وضاقت الأرض بي

البارت الرابع والثلاثون

#وضاقت_الأرض_بي

للكاتبة #لبنى_الموسوي

نص ساعة وهو ماكو
گلت انتظر يجوز جوعان وجاي ياكل لو يشوف اهلة
صارت الوحدة وما بين
اتصلت اكثر من خمس مكالمات مارد نغزني گلبي يا ربي شني السالفة هذا وين صار ؟!!!

طلعت بالصالة ما اعرف شني اسوي
تذكرت فاطمة
اتصلت بيها مكالمتين وهمينة ما ردت هنا آنه صدگ خفت بشكل ما ينوصف

ظليت ادگن عليهم لحد ما جزعت
ما تحملت ازود
مشيت الغرفة صهيب دگيت الباب وين يلا رد عبنة چان نايم

دخلت ايدينة على راسة وبالگوة مركز وياي
- ها خوية خيرچ
- اسفة صحيتك من نومتك
بس جاي احسن صاير شي مو زين وما عندي غيرك صهيب

فرك شعرة حيل وگام بـ أتجاهي
- شني گولي ريحان

- چنت احچي ويا ايوب وهو بدرب البستان
سديت الخط بين ما غسلت
ظليت ناطرة اتصالة اكثر من ساعة وما مبين رجعت دگيت اعلي ما يرد

- چان دگيتي اعلة فاطمة
- دگيت خوية دگيت مامش واحد يرد وهذا الخوفني

- انطري شوي
حچاها وراح سحب موبايلة من الميز

اتصلت على ايوب ما رد
رجع اتصل على اخوانة ذات الشي ما يردون
باوعلي بقلق وأستفهام ريحان اكيدن صاير شي ؟!!

- الله يستر خوية

طب للحمام غسل وجهه وسحب السويچ
راد يطلع كضيتة
- اجي وياك فدوة والله گلبي ما مرتاح كلش كلش

- خوية الوين ما تفهميني
- هو انت ماشي الدارهم وبالسيارة شني يصير اعليك لون تاخذني وياك

- يلا البسي بالعجل
ماشي اشغل السيارة البين ما تجين لا تعطليني

بس حچاها ركضت الغرفتي
لفيت الشال شلون ما چان ولبست العباية
مااخذت الجهاز
شمرتة ع السرير وطلعت أركض لگيت صخر بالسيارة ينطرني 

بس صعدت اتحركنا
وصلنا البيتهم الباب مفتوح على حيلة ؟!!
باوعت الصهيب خايفة خااالة صارلها شي لو ايوووب

- اعلة مهلچ خوية لا تترجين البلة گبل حدوثة
- وگف هنا وگف وصلنا

وگف السيارة نزلت أركض ما نطرتة
دخلت للبيت ارجف
سمعت صياحهم تارس المكان ما اگدر حتى اتخيل شني الصاير وياهم جوة

كل شي ولا خالة
صح مريضة بس ايوب واخوانة مالهم غيرها بهالدنيا

وصلت للصالة ما موجودين
باوعت الغرفة خالة مفتوحة ركضت بخوف
وهنا چانت الصدمة
خالة هي تدگ وتنوح وفاطمة الطايحة بحضن اخوها

جفلت بمكاني وبس عيوني التتحرك
اباوع عليهم شلون منهارين وآنه ما مستوعبة السالفة

شمالها فاطمة ؟!!
اكيدن متخربطة وطايحة اعليهم بس يااا ربي عليش هيچي ينوحون اليگول ميتلهم ميت