تلمس وجهها بيديه مرهش مأمن راها قدامو قلبو نبضات قلبو راح يخرجو هذا هو الحب لي جامي خمم فيه شوية و تفكر لميس و باباها و الهلاك اذا كان راح يهلك روحو نورمال كان راح يفسخ كلش المهم يكون مع ريبل بصح مراهش وحدو مراهش حاب يظلم ناس لي معاه اولهم صاحبو ناصر تنهد رفدها باش يديها للفراش دافي كثر رفدها و هي مكمشة فيه و لا علبالها راقدة بكل امان تأملها هادئة عكس كي تكون نايضة و شواطن يدورو بيها تبسم حطها فلفراش غطاها و راح للدوش غسل وجهو بدل حوايجو و قعد يخمم فحل مناسب . _________________________ ميرال:بونجووورنوو ريان:صباح نور يسرى:هاي معيطتلكش ريبل ميرال:نو لبارح عاودتلي قاتلي تجي مع صبح بيسك شتاا كانت دايرة حالة ريان:اووف لوكان كان خاطفها و لا يسرى:بعيد شر نوو ميرال:وينها شيراز ناضت بكري ول؟ملقيتهاش فلبيت يسرى:راها فصالو من الاحسن انك تشوفيها ههه راحت ميرال تجري لصالو لقات صالون حالتو حالة طابلة معمرة ورق و pc مفتوح و لورق مكرفصين و شيراز راقدة على طابلة حالة فمها و الشي لي صدم ميرال القهوة براس نتاع قهوة كامل شرباتو شيراز زعما باش تسهر و رقدت مع لخر ميرال:يا الله الطف بنا يا رب شيرااز شيراززو شيراز:اعععاع 578755 رقم السيارة 578999999 رقم المنزل ميرال:سمله الرحمان الرحيم ابنتي شيراز نوضتك برك شيراز:اووف راصي مقدرتش هذا وين غمضت عيني ميرال:اطلعي ترقدي لفوق تكرفصتي هنا. شيراز(ناضت من بلاصتها):الى العمل اولا ميرال: وشمن عمل نتي راح تموتي هناا شيراز(طاحت فوق الفوتاي على وجها) ميرال:ايي شيررراز سمعت شخيرر شيراز ايه العمل اولا صح عندك الحق ___________ ريبلpov: نضت قعدت نتكسل فبلاصتي نتبسم امبعد بديت نتفكر وين راني و وشمن بلاصة عاودت استرجعت قاع افكار تنهدت غسلت وجهي عاودت حكمت شعري غير هكا و هبطت بلعقل لقيتو قاعد فطابلة حاط راسو بين يديه حس بيا رفد راصو. فهد:صباح الخير ريبل:صباح نور فهد:اقعدي كاش ما تاكلي امبعد نديك اوماتلو براصي ريحت فوق طابلة عطالي قهوة كحلة ديالي كيما لي نحبها قعدت نخزر بالانكسار سكت مهدرت والو دارلي خبز بلفرماج و حطهولي و انا قاعدة متبعاتو بعينيا فجأة خزر فيا و انا باش منفتحوش مواضيع و نغيسو كثر و نتعمقو هدرت ريبل:اا حوايجي يكونو نشفو باش نلبسهم فهد:خليك بهذوما يدفوك خير و حوايجك لخرين اديهم معاك لبرد راه برا و نتي مكنتيش لابسة مليح على الاقل هذو دافيين ريبل:اوكي (هبطت راسها) فهد:نروحو ريبل:ايه خرجت من دار قبلها ريح خفيف جا فهد جابلها مونتو ديالو لبسهولها و هي تخزر فيه بلالم منكسر لزوج يحبو بعضهم بصح الحياة بعدتهم قرب ليها غلقلها المونتو حتى للفوق و دارلها لاكابيش نتاع مونتو ركبو فطونوبيل طريق كاملا و هو يخزرو فبعضهم بعض . _________________ شيرازpov:ليل كاملة و انا ساهرة كي الخفاش كاش منلقى دليل والو لقيت غير فضائح ديالو وسط العاهرات بصح كي كان صغير خلعني يعني مبانش عليه هكذا المهيم جبت صباح جات لحمارة نتاع ميرال خبطتني مفقتش حتى طحت فوق الفوتاي و دخلت فنوم عميق حتى نسمع دقدقدق لي يدقدقو على راصهم هذا الباب كاش نهار يطيروه هبطت نثاوب و صوت لبليغة لي لابستها دايرة حالة شفت من العين سحرية مكنتش نشوف مليح بيسك كنت راقدة مزالني فغيبوبةكأني ني نشوف فبطريق و لا فتحت لباب حتى تبانلي الاميرة المفقودة ديالنا شيراز:عشمن شافك عنقتني و طرطقت بالبكا جاتني صدمة معرفتش صدمة كي ريبل راها تبكي و لا كي عنقتني فجاة و انا مدوخة بادلتها و قررت لا للخدمة اليوم . _______________ ميرالpov:جوزت نهاري مع حب قلبي ياي و اخيرا بصح راني نتبع فاخبار عماد و عن علاج كيميائي لي راه يتابع فيه راني عايشة قصة غرام مع عمر مع الايام راني نطيح فيه كثر و كثر بعد ما كملنا الخدمة جا ناصر سقساني على ريبل قتلو راها مليحة حكمتها الحمة برك علا هذيك مجاتش شديت فمي هذي الخطرة . وصلني عمر لدار فتحت لباب لقيت ثلاثتهم مقابليني يسرى شيراز و ريان لي قاعد يخمم في حالة يرثى لها ميرال:غير الخير واش صرااا ريبببلل شيراز:راها فصالون يسرى:اششش راها راقدة مسكينة بكات بزاف ميرال:علاش؟؟كاش مدارلهااااا ريان:هاااا البارح كي كنت مقلق واش قلتولي اه انا لي ندير على هدرتكم و قلت خليها هااه ميرال:يسرى انطقي يسرى:معلبليش كي جينا لقيناها معنقة شيراز و تبكي امبعد ريان عنقها حتى رقدت ميرال:كاش ما قاتلك شيراز؟؟؟ شيراز: قاتلي قلبي راه يوجع برك و كانت تبكي ميرال:اوف استغفر الله _________________________ ناصر:نلغيو شراكة علاش!!! فهد:ثيق فيا تثيق فصاحبك و لا لا ناصر:ايه نثيق فيك فهد:عندنا هذ الحل نلغيو الشراكة مع بعض و مع ناس لي نوثقو فيهم باش ميديش خالد واش راه حاب و حاب نستفسر على عفسة تان ناصر:اوكي و لميس؟؟؟ فهد:كي هو كي بنتو لمهم تسلك شركة ديالك و شوية الاسهم ديالي اذا بغا يدي بالاسهم بشركة قاع بربح يخطيني برك . خرج فهد من لبيرو و خلا ناصر قاعد يخمم فعفسا بعيدة على شراكة صح عجباتو ريبل بصح ماشي حب و لا كاش حاجة لبارح عقل مليح و فاق بلي ميحبهاش اعجاب برك بيسك طفلة شابة عاقلة مربية جذابة فيها صفات فتاة مثالية و هو عقلو مخلط تنهد من تخمام و الهم و خرج ملبيرو هو تان . _____________ ريبل pov: نتفكر بعد مركبنا فطونوبيل كان جايبني لدار طريق كاملة و حنا ساكتين مرة على مرة نرمي عينيا فيه و هو تان حسيت بيه لثاني مرة فهمت بلي انا معنديش زهر مع لاموغ و قصص الحب حبيت نكمل معاه حياتي قعدت نخزر فيه و نخمم و رحت بتخمامي للبعيد زعما نتزوجو و نجيبو ذراري يا سلام ما فقت غير على صوتو و هو يقولي رانا وصلنا حسيت قلبي تزير راني حابة نعنقو راني حابة نريح هنا معاه منخطيهش حكمتني البكية و كأنو هو قرا افكاري جبدني ليه حسيت بشواربو تحطو على شواربي ممنعتوش هذيك القبلة ما طولتش بزاف بعد ماباسلي راصي و عنقني هنا طاحولي دموعي و لي زاد وجعني كثر كي قالي تهلاي فروحك .محسيتش حتى هبطت نجري و نطبطب فلباب اول ما فتحتلي شيراز الباب تعيط و تندب سبقتها بتعناق عنقتها و نبكي بكيتت راني محتاجة هذا الحضن راني محتاجاتو بزاف ريبل:شيراز قلبييي راه يوجع اهاهاهاها راه يوجع هناا فطنت بعد ما غفيت على كتف صحبتي او اصح اني نقول اختي نضت من بلاصتي لقيتهم قاعدين فلكولوار خزرو فيا بين 4. ______________ ميرال:درك كيفاش و واشنو هو الحل شيراز:كاين حل وحيد يسرى:اووف ريان:حبسو حبسو لازم نخرجوها من المأسات امبعد نشفو الحل ميرال: استنا نلقاو واش نديرو امبعد ساهل ريان:و واش هو الحل في رايك ريبل(نطقت ): نلمو قشنا و نولو لدزاير خزرو فيها بين 4 ميرال(جات تجري عنقت ريبل تبعها ريان و يسرى):قلقتينا عليك صفاا ريبل:صفا خرجوني نحوس شويا ني مخنوقة )خزرو قاع فبعضهم البعض) ريان:هه اياعندكم عشر دقايق في يدكم نلقاكم واجدين شيراز:هياا بنا طلععوو يجرو يبدلوو شيرازpov: طلعت بدلت حويجي و قررت مور تحويسة نروح نتلاقا بحميد و هذا قرار نهائي لبارح ملقيت والووو بعد ما نطمأن على ريبل نروح . درك نفرغ وقتي لصحبتي و فنفس لوقت نخمم فكلمة لي قالتها نولو لدزاير زعما راح يجي لوقت لي نروحو فيه منولوش لترك الى الابد ميرال: شييراز وشبيك قاعدة غايسة كي لمرة لي عندها 40 طفل واش بيك شيراز:خلعتيني هجالة تفوو يسرى:واش مزالكم ديرو درك يبدل رايوو ريان خويا و نعرفو ريبل:ليوم فخاطري مراحش يبدل رايووو _________________________ فهد:كيفاش ؟؟؟؟ كيفاش هذي منقدروش نلغيو الاتفاق ناصر: و الله ما فهمت يا فهد هذا خالد راه دايرك نتا و شركة فبالوو محامي:سي فهد للاسف منقدرو نديرو والوو فهد:لازم يكون حل لازم ناصر:اتهدن اتهدن راح يكون ان شاء الله فهد:ان شاء الله تفتح لباب و دخلت لميس لميس:بيبي فهد خزر فيها ركبيها فشلو ناض و خلاها . ____________ ميرالpov: جوزنا نهار شباب شفنا الابتسامة فوجه ريبل و اخيرااا ضحكنا لعبنا رحنا مع لول للبحر تغدينا لتم امبعد دانا ريان نتسوقووو يا سلام شرانا حوايج على ذوقوو امبعد رحنا لل parc لعبنااا تفكرنا طفولتنا من جديد ريبل مسكينة طاحت فالحب الحب لكلمة لي حياتها قاع تخاف منها تخاف ما بعد الحب بيسك حبت من قبل و تعرضت للخيانة ريان:نحطك هنا شيراز شيراز:وي تعيش . ايا العشيرة نتلقاو عشية شيرازpov: اول محطيت رجلي فلمخفر رحت نجري شرطي:مدموزال شيراز كيفاش حبيتيني نعونك شيراز:معتقل حميد لي حكمتوه لبارح مزالو منقلتوهش من لحبس هذا شرطي:ايه مزالوو واش تحبي نجيبهولك شيراز:وي مدابيك شرطي:دقيقة مدام شرطي2:مدموزال شيراز خرج قرار محاكمة ديال سي حميد كنا راح نبعثولك لبرية للبيرو ديالك مي راكي هنا شيراز:ميهمش ميغسي فتحت لبرية لقيت محاكمة بقالها 5 ايام شرطي:تفظلي مداموزال شيراز:ميغسي دخلت داخل و غلقت لباب لقات حميد يخزر ليها بنظرة مكر حميد:اووو شكون ولا عندنا محامية ديالنا شيراز:منكثرش معاك لهدرة واش كنت تمعني ذاك نهار حميد: اما نهار؟؟ شيراز:متهبلنيش نهار كي دخل اياد و نتا حبست هدرة حميد:تتتتت نظن انو راح يكون اتفاق قبل بيناتنا شيراز:ختك ماشي حميد:منعرف والو شيراز: متلعبش بالنار تحرقك و تحرق قاع لي معاك حميد:مكيش خايفة لوكان يفيق بلي راكي تحوسي موراه و واش يدير فيك شيراز:مثلااا واش راح يدير ديجا نتا لي لازم تخاف ماشي انا حميد :هههه علاش(بالاستهزاء) شيراز:راك تاكل مليح هنا حميد(خزر بخزرة نتاع مفهمتش واش راكي تخلطي):بنينة ماكلة هنا صح ماشي فخمة كيما العادة بصح معليش علاش شيراز:سمعت بلي طباسة راك تلحسهم لحيس حميد:وحد البنةة (بالاستهزاء) و بنتها هاايلةة شيراز:هههههه اذا جابولك ماكلة و بديت تاكل و حصلتلك كاش نهار اعرف بلي هذاك سم دارهولك ماشي خبز حصلك و فليل ماشي كي تكون مور لحديد معناها حتى واحد ماراح يتوشيك و راح ترقد هاني نووووو بلاك كاش واحد راح يكون عندو دوبل بلاك يجي واحد يقتلوك هنا قبل ما تتحاكم متنساش تان انا لي راح نقدم ادلة ضدك نهار محاكمة ديالك اذا قعدت عايش حميد:كيفااش شيراز:كيما سمعت ايا الى الملتقى ان شاء الله يا رب اذا تلقينا بربي ان شاء الله حميد(بدا يفهم بلي اياد هذاك قادر يدير كلش مدام كلف محامية من دزاير باش ميلقاهاش و ميحاصرهاش و ميقتلهاش باش تحطو فلمحاكمة و تهاجمو بالادلة لي هي فصح خرطي نتاع اياد و خدايمو) نطق حميد :ف 2015 خرجت اشاعة على سي اياد و باباه و وزارة و صرات حكاية عاودي قرايها مليح و عندك يوم 25 ديسمبر هذا نهار بذات رجلك فرجل اياد بلا مايفيق و لتم راح تفهمي بزاف هذا منقدر نعاونك شيراز:هذا بزاف يكفي فلمقابل نظمنلك حتى واحد ميمسك و لا يدنا ليك فلحبس خرجت و خلاتوو ولات للدار بأقصى سرعة لقاتهم مزال ما رجعوش لدار طلعت تجري تحوس على لورق نتاع البارح لي كانت تكتب فيهم و هي مكانتش جايبة خبر نعاس غلبها فتحت عينيها ملخلعة راحت للبيسي تحوس و تحوس كثر شيراز:اه منيش مأمنة (بداو عينيها يلمعو بلبكا) 2015تم القبض على اياد فتاح اوغلو ابن الوزير الاول التركي فتاح اغلوو بتهمة تجارة في المخدرات و هذا يوم 15 جويلية 2015 علنو بلي اشاعة مكاش منها نوووو منيش مأمنة 03 سبتمبر محاكمة الاولى و التي حكمو عليه بلبراءة يعني اشاعة كيما كان يقول حميد اا واشنو زعما صح يكون نو كذبة ايه قالي حميد 25 ديسمبر زعماا واش راح يسرق و لا واش اتت وقتاش طيح 25 اععععع يوم قبل محاكمة اه ربي نو ان شاء الله ميكونش صح نووو _____________________ قاعد فلبالكو يتكيف حتى صونالو تيليفون فهد:الووو ... ايه انا هو (فتح عينيه )... اه ... اوكي .. غدوا نكون عندك (رما دخان من يدو) راح يجري يعيط لناصر ناصر:وي فهد خو فهد:ناصر قول للامية توجدلي بيي واحد للبلاصة وحدا للماريكان فاول رحلة من درجة الاولى ناصر:غير لخير اصاحبي مالك كاش ما صرا فهد: والو كي نولي نحكيلك ناصر :اوكيي(غلق في وجهو قبل ما يكمل الكلمة) طيطيط ناصر خزر فتيليفون بتعجب _________________ ميرال:واو كان افضل يوم في العالم يسرى:اناا راني ميتةةة بلعيا نطلع نرقد اييي شيراز وقتاش وليتي شيراز(قفزت كي شافتهم مكانش جايبة خبر):اا وليت عييت برك هذا مكان ريبل:يلا تصبحو بخير ريان:انا تان عييت بونوي طلعو كل واحد لبيتو ريبل:جيت لبلاصتي ميرال:هههه راهي ترحب بيك هههه ريبل:(هدات شوية خير من لول):شيراز واش بيك ناضت شيراز تحكيلهم ميرال:نوو بلاكي لوكان راه يكذذب شيراز:مراهش يكذب عمبالي ريبل:لمهم متروحيش وحدك نتي ادي معاك لابوليس شيراز: و نتي محكيتيلناش احكي ريبل:اوف(حكاتلهم) ميرال:معليش ريبل معليش ربي يفرجها ان شاء الله ريبل كانت رايحة للفراش رمات عينها بصدفة من تاقة لقات راجل واقف مقابل تاقتهم ريبل:سمله الرحمان الرحيم ميرال:واش بيك ريبل:هذاك شكون لي راه واقف فطريق مقابل تاقة شيراز:بعدي تشوووو هكا ميرال:وري نشوفوو شيراز:مراهش يبان مليح شتا و رعدة راها دايرة حالة ريبل:زعما يكون كاش قاتل مييرال:يا ماما شيراز:نووو هذا كاش عاشق ولهان ريبل:نووو فهد هذا واش راه يدير لتم ميرال: اووو شيراز:هاا شرفي روميوو راه لتحت ميرال:راه كيما شاروخان ريبل: لا ره كيما عثمان عليوات اغلقي اغلقي امشيي شيراز و ميرال:متهبطيش ليه ؟؟؟ ريبل:نوووو ميرال:حبيب القلب ريبل:نجي ليك نفورماطيك ميرال:اوكي اوكي شيراز: اووف خلاص ارقدو ارقدو را ني عيانة غدواا و نشوفو حطت ريبل مخدة فوسط ميرال و شيراز و رقدوو فهد من لبعيد واقف داير يدو فجيوبو و شتا طيح عليه شمخاتو فهد:نحبك ريبل و راح نقعد نحبك استنايني راني مولي طلع فطنوبيلتو و ديمارا للمطار _________________ .....: 24ديسمبر راك واجد و كلش راه فبلاصتو اياد:راني واجد لكلش ههههههههه
___________________ يتبع ...
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
