ရစ်တွယ်မိသောသံယောဇဥ်
လေနုအေးလေးများလွှမ်းခြုံထားသော ဆွတ်ပြန့်ဖွယ်ဆောင်းဦးညလေးတစ်ည.....
ကောင်းကင်တွင်ကြယ်စင်များကတော့ဆောင်းလေအေးကိုမမှုဘဲအပြိုင်အဆိုင်ဝံ့ကြွားနေဟန်ရှိသည်။
ဆောင်းဦးဖြစ်တာကြောင့်အအေးမပိုသေပေမဲ့မဟူရာရောင်ကောင်းကင်ကြီးထက်မှာတော့လပြည့်ဝန်းကြီးကအေးချမ်းမှုကိုပုံဖော်နေသည်။
တစ်စုံတစ်ယောက်များထိုမြင်ကွင်းကိုမြင်ပါက'အေးချမ်းလိုက်တာ'ဟုရေရွတ်မိမည်မှာမလွှဲဧကန်ပင်။
သို့သော်ထိုတစ်စုံတစ်ယောက်ဆိုသည့်အထဲတွင်ထျန်းဝူတိုင်းပြည်၏ဧကရာဇ်မင်းတော့ပါမည်မထင်ပေ။
လက်နှစ်ဖက်ကိုတင်းတင်းဆုပ်ထားသည်မှာစိတ်လှုပ်ရှားမှု၏သက်သေပင်လော။
မျက်ဝန်းများကတစုံတရာကိုမျှော်လင့်တကြီးစောင့်စားနေလျက်.....'ဟန်ချင်း'နန်းဆောင်ရှေ့တွင်ခြေလှမ်းများဟိုဒီရွေ့လျားနေသည်မှာရေတွက်၍ ပင်မရနိုင်တော့။
အဆောင်ထဲမှသူ၏ချစ်လှစွာသောမိဖုရားလေး၏တိုးတခါကျယ်တလှည့်ညည်းတွားသံမှာသူ့အတွက်တော့စိတ်မချမ်းမြေ့ဖွယ်အတိပင်။
နန်းတွင်းသမားတော်ကြီး၏"မယ်မယ်ဖွားတော့မယ်အားတင်းထားပါ"ဆိုသောအသံနှင့်အတူ"အူဝဲ"ဟူသောဆည်းလည်းသံလေးထွက်လာမှအံ့သြဝမ်းသာမှုနှင့်အတူမျက်ရည်ကြည်များဝေ့သီလာသည်အထိပီတိဖြစ်ရပါသည်။
ထို့နောက်အဆောင်တံခါးဖွင့်သံနှင့်"အရှင်မင်းကြီးသားတော်လေးဖွားမြင်ပါတယ်"ဆိုသောစကားအဆုံးလက်ထဲရောက်ရှိလာသောဝါဂွမ်းစောင်ထူထူကြားမှာနစ်မြုပ်နေပါတဲ့ မိမိ၏ ရင်နှစ်သည်းချာလေး...
မွေးစကလေးဖြစ်သော်ငြားသူမတူသောအရှိန်အဝါများနှင့်ထည်ဝါနေသောမိမိ၏သားတော်လေး...
နန်းရင်ပြင်တခွင်လုံးတွင်တော့"ဂုဏ်ယူပါတယ်အရှင်မင်းကြီး"ဟူသောထောပနာသံများနှင့်ပြည့်နှက်လျက်သာပင်။
ရုတ်ချည်းတိတ်ဆိတ်သွားမှုကြောင့် သားတော်လေးထံမှအကြည့်လွှဲကာပတ်ဝန်းကျင်ကိုစနည်းနာကြည့်တော့နန်းရင်ပြင်အလယ်လောက်တွင်ရွှေမှုန်များစုတည်လာကာပုံရိပ်တစ်ခုဖြစ်တည်လာသည်။
YOU ARE READING
No one but U, your Majesty !(Completed )
Historical Fictionပထမဆုံးရေးထားတဲ့fiction လေးမို့ ဖတ်လို့ကောင်းမယ်မထင်မိဘူးရယ်။ကလေးဆန်လွန်းတဲ့ အရေးအသားတွေကြောင့် မျက်နှာပူမိပါတယ်။ နှမြောလို့ အမှတ်တရအနေနဲ့ published လုပ်ထားတာမို့ သည်းခံဖတ်ပေးတဲ့တစ်ယောက်ချင်းစီကို အားလည်းနာသလို ကျေးဇူးလည်းတင်မိပါတယ်ရှင့်၊ ပထမဆုံးေရး...