بعد ارجع واعيش وياها بعد السوته بيه امج دمرتني وذبتني بالشارع هانتني وتهمتني بايكه منها ذهبها وسوت بيه اشكال الوان لحد اليوم جرحي ماطب من السوته ..

"كالت وهي تبچي ، مستعده اعتذروالله وادفع فلوس الكلاده بس ارجعو الله يوفقج ..

"عقدت حواجبي بشك وكتلها ليش انت شلج علاقه ؟

"كالت بصوت يرجف ، ئـئـءءانني الاخذتها للكلاده

"فتحت عيوني متفاجئه كتلها انت ِ ؟؟؟؟
وليش محجيتي الا هسه ليش مكلتي من البدايه ؟

"ماااعرف ماعرف غلطت وتندمت وجيت اصلح غلطي ..

"ضحكت بصوت وكتلها لااا انتِ لا تندمتي ولا ضميرج صحى واو ما امج توگع هيج وتخافين تموت جان ماعترفتي ولا كلتي وخليتيني بنظر الكل اني بواكه وحراميه لج انت منو شنو الله خالقج بس اريد افتهم شنوو انت عندج عادي تتهمين الناس وليش تهمتيني ؟

شمسويتلج اني وهيج جازيني لا يمج ولا حواليج من يوم الجيتكم جنه ماسمعتج كلمة تغثج لا اذيتج بشي وانت شوفيتني الويل
روحي الله لا يسامحج وحطيها ترجيه باذنج مارجع للبيت لو تقوم القيامه خليج يحترك كلبج وذوكين اللوعه الذوكتيني ياها

.. سديته بوجها وكعدت ارجف دخيلك يا الله شهالناس هايه ماكو احساس ولا ضمير فد مره ..

طب هشام جان طالع شافني استغرب حالتي اجه كعد يمي وكال بغداد شبيج وضعج مو طبيعي ..

"نداريت عليه وكتله عرفت منو الباك الكلاده الامك تهمتني بيها ؟

"غمض عيونه وجر نفس طويل كال ، اييي عرفت رحاب

"فتحت عيوني متفاجئه كتله شمدريك هي كالتلك ..

"هشام : لا بس البارحه رحت الظهر عليهم سلمت و شفتها لامي تبچي لان طلعنا من البيت بست راسها وطيبت خاطرها توسلت ارجع واني كتلها مادري اشوف ..

چلبت بيه الا اضل ع الغده كتلها مادري مامشتهي كلش اكلت بالدائره رحاب جانت موجوده هناك ..

طلعت من باب المطبخ ورحت للاسواق شتريت جكاير هما عبالهم اني رجعت للبيت ، طبيت للاستقبالمن الباب البره تمددت لان جنت تعبان واريد انام بعدني ماغفيت واسمع رحاب تحجي ويا امي كالتلها ..

رحاب: ها ماقبل يرجع ؟

نجود: لاعشتو مايقبل من ورى البومه مكابلها وگاعد ..