بنت بمدرسة عيال |كاملة

حياة جديدة

الساعة ١١ م
ركبت سيارة الاجرى وهي تتفقد حقيبتها وهي تتأكد من كل شي
اغمضت عيونها وتكلمت بصوت هادي
"على المطار"
اللتقطت هاتفها من حقيبتها واتصلت على رقم صديقتها -لين-
: الو لين
لين بصوتها الهادي: هلا لولي اسمعي الاغراض اللي شريناها كلها معي حاليا بالمطار وانا انتظرك فينك انتي الحين؟
: انا بالسياره شوي واوصل

ضميتها وانا اودعها
لين وهي تحاول ماتبكي: ليان انتي متأكده من قرارك؟
تكلمت بصوتي الهادي وبحزم: ايوه لين لا تبكين
لين وهي تمسح دموعها اللي نزلو: ابشري خلينا على تواصل ولا تقطعيني ابدا.
ضميتها وانا كلي شكر لصاحبتي لين لولاها كان للحين عايشه بجحيم هي اختي وصاحبتي وكلشي لي
ابتسمت لها وقلت : ماابغا اتأخر باي

وقفت امام بوابة كبيرة
دخلتها وانا متوترة مره
ناظرني الحارس وبحزم وبصوت حاد: اسمك؟
تكلمت وانا احاول ماابين توتري: لي ااا اقصد قيس خالد الماجد.
ناظرني من فوق لتحت وكنه مو عاجبه
هه شفيه ذا
قاطع افكاري وهو يقول
:هويتك؟
عطيته هويتي المزوره اللي دبرتها لين لي لولاها كان ماقدرت اسوي شي
صح مخاطره مره اني اجي لمدرسة عيال داخلية بس ماكان عندي حل غير ذا.
رجع لي الهوية ودخلت المدرسه بخوف
كان فيه ساحه كبيرة وعلى اليمين فيه مطاعم وكافيهات واسواق
وعلى اليسار فيه مبنى كبير ومكتوب عليه
"مهجع الطلبة"
وعلى الامام
فيه مبنى كبير باللون الرمادي
مكون من ثمان طوابق
تنهدت تنهيده خفيفه
واكملت وجهتي
دخلت المبنى الامامي
وانا احس جميع الأنظار علي مع انه
قليل من الطلاب اللي يناظروني
بس مدري كان شعور
وقف بطريقي
ولد شعره بني وعيونه سودا وبشرته بيضه ويبتسم بوجهي
: تبغا مساعدة؟
ناظرته باستغراب منه وش يبي فيني وهل واضح شكلي اني ابي مساعده ولا هو يسأل كل الناس
تجاهلت افكاري ورديت وانا احاول اخشن صوتي : اي ابغا اعرف مكتب المدير وين
ناظرني وهو يضحك ويتكلم: تشبه البنات هه
ناظرته بحده وببرود
كمل كلامه وهو شكله خايف: امزح امزح
لف يمين وبتلقى مصعد خشه واطلع للدور الثامن.

وقفت امام باب كبير باللون الأبيض
دقيت الباب ودخلت
كان شخص بعمر الخمسين جالس على المكتب ويناظر الاوراق
رفع نظره لي وقال بصوت فيه حده شوي
:انت قيس خالد الماجد؟

: ايوه
قلت بصوت هادي وانا احاول مااتوتر

:فصلك اولى خامس
رقم غرفتك "305"
هزيت راسي وطلعت

وقفت امام باب غرفتي بهدوء مسكت المفتاح ابي افتحه الا
انفتح الباب من قبل شخص طوله متوسط شعره بني وعيونه بنيه وكان يسولف مع الشخص اللي جنبه
تنحيت عشان يعرف اني موجوده
ناظر للأسفل وحسسني اني قصيره مره
هو صح انه طولي ١٥٥ بس يعني هو طويل مره
تكلم بصوت وهو يتمسخر: سعود اللي معك خكري هه.
ناظرته من فوق لتحت وقبل لا اتكلم
قاطعني الشخص الثاني اللي معه: فيصل اترك الولد واضح اول يوم له.

: انكتم انت وهو.
قلتها ودخلت وانا احاول ماابين خوفي
ضحكو الثنين وطلعو

ناظرت الغرفه كان فيه صاله ومطبخ صغير وفيه غرفتين
والواضح وحده حمام ووحده غرفة نوم
دخلت الباب الاول
ولقيت غرفه متوسطة الحجم فيها سريرين وخزانة ملابس وفيها باب للحمام
ماكنت منتبها لأي شخص حولي كان كل تركيزي على الغرفة
كنت اناظرها باعجاب بس تقاطعت افكاري لما تكلم صوت حاد كان واضح من لهجته اني ماعجبته:
وش اسمك ؟.
ناظرته بتعجب كان جالس على السرير وشعره الاسود مغطي عيونه وواضح انه طويل وضخم وحلو.!
بس دقيقه وش الاسلوب ذا حاولت ماافكر كثير ورديت وانا احاول اخشن صوتي
:قيس خالد الماجد
ضحك بخفه وهو يستهزء: وش فيك كنك تقول اذاعة ماسألتك عن اسم عايلتك
بس عموما وانا سعود ماابغا تزعجني بالغرفه السرير الثاني بيكون لك والقسم اللي مافيه اغراض حط فيه ملابسك
وشنطك موجودة برا.
قلت بصوت هادي: اوك

صحيت على صوت ازعاج
صوت اشخاص يلعبون ويصارخون
قمت وانا معصبه وطلعت من الغرفة
وصارخت وقلت: اسسسسكتو ابي انام
وسكرت الباب بقوة ورجعت لسريري
لحضات صمت
قمت وانا مفزوعه وتوني استوعب وش سويت صارخت بوجه ناس معرفهم وباسلوب خايس وسكرت الباب
مسسكت راسي بفشله ورجعت انسدحت وانا احاول ارجع انام

-بخارج الغرفه-
كان فيصل وسعود يسولفون عن فلم
وشخصين ثانين يلعبون بليستيشن ويصارخون
قاطع لعبهم الصوت اللي خرج من الغرفة وهو يقول
"اسسسسكتو ابي انام"
واللي صدمهم اكثر لما تسكر الباب
ناظرو كلهم بنفس الوقت سعود
وقالو: مين ذا؟
سعود وهو منزعج من صوته: شريكي الجديد بالسكن
تكلم فيصل بضحك : الخكري
الشخص الثالث: شفيه يصارخ
فيصل: شكله كان نايم
ضحكو على شكله وكملو لعب