نصفي العقيم ( مكتمله )

بارت (٢٤)

عريان يگول
شكثْر متعوب من دنياي
واكول بخير
للينشد..💔

_______________________

روايـة "نصفي العقيم"

البارت والرابع و العشـ٢٤ـرون

- الجزء الثاني

للكاتبه : يُمنا نـآصر
_______________________

قراءه ممتعه ..

الرحمه كلمة تتضمن وتحمل كلمات اكبر من هالحروف الشايلتها الرحمه كلمه تكمن بداخلها حب ونقاء وضمير صاحي وشايل هالصفه انسان نادر بهالوجود ، الضمير انعدم من الوجود والحب شوهو صورته بالاذيه ..

والي يكون معدوم الضمير والانسانيه هذا رب العالمين صب عليه اشد انواع العذاب و وحيبقى يغرك بالوحل الى ان يطمس جسمه كله وتنلاشى صورته من الوجود ويضل اسفل قاع الارض والناس تدوس عليه وهو الممنون !

بغداد : صارلي اسبوع بيت اهلي هشام من رجعني اخر مره باقي يومين عد اهله وراجع ملتحق اعرفه يتهرب حتى لا اكله طلكني
طول هالاسبوع اني شفت المر من ورى رواء لعبت بيه طوبه اني ومحمد بس تصرخ علي والطفل كام اول ميشوفها يبجي ..

طلعت العصر ع المطبخ جنت نايمه وكعدت راسي يوجعني صيبتلي ستاكنة جاي وطلعت كليجه من المجمده داكال بعدني وسمعت صوت محمد عاط ، طلعت اركض شفته طاب  بالحمام وهدومه مترفسه ماي ورواء لازمته من اذنه وضاربته براشدي مبين وجها احمر ، اجيت اركض عليها ..

هايي شكو شكووو شبيج وياه دفعت ايدها كتلها وخري ليش هيج لازمته هو اجه يركض حظن رجليه ويبچي ردت هي بغضب

"هذا ابنج المامتربي طاب ولاعب بالماي ومترفس ملابسه

" باوعتلها بقهر وكتلها ، انت شعليج عسى ما يحرك يروحه هسه صرتي تحبي وتخافين عليه ع اساس ..

"نجبي لج طبه ستين مرض وعله اني شكو عسى مايموت  ، بس هسه يطلع يمشي ويبلل الزوالي مالتي ..

"واذا تبللت ماينشفن وذولاكً جهال يسر كل يوميه يجون يلعبون بالبيت ميخلون شي ميطشوه عليها هسه على مود ابني كم نقطة ماي صارت نار ماعاد تتحملها الزوليه مالتج راح تخرب ؟

"لزمت شعري حيل من جوه وجرتني ، حجت من بين اسنانها ، لج عار طللعلج لسان وكمتي تراددين تردين اذكرج انتي منو وامج شسوت ..

دفعت ايدها بقوه من شعري وهي نضربت بالباب ، كتلها بقهر

امي لاتحجين عليها ولاجيبين طاريها  رغم كل السوته بيه تبقى احسن منج انت وصلتيني للموت حركتيني وطعنتي بشرفي وحرمتيني من حلمي الوحيد ، بليتيني برجال حرام ينحسب ع الزلم موتيني بالحياة وماكفاج جايه هسه تكمليها على ابني ؟

"باوعتلي بدهشه عبالك متفاجئه شلون كتلها هيج ، رجعت كملت
ايي لتتفاجئين ذيج بغداد الضعيفه الجنتي تظربيها بنعالج وكل يوم ظهرها ينكسر من الجفجير راحت وكلشي سويتي بيه كبل راح يطلع بيج وربي يديره باعز ماتملكين ..