Matched Better || (ON-GOING)

Chapter 5

"Pa'no 'yan. Pag bukas ay lalong mangingitim ang paligid ng mga mata ko, baka magsuspetsa na naman ang Shawn nayan na kung sino na naman ang iniisip ko."

"Hindi na, 'no. Alam ko na kung bakit... Hoy, kinalimutan mo na yata 'yung promise n'yong dalawa na ilalakad n'yo ako kay Chynthia."

"Hindi. Naging busy lang kami ni Hady nu'ng mga nakaraang araw. Sa katunayan nga, inimbeta na siya ni Hady para magkalapit kayo sa party sa Sabado."

"Talaga ba, ha, Hady?"

"Oo naman... o, masaya ka na?"

Hindi sumagot si Shiro. Niyakap nalang niya ang kaibigan at hinalikan sa noo.

Nag pa iwan pakina Hady si Chingchong. Naunang umuwi si Shiro.

"Bakit mo ba ako pinaiwan pa, ha, Hady? May sasabihin ka pa siguro."

"Meron nga, Chingchong. Hindi nagkamali si Shiro. Talagang napuyat ako dahil kay Shawn."

"Ano? Joke ba 'yan?"

"Hindi totoo. Kasi, hiyang-hiya ako sa nagawa ko. Isiping kapatid pala siya ng isang pari. Ibig sabihin ay mula sila sa isang mabuting pamilya. Tapos, pinagbintangan kong manyakis. Hindi siya gagawa ng ganoon!"

"Kinonsensiya ka, ganu'n."

"Ganu"n na nga."

"Hindi dahil may pumintig na kung ano sa isang sulok ng puso mo."

Hindi sumagot si Hades. Inirapan lang niya ang kaibigan.

"Kung talagang 'yon lang ang dahilan, e, kalimutan mo na. Maiintindihan na ni Shawn na natural reaction lamang ang nagawa mo sa kanya ng dahil sa kabiglaan."

"Sa palagay mo ba'y ganu'n nga ang kanyang iisipin?"

"May iba pa ba? Lalo't nakita mo namang napaka-gentleman niya."

Ngayon at dalawa na ang dahilan para ma-excite si Hades sa pag dating ng party. Una, para sa kanyang mga magulang at sa kuta niya na naroroon at nakapiling nila kahit iisang araw lang. Ikalawa, dahil sa party ay darating si Shawn Mendez. Guston niyang makita itong muli. Makausap, at sisikapin niyang maging kaibigan ito. Pakiramdam niya, ay napakahalaga na maging magkaibigan sila.

Pero naiinis si Hades. Bakit ginugulo ni Shawn ang kaniyang isip. Dati'y suko sa langit ang galit niya rito. Ngayon ay parang naging kabaliktaran ang damdamin niya. Hindi niya maintindihan ang sarili.

Linggo ng hapon, magkatulong sila ni Chingchong sa pag-aalis ng damo at tuyong dahon sa garden ng ina nang pumarada ang kotseng kilalang kilala na ni Hades.

"Chingchong, kotse ni Shawn 'yon, a. Anong ginagawa niya rito?"

"Ano pa, e, di dinadalaw kana," nakangising tukso ni Chingchong.

"Timang!... Sige, salubungin mo. Itanong mo kung bakit siya narito," utos niya sa kaibigan pero itinago ang excitement sa boses."

Nakita ni Hades si Shawn nang bumaba ito mula sa sasakyan. Pagkuwa'y dumukwang sa loob at may kinuha.

"Hady, may pasalubong, o! Bouquet of flowers at malaking kahon. Cake yata!"

"Aba, baka akalain niya'y ngayon ang party. Next Saturday pa! Saka nun'ng makalawa lamang niya inihatid si Kuya Niel, ibig bang sabihin ay ganu'n siya makakalimutin?"

"Ewan ko sayo!" tumayo na si Chingchong sa pagkakayuko para salubungin ang dumating na bisita na kung makangiti e mukhang endorser ng close up.

"Hi, Sean. Si... si Brother Noel, nariyan ba?" tanong ni Jojo.