أنتقام للعشق

البارت الثاني و الثلاثون

غوركت عيوني سحبت ايدي منه بهدوء : بشنو يفيد هسه سامحتك او لا انت ..

: والله افرح و كلبي يرتاح وابقى هنااا يمج و اتزوجج ونعيش ما كافي يا جوري ترى اني تعبت و انتي هم تعبتي ..

دمعة عيني و كتله : مانسيت الي سويته شهااب اذيتني ..

كال بهم : بس سامحيني صدكي مراح أذيج وو ..

قاطعت كلامه بقهر و دموعي لا ارادياً كامت تنزل
كتله بقهر : بس أنت أذيتني ... اذيتني لا تنسى
صدقت بيك بس أنت شسويت خذلتني وثقت بيك من دون الناس و حبيتك و التجأت الك سويت حبيبي و سندي و صديقي و أبوي و كلشي مهم بحياااتي تاليته عفتهن بكلب بااارد و عين صلفة كدام الكل ما رفلك جفن شلون كدرت تغمض عينك ياا شهااب ..

ماستحملت كعدت بلكاع و كمت ابجي على حظي
عرفت بعد كل الي سووواه شهااب اني بعدني احبه
وجنت اكول اكرهه لأن جنت شايله عليه ..

كعد هو كبالي بلكاع رفع وجهي بأثنين اديه
مسح دموعي و اني اباوعله ابجي و اشهك ظل يمسح بدمووعي كال بحنية : اششش كافي هاي الدموع جعلهن يغسلني من امووت ..

ماستحملت وخرت اديه كتله : شهااب وخر فدووة ترى كلشي انتهى بيناتنه ..

ابتسم : لا ماكو شي اسمه انتهى ترى هسه بدينه ..

كتله بضعف اول مره اضعف كدامه من اجه لحد هسه سويت نفسي جوري القوية بس هسه طلعت جوري الهشة الضعيفة ..

كتله : شهااب عوفني الله يخليك ترى والله تعبت
ترى كاافي الي تسوويه ..

: بس انطيني فرصة والله راح اسعدج و اعوضج عن كلشي سويته وياااج سامحيني جووري اني الي اكلج الله يخليج سامحيني ..

ماستحملت ظليت ابجي و اشهك اريد اطلع الكلمة ماكوو ماحس غير جرني وخله راسي على صدره و ايده تمسح على رااسي بهدووء ..

ظليت ابجي و اني ساااكتة اخر شي تعبت ظليت بس اكله : حرااام عليك الي سويته بيه شهاااب ..

باسني من راسي : فدووة سامحيني جوري ترى ماكدر بدونج والله طاقتي استمده منج ..

رجعت عاتبته و كتله: ليش هيج سويت و عفتني اني بشنو جنت مقصرة وياااك  ..

حجه هوو : سامحيني على كلشي سويته ماجنت قبل بوعي و الله جنت ضاغط على اعصاابي بوقته و مافكرت بشنوو اسووي ..

شهكت و كتله : اكرهك اني ..

ابتسم هو : اني احبج اموت عليج وحق الي كفل زينب مشتاقلج و لا يوم شفت راحة واني بعيد عنج ..

ابتعدت عنه و ظليت اباوع عليه ونسيت بلحظة كلشي كتله بخنكة : من وراك شهااب خليتني ميتة ..

حجه بتأسف : الف مره راح اكرر هاي الكلمة و مراح امل اكلج اني أسف ..

ظليت صافنة على عيونه هيا عيونه كله ندم و تعب
واني ابادره بنظرات كله قهر و عتب و لوم على كلشي سوواه الي ..