هاي انا اسمي ريماس في عمري30 سنة ومتزوجة وعندي توأم دوك نحكيلكم من لي كان عمري 17 سنة نهار قفلت 16 سنة كنت منعرف ندير والو ياربي نغسل ماعن ونسيق وكل يوم نصيب صياح وضرب من عند ماما يوم جديد كنت راقدة في امان الله ونحلم حتى تجيني ماما
ماما :نوضي يا وجه نحس قراناتك راهم بولادهم ونتي بيضة متعرفيش تقليها نوضي فيسع عندي هدرة معاك
ريماس: هني نضت هني واش كاين على صبح ربي
ماما:اسمعي دوك نتي هكا متعرفي تاشي قررت انا وباباك نبعثوك عند دار جدك وين كاين بنات خلالاتك وخوالك وبنات عمامك وعماتك وتدخلي وين راهم يقراو ومكانش نقاش ودوك شوي ويجي خالك يديك قشك واجد وكلش
ريماس انا تخلعت بقيت غي نسمع يعني نمشي بلا بيا بابا مستحيل يرجع في رايوا ياربي خرجت زوج كلمات :باهي وقتاش يجي؟
ماما:ساعة ويوصل
ريماس:باهي نوجد روحي
دار جدي دوك نفهمك جدي نتاع ماما تزوج جداتي نتاع بابا بعد ما ماتت جداتي وجدي نتاع بابا مات من الاستعمار ونها تزوجوا عاشو في واحد دار كبيرة كبيرة كبيرة مع مزرعتها واحصنتها مهما قلت مستحيل نوصفها وجاية بعيدة على مدينة وداير بيس مخصوص يسوقو خالي يوصلنا للمدرسة ويردنا وجدي جاب بنات عمي وعماتي وبنات خالي وخلاتي لي كيفي ميفيدو في شي يسكنوا عندو ولان جداتي واعرة تردك تولي شاطرة مليح وانا جات دوك دوري صراحة خايفة نمشي بصح واش فايدة بابا وماما ونعرفهم جامي يبدلوا راهم
ماما :ريماس جا خالك يلاه
هزيت صاكي ونزلت
ماما: تليفون بيسي طبلات ممنوع
ريماس:كيفاش
بابا:كلش يقعد هنا
حطيت بيسي وتليفون وطبلات فوق طابلة هزت ماما صاكي فتشاتوا نحات شارجور وكيتمان اصلا معندي مندير بيهم وصفاتو مليح وعطاتولي ودعتهم وخالي كان يسناني ركبت معاه
YOU ARE READING
ريماس
General Fictionسلام هدي اول كرونيك تحكي حكاية بنت اسمها ريماس من لي كان عمرها16 نتمنى قراءة ممتعة للجميع وبغيتكم تتفاعلوا وتقلولي اخطاء وتنصحوني #ريماس wafa
