هلو حبايبي
.
الحياة مليئه بالمطبات لذالك لا بأس ان تعثرت
.
.
اني ملك نحن ناس كلش بسطاء او ربما هيج جنه مفكرين انو احنه ناس فقره من اهل الله وسبب راح تعرفو بمرور الوقت حالتنا الماديه جيده بالنسبة لعائله صغيرة مثلنا نكدر ندبر امورنه حالنه حال كل عائله عاديه
بابا يشتغل سائق تريلة دولي ودائما يسافر اسمه حامد وامي اسمها وسن ربت بيت تشتغل بصالون تجميل خاص الها صغير من ضمن البيت تشتغل النسوان المنطقه شغلها حلو يموتن عليه لان مرتب ومناسب
وبنفس الوقت كاعدة بيتها وشاغله نفسها بعملها معليها بااحد لا قيل ولا قلت الله ساتر علينا وهاذا الاهم
جدتي عايشه ويانا لانو بابا يسافر دائما فجدتي
تبقئ ويانا امي من جابتني بعد مجابت اطفال الله مارزقها اطفال شكد حاولت حتئ يصير عدها بس عبث ماكو ويمكن هل شيئ بصالحي تفكير طفله
ماما كلش دللتني لحد مصار عمري سبعة سنوات
اني بصف ثاني ابتدائي رجعت من المدرسه كان
بوقتها عمري ثمانيه سنوات دخلت للبيت وسمع
هلاهل جدتي وجكليت يطشون كيفت صرت اجمع
جكليت واانكز گ اي طفل بس مااعرف شنو القصه
بس سمعت ماما حامل وجدتي مكيفه اني ضجت يمكن غيره وخوف ومن رجع بابا وسمع الخبر
كلش فرح واخيرا راح يصير عنده طفل ثاني تعرفون الرجال وبذات العربي عنده اهم شيئ مرته تجيب ولد ولي العهد عشتو تمشي الايام وجابت ماما اخوي محمد الكل فرح الها ومكيفين اخيرا اجانا ولي العهد
وكل سنه صرت انجح من المدرسه مامه تجيب طفل
جديد اني صرت احسب شوكت انجح حتئ ماما
تجيب طفل جديد ودائما اساعدها برعايتهم شكد
حلوين ثلاثه يرضعون مميات وجدتي تغسل وتبدل
ملابسهم واني ادرس وكلش شاطرة عائلة عمو زيد
اخو بابا نحن ماعدنا عمام كثار جدتي عدها ولد
ثنين وبنيه البنيه متوفية متمرضه ومتوفية
وبقو بس بابا وعمو واقارب ماعدنا بس جوارين كلش
يحبون جدتي ويحترمونا دائما اشوف نسوان تجي
تكعد عند جدتي ويشربون جاي ويسولفون
عمو متزوج وعندة ولد اسمه احمد اكبر من
اخويه محمد بسنه بيت عمو طبك بيتنا زوجة
عمو هم مثل ماما كل سنه جيب طفل لحد مصارو
ستة اطفال بنات ثنين واربع ولد وكلهم صغار
ماما ومرة عمو مثل الاخوات ضحكهن وسوالفن
دائما اشوفهن سوئ اني صار عندي خمس اخوان
بنت وحدة واربع ولد يخبلون وكل الاطفال
عندنا بالبيت يصيحون الي ميمي والصغار بعدهم
ميحجون يوم يجر يوم صرت ثالث متوسط
بسنة 2003 صرنا نسمع اخابر العراق قادم علئ حرب وناس خايفه من حرب بوش ومااعرف شنو صارت ناس تخزن الغذاء عبالك راح يصير قحط مو حرب وصدك بداية شهر الثالث الكهرباء نقطعت بسبب القصف وقتها واني عندي بكلوريا وملتهيه بدراستي هنا توقفت الحياة بسبب الحرب بابا مسافر بشغله
