وضاقت الأرض بي

البارت الثامن والثلاثون

#وضاقت_الأرض_بي

للكاتبة #لبنى_الموسوي

فرغت الغرفة من الكل
طب صهيب وعمة ورى وصتة علية وسدت الباب وراحت

ما رفعت راسي ولا باوعتلة
اجة گومني من ايدي ورفع وجهي علي
شكلة چان گالبها جد حتى ابتسامة ما شفت منة

بعدت نظري عنة صاح تنوعيلي
رجعت باوعتلة صفن بوجهي شوي وراها گال اظن هساع صار لازم نحچي

- بخصوص شني ؟!!

- كل شي
زواجنا البت الاتصلت اعليچ كلامچ ويا ابوي والطلابة الصارت بسببة

- لو عندك شي چان حچيتة گدام عمي بيومها مو هنا

- وياهو الگالچ ما حچيت !!!
حچيت هواي من گبل لا اخطبچ وآنه احچي

- يعني تقصد گلت العمي آنه احب بت غير هناء ومع ذالك جبرك عليه مو صح ؟!!

- اگعدي خلنة نحچي

- لا عوفني هيچ مرتاحة

- هناء لا تعاندين من اولها

حچاها وسحبني للچرباية
كعدني وراح جاب الطبلة خلاها گبالي مسافة وگعد عليها

- هاي البت موظفة وياي بالدوام
مطلقة وعدها ثنين جهال لا اهلها ولا رجلها ناس يخافون الله

هو شوفها الويل
خيانة ضرب مكسرات حتى جهالة ما سلموا من شرة لحد ما وصلت حدها ويا وطلبت الطلاگ

إما اهلها
من عرفوا بيها تريد تتطلگ گالولها تردين ترجعين الوحيدچ ما نگدر نستقبل الجهال وياچ عوفيهم يم ابوهم وردي

واكيد هي كـ اي ام رفضت هالشي
من هيچ تطلگت وباعت ذهبها اجرت بي بيت خاطر تعيش بي هي وفروخها

بس فترة وبدت تتعب
عبن صعبة اعلة الحرمة تاخذ دور الرجال
وتشيل مسؤولية بيت كامل وتصير الجهالها اب وام بذات الوكت

بدت تدور اعلة شغل خاطر تسند نفسها اعلي
فجأة تعرفت اعلة ذكر ما اگدر اگول عنة رجال عبن ما يستاهل هالچلمة

گلالها آنه راح اعينچ وبشهادتچ
بس اكيدن اكو مقابل الـ هالشي والمقابل هو اريدن منچ زواج بالسر

بالاول رفضت ورزلتة
وراها ردت لأهلها توسلت بيهم بلكي يدفعون الأيجار اعلة القليل خاطر يخففون عنها شوي من الحمل

بس مامش بشر منهم بگلبة رحمة
كلهم گالولها هذا اختيارچ وتتحملين ولون تشوفين روحچ مو حمل المسؤولية ردي جهالچ الرجلچ وتعاي الوحيدچ

رغم هالشي ما يأست
مشت الطليقها وطلبت منة ذات الطلب
واكيد هو هم حالة من حالهم صداها وحتى جهالة تبرة منهم

هنا هي ما ظلالها حل
انجبرت توافق اعلة طلب ذاك الذكر وتزوجتة بالسر بعد ما عينها ويانة بالشركة