أحْببتُكَ بِصدق ♥(جاري تعديل السرد)

البارت(26)🖤

عند موده ذهبت الي بيتها وهي تبكي وبعد ذلك اتصلت بعمار....
ومكنش بيرد....
موده:ايه الي انا عملته دا حوده وخلاص داخل علي جواز....استحاله يحبني....هو هو بيحب روان....انا اسفه يا عمااااار انا ليه عملت كده.....وبدأت في البكاء....
________
عند روان
ياسين:علي روح جيب اكل روان مكالتش واتصل بمريم تجيب هدوم لروان....
علي:حاضر يا ياسين بيه اي خدمه تانيه....
ياسين بضحك:تصدق مش لايق عليك....
علي بضحك:ليه....
ياسين:اصلك كيوت وموز يا ابن الايه....
علي وهو يرجع للخلف ويضم جاكيته بمرح:قصدك اي يا ياسين بيه....
ضحك ياسين وهو يخبط كفه بكفه الاخر....وكذلك علي....
ياسين:تصدق ان احنا معندناش دم....
علي:اه والله....
ياسين:طب يلا روح جيب اكل....
علي:اشطا بس اخت روان مش معايا رقمها....
ياسين:طب هروح اقول لروان....
علي:اشطا....
ذهب ياسين الي روان....
ياسين:رورو هاتي رقم مريم عشان نجبلك هدوم....
روان:انا اتصلت بيها وقولتها انت بقي مش ناوي تروح انت وبوز الاخس الي برا....
ياسين:انت بتطردني بقي....انا حر اقعد براحتي....طلقني طلقني لو مش عاجبك طلقني....
ضحكت روان بخفه....
ياسين:ايوه بقي كانت فين دي....
روان:طب يلا روح بقي عايزه اصلي....
ياسين وهو يقبل رأسها:ربنا يفتحها عليكي....
روان:انت ليه محسسني اني امك امشي يلا من هنا....
ياسين:اوامرك يا ست الكل....
روان:تصدق ممكن ادخل في الشخصيه واجري وراك بالشبشب بجد....
ياسين:لاااااع كفايه امي اه....
روان:طب يلا....
خرج ياسين
ياسين:ماما بتقول....قصدي روان بتقول انها قالت لمريم وهتجيبلها هدوم روح انت جيب الاكل....
علي:اشطا....وذهب....
بعد شويه....
لم تنم روان ابدا....
ياسين:قومي بقي يا روان كده هتتعبي....
روان:مش.مش جايلي نوم يا ياسين....
ياسين:اي ياسطا مش هو بقي كويس....
روان:الحمدلله.....
ياسين:خلاص قومي بقي نامي....
روان وهي تمسح دموعها القليله:داخله اشوف حوده....
ياسين:ماشي....
اتجهت روان الي الغرفه التي يوجد بها حوده ودخلت....
ياسين:اه لو تعرف يا حوده بتحبك ازاي مكنتش فكرت تسيبها لو لحظه واحده....يا تري ممكن احب واتحب كده يوم من الايام....هاااااح....
وهنا جاءت غرام وبسنت....
غرام وبسنت:السلام عليكم....
التفت ياسين الي مصدر الصوت لقي غرام
ياسين في نفسه:هي دي....يا بركة دعاكي ياما....
ياسين وهو يقف:وعليكم السلام....
ياسين:ازيك يا غرام....
غرام:الحمدلله....ازيك انت....
ياسين:الحمدلله....ازيك يا بسنت....
بسنت:الحمدلله....
ياسين:يارب دايما....
غرام:سمعنا ان حوده اضرب بالنار لسه عارفين دلوقتي هو كويس....
ياسين:الحمدلله بقي كويس بس هو نايم دلوقتي وروان دخلت تشوفه....
بسنت:احنا قولنا نطمن عليه....
وهنا جاء علي....
علي:يا زميكس ملقتش شاورما....بسنت....
علي بمرح:مكنتش احب تشوفيني بالمنظر دا....
انفجر كل منها بضحك....
ياسين:يا عم بطل هبل بقي الله لا يسيئك....احنا كدا معندناش دم....
علي:واحنا من امتي عندنا دم اصلا انت بتشتمني كدة....
ياسين:عوض عليا عوض الصابرين يارب....هااااات الاكل....
علي:اتفضل....
علي:ازيك يا بسنت....عامله ايه...
بسنت:الحمدلله....انت ازيك....
علي:الحمدلله....ازيك يا....
غرام بمقاطعه:غرام....
علي:ازيك يا غرام....معلش اسف نسيت....
غرام:ولا يهمك....الحمدلله....
علي:يارب دايما....
ياسين:خلاص اتعرفتوا علي بعض....يلا اقعدوا بقي....
عند روان....
دخلت وقعدت بجانب حوده علي الكرسي المجاور له
روان:وحشتني يلا يا خطيبي....وبعدين اي الحلاوه دي حتي وانت تعبان مووووز الله يخربيتك....
روان:قوم بقي يا عم بقي دا انت رخم ولا عجبتك قاعده المستشفى والسرير انت نايم وبراحتك واحنا خدامينك هنا صح....
روان:وحشني كلامك ومحنك الي اتعديت منه دا....انا لو كنت واحده تانيه كنت استغليت الفرصه وروحت الشغل....
شال حوده جهاز التنفس من علي وجهه وقال:عشان كنت موتك....
(وربنااااا وحشتينا يا ابو حوده قاسماً بالله😂💙)
روان بدموع عندما تفاجأت:حووووده واحتضنته....
حوده:الله حضن كمان....
رجعت للخلف بخجل:انا اسفه....
حوده:انا بقول نكتب كتب الكتاب عشان يبقي كل حاجه صح وفي وقتها صح ولا ايه....
روان:مش دلوقتي وحط الجهاز....
حوده وهو يمسك يديها ويقبلها بحب وعشق:انتي عارفه بعد ما اضربت بالنار مكونتش بسمع الا صوتك وانتي بتكلميني وقاعده جنبي وبتعيطي قد ايه انا بأثر علي المجتمع زمان البنات دلوقتي انتحرت....
روان:وهي تضربه بخفه:اتلم....
حوده:ااااه....حاضر براحه يا شبح دا انا لسه فايق انتي مش بتعتقي حد....
حوده:عايز اقولك علي حاجه غريبة حصلتلي....
روان:قول....
حوده:مش عارف اي الاحساس دا....حسيت اني كنت طاير كدة او مت مش عارف اي دا....وبعدين في حد جه حضني وقالي متسبنيش وبعدين رجعت تاني حسيت اني كنت طاير وبعدين نزلت تاني اي دا
(سبحان الله....امر من الله يتوفي وامر من الله ان ترجع روحه الي جسده مره اخري....كن فيكون♥️♥️)....(**خيال يا جماعة وما ادراك ما خيالي بقي سسبينس)
روان:دا بس عشان ربنا بيحبك كتبلك عُمر جديد....انت فعلا كنت مت ودخلت عليك وحضتنك وقد احمر خدودها واكملت:وقولتلك ماتسيبنيش قومت تاني وبدأت تتنفس تاني....
حوده:ربنا شاف ان احنا بنحب بعض وروح بعض مش عايز يبعدنا عن بعض....الحمدلله بجد الحمدلله يارب العالمين....
قبلت روان رأسه.....
روان:انا فعلا لو كان حصلك حاجه كنت هموت انا مقدرش اعيش من غيرك....بحبك....
قبل حوده يديها وقال:وانا بعشقكككك....
(نسبهم علي المحن دا شويه لان روان شكلها اتعدت منه وانا الصراحه المراره بقت علي اخرها🙂😏😂)....
________
جاء الصباح
عند موده....
دخلت عليها والدتها....
الام:مالك يا موده بتعيطي ليه وعمار كلم ابوكي وبيقول كل شئ قسمه ونصيب اي الي حصل....
موده وهي تمسح دموعها بصدمه:اييييه هو هو قال كده....
الام:ايوه هو ايه الي حصل....
موده وبدأت في البكاء:م.مفيش....عايزه اقعد لوحدي شويه....
الام:علي راحتك....وخرجت....
موده ببكاء:انا فعلا مستهلكش يا عمار انا مستهلش واحد زيك وقفت جنبي كتير وساعدتني عشان توصلني اني انسي حوده بس....بس انا مش قادره....
موده:سامحني يا عمار سامحني....ه.هحاول انساه....
وبدأت في البكاء....
________
عند نورين
نورين:شوفتي الزباله كانت بتكلمني ازاي خلاها تتنطت علينا....
(الصوره الي حطتها ليكي مش ليقه عليكي خالص وانتي عامله زي بتاعت الجرجير🙂😏😂)....
والدة نورين:اه والله عندك حق....اها ياما نفسي القيها ماتت وارتاحنا منها هنحتاج شغل كتير عشان يبعدوا عن بعض....متمسكين ببعض اوي....
نورين:علي مين يا ماما اوعدك انهم هيبعدوا عن بعض بس نتقل عشان ناخد حاجه نضيفه....
وهنا جاء الاب من الخارج وسمع حديثهم وقال:انا عايش مع رايا وسكينه ايه الحقد الي فيكوا دا ليه كده هي مش اختك ليه بتعملوا فيهم كده لييييه....
والدة نورين:وحشتني اوي....
والد نورين:....انا ماشي وفعلا معتش جاي هنا تاني
ومشي....
_________
عند هاني(بقي اسمه جلال)....
ظبت الاوراق وبقي اسمه جلال واتخلص من العربيه
وراح المعادي في الشقه الي قاله هشام عليها....
دخل هاني(جلال) الشقه وقال:اي دا زريبه ايه الشقه المعفنه دي....
قام بتنظيفها وبعد ذلك قام ليأكل....
هو لا يعرف يطبخ جيدا....
فقام بجلب طاسه ليحضر اي شئ يأكله..
لكن وقع كل الاطباق ارضا وتحطمت جميعها....
جلال:دا انا هشام بيه هينفخني يعني هينفخني....
نظف الاشياء سريعا ثم قام بقلي بيض ووضع زيت علي النار وكانت يده مبلوله فجاءت بعض فطرات الماء علي الزيت فأشتعل وصعدت نار كبيرة....
وهنا رن شخصاً عليه....
هاني(جلال):م.مين....الي بيخبط يا نهار مش فايت طب هما عرفوا مكاني ازاي....
بدأ الشخص بالرن مره اخري....
عدل هاني(جلال)هيقته وفتح الباب.... ورأي فتاه جميله وقصيره القامه شعرها لونه بني وذات بشره بيضاء وعيونها ملونه بلون الزيتوني وترتدي بنطلون اسود عليه تيشرت ابيض تدعي قمر بنت في سن 19 سنه....
شرد هاني(جلال)في مظهرها وجمالها الرائع الجذاب وجسمها المتناسق والتوازن الذي يتحير فيه انشتاين ذات نفسه....
جلال عنده 30**....
قمر:احم....حضرتك ساكن جديد هنا....
جلال:....
قمر:يا استاذ....
جلال:ن.نعم.اؤمريني....
قمر:انا ساكنه هنا جنب حضرتك في الشقه دي اسمي قمر....س....
جلال:قمر اسم علي مسمي يا قمر....
قمر بخجل وغضب ايضا من نظراته لها:شكرا لحضرتك....انا سمعت صوت كركبه جامد وبعدين في نار طلعت من الشباك في قولت اطمن واصلا مكانش في حد هنا في قلت اطمن....
جلال:اطمني يا قمرررر....انا كويس....انا هان....قصدي جلال انا جلال....
قمر:تشرفت بمعرفتك....عن اذنك....
جلال:طب اتفضلي....
قمر:اتفضل فين يا استاذ روح كمل الحريقه بتاعتك....ومشيت....
جلال:اي الي انا قولته دا....
ودخل....
جلال:بنت فرتيكه يخربيتك....
وجاء له اتصال وكان هشام....
جلال:ايوه يا باشا....
هشام:وصلت....
جلال:ايوه يا باشا....
هشام:تمام....مش عايز اشوف وشك نهائي الدنيا تهدي وهسفرك....
جلال:لموأخذة يا باشا يعني....الحساب....
هشام:عايز اي يا روح امك....حساب اي يا حيوان انت ضربت الواد والبنت لا وكمان الواد مامتش قال حساب قال....
جلال:الواد مامتش....ازاي يا باشا....دا دا كانت الطلقه....يعني ازااااي....
هشام:ودا الي عايز اعرفه....لو الشرطه عرفت مكانك سيرتي ماتتجبش فاهم يا حيوان....
جلال:ويا باشا انت قولتلي اعمل كده وكنت مجبور عشان انت هتسجني عشان كنت سالف منك فلوس ومعرفتش اسددها....
هشام:يعني اي لو اتمسكت هتجيب سيرتي صدقني هتمووووت....
جلال بخوف:ال.ال.العفو يا باشا مقدرش....
هشام:ايوه اتعدل عشان مجيش اعلم عليك فاكر....
جلال بخوف:تحت تحت امرك يا باشا....
هشام:سلام....
جلال:مع السلامه يا باشا....
وقفل....
جلال:معلش يا باشا مهو انا مش هشيلها لوحدي....
________
عند شريف
اتصل بمي....
شريف:ازيك يا مي....
مي:الحمدلله انت عامل اي....
شريف:الحمدلله انا هروح اشوف حوده انهارده تيجي معايا....
مي:تمام ماشي....
شريف:خمسه وهجيلك....
مي:اشطا....
وقفل....
بعد خمس دقايق....
وشريف في الطريق تعطلت السياره....
شريف:مش وقتك خالص....
شريف:يا بلدينا....
شخص:اي يا باشا....
شريف:متعرفش ميكانيكي هنا قريب....
شخص:انا ميكانيكي يا باشا....
شريف:طب العربيه اتعطلت زي ما انت شايف....
الميكانيكي:طب هروح اجيب العده واجي خمسه بس....
شريف:طب متتأخرش بالله عليك....
الميكانيكي:هتنكد عليك....
شريف:طب ما انت فاهم كل حاجه اهو....
الميكانيكي بضحك:مجرب....
ذهب الميكانيكي الي ورشته....
ورجع الي شريف....
وبدأ عمله....
شريف:تسلم ايدك اسم الكريم ايه....
الميكانيكي:كارم....
شريف:تسلم يا ابو الكرم كام....
كارم:خليها علينا يا باشا....
شريف:لا والله ما يحصل....
كارم:لا يا باشا خليها علينا....
شريف:ازاي يعني....
الشخص:امشي بس انت دلوقتي عشان ميبقاش ليلتك نكد....
شريف:انت قلبك عليا....انا حبيتك خد بوسه....
كارم وقد استغرب من شريف:في ايه يا باشا....
شريف بضحك:انت فهمتني غلط....
شريف:كام بس....
كارم وهو يرفع احدي حاجبيه:500 جنيه....
شريف:انا هروح بقي عشان هيتنكد عليا....
كارم بضحك:مش قولتلك....
عند مي....
مي:اتأخر لي كده....
جاء شخص الي مي وقال:يا جميل واقف لوحدك ليه....
مي:وانت مالك....
الشخص:طب متكلمنيش كده لحسن اخد علي خاطري منك....
مي:بقولك اي فكك مني انا مش فايقالك امشي عشان ملمش عليك الشارع انت متعرفنيش....
الشخص:احب اعرف....
مي:تعرف ايه امشي من هنا يا حيوان....
الشخص:يكرم اصلك....يعني اسمك....عنوانك....زيرو كام..و....
وهنا جاء شريف....
شريف:هه ليه يا سطا هطلعها بطاقه ولا ايه....
الشخص:وانت مالك يا عم وبعدين وسع كده عايز اشوف القمرررر....
شريف:احسنلك امشي عشان متزعلش....
الشخص وهو يمسك ياقت شريف:ومين الفرده....
شريف وهو ينظر الي يده الممسكه بياقة قميصه:هه انت قد الحركه دي....
الشخص:طبعا هي دي محتاجة سؤا....
قاطعه شريف بلكمه في وجهه حتي وقع اثر اللكمه ونزف انفه بالدماء....
مي:ش.شريف امشي يا شريف....
شريف:دي تبقي خطيبتي يا حيواااان....
ومسكه مره ثانيه بدأ اللكم بكل غل وقد اعماه غضبه وغيرته علي مي وكذلك حزنه وغضبه مما حصل لصديق عمره كان غاضب بشده ولم يسمع لصوت مي وهي توقفه ولا حتي الناس الذي تجمعت حوله وحاولت ان تنقذ الرجل من تحت يد شريف....
مي:شريف خلاص يا شريف هيموت في ايدك....
شريف:عارف لو قربت منها تاني صدقني هتموت....
والتفت الي شريف وقال:اتفضلي علي العربيه....
رجل من الرجال الذين يقفون وشاهدوا المنظر:يا شيخ حرام عليك عمل فيك ايه....
شريف:عاكس خطيبتي ترضي حد يعمل كده في المدام بتاعتك لو ترضاها يبقي انت مش راجل لو انت ترضي انا مرضاش عشان انا راجل ودي تخصني وذهب....
ركب سيارته وانطلق الي المشفي....
مي:مش ملاحظ انك ذوتدها شويتين تلاته اربعه خمسه مش كدة....الولا كان هيموت في ايدك....
شريف:يعني عايزاني اقوله اتفضل عكسها كمان ولا اديله رقمك....
مي بغيظ:ياريت اصل كان مزززز ابن الايه....
شريف:بتقولي ايه يا روح امكككك....
مي:ولا حاجه يا سيد الكل....انا اقدر يا معلمي اقول حاجه وانت موجوده....
شريف:بحسب....
مي:لا متحسبش....
شريف:حسبي الله....
مي:ونعم الوكيل....
شريف:صبرني....
مي:يارب...
شريف:احنا هنلعب اكمل العبارات الاتيه ولا ايه اتفضلي قدامي....
مي:حاضر....
ونزلت من السياره....
واتجهوا الي المشفي....
________
عند مريم
مريم:انا زعلانه والله علي حوده....بس فرحانه عشان روان هتبات هناك وربنا مبسوطه....
وهنا جاء اتصال من روان....
مريم:ايه يا روان....
روان:ازيك يا مريم....
مريم: الحمد لله ازيك يا قلبي وازي حوده....
روان: الحمدلله بقولك جيبيلي هدومي عشان هقعد في المستشفي علي اما حوده يخف....
مريم:اييييه....
روان:في ايه....
مريم:م.م.مفيش....حاضر هجيبهم....
روان:ماشي سلام....
مريم:سلام....
وقفلت....
مريم:هي سمعتني ولا ايه ولا يكون حاطه كاميرا مراقبه ولا يكون في عفريت قالها يا مااااامااااا....
الام:عايزه اي يا مقصوفه الرقبه....
مريم:روان عايزه هدومها انا كده مش هقدر استمتع بغيابها....
الام:احسن....
مريم:محدش حاسس بهمومي....ودخلت غرفه اختها واخذت ملابسها ولبست ملابس من اختها ايضا وخرجت....
مريم:انا ماشيه....
الام:سلام....
مريم:سلام....
ونزلت وخرجت من العماره ورأت عمر....
مريم:ابن حلال وفرتلي اجرت الاوبر والله....
عمر:انتي راحه فين....
مريم:لروان هديلها هدوم....
عمر:ومقولتليش ليه ولا انا ملياش لازمه....
مريم:حبيبي انا الي المفروض انكد مش انت....
عمر:يعني ملياش كمان دور في النكد....
مريم:مممم عمر انا وافقت عليك عشان انت تافه ومسخره وبتضحكني....هتقلب نكد نسيب بعض عادي مفيش مشكله....
عمر:تسيبي مين يا روح امكككك....
مريم:مفيش يا باشا....
عمر:اركبي....
مريم: حاضر وركبت....
مريم:عمر والله انا قولت مش مستاهله انا هوديلها هدوم واروح علي طول....متزعلش مني....
عمر:ازعل منك ايه هو انا اقدر ازعل منك انا كنت بهزر معاكي....
مريم:بجد....طب كويس....
عمر:جايبلك مفاجأه....
مريم:ايه....
عمر وهو يعطيها بوكيه ورد ودبدوب وشكولاتة:ايه رأيك....
مريم:ايه دا الله....
عمر:عجابتك...
مريم:جدا....
وفتحت الشكولاته وبدات تأكل فيها....
عمر:مفيش حته لجوزك حبيبك قره عينك اي حاجه....
مريم وهي تمص كل الشكولاته:بمصها وانت هتقرف حته شوف وبدأت تمتصها....تاخد....
عمر:ينعل ابو نتنتك مش عايز....
مريم:انت حر....
عمر:مفيش بوسه او حضن ايه حاجه....
مريم:لا....
عمر:ليه....
مريم:انت قليل الادب علي فكره....
عمر:ليه طب مهي روان حضنت حوده وهما حتي لسه مخطوبين....
مريم:روان عملت كدا عشان كانت خايفه عليه مش عارفه اصلا هي كانت بتعمل اي او بتقول ايه....
عمر:يعني لو حصلي كده هتعملي كده....
مريم وهي تضربه بخفه:بعد الشر عليك يا معفن انت بتقول كده ليه....
عمر:بتخافي عليا....
مريم:اكيد يعني....
عمر:ليه يا مريم ها ليه....
مريم:يعني مين الي هيفسحني ومين هيجبلي الشكولاته ومين الي هنكد علي امه كل شويه ومين الي هيهزقني ويقولي يا فاشله ومنتيش فالحه....
عمر:انزلي يا مريم....ضحكت مريم....
عمر:انزلي....
مريم:خلاص بقي يا قموصه متزعلش انا كنت بهزر معاك....وبدأت تداعبه في انفه ووجه ورقبته....
عمر:بس بقي....
مريم:ايتا ايتا ايتا انت بتركب الهوا يا جوزي....
عمر:مريم....
مريم:ها....
عمر:بس....
مريم وهي تقرب منه...
عمر:مريم هسيبك وامشي والله....
مريم بضحك:خلاص....
وصلوا المشفي....
________
عند نورين
ام نورين:قومي البسي عشان نروح نزور الي ما يتسمي عشان فاق....
نورين:والله يا ماما انا فعلا مش بحبه بس عايزه افصلهم عن بعض حتي لو مش هيتجوزني خرابة بيوت يعني....
(الله انا اول مره اشوف خرابه بيوت بتتكلم علي نفسها وعارفه نفسها الله🙂😏😂)
ام نورين:وانا كمان....
(مهي الحماره مش هتجيب دكتوره او الخرابه مش هتجيب عماره🙂😏😂)....
نورين:اقوم اغير....
ام نورين:وانا كمان....
وذهبوا الي المشفي....
________
عند اروي
الام:اروي انزلي جيبيلي حاجه من السوبر ماركت...
اروي:الفين جنيه وانزل....
الام:نعم يا روح امك....
اروي:الف جنيه....
الام:ايه....
اروي:خمسميه....
الام:بتقولي ايه مش سمعاكي....
اروي:خمسين جنيه عشان انتي امي بس....
الام:ماشي امسكي....
اروي:اشطا هاتي بقي الفلوس....
الام:اومال ايه دا....
اروي:مش دي اجرتي بردوا....
الام:لا جيبي منها الحاجه الي في الورقه دي ولو فاض حاجه خديها....
اروي:لو فاض لو فاض حاجه....اي النصب دا انتي كنتي بتشتغلي في مافيا ولا اي يا امي....كلوا كلوا حق الغلابه كدا كلوا....
الام:يلا يا بت الجزمه من هنا....
اروي:طيب طيب....
ونزلت مسرعه....الي السوبر ماركت....
وجلبت لوالدتها ما طلبته واشترت لها كرت فمه بالباقي لان الانترنت كان مقطوع ولم تتابع ما يحدث في العالم وفتحت الداتا وهي في طريقها الي البيت
قابلها شهاب....
شهاب:ازيك يا اروي....
اروي:ازي ال كان هيضربني عامل ايه....
شهاب بضحك:دا انتي شايله مني اوي....
اروي:اوي اوي....
شهاب:خلاص يا ستي انا اسف بس انتي الي خرجتيني عن شعوري....
اروي:خلاص وانا كمان اسفه عشان خرجتك عن شعورك بس مش مسامحاك عشان انت مش عايز تخطفني....
شهاب وهو يخبط مقدمة رأسه بخفه:انتي عندك خال اهبل او حد في عيلتكوا اهبل....
اروي وهي تناوله كيس المشتريات من السوبر ماركت:امسك كده....
مسك شهاب الكيس باستغراب....
رفعت اروي ياقت قميصها بمرح وقالت وهي تهز رأسها يمين وشمال بسرعه متقطعه:انا....انفجر شهاب من الضحك عليها وكذلك هي....
شهاب بضحك:انا انا بقول كده بردوا....
اروي:هات....ناولها الكيس....
شهاب:راحه بكره الجامعه....
اروي:اه....وهنا جاءت لها رساله....
فتحتها وكانت من غرام من امس تقول ان حوده اضرب بالنار وهو دلوقتي في مستشفى****....
اروي:نهار اسود....
شهاب:في ايه....
اروي:حوده اضرب بالنار....
شهاب:حوده مين دا خطيبك....
اروي:خطيب صاحبتي....
شهاب:حوده....هو عريس امبارح كان اسمه حوده دا اسمه عمر صاحبي....
اروي:يابني العروسه اختها خطيبها بقي....
شهاب:اه طب تعالي نروح نشوفه....
اروي:هودي الحاجه دي لامي وبعدين اجيلك....
شهاب:وانا هروح اجيب العربيه من الجراش واجي....
اروي:اشطا....
وذهبوا كل منهما في طريقه....
صعدت اروي مسرعه الي والدتها واخبرتها بكل شئ ثم غيرت ملابسها ونزلت....
كان شهاب تحت البيت منتظرها....
ركبوا وذهبوا الي المشفي....
________
عند عمار
عمار:يعني ايه مش لقيين اثر ازاي....
الشرطي:والله يا فندم احنا دورنا في كل مكان وقفلنا الحدود زي ما امرت ومفيش ولا عربيه عدت الا ما فتشناها واتأكدنا انها معلهاش رقم الي حضرتك ادتهولنا....
عمار:يعني ايه اختفي....
جاء الرجل الذي اعطي عمار له الرقم....
الرجل وهو يضع يده بجانب رأسه:سلام عليكم يا باشا....
عمار:وعليكم السلام....اخرج انت دلوقتي....
الشرطي:تحت امرك يا فندم والقي التحيه العسكريه وخرج....
الرجل:انا قولت اطمن يمكن وصلتوا لحاجه سعتك....
عمار وهو يرجع للخلف بالمقعد:مفيش رقم زي دا علي العربيات اساسا....
الرجل بصدمه:اييييه از.ازاي يا باشا....
عمار:زي ما بقولك كدا....
الرجل بخوف:بس والله يا باشا انا انا....
عمار:ما تخافش اكيد شافك وانت بتجري وراه فإتخلص من العربيه....
الرجل:ممكن ممكن يا باشا هنعمل ايه دلوقتي....
عمار:احنا بندور عليه اهو وانت كمان حاول كدا تجمع وشه كدا يمكن تتعرف عليه....
الرجل:تحت امرك يا باشا حاضر....
عمار:شكرا لتعاونك معانا....
الرجل:العفو يا باشا....
وذهب الي بيته....
ورن الجرس....
وفتحت له اخته الصغيره....
اخته:اهلا المخبر شرف....انا مش عارف انت مهتم ليه بالموضوع دا....
الرجل:قمر انا مش فيقلك ودخل....
(قمر ايوه قمر الي في بالكوا ايوه**)....
قمر:ابراهيم....وقفلت الباب....
قمر:اي يا إبراهيم انا عارفه انك كنت عاوز تدخل كليه الشرطه بس محصلش نصيب انت ليه بقي مهتم بالقضيه دي....
ابراهيم:مش عارف والله....
قمر:طب ادخل خد شاور كده وروق نفسك علي اما احضرلك حاجه تاكلها....
ابراهيم وهو يمسك يديها ويقبلها:ربنا يخليكي ليا....
قمر:طب متعملش كده طيب عشان الناس الي بتقرأ تفكر انك بتعلمني حلو وانك مش بتضربني وتفكر ان احنا الحب كله الحب كله وهنتحسد كده....يلا....
ابراهيم بضحك:طب يلا يا بتتتت اعمليلي اكل....
قمر:ايوه هو دا....ضحك ابراهيم....
دخل واخد شاور وخرج....
ابراهيم:ها عامله ايه هتقلبي بيه معدتي انهارده....
قمر:عيب عليك دا انا عملتلك بيتزا زي ما ماما الله يرحمها كانت بتعملها....
ابراهيم:الله يرحمها....
وقعدوا ياكلوا....
قمر:في واحد جه انهارده في الشقه الي جمبنا دي سمعت كركبه وتكسير ونار بتطلع من الشباك كنت واقف في الشباك وروحت شوفت مين لقيت واحد بس مزززز ابن الايه....
ابراهيم:وانتي ازاي تروحي كده يا حيوانه....
قمر:والله العظيم كنت خايفه في روحت اشوف والله اطمن....
ابراهيم:وبعدين....
قمر:الصراحه هو مزززز بس قليل الادب....
ابراهيم:عمل اية....
قمر:ميقدرش يعمل حاجه انت عارفني....
ابراهيم:اومال ايه د....
قمر:قاعد يبصلي كده وبعدين شكله كان متوتر كده دا كان متوتر وهو بيقول اسمه كمان....
ابراهيم:مممم....ابقي اشوف حكايته دا ايه....
قمر:اشطا انا هقوم اعمل الشاي....متقلبش عشان المسلسل التركي بتاعي جاي....
ابراهيم:يا بنتي ارحميني بقي تركي تركي تركي تركي....ايه مش بتزهقي....انا هتفرج علي الماتش....
قمر:والنبي يا ابراهيم عشان خاطري دي الحلقه دي مهمه هشوف البطل هيعمل ايه مع البطله بعد ما امه اتهمتها بالسرقه....
ابراهيم:يارب صابرني....انا داخل اتفرج علي النت....
قمر:تسلم يا قلبي....
________
في المستشفى
اطمئنوا علي حوده جميعهم....
عمر:ابسط ياعم روان طلعت بتعشقك عشق....
حوده وهو يصتنع الغرور:عارف عارف دا هي بتموت في دباديبي....
روان:لا متظتش متظتش....
حوده:ماشي....
دخل ام نورين ونورين....
اختفت الضحكه من علي وجوه الجميع حتي شهاب الي ميعرفهاش....
(شافطت الأكسجين والبهجه والسعادة ترحب بكم 🙂😏😂)....
نورين:حمدالله على السلامه يا حوده....
حوده:الله يسلمك....
ام نورين:حمدالله على السلامه يا حوده....
حوده:الله يسلمك....
ام نورين:نورين كانت مموته نفسها مش راضيه تاكل ولا تشرب كانت خايفه عليك اوي يا حوده....
حوده:ليه لزومه كده يا نورين كفايه خوف حبيبتي ومسك يدها وقبلها....
روان:ربنا يخليك ليا....
حوده:ويخليكي ليا....
نورين:اي جو العشق المفقوع دا....
حوده:مفقوع مفقوع ماداما مع روان ميهمنيش العشق دا ايه....
نورين:....
ام نورين:علي فكره يا حوده نورين بتحبك اوي بتعشقك....
حوده:انا اسف يا نورين....انا بحبك زي اختي....وبعدين مش محتاج حبك حبيبتي ماليا عيني وحبها ليا يكفيني....بحبك....
روان:وانا بموت فيك وربنا....
اتغاظت نورين....
وخرجت وهي غاضبه وتتوعد لروان....
وكذلك ام نورين....
فماذا سيحدث يا تري يا هلتري؟!😂..........................يتبع🖤

صلوا علي النبي ﷺ♥️
تصويت وكومنت فيه تصلوا على النبي ﷺ♥️
وكومنت فيه رأيك
وتشيروا الروايه مع صحابكوا
بحبكوا
ملحوظه*
اسفه يا جماعه علي التأخير بس والله كنت مشغوله وكمان كان النت مقطوع فمعرفتش انزل البارت وعملتلكوا بارت طويل اهو
بحبكوا🖤