الحمد الله ياربي نجحت وجبت الممتاز زي ماكنت متمنيه صح مش النسبه الي كان خاطري فيها بس المهم اني عديت السنه هادي بنسبه كويسه كانت بالنسبه ليا ولكل الطلبه سنه كبيسه سنه صعبه هلبا
كانت كل الظروووف ضدنا مقرينا شي من المنهج 7شهووور معطلين وحتى الي خديييناه نسييناه اسئله استرشاديه تعجيزيه ما يقارب 2000سؤال كلها مقاليه يعني فيه ميت طريقه ممكن كل سؤال يجي بيها ف الامتحان يعني لازم ندرسو السؤال من جميع النواااحي وهدا كله والمنهج مش واخدينا وفوووووق هدا فيه تغييير ف صيغه الاسئله وف الارقام قلنا باهي لاكن يقولوللنا اقرو ف الاسترشاديه ويجيبو من خارجها هادي شنوووو ....
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
نسبتي 92.57 % الحمد الله بس الوزارة غالطينلي اليوم شفت وراق التضليل ف الرابط طلع مفرووووض نكووون جايبه 94.43%
بس الحمدالله هدا الي جي
رغم اني زعلانه من روحي هلبا لاني كنت نقدر نجيب اعلي من هالنسبتين
بس اني الي استهترت اني الي مجتهدتش اني الي مسعيتش 7 شهووور ما فتحتش كتاب وجيب يوم 6.10 وبديت نقرا ف الاسترشاديه والمنهج ولقيت روحي ناسيه كل شي حرفيا ووقتها كان موعد الامتحانات 17.10 يعني ف ايدي 11يوم نقرا فيهم 11ماده اني ناسيه الجزء الي واخداته منهم ناهيك ع الي مش واخدينا ومش مار عليا رياضيات ميكانيكا احصاء فيزياء كيمياء انجليزي لغوي ادبي احياء تقنيه معلومات تربيه اسلاميه ١١ ماده كنت حرفيا يائسه اني ننجح كنت نسب ف روحي ميت مره اني مقريتش الفتره الي فااتت وضيعت الوقت واني مش حنوصل لحلمي الي هوا الممتاز بسبب اهمال
بس الحمد الله الوزاره زادتنا وقت وبدي موعد الامتحانات ف 31.10 ف بديت صفيت الفيزياء والميكا والرياضيات ونص الاحصاءء ونص التقينه بس والانجليزي نصه الباقي كلها دخلت عليهم ف ليلة الامتحان كان تحدي كبير بالنسبه ليا هلبا والحمد الله اني فخوووره ب روحي الي نجحت ف هالتحدي وبمجهووودي واني طبعا حالفه يمين عظيم اني منغشش ف ولا حرف ممكن ثقتي وتصالحي مع ربي هما الي وفقوني لان الي يغش ميغش غير في روحه ويخون ف عهد ربي تحت اي ضرف مفيش مبرر للغش
والحمد الله سنه ومرت ع خير انشالله بالتوفيق ومبروك للي نجحو وربي يوفق الي ماحالفهمش الحظ ف الدور التاني
