أنتقام للعشق

البارت الثاني و الثلاثون

يلوموني واحسك تكبر بروحي ويلوموني
وانا بلا شوفتك شينفعن عيوني
يا شوكَي وفرحتي ودنياتي ولوني
وعذابي ولوعتي وشكواي وظنوني
يا خيعونك علي وبيك خيعوني 🥀...

ردت احجي بس انفتح الباب باوعت لكيت جمارة تباوعلنه بصدمة ظلت واكفة يمكااانه مذهولة من الي تشووفة هسه يلاا انتبهت على نفسي اني وين وي منو جنت اسولف ..

شفته يباوعولي بهدووء اني كمت طفرت من يمه
هو كام و طلع من الغرفة بدون مايحجي اي شي
باوعت على جمارة الي بعيونه الف سؤال و سؤال ..

كتله :هاا جمارة شبيج ؟

كالت وهيا رافعه حاجبه : اني المفروض الي اسئلج شبيج بس مالي دخل المهم اهلج جوه منتظرينج يردون يرحون و اني من شفتج اتأخرتي كلت خاف بيه شي و اجيتج ..

هزيت راسي : يي هسه راح انزل عليهم ..

باوعت على شكلي بلمراية خليت الحجااب على راسي اريد الفه ماكدر ايدي ترجف كل ماريد اسويه يخرب
صحت بعصبية : يوووه غير تعدل ..

كال جمارة بهدوء و هيا تباوعلي : على كيفج جوري عليش هيج عصبية لفي عادي و لبسي عباتج ترى هو هذا بيتكم ..

هزيت راسي بتوتر : يي صح مثل ماتكولين انتي ..

لبست عباتي و نزلت هيا بقت فوك وصلت يم الدرج و شفت زهراء ردت امشي و اعبره بس هيا لزمت ايدي و كالت بعصبية باوعتله : خير شكووو زهيرة خاتون ..

اقتربت مني و كالت بعصبية : شووفي ترى ما حسبالج مادري هسه شفتي شهاب و حجيتي وياااه  ..

ابتسمت بأستهزاء: يي و هسه شتردين عيني ..

حجت بحدة : شنوو شراد منج و هيج اتأخرتوو شكلج ..

اقترب منه و كتله بأبتسامة: ماا احجي خليه حسرة بكلبج ..

هيا عصبت و كالت : والله ردت اصيح اهلج كلهم و اخليكم فرجة و اكللهم شوفو بتكم المحترمة ترى تدرين بيه اني اكدر اسوويه ..

رفعت حاجبي : يي عيني لعد ليش ماسويته ..

اقتربت و همست يم أذني : لان هذا الشي راح يخرب اي شي اسوويه لان راح تصير قضية شرف لو يكتلوكم لو يزوجوكم و اني ماريد هاي الخيارين ..

ابتعدت عنه و اني مستغربه تصرفاته معقوله اكو وحده بهاي الوقاحة ماصدك والله عفته  و مشيت طلعنه من يمهم و اني مصدومة من نفسي و كرهت روحي اكثر
شلون سمحت لنفسي ابجي كدام شهاب شلووون ..

رحت لبيتنه سلمت عليهم و صعدت كبل فووك و غيث استلم زينب و امي يحقق وياهن ..

صعدت فوك لغرفتي سديت الباب وراي رحت جريت الكرسي و كعدت خليت ايدي على راسي و اني مصدومة ..

كلت بهمس : شبيج جووري شجاااج ليش هيج سويتي خليه يرووح و يمشي من وين ماجان مو هذا الي ردتيه لعد شوو من صاارت صدك حسيتي بشعور ردت اكله لا تروووح ...