حوريتي انتي

الفصل الاول

الفصل الاول.
حور لازم تحبي ابوكي ياقلبي هو بيحبك بس شغله بيخليه مشغول دايما وبياجي كل فترة بس هو بيحبك يابنتي صدقيني حور لازم تكوني قوية فاهمه ياحور....كان ده كلام ام حور دايما لحور مسحت دموعها

حور :ليه كدا ياماما سيبتيني ومشيتي وحشيتني اووي ياماما انتي الوحيدة اللي كانتي بتحبيني ليه سيبتني ....استغفر الله العظيم وأتوب إليه مشي قصدي ياربي بس هي وحشيتني
قطع كلام حور دخول ريم
ريم:حور ياحور
حور نعم ياريم
ريم:يلا ياحور علشان نفطر مع ام العيله دي ونمشي نروح ام الكليه

حور:بس ياماما لحد يسمعك
ريم:طيب يلا يااختي حتي حرية الراي فام العيله دي حرام يلا قومي البسي
حور :حاضر روحي وانا هالبس وهاجي وراكي
ريم :بسرعه ها بسرعه 
ثم خرجت ريم وبدات حور في البس
      في المطبخ
منال :سعديه انتي يازفته
سعديه :تحت امرك ياهانم
منال :البت حور مش بتساعدكم ليه مش اقولت ميه مرة تشتغل معاكم
سعديه:حضرتك سيف بيه جه امبارح وحضرتك ياهانم قولتي طول ماسيف بيه هنا الست حور مش تشتغل معانا
منال ويظهر عليه الخوف :غوري من وشي
سعديه :حاضر ياهانم
رحاب وهي تنزل من علي السلم
رحاب :صباح الخير يامنال
منال بقرف : صباح الخير يااختي وتمشي وتسيب رحاب
رحاب : مالها دي انا مالي هروح اشوف الفطار قبل ما الكل يصحي
   اما في اوضة يوسف وسمر
سمر :يسلام علي جمالك ي بت ياسمر ولا في منك اتنين هو انتي اي حد ايوا كدا ده المطلوب ي بت ياسمر ياعسل انتي اموووا
يوسف :استغفر الله العظيم ياشيخه احترامي سنك شويه ماللي انتي بتعمليه في نفسك ده اللي يشوفك  ويشوف بنتك مش بيعرف مين فيكم الام ومين فيكم االبنت
سمر:اوسف حبيبي هو ده المطلوب لازم افضل حلوه علشان اكون اجمل واحده طبعا
يوسف :اسمي يوسف ياسمر ياخربيت كدا ياشيخه اكبري شويه انا زهقت مع أن عندك اربع عيال ومع كل واحد بقول هتكبري شويه لا بتجنني اكتر
سمر وهي تضع ملامع الشفاه :حبيبي كدا حلو
يوسف :ان اليه وان اليه راجعون كان يوم اسود يوم ماتجوزتك ياشيخه
سمر :ماله ده يلا سيبك منه ي بت ياسمر نرجع لجمالك ياعسل انتي راجل نكد صحيح

في غرفة الكينج سيف الهواري كان يرتدي بدله باللون الاسود  وكان بيلبس الساعه بتاعته وبيفكر في اخر صفقه اللي كسبها علي محمود الجارحي والصفقه بتاعت الحديد اللي ادهم وكريم مسافرين علشانها  بس هو متاكد من فوز الصفقه دي كمان بس محمود مش سهل ابدا ده العدو الوحيد واللي قدر ينافسه في السوق.
سيف بغموض :عمره ماحد يقدر ينافسيني واللي يفكر امحيه من علي وش الارض
ثم يخرج من غرفته وفي نفس الوقت تخرج حور من غرفته اللي موجوده معه في نفس الدور وهي شيله كوب مياه وتخبط فيه
سيف بغضب:انتي عمياء في حد يمشي كدا اومال النظارة اللي في وشيك دي ايه زينه
حور بخوف فهي تخافه :مش كان قصدي صديقيني
سيف:انتي هتردي عليا كمان
حور  اتعصبت خلاص من طريقته :حضرتك بتزعق كدا ليه انا اقولت انه مش قصدي اعمل ايه تاني
سيف بغضب :انتي بتزعقي كمان ثم مسكها من ايدها ولسه هيشدها حور اترعبت ومن حسن حظها مصطفي كان نازل وجري علشان يلاحق حور
مصطفي :في ايه ياسيف سيب ايد حور معلش
حور وهي مرعوبه :اه والنبي سيب ايدي
سيف:ماهو كان صوتك عالي من شويه يابنت عمي وبتردي عليا كمان
مصطفي :معلش ياسيف علشان خاطري هي مش تقصد
سيف:هسامحك بس علشان اول مرة اتكلم معاكي من ساعه ماجيتي هنا ي بنت عمي فاهمه وتاني مرة لو حصل كدا متعرفيش ايه اللي هيحصل مفهوم
حور:.....
سيف بصوت عالي :مفهوم
حور بخوف :مفهوم
ترك سيف ايد حور وحور اول ماسيف سيب ايدها جريت علي تحت اما سيف كان متعصب جامد
سيف:مصطفي تروح تشوف ولاد عمك علشان مش عاوز حد فيكم يتاخر علي الشغل
مصطفي وهو بيبلع ريقه :ح حاضر
سيف وهو يدخل غرفته علشان يغير ومصطفي رايح يشوف ولاد عمه هو شكله يوم مش هيعدي
    
      اما في اوضه هايدي
نرمين :هايدي اصحي بقا يلا
هايدي:نريمين انا عاوزه انام سيبني
نرمين :اصحي بقا علشان الكليه
هايدي :مشي لازم النهارده
نرمين :هايدي اقومي انتي متعرفيش ان سيف جه امبارح بالليل ولازم كلنا نكون علي الفطار
هايدي فتحت عينها الخضره :انتي بتقولي جه امبارح انا لازم اقوم والبس احلي لبس
نرمين :ايوا يااختي يلا
هايدي :امتي بقا يحس بيا هو اكيد هيحبني
نرمين :طبعا هو في منك انتي ملكة جمال الكليه يابنتي
هايدي :عندك حق هقوم البس انا وانزلي انتي لازم اكون احلي بنت يشوفها
نرمين وهي بتخرج من الاوضه :ماشي
    علي سفرة الاكل بعد ماالكل نزل ويجلس الجد وينظر ليهم بفخر اما سيف لو النظرات تقتل كانت حور مع الأموات الان  من نظرات سيف اما ريم بتبص لعمر نظرات كله حب بس عمر مشغول بالكلام مع رحيم اما منال بتبص لحور بكره وهايدي قاعده بتبص علي سيف بطريقه غريبه
الجد سعد :انا فخور بيكم انتم احفاد الهواري وانتم بتكملوا بعض عاوزكم ايد واحده دايما والف مبروك علي الصفقه اللي فوزتوا فيه ودايما مع بعض انتم احفاد سعد الهواري
رحيم :ان شاء الله دايما مع بعض ياجدي
سعد :ان شاء الله سيف انت اللي هتكون بعدي وتمسك العيله دي لازم تكونوا ايد واحده وتحافظ علي شغل العيله يابني
سيف وهو ياكل :طبعا مش عاوزك  تقلق انت
سعد:طول ماانتم مع بعض مفيش  قلق يابني
سيف:ادهم وكريم النهارده هيقولوا اخبار صفقه الحديد ركز معهم يامصطفي انت وعمر وهيرجعوا النهارده كمان
مصطفي بثقه :هنكسبها انا متاكد
سيف:اكيد طيب يلا علشان  مش عاوز  تاخير
يرحلوا شباب العيله كل واحد في عربيته لشركة الهواري
هايدي :شوفت ياجدو سيف مشي معبرني ازاي
سعد :معلش يابنتي مشغول الايام دي بعدين متزعليش لما ياجي هخليه يخرجك
هايدي :بجد ياجدو
سعد:بجد ياروح جدو لازم اجوزكم لبعض ولازم اجمع العيله دي مش عاوز اللي احمد عمله يتكرر وحد فيكم يجيب لينا زباله وهي ينظر لحور

حور في سرها وهي خلاص هتعيط ليه بيكرهني كدا :يارب
سعد:يلا كملوا اكل انتم انا هقوم وزي مااقولت ياهايدي يابنتي حاولي تخلي سيف يحبك
هايدي :مش عاوزك  تقلق ياجدو

ثم يرحل الجد
ريم لحور متزعليش ياحور
حور :انا اتعودت ياريم خلاص بقالي سنه بسمع الكلام ده يلا نروح الكليه
حبيبه :يلا يابنات
منال :نفسي اعرف بتمشوا مع دي ازاي
ريم :زي مابمشي مع هايدي عادي علي مااظن الاتنين ولاد عمي احمد
منال بصوت عالي :انتي هتساوي بنت فاتن ببنتي انا ياريم
ريم:ا
سمرمقطعه لريم:ريم بس
ريم: بس ياماما
سمر :انا اقولت ايه
حبيبه :يلا يابنات علي مااظن يامرات عمي نمشي مع مين او مش نمشي مع مين دي حاجة بتاعتنا احنا وحور بنت عمي احمد وزاي اختي واكيد هنمشي مع بعض
منال:والله ماشي يابنت رحاب رحاب شوفي بنتك بتقول ايه
رحاب :حبيبة مش قالت حاجة غلط حور تبقا بنت عمها زي هايدي يلا ياحبيبة يابنتي امشيوا علشان عندكم محاضرة
حبيبه:حاضر ياماما سلام يلا ياحور يلا ياريم
منال :بقا كدا يارحاب
رحاب :نفسي اعرف حور عملت ليكي ايه البنت كويسه وطيبه علي طول عاوزه تحريجيه ليه
منال:هو انتي يعني مشي عارفه
رحاب وهي تقوم من علي السفرة :انسي يامنال انسي
منال :انسي ماشي يارحاب انتي وبنتك وبنت فاتن اما هتشوفوا ايام علي ايدي
هايدي :ايوا ياماما لازم يشوفوا الويل وخصوصا بنت الخدمه دي
سمر :متقلقيش ياحبيبتي اقوموا راحوا بس انتم الكليه وانا ومامتك هنفكر هنعمل معهم ايه
هايدي :حاضر يامرات عمو يلا يانرمين
نرمين :يلا سلام ياماما
ثم يتبقي افاعي العيله سمر ومنال
سمر :ها هتعملي ايه
منال :اصبري انتي بس
    اما في شركة الهواري
سيف بغضب يعني ايه الكلام ازاي نخسر
الموظف :والله يافندم كانه اعالي سعر عارضينه بس في اخر لحظه محمود الجارحي غير السعر بتاعه وبقا اعالي مش عارف ازاي
سيف :هو ايه اللي مش عارف ازاي ها ازاي الصفقه دي تروح مشغل معي عيال انا صح نهارك اسود معي غور من وشي لحد ماشوف مين اللي وصل المعلومات دي للجارحي غور
يرحل الموظف مسرعا ثم يدخل رحيم ومصطفي وعمر
رحيم :اهدي ياسيف مش كدا
سيف:اهدي ازاي
مصطفي :ازاي ده يحصل وانا بنفسي مراجع الملف ازاي
عمر :وانا كمان رجعته وكان اعالي سعر
سيف:لازم اعرف مين بيسرب المعلومات للجارحي لازم
رحيم :هنعرف لما ياجوا كريم وادهم ونفهم منهم كل حاجة اهدي انت بس
عمر :ابوي وعمامكم سافروا المزراعه الصبح قالوا ممكن يقاعدوا هناك اسبوع او اكتر
سيف :كدا احسن علشان اشتغل بطريقتي لازم الحيوان اللي عمل كدا ياجي تحت ايدي مفهوم ياعمر
عمر:هياجي متخافش انت
سيف :يلا كل واحد هلي شغله يلا
خرج الجميع وابقي سيف وحدها وكان يستشيط غضبا ازاي يخسر الصفقه دي ازاي لازم اعرف الخاين لازم
وكدا خلص الفصل الاول
هل سيف هيعرف الخاين
هل سيرجع كريم وادهم اما هيحصل معهم حاجة
ماذا تخطط منال وسمر لحور
تابعونا في حوريتي انتي
حسناء عماد ✍🏻✍🏻