أنتقام للعشق

البارت الثاني و العشرون

كملت كلامي: اني يا خوفي تروح هناك وتظل
بس ترقم بلبنات وتالي اتفشل من وراك ..

باوعله شاهر و كال : غيث انجب وعوف هاي
السوالف والله لو سامع مسووي شي او اكلك
ابقه انت و خل ليث ياخذها ..

طبك حاجبه غيث وكال : شنو شايفيني جاهل
وهيج تحجون وياي مالكم دخل بيه حياتي
واني حر بيها ماطول ما متجاوز وي احد ..

كاله شاهر : والبنات ماتخاف من الله
ولك لا يجي يوم وهم يجي واحد و يسوي
وي عرضنه هيج ..

حجه بأنزعاج غيث : اني مالي دخل هنا
شامرات نفسهن وهنا قابلات قابل اني جابرهن
تعالن انطني رقمجن بس شافن مني ضحكه
قبلن..

باوعلي وكال : يلا تمشين لو شلون ..

شفته ضااج كتله : يلا خل نمشي ..

مشيت وقبل لا اروح باوعت على شاهر
بس هو ماداير بال ..

رحت وي غيث صعدت كدام يمه هو باوعلي
وخزرني وماحجه اي شي ..

شفت موبايل بلسيارة كتله : غيث هذا المن
الموبايل !؟

: الي

: شو ما شايفته عندك ..

باوعلي وكال : هذا الموبايل لصديقاتي
ماريدهن يزعجني فا انطيهن رقمي الثاني واكثر
شي شامره هناااا ..

ابتسمت وكتله : الله عليك خل اشوف ارقامهن
شمسجلهن ..

انطاني الموبايل وفتح الرمز رحت للمكالمات
لكيت الاسامي سارة واحد وسارة ثنين وفطوم
وبنااات هم مسجلهن على محافظاتهن
خرب يومك غيث حتى محافظات عندك ..

ومسجل المزيونة باوعتله: شنو هاي مسمي مزيونة

ضحك : هاااي تخبل ومن اشوف هذا الاسم
اتذكر شكله ..

اتصل موبايله جان مكتوب الغثيثة
كتله هو شفته ماعجبه كال : اهوو دخيلك ربي
والله لزكه مية مره كتله ماريده..

كتله : غيث غلط الي تسويه وحرام تكسر
كلوبهن ترى كما تدين تدان وبعدين هم ينكسر كلبك
مثل ما تسوي هيج وياهن ..

هز راسه وهو سااكت شغل اغنية هادئة
اول مره غيث هيج هادئ و ساكت
كتله : غيث شبيك شو جنك ضايج !؟

كال بهدووء و هو يباوع لطريق :
جمارة..

رفعت حاجبي بأستغراب: شنوو

انتبه على نفسه و كال :هيج ماكو شي
يلا راح نوصل ..

سكتت ماحجيت شي بس بقيت افكر
بلي حجااه ليش جاب اسم جمارة بشنو يفكر
غيث ..

وصلنه للمجمع نزلنه اني ويااه ضلينه نفتر
و ادخل على محلات ما يعجبني شي و غيث ويايه
ماحجه شي بس انتبهت عليه ابد ما باوع على وحده
ولا ابتسم عكس غير مره ...