في مكان اخر
عبد الله : صبحج الله بالخير يالغاليه
ام عبدالله : صباحك الله بالنور يبعد كلبي
عبدالله : بستها من راسه يسلم كلبج يبعد كلبي
ام عبد الله : يله يمه.تعال اكل
عبد الله : لا يمه ما ريد خلي اطلع ع باب الله
ام عبد الله : يمه بعد وكت دكل وطلع هسة ساعه ٣
عبد الله ؛ لا يمه اطلع واذا جعت ارجع
ام عبد الله : جاا براحتك يبعد عيني ما اضعط عليك الله وياك
عبد الله : طلعت صعدت سيارة ومشيت اخذت كروه من منطقه الى ناحيه (...) نزلت بالناحية. وفريت السيارة اريد ارجع
وهنا راح اعرفكم ع نفسي
اني عبدالله العمر ٢٥ سنه الحمد الله.اني دارس وصلت الاعدايه ونجحت وماكملت لان طلع بغير منطقه وماكدر اعوف امي اني طبعاً الوحيد لاهلي
ابويه نكتل بالجيش جان جندي وعدي ٢ اخوات مزوجات
شكد امي توسل بيه عمود ازوج بس اني رافض فكرة الزوج
امي هي تشتغل وتنظف وهي كبرت بالعمر وتريد وحدة لي داريها شكد تلح عليه
ومرات ضوجه وتزعل مني بس اني موو بيدي
اني جنت احب
باحب بنيه بأيام لمن جنت طالب وجنت مراهق اني جنت ضخم بلا لا لحيه ولا شيء
الكاتبه:نرجس _السعيدي
صدفه شفتها وعجبتني مرة مرتين ماانطت مجال احجي وياها
وكلما ترفض تكبر بعيني 😍
يعني مو سهله وانطتني مجال ابد بقيت سنه كامل أراقبها. هي تباوعي وتروح
جنت قبل لا اروح لمدرسه اشوفها يله اروح جانت المدرسه بعيده ع مدرستي
جنت اتعب بس لمن اشوفها جان يروح التعب
مرات الايام وصارت سنه وبدت العطله
بهاي الفترة جنت كلشش ضايج
وجنت احس الايام عمود يبدي الدوام واشوفها
بداء الدوام وهي داومت جنت خايف اخاف اهلها
يبطلوها لو شيء
لمن شفتها بسرعه رحت لها
عبدالله : السلام عليكم
....؛ انت شني تريد مني عفيه رووح لا احد يشوفنا
عبدالله : شبيج اروح بس اريد اكلج اني احبج
...؛ روووح عفيه
عبد الله :اروح بس كليلي شني اسمج
...: فاطمه يله روح
عبد الله : ماشي ضحكت ورحت فطومه اسمه كل يوم نفس الروتين منا لمن خليتها تحبني
صارت تباوعلي وتضحك وكنما تريدني بقيت شهر وهم رحت لها حاجيتها وعرفت هي هم بدت تحبني كمت اروح من يمه واتقصد امشي يمها واروح هيج 😂
جنت احس نفسي طاير من الفرح هيج فرحان
وحتى امي مستغربه من تصرفاتي
جنت بس اضحك وأصفن جنت رأيدها حلالي رغم جنت ١٧ هيج. اني حبيتها بالرابع إعدادي بعدين سنه مرت يعني اني بالخامس وهي حبتني بقيت سنه هيج.
جانت تمشي وياها بنيه يعني خلال هاي السنتين
بنيه تمشي وياها صديقتها خلصت السنه
واني العطله كليتها ضايج اريد اشوفها
مرات ايام والأشهر وبده الدوام واني بالسادس إعدادي
بدايت الدوام اروح ماكوو
مالكاها مره أسبوعين ع بدايه الدوام وهي ماكوو.
هنااا حفت خوفه مو. طبيعيه حسيت اكو. شيء بكلبي
رحت وكفت وشفت صديقتها وياها بنيه غير فاطمه
رحت عليها
عبد الله : السلام عليكم اختي عادي احجي وياج
...: اي تفضل زينب روحي كدامي
عبد الله : تعرفين اني منو مووو
...: اي اعرف 😔 جانت فاطمه تحجي وياي
عبد الله : اي اني اريد اسئل ع فاطمه ليش مداوم واريد عنوانها
...: بعد مايفيدك عنوانها
عبد الله : ليش😳
...: موو هي زوجت واهلها بطلوها
عبد الله : نصدمت شني زوجت شوكت وشلون وهي موو تحبني
...؛ عبد الله لا تظلمها ابن عمها اخذها وهي رفضت وكامت تبجي بس غصبوها واني اعرف جنت لان اني حضرت زواجها وصتني اذا شفتك ع لسانها اني اسفه والله يرزقك بوحدة لي يتمناها كلبك
عبد الله : لهسة ما انسه هيج الحضه لي نصدمت بيها بحيث نزلت دمعتي كدام البنيه
...: عبد الله فاطمه موو من قسمتك انساها
عبد الله : ولج شني أنساها جا هي بالهينه تنسي رحت البنيه واني صدمه بيه كمت الوم ع نفسي ليش ما حاجيت امي رجعت لبيت وسديت الغرفه عليه وكمت ابجي بجي 😭 اي بجيت واحس كلبي يوجعني صدك نكسرت بوقتها حاولت امي وياي
ماكدرت بقيت أسبوعين بالغرفه
منا لمن امي راحت لعمي والجدي جابتهم واجت لان معرفت شني بيه حجو وياي رادو اني جنت ساكت ابد ما فتحت حلكي.
بس لي زاد المي. وزاد كسرة كلبي امي
جدي وعمي كالو امك ماتاكل وكامت تخربط وانت متريد بغرفتك
امي كامت تبجي وتلطم ع وجها هنا دست ع كلبي وضميت كسرة كلبي بداخلي خليتها بس اني لي اعرف شني داومت وجنت اقراء عمود أنساها
بس جذب خلال السنه ما غيرت الروتين كل يوميه اروح ع مدرستها وهي ماكووو
ويزيد خيبت املي واحس ينفتح جرحي وارجع ولبيت ولا كنما اكوو شيء نجحت وامي فرحت وكامت تهلهل
بعد مداومت لان ماكدر اعرف امي
شتغلت وياا عمامي وجمعت فلوس واخذت سيارة وكمت اشتغل تكسي بيها وراتب ابويه وخير من الله رتبت البيت
وأمي اكلت راسي سوكت تزوج وشوكت تزوج
واني ارفض وهي تزعل واراضيها
وهاي جانت قصتي
اليوم مثل كل يوم اطلع ع باب الله اخت كروه لناحية
ونزلتهم بالناحية فريت السيارة
واكوو ٢ ولد وبنيه وياهم
والولدكال. منطقه (..) يم الخرايب
كتله اصعد كال افتح الجنطه فتحتها وصعد فاس وكرك اني عادي عندي لان ناس فلح وهيج.
صعدو ومشت السيارة
اني بما انو سايق تكسي فجنت عندي خبرة بالناس لي تصعد
عدلت المرايه مالت السيارة
وصدفه صارت عيني بعين البنيه
حسيت اكوو سيء. رفعت عيني لكيته تباوع عليه وكنما تريدني اقراء عيونها
حسيت البنيه بيها شيء
الباوع ع الولد لي يمي ضايج وجها ما يكصه السيف
رجعت باوعت ع هذك نفس الشيء
مها :يربي شني اسوي عمود يحس صارت روحي بي اريد ينقذني احس كلبي يريد يوكف من كثر القلق والتوتر
جنت لابسه شال اسود وبي حاف بيضه اشرت بيدي بطرف الشال
عبد الله : رجعت باوعت شووو هاي تاشرلي بشالها حسيت تريد أنقذها ماعرف تقريباً وصلت جانت اكوو منطقه ترابيه نزلت بيها
طه : هاا خويه شوو منا نزلت
عبد الله : اي لان منا اقرب. بس مارح نروح لخرايب
طه : لا خويه ارجع ارجع حنا نروح لخرايب
عبد الله : خويه شيرجعني جا انت مو تريد منطقه (..)
لو لا
طه ؛ هااا اي أريدها
عبد الله : جاا ماعليك اني أوديك لها
طه : خويه اني صح اريد منطقه بس هي من جهت الخرايب
عبد الله : حسيت من الولد يريد الخرايب مو المنطقه لي كال عليها حسيت توتر
باوعت لولد لكاعد وراء حسيت متوتر أزيد ويهز رجله ومسح وجها
هنا طخت عندي هاي البنيه عدها مشكله ولولد مارتحيت لهم هيج كلبي حس
اباوع لبنيه بس ترفع عينه وتنزلها
عيونها مورمات هاي جانت تبجي
لا تنسون التصويت والتعليق 🥺😍
YOU ARE READING
نصيبي من القدر
Randomسيجلب لنا القدر ،وجوهاً تليق بنا ، تبقى معنا دائما . وتمنحنا جمال الحياة؛ ونمحو معها وجوه من رحلوا!!! القصه حقيقيه تابعوو الأحداث كاتبه نرجس_السعيدي
